Utval: | Eldrerådet |
---|---|
Dato: | 09.09.2022 10:00 - 12:15 |
Møtestad: | Kommunehuset |
Status: | Vedtak er påført møtet |
Sakskart: | |
Møteprotokoll: |
Innkalling og sakliste vert godkjend
Innkallinga og saksliste vart godkjent med tilføying om to ekstrasaker.
- Eldrefesten 2022
- Masfjorden frivilligsentral - etablering og vedtekter
Assisterande rådmann Sveinung Toft orienterte om tannhelsetenestene for eldre og sjuke i Masfjorden kommune. I samband med denne orienteringa møtte også fagleiar for Masfjorden bu og aktivitetssenter Hildegunn Bjånes, som kunne fortelja korleis desse tenestene vert organisert i heimesjuketenesta.
Eldrerådet tok oreinteriga til vitring.
Møtebok vert godkjend.
Framlegg til vedtak vart samrøystes vedteke
Eldrerådet vedtek samrøystes at Eldreprisen for 2022 skal delast mellom Magne Andvik og Knut Nordland.
Framlegg til Eldreprisen 2022 frå Masfjordnes penjonistlag:
Styret i Masfjordnes pensjonistlag vart oppmoda til å koma med framlegg til kandidat til eldreprisen.
I statuttane heiter det:
"Prisvinnar må ha gjort ein prisverdg innsats særleg som pensjonist mellom og for pensjonistar, med andre ord ein kvardagshelt."
Vi har gått gjennom aktuelle kandidatar etter beste skjønn. Det er mange både yngre og eldre som kunne fortena ei påskjøning for innsats for dei eldre i kommunen. Men denne gongen vel vi å leggja særleg vekt på
Å heidra kvardagsheltane som ikkje har ein fagleg bakgrunn som sitt engasjement, men alltid møter fram og stiller opp med det som trengs av praktisk hjelp, godt humør og skaper eit godt miljø i laget.
Å heidra nokon av dei eldste eldre som framleis er framleis aktive med innsats for og mellom pensjonistar.
Å heidra nokon som har delteke og arbeidd aktivt som medlemmer og i styret i pensjonistlag.
Styret i Masfjordnes pensjonistlag nominerer i år Magne Andvik og Knut Nordland til å dela eldreprisen for 2022.
Grunngjeving:
Begge desse heidersmennene fylte 90 år sommaren 2022. Dei utmerkar seg med å ha vore svært engasjerte og aktive i pensjonistlaget på Sørsida. Dei har også alltid støtta opp om og møtt fram på felles tilstellingar for seniorgruppa i kommunen vår. Dei er alltid med, er positive, støttande, kunnskapsrike og har godt humør!
Begge har vore/er viktige sjåførar for eldre utan bil og førarkort, slik at dei kan delta i arrangementa for pensjonistar og andre seniorar.
Begge har alltid vore med i planlegging, praktisk arbeid, tilrigging, rydding og oppvask etter aktivitetar for eldre.
Magne har vore varamedlem, styremedlem og økonomiansvarleg i Masfjordnes pensjonistlag frå tidleg på 2000-talet heilt fram til 2022, då han sa frå seg attval.
Knut har mellom anna lagt tilhøva godt til rette for fysisk aktivitet for eldre, ved å snikra kvilebenker langs vegane i Andvikgrend.
Vi meiner dei på alle vis fortener ein pris for det dei er og det dei bidrar med i pensjonistmiljøet i kommunen vår.
Eldrerådet drøfta saka og vedtok samrøystes å følgja tilrådinga frå Masfjordnes pensjonistlag om at Eldreprisen for 2022 skal tildelast både Magne Andvik og Knut Nordland.
Referatsaker vert tekne til orientering med merknad om saker som bør følgjast opp:
1. Det vart stilt spørsmål om fastlegemangel i Masfjorden kommune, og ønskje om å få meir orientering om dette på neste møte.
2. Spørsmål om administrasjonen har vurdert å publisere meir saker, t.d. tilsettingar med vidare.
Referatsaker vert tekne til orientering med merknad om saker som bør følgjast opp:
1. Det vart stilt spørsmål om fastlegemangel i Masfjorden kommune, og ønskje om å få meir orientering om dette på neste møte.
2. Spørsmål om administrasjonen har vurdert å publisere meir saker, t.d. tilsettingar med vidare.
Eldrerådet drøfta saka, og støtter framlegget gjort i formannskapet
Vedtaket gjort i formannskapet samrøystes den 29.08.2022 i sak 082/2022 vart referert. Der står det:
Masfjorden kommune overtek drifta av Masfjorden frivilligsentral frå og med 1.1.2023.
Det vert oppretta 100% stilling som frivilligkoordinator frå 1.1.2023.
Vedtekter for Masfjorden frivilligsentral vert vedtekne slik dei ligg føre.
Protokollmerknad:
Torill Torsvik Strøkersen ba om det kom sak ang frivilligpolitikk og etablering av BUA i løpet av første driftsår.
Eldrerådet drøfta saka, og støtter framlegget gjot i formannskapet.
Politikar | Parti | Medlemstype | E-Post |
---|---|---|---|
Karstein Totland | Høgre | Ordførar | karstein.totland@masfjorden.kommune.no |
Ivar Haukeland | Medlem | ivarhaukeland@hotmail.com | |
Helga Hodne | Medlem | helga.hodne@gmail.com | |
Britt Inger Myhr | Arbeiderpartiet | Medlem | britt.inger.myhr@masfjorden.kommune.no |
Inger Jåstad | Kristeleg folkeparti | Medlem | inger.jastad@gmail.com |