Møte i Kommunestyret den 24.06.2019

Behandling

Det vart sett framlegg om Astrid Daae (H) og Bjørn Egil Nordland (Ap) til å skrive under møteboka.

Rådmannen bad om at det vart lagt til to saker til innkallinga.

• Lærlingar - samarbeidsavtale og rammetal for tal læringar

• Rammer for årsbudsjett 2020 & økonomiplaln for 2020 - 2023

Framlegg til vedtak vart samrøystes vedteke.

Behandling

Framlegg til vedtak vart samrøystes vedteke.

Vedtak

Masfjorden kommunestyre kjem med dette med fråsegn til NVE sitt forslag til nasjonal ramme for vindkraft på land, slik den er vist i NVE rapport dagsett 1. april 2019.

NVE har i sitt framlegg peikt ut 13 område som vert definert som mest eigna områda for vindkraft, og på side 164 i rapporten er midtre del av område 18 med namnet Nordhordland og Gulen kome med.

Masfjorden kommune gjev følgjande uttale:

1. Masfjorden kommune seier nei til å ha vindkraft i Nordhordland og Gulen, og ber om at OED tek heile område 18 ut av endeleg rammeplan.

3. Masfjorden kommune kjem ikkje til å dispensere frå arealdelen til kommuneplanen ved ein eventuell konsesjonsøknad.

Kommunestyret er sterkt usamd i at området i Masfjorden og Gulen er lite konfliktfullt. Dette området er ikkje godt eigna til vindkraftutbygging, med følgjande grunngjeving:

• Naturen som ikkje er utbygd eller lite utbygd i Masfjorden, er av så stor lokal, regional og nasjonal verdi for friluftsliv og reiseliv, at den ikkje bør byggjast ut til vindkraftformål. Her må spesielt Fjonfjella vest for Romarheimsdalen, Stordalen/ Kringla – området, og fjellområdet vest for Ynnesdalsvassdraget; Myrdalen, utmarka til Tangedalen og Rambjørg nemnast. Resten av området er mjuke og harde eksklusjonar og ikkje eigna for utbygging. Masfjorden har med det ingen restområder igjen som kan regulerast til vindkraftutbygging. Det vert vist til vedlagt kart, samt presentasjon vist på innspelsmøte på Flesland 23.05.19

• Topografien i Masfjorden er svært kupert og ikkje eigna til å etablere vegar og oppstillingsplassar for vindmøller i store deler av dette arealet. Inngrepa i landskap vil verte for store. Masser frå store utsprengingar og tunnelinngrep, samt store skjæringar vil medføra store landskapsendringar.

• Kommunen har nyleg vedteke ein kommuneplan som ikkje opnar for vindkraft, der mesteparten av fjell- og utmarksområda er lagt ut til LNF-område.

  For lokalbefolkninga er utmarka ein ressurs i friluftssamanheng og grunnlag for ivaretaking av folkehelsa, noko som statistikken til fjelltrimmen og idrettslaga i kommunen med meir syner med svært mange brukarar. Det vert vist til rapport/kart av juni 2019: «Kartlegging og verdsetting av friluftsområde i Masfjorden kommune.»

• Det føreslåtte området ligg nært opp til det folkerike området i og ved Bergen og omland, og det er difor svært mange brukarar av våre fjell- og utmarksområde.
  

• I det nyutnemde Biosfæreområdet i Nordhordland (det einaste i Norge) skal lokal forankring vera sentral for forvaltninga, og det vil vera eit brot på dette prinsippet om ein gjennom energilova køyrer over den lokale motstanden mot vindkraft i Nordhordland og Gulen, som er i klart fleirtal i kommunestyra i både Masfjorden, Gulen og Lindås kommune.

• Artsmangfaldet, knytt til naturtypar, fugl og vilt er stort innanfor området, som ligg i ein fjell, kyst- og fjordregion med mange ulike biotopar og der eit mangfald av naturtypar er veldokumentert. Det vert vist til vedlagde MVA – rapport 3/2003 Naturtypar i Masfjorden og MVA rapport 10/2003 Viltet i Masfjorden.Eigen rapport «Vurdering av sårbare fuglearter i NVE vindkraftområde 18 – Masfjorden og Gulen kommune – fase 1» er under utarbeiding og vil verta ettersendt. Det vert vist til naturmangfaldslova om samla belastning.
  

• Landskapet med Sognefjorden i nord, og Masfjorden og Fensfjorden i sør og vest er unikt, og topografien er krevjande og eksponering i fjordlandskapet og i terrenget vil verta svært stor om det kjem vindkraft i desse områda. Sognefjorden er innseglinga til verdsarven vår ”Vestnorsk fjordlandskap», i Nærøyfjorden.

• Det er mange kulturlandskap og kulturminne av stølsmiljø, både i Stordalen, Matresfjella, Fjonfjella, og i influensområdet til Ynnesdalsvassdraget, som vil verta øydelagt av ei vindkraftutbygging. Stølsmiljøa har stor verdi som kulturminne og er godt ivaretekne. Det vert vist til kulturminnelova.

• Bjørn West historia knytt til denne delen av Nordhordland har stor historisk verdi og av nasjonal interesse. Mange minner er knytt til kampane som skjedde i fjellområda rundt Stordalen, Kringlebotn og i Matresfjella under den 2 verdskrigen. Det siste slaget/kampane under den 2. verdskrigen i Nord-Europa var i desse fjellområda. (Klavefjellet m fl.) Til minne om motstandsgruppa Bjørn West, deira falne og deira sin innsats i desse fjella vart det i 1983 oppretta ein turmarsj. Denne marsjen har seinare gått årleg i Bjørn West sine fotspor med opp mot 800 deltakarar. Bjørn West historia vert i dag og formidla på Matre gjennom Bjørn West museet.
  

• Friluftslivskartlegginga som er gjort (sjå vedlegg), dokumenter at fjell- og kystområda i både Masfjorden, Gulen, Høyanger, og Lindås har store friluftsinteresser knytt til seg. Stordalen er ein sentral inngangsport til Stølsheimen, med merka DNT-turstiar til Vardadalsbu, Nordalshytta, Skavlabu, og Fjellvassbu. Sentralt i Fjonfjella/ Masfjordfjella ligg Kalvedalshytta, alle turlagshyttene høyrer til Nordhordland Turlag/ Bergen og Hordaland Turlag. Det vert lagt ved turkart som dokumenterer dette.

• Utøving av jakt, fiske, og naturbasert reiseliv i Nordhordland og i Sogn vil i stor grad verte sterkt påverka. Nautesund camping, Stordalen fjellstove, Stordalen skisenter, leirskulen i Dyrkolbotn, lakse- og sjøaureførande vassdrag, samt over 300 hytter/ hyttetomter berre i Stordalen viser at både fjell og kystområda i Masfjorden og Gulen har stor verdi for mange brukarar og næringsinteresser.

• Særskilt områda rundt Stordalen og Verkland er av stor lokal- og regional verdi for skiutfart, og er i stor utstrekning nytta av lokalbefolkninga i Masfjorden og Gulen, samt tilreisande frå Nordhordland og frå Bergensområdet. Eit landskap med vindmøller vil øydeleggje dette med både støy, visuell landskapsoppleving og risiko for iskasting.

• Fleire intakte kultur og naturlandskap av høg verdi ligg innanfor det føreslåtte området Nordhordland og Gulen. Ein vil her spesielt vise til kartlegginga av inngrepsfrie naturområde (INON), samt verneplan for vassdrag og fleire naturreservat i dei ytre områda. Dei to verna vassdraga er Ynnesdalsvassdraget og Eikefetvassdraget (sjå kart).
  

• Miljødirektoratet har i brev/ rapport til Klima- og Miljøverndepartementet dagsett mai 2019, føreslått i kategori nasjonalpark, at cirka 129 km2 av fjellområdet sør i Masfjorden (Fjonfjella) vert verna. Dette området kan då inngå i ein framtidig ny nasjonalparkplan i følgje Miljødirektoratet.Fjonfjellautgjer det største inngrepsfrie naturområdet i ytre deler av Hordaland.

Den samla Kraftutbygginga i Masfjorden er svært stor. Mange vassdrag er regulert, høgspentlinjer og transformatorstasjonar er bygd. Det er nettopp bygd ny 420 kV-linje frå Modalen til Mongstad. Vindkraft vil medføra store naturinngrep og bruk av store kjøretøy/maskinar både i utbyggingsfasen og ved vedlikehald i etterkant.

I kommunane Masfjorden og Gulen betyr det mykje for bukvaliteten og for folkehelsa, at det er god tilgang på stille og fredelege naturområde utan inngrep og tekniske installasjonar. Denne viktige livskvaliteten vil verta forringa i vesentleg grad om det kjem vindkraftutbygging i område 18. Kommunestyret ber om at OED merkar seg innhaldet i vedlagde brev sendt frå kommunen til NVE den 11.10.2018, som i klartekst skildrar våre område nærmare, og at dette faktagrunnlaget vert vektlagt tyngre i det vidare arbeidet med nasjonal rammeplan.

Vidare er det ein kjensgjerning at innbyggjarar våre nyttar fjell og naturområda svært mykje til rekreasjon , jakt og fiske, og at område 18 vert svært mykje nytta av tilreisande frå nabokommunane Lindås, Austrheim, Gulen, Meland, Radøy og Bergen. Områda som høyrer til område Nordhordland og Gulen i planen har difor stor verdi både som område for dagsturar, og for lengre fjellturar for svært mange innbyggjarar i regionen Vestland.

Masfjorden kommune er kritisk til prosessen med utarbeiding av den nasjonale rammeplanen for vindkraft på land. Høyringa i okt. 2018 vart i svært liten grad tatt omsyn til, og NVE la vekt på nasjonale og nokre regionale verdivurderingar. Masfjorden kommune krev at det lokaldemokratiske høyringsinnspelet vert tungt vektlagt i det vidare arbeidet.

Avslutningsvis vil kommunestyret i Masfjorden gje til kjenne at ein støttar ekskluderinga av alle områda som er gjort i den nasjonale rammeplanen i Nordhordland og Gulen innanfor analyseområde 18, og at ein meiner at desse eksklusjonane er godt grunngjeve. Vidare meiner kommunestyret at også alle restområda burde vore ekskludert, sidan topografien i våre område er krevjande med mykje ulendt terreng, og fordi dei ikkje ekskluderte områda er svært avgrensa i storleik. Det betyr at for dei fleste av dei attverande område, vil vindkraftutbygging medføra store inngrep i høve til mengde kraftproduksjon området kan gje.

Konklusjon:

Masfjorden har bidrege med store kraftutbyggingar i desse fjellområda. Likevel ligg der ein god del urørd natur att. Denne vil i stor grad bli utbygd og øydelagd med den føreslåtte vindkraftutbygginga. Ein snakkar då om industriområder i den vakre fjellheimen vår.

Dei storekultur,natur- og friluftsverdiane er av stor betydning for livskvaliteten for innbyggjarane i Masfjorden, samt viktige bruksinteresser knytt til busetnad, reiseliv, drikkevatn, jakt og fiske med vidare vil medføra svært store konfliktar om ikkje rammeplanen for vindkraft vert endra.

Kommunestyret forventar at OED lyttar til vår fråsegn, og tek ut heile område 18 Nordhordland og Gulen av rammeplanen.

Innbyggarane i Masfjorden seier tydeleg i frå at dei ikkje ynskjer vindkraftutbygging og at området 18 må takast ut, med innlevert 1007 underskrifter dagsett 24. juni 2019.

Behandling

Saka vart drøfta.

Torill Torsik Størkersen (Ap) la fram følgjande framlegg til endring:

I slutten av 1. avsnitt i grunngjevinga:

• Det vert vist til vedlagt kart, samt presentasjon vist på innspelsmøte på Flesland 23.05.19

Avsnitt i konklusjonen:

• ta bort eit industriområde i siste setning og legg til industriområder, slik at setningen blir:

”Ein snakkar då om industriområder i den vakre fjellheimen vår.”

• Innbyggarane i Masfjorden seier tydeleg i frå at dei ikkje ynskjer vindkraftutbygging og at området 18 må takast ut, med innlevert 1007 underskrifter.

Bjørn Egil Nordland (Ap) la fram følgjande framlegg til forslag:

• Masfjorden kommune er positive til ei viss utbyggjing av vindkraft i vår kommune.

• Utbyggjinga skal skje på ein kontrollert måte innanfor avgrensa område t.d dei områda som no er omsøkt og event. andre der ein kan ha ei konsentrert utbyggjing.

• Kommunen arbeider for at dei områda som no er planlagt utbygd, kjem innanfor område som kan byggjast ut.

John Torsvik (H) la fram følgjande framlegg til endring:

siste kulepunkt:

• Den samla Kraftutbygginga i Masfjorden er svært stor. Mange vassdrag er regulert, høgspentlinjer og transformatorstasjonar er bygd.Vindkraft vil medføra store naturinngrep og bruk av store kjøretøy/maskinar både i utbyggingsfasen og ved vedlikehald i etterkant.

Geir Egil Haugvær (Sp) sette fram eit forslag om å utsette saka til neste kommunestyremøte.

Det vart røysta over utsettingsforlaget frå Sp. Forlaget fall mot to røyster (Sp)

Møtet vart heva og arbeidsgruppa samla seg for å utarbeide ein sams uttale basert på innspela tidlegare i møtet.

______________________

Møtet vart sett og leiar i arbeidsgruppa Torill Torsvik Størkersen (Ap) sette fram arbeidsgruppa sitt framlegg til vedtak:

Masfjorden kommunestyre kjem med dette med fråsegn til NVE sitt forslag til nasjonal ramme for vindkraft på land, slik den er vist i NVE rapport dagsett 1. april 2019.

NVE har i sitt framlegg peikt ut 13 område som vert definert som mest eigna områda for vindkraft, og på side 164 i rapporten er midtre del av område 18 med namnet Nordhordland og Gulen kome med.

Masfjorden kommune gjev følgjande uttale:

1. Masfjorden kommune seier nei til å ha vindkraft i Nordhordland og Gulen, og ber om at OED tek heile område 18 ut av endeleg rammeplan.

3. Masfjorden kommune kjem ikkje til å dispensere frå arealdelen til kommuneplanen ved ein eventuell konsesjonsøknad.

Kommunestyret er sterkt usamd i at området i Masfjorden og Gulen er lite konfliktfullt. Dette området er ikkje godt eigna til vindkraftutbygging, med følgjande grunngjeving:

• Naturen som ikkje er utbygd eller lite utbygd i Masfjorden, er av så stor lokal, regional og nasjonal verdi for friluftsliv og reiseliv, at den ikkje bør byggjast ut til vindkraftformål. Her må spesielt Fjonfjella vest for Romarheimsdalen, Stordalen/ Kringla – området, og fjellområdet vest for Ynnesdalsvassdraget; Myrdalen, utmarka til Tangedalen og Rambjørg nemnast. Resten av området er mjuke og harde eksklusjonar og ikkje eigna for utbygging. Masfjorden har med det ingen restområder igjen som kan regulerast til vindkraftutbygging. Det vert vist til vedlagt kart, samt presentasjon vist på innspelsmøte på Flesland 23.05.19

• Topografien i Masfjorden er svært kupert og ikkje eigna til å etablere vegar og oppstillingsplassar for vindmøller i store deler av dette arealet. Inngrepa i landskap vil verte for store. Masser frå store utsprengingar og tunnelinngrep, samt store skjæringar vil medføra store landskapsendringar.

• Kommunen har nyleg vedteke ein kommuneplan som ikkje opnar for vindkraft, der mesteparten av fjell- og utmarksområda er lagt ut til LNF-område.

  For lokalbefolkninga er utmarka ein ressurs i friluftssamanheng og grunnlag for ivaretaking av folkehelsa, noko som statistikken til fjelltrimmen og idrettslaga i kommunen med meir syner med svært mange brukarar. Det vert vist til rapport/kart av juni 2019: «Kartlegging og verdsetting av friluftsområde i Masfjorden kommune.»

• Det føreslåtte området ligg nært opp til det folkerike området i og ved Bergen og omland, og det er difor svært mange brukarar av våre fjell- og utmarksområde.
  

• I det nyutnemde Biosfæreområdet i Nordhordland (det einaste i Norge) skal lokal forankring vera sentral for forvaltninga, og det vil vera eit brot på dette prinsippet om ein gjennom energilova køyrer over den lokale motstanden mot vindkraft i Nordhordland og Gulen, som er i klart fleirtal i kommunestyra i både Masfjorden, Gulen og Lindås kommune.

• Artsmangfaldet, knytt til naturtypar, fugl og vilt er stort innanfor området, som ligg i ein fjell, kyst- og fjordregion med mange ulike biotopar og der eit mangfald av naturtypar er veldokumentert. Det vert vist til vedlagde MVA – rapport 3/2003 Naturtypar i Masfjorden og MVA rapport 10/2003 Viltet i Masfjorden.Eigen rapport «Vurdering av sårbare fuglearter i NVE vindkraftområde 18 – Masfjorden og Gulen kommune – fase 1» er under utarbeiding og vil verta ettersendt. Det vert vist til naturmangfaldslova om samla belastning.
  

• Landskapet med Sognefjorden i nord, og Masfjorden og Fensfjorden i sør og vest er unikt, og topografien er krevjande og eksponering i fjordlandskapet og i terrenget vil verta svært stor om det kjem vindkraft i desse områda. Sognefjorden er innseglinga til verdsarven vår ”Vestnorsk fjordlandskap», i Nærøyfjorden.

• Det er mange kulturlandskap og kulturminne av stølsmiljø, både i Stordalen, Matresfjella, Fjonfjella, og i influensområdet til Ynnesdalsvassdraget, som vil verta øydelagt av ei vindkraftutbygging. Stølsmiljøa har stor verdi som kulturminne og er godt ivaretekne. Det vert vist til kulturminnelova.

• Bjørn West historia knytt til denne delen av Nordhordland har stor historisk verdi og av nasjonal interesse. Mange minner er knytt til kampane som skjedde i fjellområda rundt Stordalen, Kringlebotn og i Matresfjella under den 2 verdskrigen. Det siste slaget/kampane under den 2. verdskrigen i Nord-Europa var i desse fjellområda. (Klavefjellet m fl.) Til minne om motstandsgruppa Bjørn West, deira falne og deira sin innsats i desse fjella vart det i 1983 oppretta ein turmarsj. Denne marsjen har seinare gått årleg i Bjørn West sine fotspor med opp mot 800 deltakarar. Bjørn West historia vert i dag og formidla på Matre gjennom Bjørn West museet.
  

• Friluftslivskartlegginga som er gjort (sjå vedlegg), dokumenter at fjell- og kystområda i både Masfjorden, Gulen, Høyanger, og Lindås har store friluftsinteresser knytt til seg. Stordalen er ein sentral inngangsport til Stølsheimen, med merka DNT-turstiar til Vardadalsbu, Nordalshytta, Skavlabu, og Fjellvassbu. Sentralt i Fjonfjella/ Masfjordfjella ligg Kalvedalshytta, alle turlagshyttene høyrer til Nordhordland Turlag/ Bergen og Hordaland Turlag. Det vert lagt ved turkart som dokumenterer dette.

• Utøving av jakt, fiske, og naturbasert reiseliv i Nordhordland og i Sogn vil i stor grad verte sterkt påverka. Nautesund camping, Stordalen fjellstove, Stordalen skisenter, leirskulen i Dyrkolbotn, lakse- og sjøaureførande vassdrag, samt over 300 hytter/ hyttetomter berre i Stordalen viser at både fjell og kystområda i Masfjorden og Gulen har stor verdi for mange brukarar og næringsinteresser.

• Særskilt områda rundt Stordalen og Verkland er av stor lokal- og regional verdi for skiutfart, og er i stor utstrekning nytta av lokalbefolkninga i Masfjorden og Gulen, samt tilreisande frå Nordhordland og frå Bergensområdet. Eit landskap med vindmøller vil øydeleggje dette med både støy, visuell landskapsoppleving og risiko for iskasting.

• Fleire intakte kultur og naturlandskap av høg verdi ligg innanfor det føreslåtte området Nordhordland og Gulen. Ein vil her spesielt vise til kartlegginga av inngrepsfrie naturområde (INON), samt verneplan for vassdrag og fleire naturreservat i dei ytre områda. Dei to verna vassdraga er Ynnesdalsvassdraget og Eikefetvassdraget (sjå kart).
  

• Miljødirektoratet har i brev/ rapport til Klima- og Miljøverndepartementet dagsett mai 2019, føreslått i kategori nasjonalpark, at cirka 129 km2 av fjellområdet sør i Masfjorden (Fjonfjella) vert verna. Dette området kan då inngå i ein framtidig ny nasjonalparkplan i følgje Miljødirektoratet.Fjonfjellautgjer det største inngrepsfrie naturområdet i ytre deler av Hordaland.

Den samla Kraftutbygginga i Masfjorden er svært stor. Mange vassdrag er regulert, høgspentlinjer og transformatorstasjonar er bygd. Det er nettopp bygd ny 420 kV-linje frå Modalen til Mongstad. Vindkraft vil medføra store naturinngrep og bruk av store kjøretøy/maskinar både i utbyggingsfasen og ved vedlikehald i etterkant.

 I kommunane Masfjorden og Gulen betyr det mykje for bukvaliteten og for folkehelsa, at det er god tilgang på stille og fredelege naturområde utan inngrep og tekniske installasjonar. Denne viktige livskvaliteten vil verta forringa i vesentleg grad om det kjem vindkraftutbygging i område 18. Kommunestyret ber om at OED merkar seg innhaldet i vedlagde brev sendt frå kommunen til NVE den 11.10.2018, som i klartekst skildrar våre område nærmare, og at dette faktagrunnlaget vert vektlagt tyngre i det vidare arbeidet med nasjonal rammeplan.

Vidare er det ein kjensgjerning at innbyggjarar våre nyttar fjell og naturområda svært mykje til rekreasjon , jakt og fiske, og at område 18 vert svært mykje nytta av tilreisande frå nabokommunane Lindås, Austrheim, Gulen, Meland, Radøy og Bergen. Områda som høyrer til område Nordhordland og Gulen i planen har difor stor verdi både som område for dagsturar, og for lengre fjellturar for svært mange innbyggjarar i regionen Vestland.

Masfjorden kommune er kritisk til prosessen med utarbeiding av den nasjonale rammeplanen for vindkraft på land. Høyringa i okt. 2018 vart i svært liten grad tatt omsyn til, og NVE la vekt på nasjonale og nokre regionale verdivurderingar. Masfjorden kommune krev at det lokaldemokratiske høyringsinnspelet vert tungt vektlagt i det vidare arbeidet.

Avslutningsvis vil kommunestyret i Masfjorden gje til kjenne at ein støttar ekskluderinga av alle områda som er gjort i den nasjonale rammeplanen i Nordhordland og Gulen innanfor analyseområde 18, og at ein meiner at desse eksklusjonane er godt grunngjeve. Vidare meiner kommunestyret at også alle restområda burde vore ekskludert, sidan topografien i våre område er krevjande med mykje ulendt terreng, og fordi dei ikkje ekskluderte områda er svært avgrensa i storleik. Det betyr at for dei fleste av dei attverande område, vil vindkraftutbygging medføra store inngrep i høve til mengde kraftproduksjon området kan gje.

Konklusjon:

Masfjorden har bidrege med store kraftutbyggingar i desse fjellområda. Likevel ligg der ein god del urørd natur att. Denne vil i stor grad bli utbygd og øydelagd med den føreslåtte vindkraftutbygginga. Ein snakkar då om industriområder i den vakre fjellheimen vår.

Dei storekultur,natur- og friluftsverdiane er av stor betydning for livskvaliteten for innbyggjarane i Masfjorden, samt viktige bruksinteresser knytt til busetnad, reiseliv, drikkevatn, jakt og fiske med vidare vil medføra svært store konfliktar om ikkje rammeplanen for vindkraft vert endra.

Kommunestyret forventar at OED lyttar til vår fråsegn, og tek ut heile område 18 Nordhordland og Gulen av rammeplanen.

Innbyggarane i Masfjorden seier tydeleg i frå at dei ikkje ynskjer vindkraftutbygging og at området 18 må takast ut, med innlevert 1007 underskrifter dagsett 24. juni 2019.

Røysting:

Framlegget frå arbeidsgruppa og framlegget frå Bjørn Egil Nordland (Ap) vart røysta opp mot kvarandre. Framlegget frå Arbeidsgruppa vart vedteke mot 1 røyst (Bjørn Egil Nordland).

Behandling

Personal- og økonomileiar Svein Viktor Ellingbø møtte til denne saka.

Saka vart drøfta.

Framlegg til vedtak frå formannskapet vart samrøystes vedteke.

Behandling

Oppvekstleiar Rita Ludvigsen møtte til denne saka.

Saka vart drøfta.

Framlegg til vedtak frå formannskapet vart samrøystes vedteke.

Behandling

Oppvekstleiar Rita Ludvigsen møtte til denne saka.

Saka vart drøfta.

Framlegg til vedtak frå formannskapet vart samrøystes vedteke.

Vedtak

Masfjorden kommunestyre løyver inntil kr 750 000,- i eingongsstøtte til etablerieng og oppstartskostnader av Berivest AS

Ein føreset at styret også ser på om det er mogleg å hente inn ekstern kapital til etableringa.

Behandling

Torill Torsvik Størkersen (Ap) spurte om ho er inhabil sidan ho er styremedlem i Berivest AS. Kommunestyret samla seg om at Størkersen var habil i denne saka.

Saka vart drøfta.

Kommunestyret jobba fram følgjande framlegg til vedtak:

Masfjorden kommunestyre løyver inntil kr 750 000,- i eingongsstøtte til etablerieng og oppstartskostnader av Berivest AS

Ein føreset at styret også ser på om det er mogleg å hente inn ekstern kapital til etableringa.

Framlegg til vedtak jobba fram i møtet vart samrøystes vedteke.

Behandling

Framlegg til vedtak frå formannskapet vart samrøystes vedteke.

Behandling

Framlegg til vedtak vart samrøystes vedteke.

Behandling

Saka vart drøfta.

Framlegg til vedtak frå formannskapet vart samrøystes vedteke.

Behandling

Rapport Kraftmelding vart presentert i møtet.

Saka vart drøfta.

Framlegg til vedtak vart samrøystes vedteke.

Behandling

Framlegg til vedtak frå formannskapet vart samrøystes vedteke.

Behandling

Helen Andvik frå Folk for Fjella gav ordføraren resultatet av underskriftskampanjen som er gjennomført i Masfjorden kommune.

Revisjonssjef Janne Eraker orienterte om samanslåing av Nordhordland Revisjon IKS og Hardanger Revisjon (IHR) til Vestland Revisjon IKS

Grunngjeve spørsmål frå Janne Judith K Sandnes:

Kva vert gjort med det som er lagra på kommunal grunn på Risnes

Ordførar orienterte om at dette er ei sak som har pågått lenge og at han hadde kontakta Teknisk for oppfølging.

Referatsaker:

Skriv 1: Samarbeid om nytt symjeanlegg i Gulen

Skriv 2: Søknad om ekstraløyving til å dekkja kostnader for innleige av barne- og ungdomsarbeidarar i 2019 og åra framover

Skriv 3: Budsjettbrev 2019

Skriv 4: Innkalling til årsmøte i representantskapet i NGIR 27.05.19

Skriv 5: Protokoll Regionrådet 4-2019, fredag 7.juni

Skriv 6: Protokoll frå Representantskap 1-2019 Region Nordhordland Helsehus IKS, 7.juni

Skriv 7: Protokoll får Representantskap 1-2019 Nordhordland Utviklingsselskap IKS, 7.juni

Skriv 8: Endring av NGIR sin selskapsavtale

Kommunestyret godkjenner presiseringa i selskapsavtalen om at det er representantskapet som godkjenner låneopptak.

Skriv 9: Løyving av pengar frå brufondet for å etablere sosiale kampanjer for å fremme Masfjordbrua.

Eit samla kommunestyre gav rådmannen fullmakt til å forhandle fram ein avtale.

Framlegg til vedtak vart samrøystes vedteke.

Behandling

Saka vart drøfta

Framlegg til vedtak frå Administrasjonsutvalet vart samrøystes vedteke.

Behandling

Saksutgreiinga vart presentert i møtet.

Saka vart drøfta.

Framlegg til vedtak vart samrøystes vedteke.