Møte i Kommunestyret den 10.09.2015

Vedtak

Innkalling og sakliste vert godkjend

Behandling

Tove Kristin Sleire Tistel og Willy Borge vart valt til å skrive under møteboka.

Røysting:

Framlegg til vedtak frå rådmannen vert samrøystes vedteke.

Vedtak

Møtebok frå kommunestyret 18.06.15 vert godkjent

Behandling

Framlegg til vedtak frå rådmannen vert samrøystes vedteke.

Vedtak

Einekavane får tildelt tilskot med kr. 90.000,- frå kraftfondet til utviding av vaskeri.

Behandling

Ordførar Karstein Totland gjekk kort gjennom saka.

Røysting:

Kraftfondsstyret sitt framlegg til vedtak vart samrøystes vedteke

Vedtak

Masfjorden kommune er positiv til tiltaket og støtter etableringa i tråd med vedtektene i kraftfondet med kr. 40.000,- og vil elles kunne vere behjelpeleg med rettleiing og oppfølging overfor andre støtteordningar.

Behandling

Ordførar Karstein Totland gjekk kort gjennom saka.

Røysting:

Kraftfondstyret sitt framlegg til vedtak vart samrøystes vedteke.

Vedtak

Nordbygda senter as - Spar Hosteland får tildelt tilskot med kr. 200.000.- frå kraftfondet til oppgradering av butikk. Midlane står til disposisjon inntil 10.09.2017

Behandling

Ordførar Karstein Totland gjekk kort gjennom saka.

Saka vart drøfta.

Røysting:

Formannskapet sitt framlegg til vedtak vart samrøystes vedteke.

Vedtak

Masfjorden kommune sluttar seg til den reviderte avtalen om samhandling innan svangerskaps- fødsels- og barselomsorga. Kommunestyret vedtar vedlagte rutinar for svangerskaps – fødsels- og barselomsorga.

Behandling

Ordførar Karstein Totland gjekk kort gjennom saka.

Røysting:

Formannskapet si tilråding til vedtak vart samrøystes vedteke.

Vedtak

Masfjorden kommune rår i frå at det vert gjeve konsesjon for omsøkt 132 kV linje mellom Dalsbotnfjellet til Frøyset transformatorstasjon. Vidare rår ein til at NVE ber søkjar om åvurdera alternative trasear som kan redusere dei negative konsekvensane ei ny høgspentlinje vil få.

Ny konsekvensutgreiing må lagast, der fleire ulike traseear vert drøfta og nye faglege utgreiingar knytt til konsekvensar for mellom anna ornitologi, kulturmiljø, skogbruk, friluftsliv, vilt og landskap vert lagt ved. Utgreiinga må visa ei samla oversikt over dei ulike konsekvensane ulike linjealternativ vil ha.

Den samla belastningen ei kraftlinje igjennom Myrdalen ved Sleire til Frøyset vil ha, i tillegg til den allereide planlagde 440 kv linja via Sleire- måtakast hensyn til.

Behandling

Ordførar Karstein Totland gjekk kort gjennom saka.

Tove Kristin Sleire Tistel ville ha vurdert sin habilitet, og ordførar slo fast at representanten er habil.

Saka vart drøfta.

Endringsframlegg frå V,

Forslag  til vedtak på SAK 065/2015   -Fråsegn til 132kV kraftleidning Dalsbotnfjellet

Venstre foreslår med dette følgjande: Det vert innarbeidd ein tilleggssetning i rådmann sitt framlegg til vedtak som lyder(forlaget i kursiv skrift)

Masfjorden kommune rår i frå at det vert gjeve konsesjon for omsøkt 132 kV linje mellom Dalsbotnfjellet til Frøyset transformatorstasjon.

Vidare rår ein til at NVE ber søkjar om å vurdera alternative trasear som kan redusere dei negative konsekvensane ei ny høgspentlinje vil få. Ny konsekvensutgreiing må lagast, der fleire ulike traseear vert drøfta og nye faglege utgreiingar knytt til konsekvensar for mellom anna ornitologi, kulturmiljø, skogbruk, friluftsliv, vilt og landskap vert lagt ved. Utgreiinga må visa ei samla oversikt over dei ulike konsekvensane ulike linjealternativ vil ha.

Den samla belastninga ei kraftlinje igjennom Myrdalen ved Sleire til Frøyset vil ha, i tillegg til den allereie planlagde 440 kv linja via Sleire- må takast hensyn til.

Røysting:

Endringsframlegget frå V fekk full tilslutning, og samrøystes vedteke.

Vedtak

Masfjorden kommune godkjenner at det kommunale fibernettet vert lyst ut for sal.

Salet må skje etter konkurranse i samsvar med regelverket knytt til offentlege kjøp. Formannskapet får fullmakt til å godkjenna konkurransegrunnlaget i eiga sak.

Behandling

Ordførar Karstein Totland gjekk kort gjennom saka.

Saka vart drøfta.

Røysting:

Formannskapet si tilråding til vedtak vart samrøystes vedteke.

Vedtak

Masfjorden kommune er i mot forslaget om endringar i eigedomsskattelova som inneberer å unnta produksjonsutstyr og – installasjonar frå beskatning, og høyringsframlegget avviklar langt på veg eigedomsskatt på verk og bruk. Årsaka er at kommunen vil tape store inntekter, estimert til kr 5,5 – 8 millionar pr år., samt at endringsframlegget vil gjere eigedomsskatt berre på vasskraftanlegg svært sårbart og utsatt for press for å harmoniserast med næringslivet elles.

Behandling

Ordførar Karstein Totland gjekk kort gjennom saka.

Saka vart drøfta.

Røysting:

Formannskapet si tilråding til vedtak vart samrøystes vedteke.