Møte i Kommunestyret den 19.02.2015

Vedtak

Innkalling og sakliste vert godkjend

Behandling

Ragnvald Tangedal og John Torsvik vart valt til å skrive under møteboka.

Framlegg til vedtak frå rådmannen vart samrøystes vedteke.

Vedtak

Møtebok frå kommunestyret den 22.01.2015 vert godkjend.

Behandling

Framlegg til vedtak frå rådmannen vart samrøystes vedteke.

Behandling

Ordførar Karstein Totland gjekk kort gjennom saka.

Rådmann Svein Helge Hofslundsengen orienterte om budsjettsaldering 2015.

Røysting:

Framlegg til vedtak frå rådmannen vart samrøystes vedteke.

Vedtak

Kommunestyret har gjort seg kjend med tilstandsrapporten for grunnskulen i Masfjorden for skuleåret 2013-14 og tek rapporten til orientering.

Behandling

Ordførar Karstein Totland gjekk gjennom saka

Rådgjevar Alf Strand orineterte om saka.

Saka vart drøfta.

Røysting:

Formannskapet si tilråding til vedtak vart samrøystes vedteke.

Vedtak

Kommunedelplan for oppvekst 2014 – 2026 vert godkjent slik han ligg føre.

Handlingsplan 2014-2018 vert godkjend med desse endringane:

Punkt 2 MASFJORDEN KOMMUNE HAR GODE, TRYGGE LÆRINGSMILJØ MED HØG TRIVSEL

TILTAK:

Nye punkt:

Få til meir samarbeid mellom skulane. Vidareføringa av sertifikatordninga for våre ungdomar. Få på plass ungdomsråd i Masfjorden.

Punkt 4 BARN OG UNGE I MASFJORDEN OPPLEVER MEISTRING OG UTVIKLING GJENNOM EI TILPASSA OPPLÆRING

TILTAK:

Endring:

Sikra at PPT vert brukt slik at me har rett kompetanse, på rett plass til rett tid.

RESULTATMÅL:

Nytt punkt:

Styrking av PPT

Punkt 5 MASFJORDEN KOMMUNE LEGG TIL RETTE FOR FYSISK AKTIVITET OG STIMULERER TIL KULTURELL KREATIVITET OG MANGFALD BLANT BARN OG UNGE

TILTAK:

Endring:

Elevane skal kunna symja etter 4. klasse

Punkt 7 SKULESTRUKTUR OG LEIARRESSURSAR

Oppretthalde 3 oppvekstområde i planperioden, Matre, Sandnes, og Nordbygda alle med heildagsbarnehage og 1-10 skule. Dersom foreldre og elevar ved ungdomsskulane ynskjer å slå seg saman kan det opnast opp for dette i planperioden.

Handlingsplan for 2015 – 18 vert då lydande:

Behandling

Ordførar Karstein Totland gjekk gjennom saka.

Rådgjevar Alf Strand orienterte om kommunedelplan for oppvekst.

Saka vart drøfta.

Marit Steinestø, Krf la fram følgjande framlegg til endring av handlingsplanen:

Punkt 2 MASFJORDEN KOMMUNE HAR GODE, TRYGGE LÆRINGSMILJØ MED HØG TRIVSEL

TILTAK:

Oppfølging av «Heilskapleg plan for eit godt læringsmiljø» Tilbod om foreldrekurs, t.d. «De utrolige åra» frå 0 år. Vidareføring av «Zippys venner» på småskulesteget og nytta det på mellomsteget når det er ferdig utvikla for dette steget. Vidareføring av MOT for ungdomssteget. Få til meir samarbeid mellom elevane på skulane våre. Vidareføringa av sertifikatordninga for våre ungdomar. Få på plass ungdomsråd i Masfjorden.Arbeida for å halda på to vidaregåande skular i Nordhordland

Punkt 4 BARN OG UNGE I MASFJORDEN OPPLEVER MEISTRING OG UTVIKLING GJENNOM EI TILPASSA OPPLÆRING

TILTAK:

Sikra at PPT vert brukt slik at me har rett kompetanse, på rett plass til rett tid.Sikra at ped.leiar og kontaktlærar får tid til leiing og å samordna arbeidet for det einskilde barnet.

RESULTATMÅL:

Ny setning inn i tillegg til det som står:Styrking av PPT

Punkt 5 MASFJORDEN KOMMUNE LEGG TIL RETTE FOR FYSISK AKTIVITET OG STIMULERER TIL KULTURELL KREATIVITET OG MANGFALD BLANT BARN OG UNGE

TILTAK:

Samarbeid mellom skule, barnehage, kulturskule, frivillige lag, bibliotek

og andre for å stimulera kulturell kreativitet og mangfald

Sørgja for at barn og unge har eit fysisk miljø som stimulerer til aktivitet

og læring

Felles bading for førskulegruppa i barnehagane

Elevane skal kunna symja etter 4. klasse (Denne setninga er endra)

Utedag i skule og barnehage

Leirskule

Halda fram med satsinga på «Ungt entreprenørskap».

Vurdera form og organisering av idrettsskulen

Bruka metoden : Læring gjennom fysisk aktivitet

Punkt 7 SKULESTRUKTUR OG LEIARRESSURSAR

TILTAK:

Matre skule heldt fram som ein 1-10 skule, grunna reisetid.

Eventuell samanslåing av Sandnes og Nordbygda skule vil ein koma attende til i planperioden, 2015-26..

RESULTATMÅL:

Oppretthalda høg standard og effektiv økonomisk drift av barnehagar og skular.

ØKONOMI:

Eventuelle innsparingar må ein koma attende til.

Vil be om ei redegjering av førstekulepunkt på side 82,er dette eit nytt punkt etter høyring:

• Sjå på organiseringa av barnehagesektoren, for å få ned utgiftene med 10% totalt sett, slik at

vi kjem på same nivå som kommunar vi kan samanlikne oss med .

Det var eit gruppeleiarmøte.

Etter drøtftingar trekkte Krf punkt 7 i framlegget sitt.

Røysting:

Formannskapet si tilråding til vedtak og framlegg til endring av handlingsplanen frå Krf, vart røysta opp mot kvarandre.

Framlegg til vedtak frå Krf vart samrøystes vedteke.

Frode Langhelle, H la fram følgjande framlegg til endring av handlingsplanen på vegne av alle gruppeleiarane:

Oppretthalde 3 oppvekstområde i planperioden, Matre, Sandnes, og Nordbygda alle med heildagsbarnehage og 1-10 skule. Dersom foreldre og elevar ved ungdomsskulane ynskjer å slå seg saman kan det opnast opp for dette i planperioden.

Røysting:

Formannskapet si tilråding til vedtak og framlegg til endring av handlingsplanen frå gruppeleiarane vart røysta opp mot kvarandre.

Framlegg til vedtak frå gruppeleiarane vart samrøystes vedteke.

Det vart røysta over heile planen med vedtekne endringar.

Røysting:

Formannskapet si tilråding til vedtak med endringar gjort av kommunestyret vart vedteke mot ei røyst (V).

Behandling

John Torsvik, H og Arthur Sjursen, Ap stilte spørsmål om sin gildskap

Røysting:

Samrøystes vedteke at John Torsvik og Arthur Sjursen er ugild i saka.

John Torsvik og Arthur Sjursen forlet møte.

Ordførar Karstein Totland gjekk gjennom saka.

Saka vart drøfta.

Vigdis Søvik, Sp la fram framlegg om å utsette saka.

Røysting:

Framlegg om utsetting fekk 2 stemmer, Sp, og fall.

Røysting:

Tilråding til vedtak frå Formannskapet vart samrøystes vedteke.

Vedtak

Masfjorden kommune rår i frå statleggjering av skatteoppkrevjaren frå 01.01.2016, og me meiner at dagens løysing gjev dei beste resultata og framstår som ei effektiv organisering. Spørsmålet om organiseringa av skatteoppkrevjaren er mest naturleg å handsama i den kommande kommunereforma. Forslaget inneberer ei uhensiktsmessig sentralisering, når lokal skjøn og lokalkunnskap er mykje av forklaringa på dagens gode resultat.

Behandling

Ordførar Karstein Totland gjekk kort gjennom saka.

Røysting:

Tilråding til vedtak frå formannskapet vart samrøystes vedteke.

Behandling

Ordførar Karstein Totland gjekk kort gjennom saka.

Røysting:

Tilråding til vedtak frå formannskapet vart samrøystes vedteke.

Behandling

Ordførar Karstein Totland gjekk gjennom saka.

Saka vart drøfta.

Røysting:

Framlegg til vedtak frå formannskapet vart samrøystes vedteke.

Vedtak

Johansens servering og catering v/Torfinn Johansen, 5981 Masfjordnes får tildelt utvida alminneleg serveringsløyve laurdag og søndag frå kl. 01.00 – kl. 02.00 slik det er søkt om for inneverade periode

Behandling

Ordførar Karstein Totland gjekk gjennom saka.

Saka vart drøfta.

Marit Steinestø, Krf opprettheldt framlegget som rådmannen la fram til formannskapet

Røysting:

Framlegg til vedtak frå rådmannen og tilrådinga frå formannskapet vart røysta opp mot kvarandre.

Tilråding til vedtak frå formannskapet vart vedtatt mot 2 stemmer Krf.

Vedtak

Delegerte saker vert tekne til orientering

Behandling

Delegerte saker:

Skule- og barnehagerute 2015-16 - melding om vedtak

Vedtak

Referatsaker vert tekne til orientering

Behandling

Refetatsaker:

1.Skatt påeige og inntekt pr 311214

2.Skatt påformue og inntekt pr 301114

Spørsmål/interpellasjon:

Interpellasjon/Forlag frå Masfjorden Venstre -

Masfjorden Venstre vil at Masfjorden kommune skal starta arbeidet med å få på etablert ein ladestasjon for el-bilar og ein miljøstasjon for avfall på Hosteland.

Me ynskjer som kjent - sterkt ei utvikling i Hostelandsområdet for blant anna næring og serviceaktivitet. Å få etablert desse viktige og miljøfremjande funksjonane i vår kommune ser me på som ei nødvendig utvikling. Det er no ein reguleringsplan for Hosteland sentrumsområde ute på høyring, og disse tiltaka bør inkluderast i planen.

Me bør derfor som kommune gå i gong med å sjå på moglegheiter for å få desse miljøfremjande tiltaka etablert. Det er ikkje ladestasjon for el bilar i vår kommune pr.idag og slik me ser det er det naturleg å få ein slik stasjon på plass i denne delen av kommunen.

Ein større miljøstasjon treng me i kommunen for å kunne gje innbyggarane våre høve til å levere aktuelt avfall og dermed vera aktive pådrivarar for eit betre miljø.

Dette er ein god moglegheit for kommunen til å fremja framtidsretta løysingar i kommunen vår – både når det gjeld avfalls handtering og framtidas krav til miljøvenlege kjøretøy.

Svar frå ordførar Karstein Totland:

Det vert innarbeida eit område i reguleringsplanen til ladestasjon.

Venstre har tidlegare set fokus på at ei styrking av barnevern og helsesystertenesta i kommunen vår er viktig.Me har gode tenester,men det er eit ressurskrevjande arbeid og det er sårbare grupper som trenger oppfølging igjennom livet .
Masfjorden og Gulen har inngått samarbeid innan barnevern med styrking av tenesteområdet. -spørsmålet Venstre stiller ;er om dette har til no styrka barnevern og oppvekst når ein ser erfaringar til no?

Er helsesystertenesta vår,saman med skulehelsetenesta godt nok bemanna idag utifrå oppgåver dei har og står ovanfor i kommunen vår?

Svar frå rådmann Svein Helge Hofslundsengen:

Spørsmålet frå V er drøfta med kommuneoverlege, helsesyster og barnevernet

Når det gjeld barnevern viser eg til formannskapsvedtak i sak 142/2014 – evaluering i løpet av 2015 i samband med vurdering av formalisering av samarbeid og Kommunestyrevedtak i sak 54/13. For kort erfaringstid for evaluering enno.

Jf. KOSTRA tala og samanlikning med andre kommunar så har vi ei god bemanning innan helse generelt sett.

Svar utover dette vert gitt i neste Kommunestyremøte.