Čoahkkin Kommunestyret 28.09.2016

Vedtak

Innkalling og sakliste vert godkjend.

Behandling

Bjørn Egil Nordland (Ap) etterlyste sak om PPT som skulle kome opp i septembermøte. Rådmannen svara at sak kom i neste kommunestyremøte.

Det vart gjort framlegg om at Lene Hansen Kvamsdal og Bjørn Egil Nordland skulle underskrive møteboka.

Ordførar orienterte om at MOT v/rettleiarane Merethe Engelsen og Per Einar Langhelle og elevane Ina og Stina var invitert til møtestart for å orientere om MOT-arbeidet i kommunen.

Framlegg til vedtak vart samrøystes vedteke.

Vedtak

Saka vert utsett og kjem opp att i neste kommunestyremøte.

Behandling

John Torsvik (H) sa at det var ein mogleg feil i møteprotokollen for sak 47.

Etter møtet konfererte ordførar og rådmann med forslagsstillar. Ein vart då samde om at denne saka må oppatt i neste kommunestyremøte.

Vedtak

Framlegg til planstrategi dagsett 01.06.2016 for Masfjorden kommune 2016 – 2020 vert godkjent.

Behandling

Ordførar Karstein Totland (H) orienterte kort og saka vart drøfta.

Rådmannen gjorde framlegg om at siste setning i framlegg til vedtak vart stroken.

Framlegg til vedtak med endringa frå rådmannen vart samrøystes vedteke.

Behandling

Ordførar Karstein Totland (H) orienterte kort og saka vart drøfta.

Framlegg til vedtak frå formannskapet vart samrøystes vedteke.

Behandling

Ordførar Karstein Totland (H) orienterte kort.

Framlegg til vedtak frå formannskapet vart samrøystes vedteke.

Vedtak

1. Masfjorden og Gulen kommunar skal ha felles forliksråd for perioden 2017 – 20.

2. Kommunestyret i Masfjorden vel eit fast medlem og eit varamedlem

Kommunestyret i Gulen vel to faste medlemmer – ei kvinne og ein mann, og to varamedlemmer – ei kvinne og ein mann.

1. Ordførarane får delegert fullmakt til å peike ut ein av medlemmene som leiar og å avgjere rekkefølgja på varemedlemmene.

2. Masfjorden kommune vel desse medlemmene / varamedlemmene for perioden 01.01.17 – 31.12.20:

• Liv Oda Dale, medlem

• Bente Håvåg, varamedlem

Behandling

Ordførar Karstein Totland (H) orienterte kort og saka vart drøfta.

Ragnvald Tangedal (Ap) la fram følgjande endringsforslag:

Liv Oda Dale vert valgt som medlem og Bente Håvåg vert valgt som varamedlem til felles forliksråd for kommunane Masfjorden og Gulen.

Janne Judith Kvamsdal Sandnes (FrP) opprettheld formannskapet sitt framlegg til vedtak.

Røysting:

Det vart røysta punkt for punkt:

punkt 1, 2 og 3 vart samrøystes vedteke.

punkt 4 i framlegg frå formannskapet og framlegget frå Ap vart røysta opp mot kvarandre.

Framlegg til punkt 4 frå Ap vart vedteke mot 4 røyster (Frp, Sp og 1 frå H (Wenche Fredheim Ekren)).

Behandling

Ordførar Karstein Totland (H) orienterte kort.

Framlegg til vedtak frå formannskapet vart samrøystes vedteke.

Behandling

Ordførar Karstein Totland (H) orienterte kort.

Framlegg til vedtak frå formannskapet vart samrøystes vedteke.

Vedtak

Berit Lygre får tilskot med inntil kr. 40.000 gjennom kraftfondettil omsøkte prosjekt som inneber vidareutvikling av tilbodet ved Sandnesskafen. Tilskotet vert utbetalt når det er etablert eige selskap.

Behandling

Ordførar Karstein Totland (H) orienterte kort og saka vart drøfta.

Rådmannen gjorde merksam på at Sandneskafeen må gje melding til kommunen om at verksemda vert overført til ny drivar. Ny drivar må ha serveringsløyve med etablererprøve og skjenkeløyve med kunnskapsprøve for å kunne drive kafe med matservering og skjenking. Det er difor ikkje tilstrekkeleg å berre etablere eige selskap.

Framlegg til vedtak frå kraftfondstyret vart samrøystes vedteke.

Behandling

Ordførar Karstein Totland (H) orienterte kort og saka vart drøfta.

Wenke Fredheim Ekrem stilte spørsmål om ho var inhabil i saka. Ekren vart samrøystes vedteken habil.

Framlegg til vedtak frå formannskapet vart samrøystes vedteke.

Vedtak

Masfjorden kommune prioriterer følgjande prosjekt i Nordhordlandspakka innanfor godkjent reguleringsplan for utbetring av fylkesveg 570 mellom Einestrand – Nordre Kvinge:

1. Utviding/ utbetring 500 meter frå bakketopp Einestrand.

2. Utviding/ utbetring 200 meter på Kvinge

3. Utviding/ utbetring 200 meter på Kvinge

4. Fjerning av fjellnabbar i eit svingete parti på Kvinge

5. Utviding/ utbetring 75 meter like sør for kryss gardsveg på Søre Kvinge

6. Utviding/ utbetring 230 meter frå bru til kryss Åbakken ( ved Marine Harvest)

7. Utviding/ utbetring ca 100 meter opp bakken vest for kryss Skolten

8. Møteplass ca 100 meter før gardstun på Nordre Kvinge

9. Utviding/ utbetring ca 200 meter bakken ned mot kryss Kvingedalsvatnet

Grunngjevinga for vedtaket og kva tiltaka som skal prioriterast er gjeve i saksutgreiinga, og alle 9 punktutbetringane har like høg prioritet.

Behandling

Ordførar Karstein Totland (H) orienterte kort og saka vart drøfta.

Framlegg til vedtak frå formannskapet vart samrøystes vedteke.

Vedtak

Kommunestyret løyver 1 million kroner til breidband i heimane i Masfjorden. (Denne summen kjem i tillegg til NKOM midlane på 3,5 million)

Ordførar og rådmann får fullmakt til å utvide søknadar og kontraktar innafor ei ramme på kr. 2 mill i eigenfinansiering. Rammene vert å innarbeide i budsjett og økonomiplan.

Kommunestyret ynskjer at prinsippet om at flest brukarar pr. investerte rammer ligg til grunn for prioritering.

Behandling

Ordførar Karstein Totland (H) orienterte kort og saka vart drøfta.

John Torsvik (H) sette fram følgjande endringsframlegg (siste setning går ut og vert erstatta med teksten nedaf0r:

Ordførar og rådmann får fullmakt til å utvide søknadar og kontraktar innafor ei ramme på kr. 2 mill i eigenfinansiering. Rammene vert å innarbeide i budsjett og økonomiplan.

Kommunestyret ynskjer at prinsippet om at flest brukarar pr. investerte rammer ligg til grunn for prioritering.

Framlegg til vedtak frå formannskapet med endringa frå H vart samrøystes vedteke.

Vedtak

I medhald av plan og bygningslova § 9-1, vedtek kommunestyret framlegg til interkommunal kommunedelplan for Fjellheimen villreinområde med plankart og temakart.

Det vert vist til vedlegg i saka.

Behandling

Ordførar Karstein Totland (H) orienterte kort.

Framlegg til vedtak frå formannskapet vart samrøystes vedteke.

Vedtak

1. Kommunestyret vedtek å organisera reiselivet i regionen ved å inngå ein samarbeidsavtale mellom Region Bergen Reiseliv og kommunane i Nordhordland (Austrheim, Fedje, Lindås, Masfjorden, Meland, Modalen, Osterøy og Radøy) representert ved Nordhordland Utviklingsselskap IKS.
   

2. Kommunestyret vedtek å gje årleg tilskot til Region Bergen Reiseliv i tråd med forslag til forretningsplan og saksgrunnlaget, med ein grunnsum på kr 20 000,- pr. år og i tillegg kr 14 pr. innbyggjar i 2017 og justert i samsvar med prisindeksen dei komande åra.
   

3. Samarbeidsavtale vert utarbeidd av Region Bergen Reiseliv og Nordhordland Utviklingsselskap IKS med grunnlag i forretningsplanen og vedtaka i kommunestyra. Samarbeidsavtalen vil bli lagt fram for kommunane før endeleg signering.

1. Denne avtalen gjeld frå 01.01.2017 til 31.12.2019. Avtalen kan ikkje seiast opp i dette tidsrommet utan at vesentlege føresetnader i denne avtalen vert brotne. Frå 2020 vil avtalen bli revidert bl.a. med bakgrunn i eventuelle endringar grunna kommunereforma. Etter dette vil avtalen fornyast årleg - eit år om gongen. Oppseiing av avtalen må meldast til avtalepartnaren skriftleg innan 01.10.

1. Kommunestyret ser det som viktig med tydeleg nærvær lokalt. Region Bergen Reiselivmå vidareføre og styrke samarbeidet med lokale reiselivsaktørar og Nordhordland Utviklingsselskap IKS.Region Bergen Reiseliv rapportar årleg til Nordhordland Utviklingsselskap IKS og kommunane.

1. Kommunane i Region Nordhordland og kommunane Fjell, Sund og Øygarden får ein representant i styret i Region Bergen Reiseliv.

2. Region Bergen Reiseliv bør vere ei lærebedrift i reiselivsfaget.

Behandling

Ordførar Karstein Totland (H) orienterte kort og saka vart drøfta.

Framlegg til vedtak frå kraftfondstyret vart samrøystes vedteke.

Vedtak

Ordførar får fullmakt til å skrive ein høyringsuttale med bakgrunn i diskusjonen i kommunetyret.

Behandling

Ordførar Karstein Totland (H) orienterte kort og saka vart drøfta.

Kommunestyret vart samde om at ordførar frå fullmakt til å skrive ein høyringsuttale med bakgrunn i diskusjonen i kommunestyret.

Behandling

Rådmann Svein Helge Hofslundsengen orienterte kort.

Framlegg til vedtak frå formannskapet vart samrøystes vedteke.

Behandling

Rådmann Svein Helge Hofslundsengen orienterte kort.

Framlegg til vedtak frå formannskapet vart samrøystes vedteke.

Behandling

Ordførar Karstein Totland (H) orienterte kort.

Framlegg til vedtak frå kraftfondstyret vart samrøystes vedteke.

Behandling

Ordførar Karstein Totland (H) orienterte kort og saka vart drøfta.

Personal- og økonomisjef Kristian Moen møtte til denne saka og svara på spørsmål.

Framlegg til vedtak vart samrøystes vedteke.

Vedtak

Referatsaker vert tekne til orientering

Behandling

Interpellasjon / Spørsmål:

Wenche Dåe (Sp) hadde sendt inn følgjande interpellasjon / spørsmål:

Senterpartiet lurer på om det har kome fram nokre fleire opplysningar om svømmeopplæringa i skulen i Masfjorden, og viser til spørsmål som vart stilt i kommunestyremøte den 22.juni 2016.

Oppvekstleiar Alf Strand svara at rådmannen han fått tilbakemelding berre frå ein skule, sidan spørsmålet kom så seint. Skuleåret 2015-16 fekk både 1., 4., 7. og 10. klasse symjeundervisning, 10 klokketimar for 1. og 12 timar for 4. og 7 i lag. 10. klasse hadde ein skuledag.

Rådmannen har rekna ut at skysskostnadene i samband med symjeundervisninga ovanfor kjem på 20000 til 25000 kr. Dette er midlar det ikkje er budsjettert med. For komande budsjett må det leggast inn meir midlar til transport på Nordbygda og Sandnes skule.

---------------------------

John Torsvik (H) la fram følgjande interpellasjon:

Vil Masfjorden kommune legge til rette for at filmen «Kongens nei» vert vist obligatorisk til alle elevar på ungdomstrinna i grunnskulen? Bakgrunn for forslaget er at filmen gir eit godt historisk bilde på kvifor Norge framleis har eit sterkt monarki og kva konstitusjonelle verdiar nasjonen har nedfelt i grunnlova. Forutan gir filmen også ei god dramatisering av korleis og kvifor landet vart okkupert i 1940. Bygdekinoen vil vise filmen, men tilbudet er ikkje dekkane i alle delane av kommunen. Forslag: Masfjorden kommune set av skuletimar for ungdomstrinnet til visning av filmen «Kongens nei» i samarbeid med Bygdekinoen og legg opp til ei oppfylgjing rundt temaet i tilknytning til historiefaget.

Oppvekstleiar Alf Strand svar at rådmannen har full tillit til at skulane sjølve vurderer om det er aktuelt å sjå den nemnde filmen.

Dersom me skal gjera det obligatorisk for ungdomsskuleelevane å sjå filmen, må skulane dekka billetten. Her er det gratisprinsippet som gjeld.

-----------------------

Referatsaker:

1. Masfjorden kontrollutval - Møteutskrift og særutskrift frå møtet 12. september 2016 2. Skatt t.o.m. juli måned 3. Skatt t.o.m. mai måned 4. Skatt t.o.m. august måned

5. Økonominotat etter mottak av prognose eigedomsskatt kraftverk for åra framover (framlagt og gjennomgått i møtet)