Lávdegoddi: | Kommunestyret |
---|---|
Dáhton: | 26.10.2023 11:45 - 15:20 |
Čoahkkinbáiki: | Kommunehuset |
Dilli: | Čoahkkima beavdegirji lea válmmas |
Áššekárta | |
Čoahkkinbeavdegirji |
Innkalling og sakliste vert godkjend
Det vart gjort framlegg om Helga Nyhavn Matre (H) og Britt Inger Myhr (Ap) til å skrive under møteboka.
Framlegg til vedtak vart samrøystes vedteke.
Møtebok vert godkjend.
Framlegg til vedtak vart samrøystes vedteke.
Kommunestyret har handsama forvaltningsrevisjonsrapporten «Kompetanse og rekruttering» datert 19.09.23, og meiner denne svarar på dei problemstillingane som vart sett i kontrollutvalet si bestilling.
Kommunestyret sluttar seg til revisor sine tilrådingar og ber om at rådmannen:
held fram informasjonsarbeidet knytt til plan for strategisk kompetansestyring ovanfor tilsette
gjennomgår plan for strategisk kompetansestyring med einingsleiarane med fokus på kva oppgåver og ansvar som er lagt til dei og korleis ivareta desse
systematisk følgjer opp og evaluerer plan for strategisk kompetansestyring undervegs i perioden
vurderer å definere, synleggjere og forankre kommunen sin arbeidsgjevaridentitet gjennom arbeidsgjevarpolitikk- og strategi i samsvar med KS si generelle tilråding
vurderer å etablere ein læringsstrategi
vurderer å auke profileringa mot unge gjennom tiltak tilpassa målgruppa
følgjer opp resultata og tilbakemeldingar i undersøkingane i kommunen sitt utviklingsarbeid
vurderer å tydleggjere rutinane for gjennomføring av medarbeidarsamtalar og oppfølging av desse
vurderer å tydleggjere rutinane for gjennomføring av medarbeidarsamtalar og oppfølging av desse, herunder og etablere felles malar for medarbeidarsamtalar på tvers av einingane
Kommunestyret ber rådmannen leggja fram ein skriftleg framdriftsplan for korleis og når tilrådingane skal følgast opp for kontrollutvalet med kopi til kommunestyret i fyrste kontrollutvalsmøte i 2024.
Kommunestyret ber om at kontrollutvalet får ei skriftleg tilbakerapportering om oppfølginga av tilrådingane innan 3. kvartal 2024.
Oppmodar det nye kommunestyret til å vurdere å sette ned ei arbeidsgruppe med politisk representasjon for tettare å fylje opp revisjonsrapporten, då for å motverke m.a. rekrutteringsutfordringane, styrke arbeidsgjevaridentiteten, samt etablere ein lærlingstrategi
Revisor Ragnhild K. Høyland møtte til denne saka og svara på spørsmål.
Saka vart drøfta.
Torill Torsvik Størkersen (Ap) sette fram følgjande framlegg til tilleggspunkt:
Oppmodar det nye kommunestyret til å vurdere å sette ned ei arbeidsgruppe med politisk representasjon for tettare å fylje opp revisjonsrapporten, då for å motverke m.a. rekrutteringsutfordringane, styrke arbeidsgjevaridentiteten, samt etablere ein lærlingstrategi
Framlegg til vedtak frå formannskapet med tilleggspunktet frå Ap vart samrøystes vedteke.
Driftsbudsjett 2023 vert endra i samsvar med vedlagte bevillingsoversyn drift.
Investeringsbudsjett 2023 vert endra i samsvar med vedlagte bevillingsoversyn investering.
Økonomileiar Svein Viktor Ellingbø møtte til denne saka og svara på spørsmål.
Saka vart drøfta.
Framlegg til vedtak frå formannskapet vart samrøystes vedteke.
Driftsbudsjett 2024 og økonomiplan 2024-2027 vert fastsett slik det er lagt fram i rådmannen sitt forslag til årsbudsjett og økonomiplan, og i samsvar med bevillingsoversyn drift jf. pkt. 9.2.
Investeringsbudsjett 2024 vert fastsett slik det er lagt fram i rådmannen sitt forslag til årsbudsjett og økonomiplan, og i samsvar med bevillingsoversyn investering jf. pkt. 9.3.
Kommunestyret godkjenner opptak av nye lån på inntil kr 6.333.000 for finansiering av investeringsprosjekt i 2024.
Masfjorden kommune tek opp i tillegg inntil kr 6.000.000 i lån frå Husbanken i 2024 til vidareutlån som startlån i samsvar med Husbanken sine retningslinjer.
Satsar for kommunale avgifter og gebyr vert fastsett slik det kjem fram i pkt. 7 i rådmannen sitt forslag til årsbudsjett og økonomiplan.
For eigedomsskatteåret 2024 skal det skrivast ut eigedomsskatt på næringseigedom, kraftverk, vindkraftverk, kraftnettet og anlegg omfatta av særskattereglane for petroleum, jf. eigedomsskattelova § 3 første ledd bokstav d. Den alminnelege skattesatsen for eigedomsskatt i skatteåret 2024 er 7 promille, jf. eigedomsskattelova § 11 første ledd.
Det skal kostnadsreknast kva det vil utgjere at søskenmoderasjon vert 50 % for barn 3 i kulturskulen.
Kostnaden for dekke på Sentralidrettsbana på Hosteland på 3,5 mill vart lagt inn i økonomiplan, jf sak 096/2023.
Det vert lagt inn ein tekstdel i økonomiplanen om at det skal settast av pengar til fleirbrukshall i perioden, jf sak 096/2023.
Økonomileiar Svein Viktor Ellingbø møtte til denne saka og svara på spørmål.
Saka vart drøfta.
Framlegg til vedtak frå formannskapet vart samrøystes tilrådd.
Årsbudsjettet for kraftfondet 2024 vert fastsett slik;
Tildeling av frie midlar frå kraftfondet skjer ved hovudfordeling i september med søknadsfrist 15.juni 2024, og 2.tildelingsrunde i nov/desember 2024 med søknadsfrist 1.november 2024. Det vert opna for å ta opp hastesaker.
Saka vart drøfta
Framlegg til vedtak frå Kraftfondstyret vart samrøystes vedteke.
Eigarmelding 2023 vert teken til vitring.
Saka vart drøfta.
Framlegg til vedtak frå formannskapet vart samrøystes vedteke.
Masfjorden kommune godkjenner Interkommunal plan for sjøareal i Region Nordhordland, planid 2021003. Planen trer i kraft 01.01.24
Det vert vist til vedlagde plandokument som planskildring, plankart, føresegner, konsekvensutgreiing og kunnskapsgrunnlag.
Grunngjevinga for vedtaket er vist i saksutgreiinga.
Vedtaket er heimla i plan- og bygningsloven §§ 9-3 og 11-15.
Saka vart drøfta.
Ordførar sette fram følgjande framlegg til tilleggsledd til 1.setn:
[...]. Planen trer i kraft 01.01.24
Framlegg til vedtak frå formannskapet vart samrøystes vedteke.
Masfjorden kommune godkjenner framlegg til opsjonsavtale, slik det ligg føre i vedlegg til saka.
Saka vart drøfta.
Framlegg til vedtak frå formannskapet vart samrøystes vedteke.
Handlingsplanen 2024 for Kommunedelplan Idrett, fysisk aktivitet og friluftsliv vert vedteken i samsvar med konklusjon i saka med tillegg av nytt pkt 3 under overskrifta Nærmiljøanlegg:
Rehabiliering av nærmiljøanlegg som er eldre enn 10 år – opprinneleg søkjar
Saka vart drøfta.
Torill Torsvik Størkersen (Ap) sette fram forslag til nytt pkt 3 under overskrifta Nærmiljøanlegg:
Rehabiliering av nærmiljøanlegg som er eldre enn 10 år – opprinneleg søkjar
Framlegg til vedtak frå formannskapet med tilleggspunkt frå Ap vart samrøystes vedteke.
Masfjorden kommune ynskjer å etablere nye bustader/omsorgsbustader på Haugsvær.
I fyrste omgang er målet å planleggja for etablering av 2 bustader/omsorgsbustader i dialog med Husbanken.
På sikt kan det vere aktuelt å utvide med inntil 2 bustader/omsorgsbustader til, og areal som kan nyttast til dagaktivitetar i dette området.
Saka skal til handsaming i råd og utval, og endeleg godkjennast i Kommunestyret når finansiering er klar.
Saka vart drøfta.
Torill Torsvik Størkersen (Ap) sette fram forslag om å endre ordet omsorgsbustader med orda bustader/omsorgsbustader i alle punkta i framlegg til vedtak
Framlegg til vedtak frå formannskapet med endringa frå Ap vart samrøystes vedteke.
Kommunestyret løyver inntil krone 1.800.000,- til etablering av vatn- og avlaupsanlegg til Haugsvær Panorama, slik det er skissert i saksframlegget nedunder med mellom anna fellesframføring av VA-leidningar og nye borehol for vatn.
Løyvinga vert å ta over bustadfondet.
Det er eit vilkår at tidlegare inngått utbyggingsavtale med Haugsvær Panorama vert reforhandla.
Saka vart drøfta.
Framlegg til vedtak frå formannskapet vart samrøystes vedteke.
Masfjorden kommune imøtekjem søknad om overtaking av privat veg til kommunal veg under føresetnad av gitte føresetnader 2017 er utført/innfridd, samt at tomtelaget må få grensejusert arealet vegen ligg på, slik at heile vegen vert liggjande på vegeigedomen (gnr 47 bnr 75).
Saka vart drøfta.
Framlegg til vedtak frå formannskapet vart samrøystes vedteke.
Masfjorden kommune søkjer om medlemskap i Vest brann og redningsregion – kommunalt oppgåvefellesskap.
Saka vart drøfta.
Framlegg til vedtak frå formannskapet vart samrøystes vedteke.
Kommunestyret tek informasjonen til vitring
Behov for evt. tilleggsløyvingar til vertskommunesamarbeidet GMBR vert å ta stilling til i budsjettsamanheng.
Prosjekt lyssetting Berivest AS ca. kr 120 000 inkl. mva vert finansiert ved bruk av disposisjonsfond.
Torill Torsvik Størkersen (Ap) sa ho var inhabil i saka sidan ho er med i styret i Berivest. Det vart samrøystes vedteke at Størkersen var inhabil og ho forlot møtet.
Saka vart drøfta.
Framlegg til vedtak frå formannskapet vart samrøystes (16 røyster) vedteke.
Sameiet Frøyset grunneigarlag får kr.373000,- i tilskot frå det kommunale fiskefondet til utlegging av gytegrus i Frøysetelva. Vilkår: Ein skal fylgja NORCE LFI si anbefaling på fem kartlagde lokalitetar i vassdraget. Tilskotet er på 50% av kostnadsoverslag. Utbetaling etter at dokumenterte utgifter ligg føre, og tiltaket er synfart.
Siri Tangedal Kratzmeier (KrF) sa ho var inhabil fordi på er medlem i grunneigarlaget. Det vart samrøystes vedteke at Kratzmeier var inhabil og ho forlot møtet.
Saka vart drøfta.
Framlegg til vedtak frå formannskapet vart samrøystes (16 røyster) vedteke.
Referatsaker vert tekne til orientering
Havforskar Kjell Nederås orienterte om fredningsområde for hummar før møtet starta.
Søknaden om fredningsområde i Masfjorden vert handsama som sak kommunestyret til neste år.
Grunngjevne spørsmål:
Laila Furebotn (Sp) stilte følgjande spørsmål:
Dei siste åra har kommunen teke imot fleire flyktning familiar, dei siste frå ukraina. Dette er med og dreg eit lågt folketal i rett retning, og er soleis positivt for kommunen.
Me har i kommunen ein ukrainsk familie som ynskjer å flytta internt i kommunen. Dette fordi far i familien sjølv har skaffa seg ordinært arbeid. Han har no lang pendlarveg, og har fått tilpassa arbeidstid grunna ferja ikkje går tidleg nok til at han rekk fram i tide til ordinær oppstart.
Dei har sjølve funne fram til ny bustad som kan leigast, men ser at med berre ei intekt vil dette ikkje gå opp økonomisk, sjølv med redusert reiseutgifter.
Når dei spør kommunen ang ulike løysingar for hjelp/støtte, er svaret negativt. kortversjonen oppfattast som at "flyktningar frå ukraina er venta flytta tilbake innan omlag 1 år".
Dette minnar meg om svaret frå oppvekstleiar på kvifor me lærer ukrainske flyktningar bokmål og ikkje nynorsk ; "me forventar at dei fleste flyttar til eller rundt bergen etter kort tid".
Når me har familiar som ynskjer å bu og etablera seg i Masfjorden, med vår folketals utfordring, bør ikkje kommunen vera på tilbodsida når det kjem til løysingar for dei??
Ein får ikkje folk til 17 mai komitear i bygdene våre av å "forventa at folk flyttar ut av kommunen". Me løyser heller ikkje bemanningsutfordringane våre med slike haldningar. Her må me som kommune vera kreative, hjelpsomme og legga til rette for folk som ynskjer å etablera seg jå oss.
Hadde og vå fint med ein oppdatering når det kjem til målform på vaksenopplæringa no, etter at saka var oppe sist.
Ordførar og rådmannen svara på spørsmålet.
Referatsaker:
skriv 1: Protokoll Kontrollutvalet 26.09.23
Framlegg til vedtak vart samrøystes vedteke.
Politihkar | Lahttošládja | E-poasta |
---|---|---|
Geir Egil Haugsvær | gehaugsver@gmail.com | |
Helga Nyhavn Matre | aglehnm@hotmail.com | |
Silje Vågseth Kjetland | stsilje@hotmail.com | |
Bjarte Moncrieff-Dyrkolbotn | bdyrkolbotn@gmail.com | |
Torill Torsvik Størkersen | torill@vestablikk.no | |
Kariann Ekren | karian_ekren@hotmail.com | |
Frode Langhelle | frode.langhelle@bkk.no | |
Hildegunn Bjånes | hildegunn.bjanes@masfjorden.kommune.no | |
Britt Inger Myhr | britt.inger.myhr@masfjorden.kommune.no | |
Erlend Kvamsdal | erlekvam@online.no | |
Siri Tangedal Kratzmeier | siri@salz.no | |
Ragnvald Tangedal | ragnvald.tangedal@bakerhughes.com | |
Jostein Kvamme Duesund | josduesund@gmail.com | |
Wenche Dåe | wenchedae@yahoo.no | |
Arne Hindenes | arne.hindenes@hindenesas.no | |
Karstein Totland | karstein.totland@masfjorden.kommune.no | |
Laila Furebotn | furebotn@hotmail.com |