Møte i Administrasjonsutvalet den 31.05.2022

Vedtak

Innkalling og sakliste vert godkjend

Behandling

Framlegg til vedtak vart samrøystes (6 røyster) vedteke.

Vedtak

Møtebok vert godkjend.

Behandling

Framlegg til vedtak vart samrøystes (6 røyster) vedteke.

Vedtak

Sjukefråværsstatistikk til og med 1.kvartal 2022 vert teken til vitring.

Behandling

Framlegg til vedtak frå Arbeidsmiljøutvalet vart samrøystes (6 røyster) vedteke.

Vedtak

Personalreglement Masfjorden kommune vert vedteke slik det ligg føre.

Behandling

Saka vart drøfta.

Framlegg til vedtak frå Arbeidmiljøutvalet vart samrøystes (6 røyster) tilrådd til formannskapet.

Vedtak

Seniorpolitikk for Masfjorden kommune vert vedteke slik det ligg føre.

Behandling

Ørjan Valestrand (Utdanningsforbundet) sette fram følgjande endringsforslag til pkt f):

For å gje ein honnør for seniorar som held fram i arbeid, vert det gjev eit seniortillegg:

Frå fylte 63 år - kr 7 500,- pr år i 100 % stilling

Frå fylte 65 år - auke på kr 7 500,- (totalt kr 15 000,- pr år i 100 % stilling)

Den som har teke ut delvis AFP-pensjon eller går i deltidsstilling får seniortillegget reduseret tilsvarande.

Saka vart drøfta.

Framlegg til vedtak frå Arbeidsmiljøutvalet vart røysta opp mot framlegg til vedtak frå Utdanningsforbundet.

Framlegg til vedtak frå Arbeidsmiljøutvalet vart tilrådd til formannskapet med 3 røyster (H , Krf og Fagforbundet) mot 3 røyster (Sp, Ap og Utdanningsforbundet) då utvalsleiar stemte for framlegget frå Arbeidsmiljøutvalet.

Vedtak

Lønspolitisk plan vert vedteke slik den ligg føre.

Behandling

Ørjan Valestrand (Utdanningsforbundet) sette fram følgjande framlegg til endring av pkt Løn ved kompetanseauke, 2 avsnitt:

eit kvart års vidareutdanning / 15 studiepoeng - kr 7 500,-

eit halvt års vidareutdanning / 30 studiepoeng - kr 15 000,-

eit års vidareutdanning / 60 studiepoeng - kr 30 000,-

Dersom tilsette byggjer vidare på utdanninga og som eit resultat av dette får ny stillingskode som utløyser høgare løn fell kompetanseauken bort.

Saka vart drøfta.

Rådmannen sa at kompetanseplanen var planlagt lagt fram politisk i september og at framlegget frå Utdanningsforbundet bør vere ein del av diskusjonen rundt denne planen. Administrasjonsutvalet slutta seg samla til dette og Utdanningsforbundet trekte sitt framlegg til vedtak.

Framlegg til vedtak frå Arbeidsmiljøutvalet vart samrøystes tilrådd til formannskapet

Vedtak

Referatsaker vert tekne til orientering

Behandling

Spørsmål i møtet:

Britt Inger Myhr (Fagforbundet) spurte etter pengane som ein gong var avsett til trampoline ved Masfjorden bu og arbeidsfellesskap. Administrasjonsutvalet slutta seg samla om at trampolina kunne etablerast slik planlagt og at rådmannen skulle finansiere dette over driftsbudsjettet.