Møte i Kommunestyret den 16.06.2022

Vedtak

Innkalling og sakliste vert godkjend

Behandling

Det vart sett fram forslag om Kariann Ekren (H) og Jostein Kvamme Duesund (uavh) til å skrive under møteboka.

Framlegg til vedtak vart samrøystes vedteke.

Vedtak

Møtebok vert godkjend.

Behandling

Framlegg til vedtak vart samrøystes vedteke.

Vedtak

Finansrapport pr. 30.4.22 vert teken til vitring

Behandling

Saka vart drøfta.

Framlegg til vedtak frå formannskapet vart samrøystes vedteke.

Vedtak

Rapportering pr. 1.tertial 2022 vert teken til vitring.

Driftsbudsjett 2022 vert endra i samsvar med vedlagte bevillingsoversyn drift.

Investeringsbudsjett 2022 vert endra i samsvar med vedlagte bevillingsoversyn investering.

Behandling

Økonomi- og personalleiar Svein Viktor Ellingbø møtte til denne saka.

Saka vart drøfta.

Framlegg til vedtak frå formannskapet vart samrøystes vedteke.

Vedtak

Grunnlag for driftsbudsjett 2023 vert vedteke i samsvar med vedlagte bevillingsoversyn drift.

Grunnlag for investeringsbudsjett 2023 vert vedteke i samsvar med vedlagte bevillingsoversyn investering.

Investeringsaktiviteten gjennom året 2023 vert justert slik at det vert ikkje tatt opp nye lån for investeringsføremål i budsjettåret.

Behandling

Økonomi- og personalleiar Svein Viktor Ellingbø møtte til denne saka og svara på spørsmål.

Saka vart drøfta.

Framlegg til vedtak frå formannskapet vart samrøystes vedteke.

Vedtak

Vedlagte framlegg til økonomireglement for Masfjorden kommune vert vedteke slik det ligg føre.

Behandling

Økonomi- og personalleiar Svein Viktor Ellingbø møtte til denne saka.

Framlegg til vedtak frå formannskapet vart samrøystes vedteke.

Vedtak

Framlegg til vedtak:

• Det årlege kommunale tilskotet til Museum Vest vert auka frå kr 400 000 til kr 480 000 gjeldande frå 01.01.23. Dette under føresetnad av at den totale budsjettramma under 3750 Museum vert auka tilsvarande, slik at alle oppgåver på museumsområdet kan bli ivaretekne.

• Det vert inngått ein vedlikehaldsavtale mellom Stiftinga Bjørn West-museet og Masfjorden kommune der teknisk etat ( TML) får ansvar for normalt vedlikehald av museumsbygningane.

• Sidan museet ikkje har blitt tilgodesett med vedlikehaldsmidlar frå kommunen sidan konsolideringa i 2016 yter kommunen eit eingonstilskot kr 100 000 til normalt vedlikehald. Summen vert utbetalt i 2022.

• Det vert ikkje løyvd eingongstilskot på kr 75 000 for å dekka delar av underskot i 2021.

• Det vert ikkje løyvd eingongstilskot for 2022 på kr 100 000 for naudsynt fornying og auka kostnader knytt til utstillingar, vedlikehald ombyggingar. Masfjorden kommune yter alt midlar til dette gjennom det årlege tilskotet.

Behandling

Saka vart drøfta.

Framlegg til vedtak frå formannskapet vart samrøystes vedteke.

Vedtak

Masfjorden kommune inngår ny driftsavtale ungdomskontakten Salto for 2022-2024

Avtalen vert inngått med Alver kommune

Behandling

Salto v/Amanda Sundby Hoff og Thomas Veland orienterte om sin arbeidsdag og arbeidsoppgåver.

Oppvekstleiar Rita Ludvigsen møtte til denne saka.

Saka vart drøfta.

Framlegg til vedtak frå formannskapet vart samrøystes vedteke.

Vedtak

Kommunestyret har gjort seg kjend med kvalitetsmeldinga for barnehage og grunnskule i Masfjorden for skule og barnehageåret 2021-22 og tek meldinga til orientering

Behandling

Oppvekstleiar Rita Ludvigsen møtte til denne saka og svarte på spørsmål.

Saka vart drøfta.

Framlegg til vedtak vart samrøystes vedteke.

Vedtak

Framlegg til vedtekter for barnehagane i Masfjorden vert vedteke slik dei ligg føre med følgjande endring i siste kulepunkt i § 12:

Foreldrebetalinga går frå den 1. i den månaden bornet/borna tek i bruk tildelt plass

Behandling

Oppvekstleiar Rita Ludvigsen møtte til denne saka og svarte på spørsmål.

Saka vart drøfta.

Jostein Kvamme Duesund (Uavh) sette fram følgjande framlegg til endringsforslag i siste kulepunkt i §12 Foreldrebetaling i vedtektene for barnehagane i Masfjorden.

Foreldrebetalinga går frå den 1. i den månaden bornet/borna tek i bruk tildelt plass

Framlegg til vedtak frå formannskapet med endringsforslag frå Uavh vart samrøystes vedteke.

Vedtak

Personalreglement Masfjorden kommune vert vedteke slik det ligg føre.

Behandling

Saka vart drøfta.

Framlegg til vedtak frå formannskapet vart samrøystes vedteke.

Vedtak

Seniorpolitikk for Masfjorden kommune vert vedteke slik det ligg føre.

Behandling

Saka vart drøfta.

Framlegg til vedtak frå formannskapet vart samrøystes vedteke.

Vedtak

Formannskapet ber om at innkomne høyringssvar samt vedtaket frå Eldrerådet vert innarbeidd i temaplanen før saka kjem opp i kommunestyret.

Behandling

Saka vart drøfta.

Framlegg til vedtak frå formannskapet vart samrøyste vedteke.

Vedtak

Masfjorden kommune sluttar seg til framlegg til revidert Overordna samarbeidsavtale og Tenesteavtale 1 – overordna føringar for samarbeidsstruktur og samarbeidsformer i helsefellesskapet.

Behandling

Framlegg til vedtak frå formannskapet vart samrøystes vedteke.

Vedtak

Referatsaker vert tekne til orientering

Behandling

Det var generalforsamling i Einekavane AS før møtet starta.

Gulen og Masfjorden barnevern v/Jane Hersjedal og Kristin Midtgård gjekk gjennom Tilstandsrapport for barneverntenesta 2021 før møtet starta.

Grunngjevne spørsmål:

Silje Vågseth Kjetland (Sp) har sendt inn følgjande oppmoding:

Vigilo er eit program som skal vera eit hjelpemiddel for barnehagane i Nordhordland. Her skal ein kunna sjekka born inn/ut av bhg, registrera fråver, dela planar, senda melding og bilete m.m, i samarbeidet heim. Den eldre versjonen av Vigilo fungerte svært bra, syns både tilsette og føresette då. Etter den oppdaterte versjonen kom, er Vigilo vorte meir ein «klamp» om foten. Det vert opplevd som eit tungvint program, og stel mykje av tida til dei tilsette, som dei heller kunne brukt på borna. Døme på dette er at «feeden» er uoversiktleg, og informasjon forsvinn raskt utover i systemet. Både tilsette og føresette må bruka bank id for å komma inn. Tilsette må dette kvar gong dei skal lesa melding frå føresette, sjekka informasjon, eller utføra andre enkle operasjonar på Vigilo. Føresette er frustrert, og det har vorte snakka med programutviklar, og andre aktørar, knytt til denne avtalen, for å få endra på opplegget utan hell. Me ynskjer at dette vert teke vidare, og at ein kjem i dialog, slik at ein kan få eit program, som fungerer som eit godt «verktøy» i kvardagen

Rådmannen kommenterte denne oppmodinga i sak PS 039/2022 Kvalitetsmelding 2021/22.

Referatsaker:

Skriv 1: Melding om tilstandsrapport frå barneverntenesta 2021

Skriv 2: Skjelsundet Vel og dagsturhytta er tildelt spelemidlar

Skriv 3: Særutskrift frå Kontrollutvalet - Oppfølging av plan for forvaltningsrevisjon (sendt på e-post)

Orientering frå Rådmannen:

• rådmannen orienterte om at møteplanen for politiske møter i haust kjem skeivt ut fordi ein har førsøkt å tilpasse han til nordsjøturnus for kommunestyremedlemmer. Kommunestyret samla seg om at formannskapet diskuterte møteplanen i morgon.

Orientering frå ordførar:

• ordførar orienterte kort om framlegg til kjøpeavtale for næringsarel gnr 30 bnr 6, Sandnes

Eit samla kommunestyre (15 stk) slutta seg til prinsippa i framlagt kjøpeavtale og gav ordførar fullmakt til å kvalitetsikre avtalen og å signere på vegne av kommunen.

Framlegg til vedtak vart samrøystes vedteke.