Čoahkkin Formannskapet 05.12.2022

Vedtak

Innkalling og sakliste vert godkjend

Behandling

Framlegg til vedtak vart samrøystes vedteke.

Vedtak

Møtebok vert godkjend.

Behandling

Framlegg til vedtak vart samrøystes vedteke.

Vedtak

Eigarmelding 2022 vert teken til vitring

Behandling

Saka vart drøfta.

Framlegg til vedtak vart samrøystes tilrådd til kommunestyret.

Vedtak

Masfjorden kommune har ikkje vesentlege merknader til den interkommunale planen for sjøareal for region Nordhordland utover følgjande kommentarar:

• Dersom utvidinga av akvakulturlokaliteten nord for Einestrand vert godkjent (ikkje råka av motsegn), rår ein til at eksisterande lokalitetar (areal vist med rosa og blåfarge går ut i endeleg plan.

Behandling

Saka vart drøfta.

Ordførar orienterte om at det var sendt inn eit innspel til planen frå to grunneigarar i Andvik om tiltak i sjø. Formannskapet samla seg om at innspel frå GNBR 28/2 og 28/9 skulle meldast som kommentar til planen og at formulering og kartutsnitt vert lagt fram i kommunestyremøtet.

Framlegg til vedtak vart samrøystes tilrådd til kommunestyret.

Vedtak

Framlegg til vedtak

Rådmannen rår til at plan for friluftslivslivet sine ferdselsårer i Masfjorden kommune 2022-2030 vert vedteken. Det vert kvart år sett av kr 30 000 til mindre tiltak i planen. Midlane vert henta frå Kulturfondet.

Behandling

Saka vart drøfta.

Framlegg til vedtak vart samrøystes tilrådd til kommunestyret.

Vedtak

Masfjorden kommune tilrår at representantskapet og styret i NGIR å gjere vedtak i saka om organisering av NGIR IKS på bakgrunn av:

• Det opprettast eit AS, med ansvar for næringsavfall, organisert under NGIR IKS

• Utfordringar knytt til fordeling av felles kostnader mellom sjølvkostområde og næringsområde vert å løyse gjennom interne rutinar og internrekneskapen.

Behandling

Saka vart drøfta.

Framlegg til vedtak vart samrøystes tilrådd til kommunestyret.

Vedtak

Referatsaker vert tekne til orientering

Behandling

Referatskaer:

Skriv 1: Anmodning om bosetting 2023 - Masfjorden kommune

Rådmannen fekk fullmakt til å svare ut denne anmodninga etter moment diskutert i møtet

Skriv 2: Akuttvurdering skred - Haugsvær, Masfjorden

Skriv3: E-post frå Laila Furebotn (Sp) - utsendt til formannskapsmedlemmene i forkant av møtet

Ordførar fekk i oppdrag å svara ut spørsmåla til avsendar av e-posten kommunestyremøte

Orientering frå rådmannen:

• rådmannen orienterte om status på legevaktsamarbeidet

• rådmannen orienterte om status på legedekninga på Hosteland

Framlegg til vedtak vart samrøystes vedteke.

Vedtak

• Masfjorden kommune går sterkt imot at framlegget til endringa i inntektssystemet frå utvalet som legg fram NOU 2022:10 vert gjennomført

• Vi er sterkt imot innlemming av kommunale kraftinntekter og andre inntekter som havbruksfondet i inntektssystemet. Etter framlegget skal «kraftkommunane» dele 10% av sine konsesjonskraftinntekter med resten av landet. Då vasskraftutbyggingane vart vedtekne, vart det som ein del av vilkåra for utbygging, vedteke ein føresetnad om at kommunane skal ha varige særlege inntekter. Inntektene er varig kompensasjon for dei negative inngrepa i vår natur som følgje av vasskraftutbyggingar. Slike inntekter kan ikkje avviklast ved endringar i eit inntektssystem for kommunesektoren. Konsesjonsvilkåra lever vidare uavhengig av korleis inntektssystemet vert endra. Vi viser elles til grundig uttale frå LVK/naturressurskommunane på dette område.

• Vi finn det urovekkjande at små distriktskommunar kjem dårleg ut i framlegget til nytt inntektssystem for kommunane, og meiner det er viktig at desse kommunane heller får betre utteljing i inntektssystemet og såleis vert sett betre i stand til å skape ei god samfunnsutvikling. Det har vore nedsett ein del utval opp gjennom åra som har sett på ulike endringar i inntektssystemet – alle med same resultat for Masfjorden sin del, fører til nedgang i sum rammetilskot. Fokus på innbyggjar og einheitskostnader, fangar i stadig mindre grad opp avstandar og reisetid, som ein liten distriktskommune med store avstandar og ein fjord som skil kommunen gjer at ein må oppretthalde 3 skular, barnehagar etc., som ut i frå folketal skulle tilseie 1. Bruprosjektet som kunne ha løyst store deler av desse utfordringane får ein i liten grad dra hjelp og avklaringa på frå sentral hald.

• Masfjorden kommune vurderer det som viktig at mindre kommunar med høgt utgiftsbehov knytt til ressurskrevjande brukarar får tilført nok ressursar til å sikre eit godt tilbod, og meiner finansieringsordninga framleis bør liggje utafor Inntektssystemet.

Behandling

Saka vart drøfta.

Rådmannen sette fram følgjande framlegg som tillegg til kulepkt 3:

Det har vore nedsett ein del utval opp gjennom åra som har sett på ulike endringar i inntektssystemet – alle med same resultat for Masfjorden sin del, fører til nedgang i sum rammetilskot. Fokus på innbyggjar og einheitskostnader, fangar i stadig mindre grad opp avstandar og reisetid, som ein liten distriktskommune med store avstandar og ein fjord som skil kommunen gjer at ein må oppretthalde 3 skular, barnehagar etc., som ut i frå folketal skulle tilseie 1. Bruprosjektet som kunne ha løyst store deler av desse utfordringane får ein i liten grad dra hjelp og avklaringa på frå sentral hald.

Framlegg til vedtak - med tillegget til kulepkt 3 sett fram i møtet - vart samrøystes tilrådd til kommunestyret.

Vedtak

1. Stordalen Oppleving AS ved Anne Kvellestad får serverings- og skjenkeløyve ved
   Country Cafeen AS Hosteland, 1.etasje i Fensfjordbygg, Fensfjordvegen 615, 5689 Hosteland.

2. Skjenking av alkoholhaldig drikke gjeld:
   - Alkoholgruppe 1 , øl, cider og rusbrus med alkoholinnhold opp til 4,7 %
   - Alkoholgruppe 2, øl, vin og brennevin med alkoholstyrke mellom 4,7 % og 22 %
   - Alkoholgruppe 3, brennevin med alkoholstyrke mellom 22 % og 60 %

3. Styrar for skjenkeløyvet: Anne Kvellestad
   Avløysar for styrar: Tore Jarl Pedersen

4. Skjenkeareal: Skjenkeløyvet gjeld innomhus i serveringslokale i 1.etasje i Fensfjordbygg. Utskjenka alkohol skal ikkje takast ut i andre deler av bygget eller utandørs.

5. Skjenketider:
   For skjenking gruppe 1 og 2: kl. 13.00 – 02.00
   For skjenking gruppe 3: kl. 17.00 – 02.00
   Lukka arrangement gruppe 1, 2 og 3 kl. 17.00 – 02.00

6. Det er eit vilkår for skjenkeløyvet at det ved skjenkestaden også er eit allsidig mattilbod.

7. Skjenkeløyvet gjeld frå og med 15.12.2022 til og med 31.3.2024.

8. Serveringsløyvet er ikkje tidsavgrensa for denne eigaren og denne lokaliteten.

Behandling

Saka vart drøfta.

Framlegg til vedtak vart samrøystes tilrådd til kommunestyret.

Vedtak

Delegerte saker vert tekne til orientering

Behandling

Delegerte saker:

• Delegert sak 1: Melding om delegerte vedtak - Søknad om konsesjon for kjøp av GBNR 289 Havnen

Framlegg til vedtak vart samrøystes vedteke.