Møte i Formannskapet den 02.02.2023

Vedtak

Innkalling og sakliste vert godkjend

Behandling

Framlegg til vedtak med vart samrøystes vedteke.

Vedtak

Møtebok vert godkjend.

Behandling

Framlegg til vedtak vart samrøystes vedteke.

Vedtak

Finansrapport pr. 31.12.22 vert teken til vitring.

Behandling

Saka vart drøfta.

Framlegg til vedtak vart samrøystes tilrådd til kommunestyret.

Vedtak

Masfjorden kommune støttar hovudmålet i planen som slår fast at Vestland skal ha energioverskot frå fornybare energikjelder og ei robust kraftforsyning som bidreg til grøn verdiskaping.

Vidare deler kommunen ambisjonsnivåa til dei enkelte 6 fornybare energikjeldene og for den vidare utviklinga av kraftforsyninga som er føreslått i plandokumentet. Nye kraftlinjer og oppgraderingar av eksisterande er heilt naudsynt, for å få til ei robust kraftforsyning i Vestland fylke.

Masfjorden kommune støttar dei 38 retningslinene som er definert i plandokumentet, og vil spesielt framheva at formuleringane som gjeld vindkraft i punkt 12 og 13 er svært viktige for kommunen, der det står følgjande:

12. Det skal ikkje byggast vindkraftverk som er i strid med kommunale vedtak.

13. Det skal ikkje byggjast vindkraft i natur på land eller der viktige verdiar knytt til natur, landskap, kulturminne, kulturmiljø, eller der friluftsliv og reiseliv blir forringa eller som gjev varige sår i naturen som ikkje kan tilbakeførast, (jf vedtak i pkt 2 over).

Masfjorden kommune meiner at handlingsprogrammet inneheld mange gode tiltak knytt til alle strategiane og delmåla. Under delmål 6, som handlar om kraftnettet, saknar kommunen ein fylkeskommunal strategi som handlar om å arbeide for å finne kraftlinjetrasear som i minst mogleg grad forringar landskap og viktige vilt-, natur og friluftsområde. Eit aktuelt nytt tiltak som kunne vorte vurdert teke inn i handlingsprogrammet under delmål 6 er: Gjennom fråsegn og politisk arbeid bidra til at nye kraftlinjer vert lagt på ein skånsam måte, og med lågast mogeleg ulemper for landskap, miljø og naturkvalitetar.

Masfjorden kommune meiner at punkt om «Krav til kvalitativ metode for å skaffe kunnskapsgrunnlag for urørd natur på land eller der viktige verdiar knytt til natur, landskap, kulturminne, kulturmiljø eller der friluftsliv og reiseliv blir forringa», må arbeidast inn i plan.

Behandling

Saka vart drøfta.

Siri Tangedal Kratzmeier (KrF) bad om at følgjande innspel vart protokollert:

Region plan for fornybar energi tar ikkje opp i seg fylkestingets vedtak av XXX om avvising av vindkraft på land, med unntak av vindkraft i alt etablerte større industriområde.

1. Side 27, punkt 12: Det skal ikkje byggjast vindkraftverk som er i strid med kommunale vedtak.

   Innspel : Ny tekst

   Det skal ikkje gjevast konsesjon til vindkraft på land i Vestland fylkje med unntak av vindkraft i alt etablerte større industriområde.

2. Side 27, punkt 13: Det skal ikkje byggjast vindkraft i urørd natur på land eller der viktige verdiar knytt til natur, landskap, kulturminne, kulturmiljø eller reiseliv blir forringa.

   Innspel : Ny tekst

   Det skal ikkje byggjast vindkraft i natur på land eller der viktige verdiar knytt til natur, landskap, kulturminne, kulturmiljø, eller der friluftsliv og reiseliv blir forringa eller som gjev varige sår i naturen som ikkje kan tilbakeførast i sin heilheit.

3. Orda «urørd natur» er brukt 3 stader i plan( side 15 og 27).

   Innspel : Orda «urørd natur» endrast til natur.

   Ein kan ikkje nedskalere verdien av natur til å sei at det er kun urørt natur som skal «vernast» mot nye inngrep. Mykje av den naturen som plan legg opptil kan brukast til utbygging, er særs viktig for landskap, kulturminne, kulturmiljø, reiseliv, friluftsliv og lokalsamfunn. Lokalsamfunn sin berekraft med tilflytting og etablering vil kunna bli sterkt redusert som følgje av bruka av såkalla urørt natur og er ikkje drøfta i plan i det heile.

4. Side 28: Punkt 18-19 , Sårbart høgfjell: Retningsliner for planlegging i Vestland

   Retningslinjene(side 28) er det ikkje satt krav til kvalitativ metode for å utgreia Sårbart høgfjell.

   Det er ikkje innarbeida i plan for kva som vert definert som sårbart høgfjell, kva som varige sår i naturen og krav til kvalitativ metode som skal brukast. Det er ein svakheit som ikkje stettar vedteken politikk i Vestland fylkje.

   Innspel : Punkt 18 og 19 erstattast med

   Det skal ikkje gjevast løyve til kraftutbygging i områder definert som «Sårbart høgfjell»

   Subsidiert: Nytt punkt under hovud punkt «Sårbart høgfjell»

   Det skal ikkje gjevast løyve til vindkraft i områder definert som «Sårbart høgfjell»

5. Side 28: Punkt 31 , Friluftsliv: Retningsliner for planlegging i Vestland

   31. Ein bør vise varsemd ved utforming av ny kraftutbygging, slik at tiltaka ikkje redusera opplevingskvalitetane i friluftsområde med stor verdi. Gjennom konkret utforming skal ein søkje å gjere tiltaket til ein positiv ressurs for friluftslivet.

   Innspel : Ny tekst

   Det skal ikkje tillast ny kraftutbygging der opplevingskvalitetane i friluftsområde med stor verdi vert forringa .

6. Side 3: Delmål 3: Auka produksjon frå fornybare energikjelder har bidrege til kutta klimagass utslepp i Vestland

   Innspel: Målet fjernast: Dette målet er alt oppfylt når Vestland alt har overskott av energi produsert av fornybarkjelder.

   Viser til side 25 deltema – kraftnett. «Det produserast meir kraft i Vestland enn vi brukar, likevel er det mange område i fylket der det ikkje er mogleg å ta ut meir kraft enn i dag.»

   Plan er sjølvmotsigande på dette punktet da plan tilkjenn gir at produksjon i Vestland fylke er stor nok til eige forbruk og ei auke. Det betyr at auke i produksjon gir ingen reduksjon av klimagass utslepp lokalt i Vestland. Ingen av punkta (på side 26) treng ny produksjon få å kunne nåes men nye linje føringar er det behov for.

7. Side 27: Retningslinjer som gjeld dei fornybare energikjeldene

   Punkt 7. Ved bruk av komponentar til produksjon av energi frå fornybare energikjelder bør fylkeskommunen og kommunar vektleggje klimafotavtrykket i verdikjedene til alle komponentane.

   Innspel : Ny tekst

   Ved planlegging av etablering av ny produksjon av fornybar energi skal fylkeskommunen og kommunar vektleggje klimafot-, miljøavtrykket og berekraft i produksjon av komponentar alt frå første utvinning av råstoff og i alle ledd i prosessen fram til ferdig produkt.

8. I plan nyttar ein «begrep» som følgjar; urørd natur på land eller der viktige verdiar knytt til natur, landskap, kulturminne, kulturmiljø eller reiseliv blir forringa. Det er ein stor svakheit i plan at desse orda(begrep) ikkje er definert eller kvantifisert og derfor ikkje er målbare eller blir styrt av politikk.

Forholdet til friluftsliv er nemnt i emne Havenergi som moglege interessekonfliktar, men er ikkje nemnt som det i omtale av vindkraft på land. Dette fører til at det generelle kunnskapsgrunnlaget som skal etablerast i plan og brukast i vidare planlegging på alle nivå i sin heilheit er feil. Det vil føre til at tiltakshavar ikkje må eller vil vurdere friluftsliv som eit av forhold som må utgreiast i ein KU. Retningslinjene(side 28) er det ikkje satt krav til kvalitativ metode for å utgreia friluftsliv. I retningslinja er det skrevet inn at tiltak som vert igangsett skal være ein positiv ressurs for friluftslivet, det er umogleg å oppnå når retningslinja er utforma slik den er i plan forslaget, når ingen definisjonar på kva som er positivt er framlagt.

Innspel : Punkt om «Krav til kvalitativ metode for å skaffe kunnskapsgrunnlag for urørd natur på land eller der viktige verdiar knytt til natur, landskap, kulturminne, kulturmiljø eller der friluftsliv og reiseliv blir forringa», må arbeidast inn i plan.

Dette skjedde i møtet til pkt 2:

Erlend Kvamsdal (H) sette fram følgjande framlegg til endringsforslag for side 27 pkt 13:

Det skal ikkje byggjast vindkraft i natur på land eller der viktige verdiar knytt til natur, landskap, kulturminne, kulturmiljø, eller der friluftsliv og reiseliv blir forringa eller som gjev varige sår i naturen som ikkje kan tilbakeførast.

Dette skjedde i møtet til pkt 4:

Formannskapet samla seg om eit forlag om nytt pkt i retningsliner for planlegging i Vestland:

Det skal ikkje gjevast løyve til vindkraft i områder definert som «Sårbart høgfjell»

Krf trakk sitt forlag om å endre side 28 pkt 18 og 19 i planen til - Det skal ikkje gjevast løyve til vindkraft i områder definert som «Sårbart høgfjell» -

Røysting pkt 1:

Side 27 pkt 12 - Det skal ikkje byggjast vindkraftverk som er i strid med kommunale vedtak -

vart røysta opp mot framlegg til endring frå KrF - Det skal ikkje gjevast konsesjon til vindkraft på land i Vestland fylkje med unntak av vindkraft i alt etablerte større industriområde - .

Framlegg frå KrF fall mot ei røyst (KrF).

Røysting pkt 2:

Side 27 pkt 13 – Framlegg frå KrF - Det skal ikkje byggjast vindkraft i natur på land eller der viktige verdiar knytt til natur, landskap, kulturminne, kulturmiljø, eller der friluftsliv og reiseliv blir forringa eller som gjev varige sår i naturen som ikkje kan tilbakeførast i sin heilheit -

vart røysta opp mot framlegg frå H -Det skal ikkje byggjast vindkraft i natur på land eller der viktige verdiar knytt til natur, landskap, kulturminne, kulturmiljø, eller der friluftsliv og reiseliv blir forringa eller som gjev varige sår i naturen som ikkje kan tilbakeførast -

Framlegg frå H vart vedteke mot 1 røyst (KrF)

Røysting pkt 3:

Det vart røysta over KrF sitt forslag om å endre orda «urørd natur» til natur på side 15 og 27

Forslag frå KrF fall mot ei røyst (KrF)

Røysting pkt 4:

Det vart først røysta over KrF sitt forslag -Det skal ikkje gjevast løyve til kraftutbygging i områder definert som «Sårbart høgfjell» -

Forslag frå KrF fall mot ei røyst (KrF)

Det vart så røysta over formannskapet til forslag om nytt pkt - Det skal ikkje gjevast løyve til vindkraft i områder definert som «Sårbart høgfjell» -

Forlag frå formannskapet vart samrøystes vedteke.

Røysting pkt 5:

Side 28, punkt 31 - Ein bør vise varsemd ved utforming av ny kraftutbygging, slik at tiltaka ikkje redusera opplevingskvalitetane i friluftsområde med stor verdi. Gjennom konkret utforming skal ein søkje å gjere tiltaket til ein positiv ressurs for friluftslivet –

vart røysta opp mot framlegg til endring frå KrF - Det skal ikkje tillast ny kraftutbygging der opplevingskvalitetane i friluftsområde med stor verdi vert forringa –

Forslag frå KrF fall mot ei røyst (KrF)

Røysting pkt 6:

Det vart røysta over KrF sitt forslag om å fjerne delmål 3 på side 3

Forslag frå KrF fall mot ei røyst (KrF)

Røysting pkt 7:

Side 27, punkt 7 - Ved bruk av komponentar til produksjon av energi frå fornybare energikjelder bør fylkeskommunen og kommunar vektleggje klimafotavtrykket i verdikjedene til alle komponentane -

vart røysta opp mot framlegg til endring frå KrF – Ved planlegging av etablering av ny produksjon av fornybar energi skal fylkeskommunen og kommunar vektleggje klimafot-, miljøavtrykket og berekraft i produksjon av komponentar alt frå første utvinning av råstoff og i alle ledd i prosessen fram til ferdig produkt -

Forslag frå KrF fall mot ei røyst (KrF)

Røysting pkt 8:

Det vart røysta over KrF sitt forslag til nytt punkt:

Punkt om «Krav til kvalitativ metode for å skaffe kunnskapsgrunnlag for urørd natur på land eller der viktige verdiar knytt til natur, landskap, kulturminne, kulturmiljø eller der friluftsliv og reiseliv blir forringa», må arbeidast inn i plan.

Forslag frå KrF vart samrøystes vedteke

Røysting over heile framlegg til vedtak samla:

Det vart til slutt røysta over heile framlegg til vedtak samla med endringa i pkt 13 i retningslinene frå H og tilleggspunktet frå KrF.

Framlegg til vedtak med endring i pkt 13 og tilleggspunkt vart samrøystes tilrådd til kommunestyret.

Vedtak

Masfjorden kommune sluttar seg i hovudsak til framlegget om endringar i energilova og plan- og bygningslova knytt til vindkraft på land. Det vert vektlagt som svært viktig at kommunane no får meir mynde over denne typen arealkrevjande tiltak, på lik line med andre typer næringsområde, der det lenge har vore plankrav i medhald av plan- og bygningslova.

I areal avsatt til vindkraft i arealplanen i kommunen bør også kommunen vera reguleringsmynde, slik at heile prosessen med avsetjing av areal, utforminga av vindmøller, vegar, anna infrastruktur og føresegner vert avgjort på kommunalt nivå, på same måte som all anna arealdisponering vert gjennomført ved kommunale vedtak. Dette gjeld heile prosessen frå arealavsetjing til reguleringsplan, og gjev kommunene den beste forutsetningen for å driva bærekraftig arealforvaltning.

Kommunen krev at NVE ikkje får utvida mynde i planhandsaminga, til å leggja planforslag ut på høyring og offentleg ettersyn etter pbl sin § 3-7. Ein meiner denne overføringa av mynde kan undergrave det lokale sjølvstyret, og den mynden kommunane skal ha i denne typen arealsaker.

Behandling

Saka vart drøfta.

Siri Tangedal Kratzmeier (KrF) sette fram følgjade framlegg til nytt pkt:

I areal avsatt til vindkraft i arealplanen i kommunen bør også kommunen vera reguleringsmynde, slik at heile prosessen med avsetjing av areal, utforminga av vindmøller, vegar, anna infrastruktur og føresegner vert avgjort på kommunalt nivå, på same måte som all anna arealdisponering vert gjennomført ved kommunale vedtak. Dette gjeld heile prosessen frå arealavsetjing til reguleringsplan, og gjev kommunene den beste forutsetningen for å driva bærekraftig arealforvaltning.

samt endring i kulepkt 2 (som vert endra til kulepkt 3) til:

Kommunen krev av NVE ikkje får utvida mynde [...]

Framlegg til vedtak med tilleggspunkt og endring frå KrF vart samrøystes vedteke.

Vedtak

Bustadpolitisk plan for Masfjorden kommune 2022 – 2032 vert godkjent.

Det vert vist til vedlagde plandokument av 30.12.2022.

Behandling

Framlegg til vedtak vart samrøystes tilrådd til kommunestyret.

Vedtak

Reguleringsplan for Hosteland Vest vert sendt ut til offentleg ettersyn i medhald av plan- og bygningslova sin § 12-10.

Behandling

Erlend Kvamdal (H) sa han var ugild sidan han er grunneigar i området.

Formannskapet samla seg om at Kvamsdal var ugild og han forlot møtet.

Saka vart drøfta.

Framlegg til vedtak vart samrøystes (4 røyster) vedteke.

Vedtak

Masfjorden kommune tek i 2023 imot dei resterande 21 flyktningar frå talet på 50 i 2022. Kommunen tek ikkje imot dei nye 50 ein er anmoda om i 2023.

Behandling

Saka vart drøfta.

Framlegg til vedtak vart samrøystes vedteke.

Vedtak

Masfjorden kommune sluttar seg til avtale om Barnekoordinator med Austrheim kommune gjeldande frå 01.01.23 Finansiering gjennom budsjettsalderinga.

Behandling

Saka vart drøfta.

Det vart jobba fram følgjande framlegg til vedtak:

Formannskapet støttar framlegg til vedtak men ønskjer at saka går vidare til kommunestyret der oppdatert avtale vert lagt ved til det møtet. Rådmannen får i oppdrag å innarbeide moment frå diskusjonen i formannskapet i avtalen.

Framlegg til vedtak jobba fram i møtet vart samrøystes vedteke.

Vedtak

1. Åsmund Kvinge får serverings- og skjenkeløyve ved Sandneskafeen, Austfjordvegen 2728, 5981 Masfjordnes.

2. Skjenking av alkoholhaldig drikke gjeld:

-Alkholgruppe 1, øl, cider og rusbrus med alkoholinnhold opp til 4,7 %

-Alkholgruppe 2, øl, vin og brennevin med alkoholstyrke mellom 4,7 % og 22 %

1. Styrar for skjenkeløyvet: Åsmund Kvinge

Avløysar for styrar: Berit Lygre

1. Skjenkeareal: Skjenkeløyvet gjeld i innomhus i kafédelen av Austfjordvegen 2728. Det kan vere uteservering i utedelen av kaféen, frå og med 01.05 til og med 01.09.

2. Skjenketider: kl. 13.00 – 02.00

3. Det er eit vilkår for skjenkeløyvet at det ved skjenkestaden også er eit allsidig mattilbod.

4. Skjenkeløyvet gjeld frå og med 17.02.2023 til og med 31.03.2024

5. Serveringsløyvet er ikkje tidsavgrensa for denne eigaren og denne lokaliteten.

Behandling

Saka vart drøfta.

Framlegg til vedtak vart samrøystes tilrådd til kommunestyret.

Vedtak

Masfjorden kommune søkjer om medlemskap i Bergen og Omland Friluftsråd.

Behandling

Saka vart drøfta.

Framlegg til vedtak vart samrøystes tilrådd til kommunestyret.

Vedtak

Rådmannen får fullmakt til å gje tilbakemelding basert på diskusjonen i formannskapet

Behandling

Saka vart drøfta.

Det vart jobbar fram følgjande framlegg til vedtak i møtet:

Rådmannen får fullmakt til å gje tilbakemelding basert på diskusjonen i formannskapet.

Framlegg til vedtak jobba fram i møtet vart samrøystes vedteke.

Vedtak

Masfjorden kommune tilrår at den økonomiske ramma i mellomoppgjeret vert fordelt sentralt, og det er ønskeleg at alle tilsette får om lag like store tillegg, samt at helgetillegget vert auka ein del opp.

Behandling

Saka vart drøfta.

Dest vart jobba fram følgjande framlegg til vedtak i møtet:

Masfjorden kommune tilrår at den økonomiske ramma i mellomoppgjeret vert fordelt sentralt, og det er ønskeleg at alle tilsette får om lag like store tillegg, samt at helgetillegget vert auka ein del opp.

Framlegg til vedtak jobba fram i møtet vart samrøystes vedteke.

Vedtak

Delegerte saker vert tekne til orientering

Behandling

Delegerte saker:

Delegert sak 1: Melding om delegert vedtak - Søknad om konsesjon for overtaking av GNBR 35/2 Mjanger

Framlegg til vedtak vart samrøystes vedteke.

Vedtak

Referatsaker vert tekne til orientering

Behandling

Referatsaker:

Skriv 1: APB Fjernvarme Drift AS - Høyring av søknad om fjernvarmekonsesjon for Mongstad industripark i Alver kommune og Austrheim kommune

Skriv 2: Arkeologisk registrering Botnaneset - ferdig rapport

Skriv 3: Møteplan for folkevalde organ i Vestland fylkeskommune i 2023

Skriv 4: Vedrørande klagesak

Skriv 5: Skule og barnehagerute 2023 - 2024

Skriv 6: Informasjon til kommunane om KS Program for folkevalde (sendt ut på epost)

Orientering frå Rådmannen:

• rådmannen orienterte om opplegg for felles kommunestyremøte med Gulen kommune 16.februar

• rådmannen spurte om ein kunne ta ei sak rett i kommunestyret som gjeld kassakreditt. Formannskapet slutta seg samla om at sak om kassakreditt kunne gå rett til kommunestyret 16.februar

Framlegg til vedtak vart samrøystes vedteke.

Vedtak

Kraftmeldinga pr. 31.12.22 vert teken til vitring.

Behandling

Saka vart drøfta.

Framlegg til vedtak vart samrøystes tilrådd til kommunstyret.

Vedtak

Masfjorden kommune prioriterer følgjande trafikksikringsprosjekt i 2023:

• Busskantstopp på Matre

Det vert samstundes løyvd inntil krone 3. 000.000,- til prosjekt busskantstopp ved Matre skule, på vilkår at det vert tildelt fylkeskommunalt trafikksikringstilskot på krone 1.000.000,- i 2023, og at det vert klargjort restfinansiering, som vert innarbeidd i saldert budsjett 2023, før oppstart av prosjektet.

Behandling

Saka vart drøfta.

Framlegg til vedtak vart samrøystes tilrådd til kommunestyret.