Møte i Kommunestyret den 04.05.2023

Vedtak

Innkalling og sakliste vert godkjend

Behandling

Laila Furebotn, Sp, etterspurte svar på innsendt sp.mål, noko ordførar skulle følgje opp til neste kommunestyremøte.

Det vart sett fram forslag om Frode Langhelle og Laila Furebotn til å skrive under møteboka.

Framlegg til vedtak vart samrøystes vedteke.

Vedtak

Møtebok vert godkjend.

Behandling

Framlegg til vedtak vart samrøystes vedteke.

Vedtak

Nautesund camping og hytter får tildelt kr. 125.000 til omsøkt investeringsprosjekt og kr. 7.500 til bedriftsutvikling.

Behandling

Framlegg til vedtak frå Kraftfondstyret vart samrøystes vedteke.

Vedtak

Framlegg til revidert reguleringsplan for Rørdalen hyttefelt vert godkjent i medhald av plan- og bygningslova sin § 12-12.

Det vert vist til revidert plankart av 03.04.2023 og reviderte føresegner av 12.04.2023.

Behandling

Framlegg til vedtak frå formannskapet vart samrøystes vedteke.

Vedtak

Driftsbudsjett 2023 vert endra i samsvar med vedlagte bevillingsoversyn drift.

Investeringsbudsjett 2023 vert endra i samsvar med vedlagte bevillingsoversyn investering.

Behandling

Økonomileiar Svein Viktor Ellingbø møtte til denne saka.

Saka vart drøfta.

Framlegg til vedtak frå formannskapet vart samrøystes vedteke.

Vedtak

1. Sissel Trædal får serverings- og skjenkeløyve ved Stordalen Fjellstove, Bjørn West vegen 180, 5984 Matredal

2. Skjenking av alkoholhaldig drikke gjeld:

• Alkoholgruppe 1: øl, cider og rusbrus med alkoholinnhold opp til 4,7 %

• Alkoholgruppe 2: øl, vin og brennevin med alkoholstyrke mellom 4,7 % og 22 %

• Alkoholgruppe 3: brennevin med alkoholstyrke opp til 60 %

1. Styrar for skjenkeløyvet: Sissel Trædal

2. Desse vert godkjend som styrar og avløysarar for serveringsløyvet og skjenkeløyvet:

Styrar: Sissel Trædal, 5983 Haugsvær.

Avløysar: Hans Henrik Fanebust,5936 Manger

1. Løyvet omfattar desse lokala/uteareal ved Stordalen fjellstove:

Matsal, småstover og salong med uteterrasse i 2. etasje. Konferansesal 1.etasje med uteområde ved utgang i kjellar. Skjenkearealet innandørs er på om lag 525 kvm og skjenkearealet utadørs er på om lag 120 kvm.

1. Skjenkeløyvet gjeld for øl, vin (alkoholgruppe 1 og 2) frå kl. 13.00 til kl. 02.00 og for brennevin (alkoholgruppe 3) frå kl. 17.00 til kl. 02.00.

2. For slutta selskap gjeld utvida løyve for alkohol i gruppe 1, 2 og 3 frå kl. 17.00 til kl. 02.00.

3. Det er eit vilkår at det vert matservering i både pubdel og kafeteriadel av lokala.

4. Skjenkeløyvet gjeld frå dags dato til og med 31.03.2024, jfr. alkohollova § 1-7.

5. Serveringsløyvet er uavgrensa av dato for denne eigaren og denne lokaliteten.

Behandling

Framlegg til vedtak vart frå formannskapet vart samrøystes vedtek.

Vedtak

Masfjorden kommune si årsmelding for 2022 vert teken til vitring.

Behandling

Revisjonssjef Janne Eraker møtte til denne saka.

Saka vart drøfta.

Rådmannen bad om fullmakt til å endre nokre skrivefeil som var oppdaga etter at saka var sendt ut. Kommunestyret samla seg om at rådmannen fekk slik fullmakt.

Framlegg til vedtak frå formannskapet vart samrøystes vedteke.

Vedtak

Årsrekneskapen 2022 for Masfjorden kommune vert godkjent slik den ligg føre, kor både drifts- og investeringsrekneskapen er avslutta i balanse.

Behandling

Revisjonssjef Janne Eraker og økonomileiar Svein Viktor Ellingbø møtte til denne sak.

Saka vart drøfta.

Framlegg til vedtak frå formannskapet vart samrøystes vedteke.

Vedtak

Referatsaker vert tekne til orientering

Behandling

Det var dialogmøte mellom elevane på Sandnes skule og kommunestyrerepresentantane frå 12:15 - 12:50 på Sandnes skule.

Orientering:

• Rektor Geir Follesø orienterte om Erasmus+ prosjektet

Referatsaker:

Skriv 1: Masfjorden-sambandet - Søknad om ferjeavløysingsmidlar

Skriv 2: Masfjordsambandet - Svar frå Samferdselsdepartementet

Skriv 3: Oversending frå kontrollutvalet - sak 06/23 Masfjorden kontrollutval årsmelding 2022

Orientering frå Rådmannen:

• Helse- og omsorgsleiar Oddvin Neset orienterte kort om vikarbruk/byrå, kompetanse og TØRN

• Landbrukskonsulent Kjartan Nyhammer orienterte kort om status for landbruket i kommunen

• Oppvekstleiar Rita Ludvigsen, rektor Geir Follesø, Tone Hatlem og Britt Rød orienterte kort om arbeidet med kvalitetsmeldinga for skule - Kvalitetsmelding oppvekst vert sak i junimøtet

• Frivillingkoordinator Kristin Kvamme Rask presenterte seg og fortalte litt om kva ho tenker å jobbe med framover.

• Rådmannen orientert om sak frå kommunestyret 16.02.23 og til dagens sak om budsjettsaldering, samt formannskapet 27.04.23 om Kantstopp Matre skule. Prosjektet er no fullfinansiert i etterkant av formannskapsmøte. Fylket aukar tilskot opp til 1 mill kr, og fylket inngår avtale med kommunen kring mva med 0,6 mill kr.

  Kommunestyret samla seg om at kommunen no skal starte prosjektet utifrå opplysningar gitt i møtet.

Orientering frå ordførar:

• ordførar orienterte kort om status for vedlikehaldprosjekt på fylkesvegane våre.

• ordførar orienterte kort om status for datalagringssenter

Framlegg til vedtak vart samrøystes vedteke.