Møte i Kommunestyret den 18.09.2023

Vedtak

Innkalling og sakliste vert godkjend

Behandling

Det vart sett fram forslag om Wenche Dåe (Sp) og Ragnvald Tangedal (Ap) til å skrive under møteboka.

Framlegg til vedtak vart samrøystes vedteke

Vedtak

Møtebok vert godkjend.

Behandling

Framlegg til vedtak vart samrøystes vedteke.

Vedtak

Kraftmelding pr. 30.juni 23 vert teken til vitring.

Behandling

Saka vart drøfta.

Framlegg til vedtak frå formannskapet vart samrøystes vedteke.

Vedtak

Finansrapport pr. 2.tertial/31.august 2023 vert teken til vitring.

Behandling

Saka vart drøfta.

Framlegg til vedtak vart samrøystes vedteke.

Vedtak

Kommunestyret har gjort seg kjend med kvalitetsmeldinga for barnehage og grunnskule i Masfjorden for skule og barnehageåret 2022-2023 og tek meldinga til orientering

Behandling

Oppvekstleiar Rita Ludvigsen møtte til denne saka og svara på spørsmål.

Saka vart drøfta.

Framlegg til vedtak vart samrøystes vedteke.

Vedtak

Plan for strategisk kompetansestyring i Masfjorden kommune 2023-2027 vert vedteken slik den ligg føre.

Koordinering av rullering kompetansehevingsplan bør sjåast i samband med rullering av lønspolitisk plan og personalreglementet.

Behandling

Helse- og omsorgsleiar Oddvin Neset møtte til denne saka og svara på spørsmål.

Saka vart drøfta.

Ap kom med framlegg til tilleggspunkt i saka:

Koordinering av rullering kompetansehevingsplan bør sjåast i samband med rullering av lønspolitisk plan og personalreglementet.

Framlegg til vedtak med tillegg frå Ap vart samrøystes vedteke.

Vedtak

1. Masfjorden kommune innfører lokalt tillegg for sjukepleiarar og helsefagarbeidarar i turnus ved sjukeheimen og i heimetenesta slik:

• Sjukepleiar får eit årleg lønstillegg lagt til årsløn i 100% stilling på kr. 30.000,-.

• Helsefagarbeidarar får eit årleg lønstillegg lagt til årsløn i 100% stilling på kr. 20.000,-

Årleg kostnad: kr. 1.370.000,- Tiltaket skal tre i kraft frå og med 1.okt 2023, og i første omgang fram til 30.04.24, og innan den datoen skal tiltaket vere ferdig evaluert i forhold til effekt, og tilpassast tariffoppgjeret til våren og innrullerast i eventuelle statlege overføringar innan pleie- og omsorgssektoren.

1. Alle tilsette i turnus får lokalt helgetillegg på kr. 50,- pr. time.

Årleg kostnad: kr. 1.850.000,-

1. Det vert innført betalt lunch for alle tilsette i pleie- og omsorgstenesta og barnehagane. Iversettingsdato vert 01.01.24
   Årleg kostnad: kr. 1.130.000,-

2. I økonomiplansamanheng skal det leggast fram kva kostnader det vil vere for at pleieassistentar fordelt i heimestenesta, sjukeheim og MBA kan få eit lokalt tillegg på inntil kr 10 000 for 100 % stilling fom 01.01.24

Behandling

Helse- og omsorgsleiar Oddvin Neset møtte til denne saka og svara på spørsmål.

Habiliteten til representantane Siri Tangedal Kratzmeier (KrF), Hildegunn Bjånes (Ap), Britt Inger Myhr (Ap) og Jostein Kvamme Duesund (Uavh) vart vurdert. Kratzmeier og Myhr vart stemt inhablie og forlot møtet. Vararepresentantane Helge Haukeland (Ap) og Helge Andvik (KrF) tok plass i møtet.

Saka vart drøfta før det vart særmøte / gruppeleiarmøte.

Fellesframlegg frå H, Ap, Sp, KrF og Duesund:

• Kommunestyret opprettheld formannskapsvedtaket med bestilling til rådmannen om å få fram kva kostnader det vil vere for å innlemme assistentar (kr 10 000,- for 100 % stilling) og MBA i tiltaket.

• Det bør vurderast ny arbeidstidsordning (TØRN) også på sjukeheimen og i heimetenesta.

• Tiltaket skal tre i kraft fom 1.okt 2023

• Effekt av tiltaket skal evaluerast innan 30.april 2024

• Tiltaket skal tilpassast tariffoppgjeret til våren og innrullerast i eventuelle statlege overføringar innan pleie- og omsorgssektoren

Justert framlegg til vedtak / fellesframlegg vart samrøystes vedteke.

Vedtak

• Masfjorden Kommune gjer eit prinsippvedtak om å løyve inntil 5 mill.kr. for opparbeiding/ tilrettelegging for næringsareal i det område som er sett av i plan for Storeskjeret, som inkluderer vatn / avlaup / straum / areal for drivstofftankar i grunn / gangveg / asfaltering / lys / etc., under føresetnad at prosjektet vert realisert/fullfinansiert som følgje kommunal medverknad og at tiltaket er komme i gong innan 31.05.24.

• Finansiering frå kommune si side tenkjer ein kan vere ei fordeling mellom,

• investering knytt til VA område med kr. 1.650.000.,

• bruk av disposisjonsfond kr. 1.850.000 og

• bruk av kraftfondet med 1,5 mill.kr.

Behandling

Habiliteten til Torill Torsvik Størkersen (Ap), Astrid Daae (H) og John Torsvik (H) vart vurdert. Sidan dette er ei prinsippsak kring kommunal medfinansiering, og kor ein ikkje tek stilling til involvering frå andre selskap, detter kjem ein evt. attende til i seinare saker, vart alle vurdert til å vere habile til å vere med på denne saka.

Saka vart drøfta.

Framlegg til vedtak frå formannskapet vart samrøystes vedteke.

Vedtak

Kommunestyret sluttar seg til prisfastsettinga som er gjort av tomtene i Ytre Haugsdal bustadfelt, vist i tabellen i saksframlegget. Følgjande prinsipp vert lagt til grunn for salet:

• Sal av tomtene (med unnatak av tomt 4 og 5) skal i første salsomgang skje samstundes, med bindande påmelding. Dersom fleire vil kjøpe same tomta, skal det skje ei loddtrekning med vitner til stades. Seinare vert tomter seld etter prinsippet «først til mølla».

• Privatpersonar skal ha fortrinnsrett til alle tomter med unnatak av tomt 4 og tomt 5, som skal seljast samla til aktuell utbyggjar. Desse tomtene skal seljast så snart det er praktisk mogeleg.

• Tomtene som er regulert til tomannsbustader (tomt 6 og 7) skal seljast med klausul om at det skal byggjast fleirmannsbustader på tomtene.

• Alle tomtene skal seljast med klausul om at det skal oppførast bustad i løpet av 3 år, og at kommunen då får rett til å kjøpa tomta attende til same pris. Kommunen skal og ha forkjøpsrett ved sal til same pris om tomta vert seld.

Behandling

Saka vart drøfta.

Framlegg til vedtak frå formannskapet vart samrøystes vedteke.

Vedtak

Etiske retningslinjer for Masfjorden kommune vert vedtatt slik dei ligg føre i sakstilfanget.

Behandling

Saka vart drøfta.

Framlegg til vedtak frå formannskapet vart samrøystes vedteke.

Vedtak

Rutinar for varsling i Masfjorden kommune vert godkjent i samsvar med saksvedlegget

Behandling

Saka vart drøfta.

Framlegg til vedtak frå formannskapet vart samrøystes vedteke.

Vedtak

1. Masfjorden kommune utarbeider frivilligstrategi i samarbeid med rådgjevande organ og gjennom dialogmøte med frivillige.

2. Frivilligstrategien for Masfjorden kommune skal godkjennast av kommunestyret.

Behandling

Frivillig koordinator / dagleg leiar i Masfjorden Frivilligsentral Kristin Kvamme Rasch orienterte litt om saka og status kring arbeidet med frivilligsentralen i Masfjorden.

Saka vart drøfta.

Framlegg til vedtak frå formannskapet vart samrøystes vedteke.

Vedtak

Referatsaker vert tekne til orientering

Behandling

Referatsaker:

Skriv: Oversending - Masfjorden kommune - budsjett 2023 og økonomiplan 2023-2026

Framlegg til vedtak vart samrøystes vedteke.