Utval: | Formannskapet |
---|---|
Dato: | 03.05.2017 09:00 - 13:55 |
Møtestad: | Formannskapssalen |
Status: | Møtet er ferdig protokollert |
Sakskart: | |
Møteprotokoll: |
"Møtebok frå møte 29.03.17 vert godkjent."
"Meldingane og orienteringane vert tekne til orientering."
Anne Grete Eide:
I førre formannskapsmøte stilte eg spørsmål om kva det ville koste å utvide tilbodet til sømjeundervisning for elevar ved Vestbygd skule i bassenget på Rossland skule.
Administrasjonen vil undersøkje dette.
Sølvi Knudsen:
Stilte spørsmål om skriv nr. 3 - referet frå styringsgruppemøte for Byregionprosjektet - kva er føremålet?
Ordførar svara at formannskapet er styringsgruppe. Føremålet er regionsenterutvikling m.a. utvikle sykkel- og gangvegar, næringsutvikling og bustad-/bumiljø.
Prosjektet skal avsluttast sommaren 2018.
Nils Marton Aadland:
Bassenget på Rossland - ønskje om å gjere det tilgjeng for alle.
Administrasjonen svarte at garderobeanlegget må oppgraderast. Dette arbeidet er i gang.
Marit Jøssang:
Er det forståing i Statens vegvesen på synspunkt på vegbreidda på dei planlagde vegstrekningane, spesielt Fosse-Moldekleiv.
Ordførar svarte at dei tok signala - men at det er slik standard på vegar som vert bygd no. Det hastar med framdrift.
Ønskje om at prosjektleiar for Nordhordlandspakken kjem på neste møte i formannskapet.
Marit Jøssang meinte at godkjente planar som er frå 2009 er utdaterte, og at dette er eit problem.
Øyvind H. Oddekalv:
Reguleringsplan for Holme har vore handsama i UDU og skal handsamast i kommunestyret 10. mai. Bør invitere Statens vegvesen til dette møtet i forhold til planlagt undergang og generell orientering. Det bør kunne lysregulerast slik ein har gjort på Alverflaten.
Arbeid i gang med møteplan for hausten.
Innkalling til Nordhordlandstinget 15. mai vert sendt ut så snart den ligg føre.
Det vart diskurtert om ein skulle ha kommunestyremøtet 14. juni i klubbhuset i Leirdalen eller i rådhuset. Ordførar og rådmann avgjer dette.
Vassleidning Rossland-Landsvik - hadde det vore mogeleg å få til ein avtale med Statens vegvesen om å utvide vegbreidda på delar av vegen?
Administrasjonen er i dialog med vegvesenet.
Kari Anne Iversen:
Sak - kyrkjetomt på Frekhaug. Møtet var lukka under denne orienteringa med tilvising til Kommuneloven § 31.3.
Henriette Fennelly:
Kva tid er det tenkt oppstart av arbeidet på undergangen på Holme?
Administrasjonen svarte at saka skal opp i kommunetyret 10. mai.
Kommunen skal forskottere prosjektet, men det må først kome eit positivt vedtak.
Marit Jøssang:
Grunna lastebil-aksjon rundt Bergen i førre veke var det for liten kapasitet på båttilbodet til Bergen denne dagen.
Kva kan gjerast for at passasjerar ikkje vert ståande att på kaien?
Informasjonsansvarleg i Skyss uttalte at det ikkje var noko problem, då dette var ein spesiell situasjon. Kapasiteten skal tilpassast behovet fortløpande.
Ny ruteplan frå hausten, der det vert korrespondanse buss/båt.
Sølvi Knudsen:
Kven har ansvaret for å skaffe ein miljøvennleg båt?
Administrasjonen svarte at når det gjeld ferjetrafikk så vert det lagt inn miljøkrav i anbodet. Prosjekt i gang for å utvikle miljøvennlege hurtigbåtar.
Kari Anne Iversen:
Perioden for realfagprosjektet vert forlenga. Dersom formannskapet ønskjer det, kan skulefagleg rådgjevar kome og orientere om prosjektet.
Kommunen er blitt godkjent som lærebedrift i bygg/drifts-fag.
Lønnsoppgjeret er avslutta - ramme på 2,4 %, 0,9 " til lokale forhandlingar i kap. 4.
Arbeids- og sosialdepartementet har sendt på høyring forskrift om arbeidstid for avlastere. Konsekvensar for kommunen dersom avlasting vert definert som arbeid i staden for oppdrag. Kommunen har motteke ei stevning - går mot rettsforlik.
Oppretta ny fastlegeheimel på Helsenaustet. Kommunen lyser ut og tilset. Alle legeheimlar er fulle, og det kjem klage på at innbyggjarar ikkje får fastlegeavtale.
Prosess i gang med felles barnevern Meland. Radøy og Lindås. Radøy vert vertskommune - plassering vert i Knarvik.
Rullering av kommuneplanen sin arealdel.
Det vart gitt ei orientering om status.
Sølvi Knudsen stilte spørsmål om overskotsmassar kan brukast til å lage parkeringsplassar i tilknyting til område for friluftsliv.
Sak framdrift Langelandskogen på neste møte i formannskapet.
Planprogram E39 vert sendt ut på ny høyring 9. mai.
Temaplan for barn og unge - liten framdrift pga kapasitetsproblem.
Ordførar foreslår at ein signaliserer at formannskapet stiller seg positiv til at det vert leigd inn ekstrerne ressursar for at planen skal ha framdrift.
Anny Bastesen orienterte om skriv som skal sendast til Statens vegvesen - Førespurnad om vurdering av forkjørsregulering av Havnevegen Meland kommune.
Formannskapet godkjenner skrivet, men stilte spørsmål om ein har vurdert å ta med heile Mjåtveitvegen som forkjørsveg.
Når det gjeld gangfelt t.d. i Frekhaugområdet, så er det Statens vegvesen som avgjer det.
Trafikksituasjonen i Frekhaug senter er problematisk.
Administrasjonen vart beden om å sende ein forespørsel til Statens vegvesen om ein ekstra overgang.
Invitere Statens Vegvesen til møte med senterforeninga og kommunen for å drøfte problematikken.
John Fredrik Wallace orienterte om sentrumsarealet i Frekhaug.
Anny Bastesen orienterte om at det er kome ekstra midlar til vedlikehald av kommunale bustader.
Sak oppe i UDU i april, der kommunen vert invitert til å søkje om tilskot til utbygging av breiband. UDU gjorde vedtak om prioriterte område.
Søknaden står sterkare dersom kommunen set av kommunale midlar.
Ordførar orienterte:
Det er vald ulike politiske komitéar.
Endeleg fellesnemnd vert vald i kommunestyremøte 14. juni.
§25-møtet er under planlegging.
Dato for felles kommunestyremøte for dei tre kommunane vert 22. juni kl. 12.00 i Lindåshallen.
Økonomisjef Per Inge Olsen orienterte.
Kommunestyret godkjenner rekneskapen for Meland kommune for 2016 i samsvar med revisor si melding med eit overskot på kr 8.970.065, som vert å avsetje til styrking av kommunen sitt disposisjonsfond.
Økonomisjef Per Inge Olsen orienterte.
Fellesframlegg til endring av vedtak i møtet:"mindreforbruk" vert endra til "overskot" på kr ......
Avrøysting:
Rådmannen sitt framlegg til vedtak med ovannemnde endring vart samrøystes vedteke.
Formannskapet er svært positiv til oppretting av Kontaktutvalet, og utnevner utvalet som det er framlegg om.
Formannskapet vil bli informert om aktuelle saker frå utvalet.
Framlegg til endring av vedtak i møtet:
Formannskapet er svært positiv til oppretting av .......
Avrøysting:
Rådmannen sitt framlegg til vedtak med ovannemnde endring vart samrøystes vedteke.
Framlegg til vedtak frå Nils Marton Aadland, H:
Kommunestyret støtter intensjonen om å overføre ansvar for hjelpemiddelformidlingen frå stat til kommune.
Det blir lagt til grunn at staten kompenserer kommunane sine utgifter til tiltaket.
Avrøysting:
Rådmannen sitt framlegg til vedtak fekk 6 røyster for, (2 AP, SP, KrF, FrP, V), 1 røyst mot og er såleis vedteke.
Framlegg til vedta frå Nils Marton Aadland fekk 1 røyst for, (H), 6 røyster mot, og fall.
Meland kommune går til innkjøp av to hjartestartarar. Desse skal lokaliserast til Meland kyrkje og ved Grasdal skule.
Innkjøp og installasjonskostnad vert trekt frå disposisjonsfondet. Økonomisk ramme for tiltaket er inntil kr 40 000,-.
Fellesframlegg i møtet:
Meland kommune går til innkjøp av to hjartestartarar. Desse skal lokaliserast til Meland kyrkje og ved Grasdal skule.
Innkjøp og installasjonskostnad vert trekt frå disposisjonsfondet. Økonomisk ramme for tiltaket er inntil kr 40 000,-.
Fellesframlegget vart samrøystes vedteke.
Kommunestyret i Meland vedtar å ta del i nytt brannsamarbeid mellom kommunane Meland, Modalen og Lindås, med verknad frå 01.05.17.
Kommunestyret i Meland rår til at ein utset endringa av namn på samarbeidet til ny kommune er etablert.
Avrøysting:
Rådmannen sitt framlegg til vedtak med tilleggsframlegg frå Marit Jøssang vart samrøystes vedteke.
Politikar | Parti | Medlemstype | E-Post |
---|---|---|---|
Øyvind H. Oddekalv | Arbeiderpartiet | Ordførar | oyvind.oddekalv@meland.kommune.no |
Nils Marton Aadland | Høgre | Varaordførar | nils.marton.aadland@meland.kommune.no |
Anne Grete Eide | Arbeiderpartiet | Medlem | agr-eide@online.no |
Marit Samnøy Jøssang | Kristeleg folkeparti | Medlem | marit.jossang@gmail.com |
Silje Ingelin Sæterstøl | Venstre | Medlem | silje-is@online.no |
Henriette Fennelly | Fremskrittspartiet | Varamedlem | henriette.fennelly@gmail.com |
Sølvi Norunn Knudsen | Senterpartiet | Varamedlem | sngk@live.no |
Sigmund Larsen (Ikke møtt) | Fremskrittspartiet | Medlem | sigmund.larsen@icloud.com |
Per Kristian Holmetun (Ikke møtt) | Senterpartiet | Medlem | per.kristian@holmetun.no |