Utval: | Kommunestyret |
---|---|
Dato: | 31.10.2018 15:00 - 18:05 |
Møtestad: | Kommunestyresalen |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste med tilleggsak og interpellasjonar vert godkjent.
Ordførar opplyste om at det er sendt ut 1 tilleggssak og 2 interpellasjonar. I tillegg er det sendt ut eit grunngjeve spørsmål som ordførar vil svare på i slutten av møtet.
Meldinga vert teken til orientering.
Orførar orienterte om statusrapport og planar for neste år:
- Val av revisjonsordning og val av revisor
- Beredskapsarbeid
- Gjennomgang av selskapsstruktur, eigarskap
- Offentleg tannhelse
- IKT og arkiv
- Politisk utvalsstruktur, regelement, godtgjersle
- Kontoravklaringar
- Budsjett og økonomiplan for Alver
- Eigedomsskatt, investeringar i kommunen
- Korleis involvere interessentar
- Råd og utval, lag og organisasjonar
- næringsliv, innbyggjarar
Kommunestyret godkjenner at Charles Lindberg trer ut av dei politiske verva sine med verknad frå 01.12.18. Det vert lagt til grunn at dette gjeld for resten av valperioden.
Som ny 1. varamedlem til ULK vert vald: Nina Åsebø Olsvoll
Framlegg til vedtak i møtet:
Som ny 1. varamedlem til ULK vert vald Nina Åsebø Olsvoll.
Svar på interpellasjon frå Marit Jøssang (KrF) - Dagaktivitetstilbod til heimebuande personar med demens
Eg viser til mottatt interpellasjon frå Marit Jøssang (KrF), der representanten tar opp ei viktig problemstilling. Menneske med demens er ei veksande gruppe, både blant dei eldre, men og stadig yngre menneske får denne diagnosen. Det er og stor variasjon i korleis ein blir råka av sjukdomen, så derfor er dette ei gruppe som det må tenkjast nytt rundt, både når det gjeld buformer, men og aktivitetstilbod. Eg vil først gi ein status på tilbodet til heimebuande menneske med demens i Meland kommune.
Status teneste til heimebuande personar med demens
Tilbod til heimebuande personar med demenssjukdom skal m.a. stimulere til eigenmeistring tilpassa den einskilde sitt funksjonsnivå slik at ein kan bu heime så lenge som mogeleg kombinert med naudsynt avlastning for pårørande jamfør i Rundskriv 1-5/2007 Aktiv omsorg – sentral del av et helhetlig omsorgstilbod, som kan finnast på regjeringen.no.
Meland kommune har eit hukommelsesteam som arbeider med å kartlegge og tilrettelegge for personar med ein demenssjukdom eller begynnande kognitiv svikt. Teamet består av sjukepleiarar med vidareutdanning innan aldring og helse. Lege og ergoterapeut er også tilknytta teamet. Teamet er og tilknytta ei ressursgruppe, leia ut frå Olaviken alderspsykiatriske sjukehus.
Hukommelsesteam tilbyr:
Utredning ved mistanke om demenssjukdom med samtale med pasient og pårørande.
Vurdere behov for hjelp og bidra ved søknad om tenester i kommunen.
Vurdere behov for hjelpemidlar som kan hjelpe på tryggleik i heimen og støtte opp om hukommelsen
Sikre tryggleik i heimen, særleg med tanke på brann- og fallfare m.m.
Rettleiing av pårørande og helsepersonell
Ein kan kontakte hukommelsesteamet på telefon og e-post – sjå brosjyre.
Heimetenesta har per august 2018 tenesteyting til:
23 heimebuande personar med demensdiagnose
12 heimebuande personar med kognitiv svikt evt. under utredning pga redusert hukommelse
Kva aktivitetstilbod har Meland kommune i dag til heimebuande personar med demens?
Meland kommune har til no ikkje etablert særskilt dagaktivitetstilbod til heimebuande personar med demens. Kommunen har eit generelt tilbod via dagsenter for heimebuande uavhengig diagnose eller funksjonsevne. Sjå meir informasjon på heimesida til kommunen.
Kommunen kan søkje helesedirektoratet om tilskot til etablering og drift av dagaktivitetstilbod til heimebuande personar med demens. Tilskot i 2018 er 30 % (kr 75.000,-) per plass, og i 2019 er det forslag om auke til 50 % (kr 125.000,-) i tilskot per nye plass. For å få tilskot er det krav at brukarar av dagtilbodet skal ha demensdiagnose eller det skal planleggast for utgreiing av demens.
Etableringa av nye plassar for dagaktivitet heimebuande med demens har vore fremja i økonomiplanar i fleire år, no seinast i kommunestyret juni 2018. Tiltaket har til no ikkje vore prioritert i årlege budsjett.
Er dette godt nok med tanke på det varsla lovkravet frå 1. januar 2020?
Om Meland kommune skulle halde fram som eigen kommune etter 1.1.2020 er dagens drift (bemanning og kompetanse) av dagsentertilbod vurdert å ikkje vere tilstrekkjeleg til å imøtekome lovkrav frå 1.1.2020. Vidare vil lokale (kapasitet) vere for lite til å romme både heimebuande med demensdiagnose og andre noverande brukargrupper.
Kva planar har Meland kommune for å førebu eit tilbod som er innanfor det varsla lovkravet frå 1. januar 2020?
Meland, Radøy og Lindås vert Alver kommune frå 1.1.2020. I samband med kommunesamanslåinga er det starta fleire organisasjonsprosjekt der føremålet mellom anna er å samordne tenesteyting mellom dei tre eksisterande kommunane, samt å avklare rammer for prosjektet i planleggingsfasen fram til desember 2018. Desse vert styrte innan kvart hovudområde (helse- og omsorg osb.) og vidare per teneste (t.d. heimeteneste, sjukeheim o.l.).
Her vil ein mellom anna kunne kartlegge og vurdere driftsmodell, lokalisering og kapasitet for dagaktivitetstilbod for heimebuande personar med demens i Alver kommune frå 2020. Men for tida vil lova sine minimumskrav vere stetta frå 1.1.2020 i nye Alver kommune.
Så vil eg trekkje fram det flotte tilbodet Lindås kommune har for heimebuande demente i Alversund. Dette fekk regionrådet ein presentasjon av førre fredag. Her har vi eit kjempeflott tilbod som eg tenkjer vil vere ein god modell for korleis ein kan utvide tilbodet og til dei som i dag bur i Radøy og Meland. «Best practice» har vore eit omgrep som har vore brukt i kommunesamanslåinga, og det trur eg absolutt vi har i dette tilfellet.
Til slutt vil eg peike på kvifor ordføraren, og gjerne eit stort fleirtal i kommunestyret, stemte ja til å byggje nye Alver kommune. Noko av det viktigaste som vart peika på var evna til å byggje sterkare fagmiljø og kunne tilby betre tenester til innbyggjarane. Eg tenkjer at dette temaet er eit godt døme på at vi vil kunne tilby eit eit betre tilbod til innbyggjarane saman i Alver kommune enn det gjerne Meland kommune kunne tilbydd på eiga hand frå 1.1.2020.
Frekhaug, 31. oktober 2018
Øyvind H Oddekalv
ordførar
Svar på interpellasjon frå Øyvind Bratshaug (FrP) – Tolga-saken
Eg viser til innsendt interpellasjon frå Øyvind Bratshaug (FrP), der representanten spør om vi har feildiagnostiseringar i Meland, med bakgrunn i Tolga-saka. Tolga-saka er kort fortalt tre brør som feilaktig er blitt registrerte som psykisk utviklingshemma, og er sett under vergemål av fylkesmannen. Dette sannsynlegvis for å auke det statlege tilskotet til kommunen. Eg deler representanten Bratshaug si uro over dette, og er samd i at vi må forsikre oss at noko slikt ikkje finn stad i Meland kommune.
Representanten Bratshaug har to konkrete spørsmål til ordføraren, sjølv om eg oppfattar at spørsmåla går litt over i kvarandre. Det første er:
Hva har ordfører gjort i kjølvannet av Tolga-saken for å kartlegge om noen i Meland kommune er feildiagnostisert og utsatt for samme type maktovergrep som i Tolga?
Først vil eg peike på at det ikkje er ordføraren som skal «kartlegge» ulike forhold i kommunen, dette er rådmannen sitt ansvar. Etter at Tolga-saka vart kjend i media, tok eg direkte kontakt med rådmannen. Eg stilte spørsmål rundt korleis utviklinga av talet på psykisk utviklingshemma i Meland har vore, og om det var noko rundt tala og registreringane som er problematiske.
Svaret frå rådmannen oppfatta eg som tilfredsstillande. Talet på resistreingar har i den siste tiårsperioden variert mellom 25 og 28, ein heilt normal variasjon. Dette er den variasjonen ein har hatt med bakgrunn i dei kriteria som har vore gitt av Helsedirektoratet. Som sagt, oppfatta eg dette svaret som tilfredsstillande.
Vil ordfører ta initiativ til å kartlegge om dette også kan ha skjedd i Meland kommune, samt ta initiativ til å se på kommunens rutiner er tilstrekkelig gode for å sikre at ikke tilsvarende feil kan skje i fremtiden?
Eg oppfattar som første del av spørsmålet er meir eller mindre samanfallande med det første spørsmålet, så det interessante er gjerne å stille spørsmål om kommunen sine rutinar er gode nok. Slik eg får opplyst er alle som er registrerte i siste tiårsperiode diagnostisert i spesialisthelsetenesta, slik retningslinjene krev. Dette etter henvising frå fastlege, helsestasjonslege eller fødselslege, avhengig når ein ønskjer å få dette utgreidd.
Ein kontrollrutine er at alle rapporteringar er revisorgodkjende, der revisor har hatt tilgang til journal for kontroll. Dette er følgd i Meland kommune. I tillegg er alle 28 som er registrert i samband med kriteria gitt av Helsedirektoratet i 2017, og registrert i IPLOS-registeret. IPLOS-registeret er der kommunen registrerer alle ulike diagnosar.
Til slutt vil eg leggje til: om ein tar omsyn til folketal, så ligg Meland under gjennomsnittet for rapporteringar. T.d. ligg både Radøy og Lindås høgare enn Meland kommune. Summen av alle desse tilhøva gjer at ordførar ikkje har grunn til å tru at Meland kommune er i konflikt med rapporteringsreglane.
Frekhaug, 31. oktober 2018
Øyvind H Oddekalv
ordførar
Politikar | Parti | Medlemstype | E-Post |
---|---|---|---|
Øyvind H. Oddekalv | Arbeiderpartiet | Ordførar | oyvind.oddekalv@meland.kommune.no |
Anne Grete Eide | Arbeiderpartiet | Medlem | agr-eide@online.no |
Tormod Skurtveit | Arbeiderpartiet | Medlem | tormod.skurtveit@meland.kommune.no |
Kjersti Vikebø Nesse | Arbeiderpartiet | Medlem | kjersti.vikebo.nesse@meland.kommune.no |
Asbjørn Larsen | Arbeiderpartiet | Medlem | asb-lars@online.no |
Åse Nina Sudmann | Arbeiderpartiet | Medlem | aase.sudmann@gmail.com |
Morten Klementsen | Bygdelista Folkeviljen | Medlem | post@firmagaven.no |
Sigmund Larsen | Fremskrittspartiet | Medlem | sigmund.larsen@icloud.com |
Øystein Berland Blom | Høgre | Medlem | oystein.blom@meland.kommune.no |
Mabel Johansen | Høgre | Medlem | mabel.johansen@husbanken.no |
Thomas H. Wallem | Høgre | Medlem | thomash.wallem@meland.kommune.no |
Fredrik Seliussen | Høgre | Medlem | fredrikseliussen@hotmail.com |
Marit Samnøy Jøssang | Kristeleg folkeparti | Medlem | marit.jossang@gmail.com |
Erling Rønnestad | Kristeleg folkeparti | Medlem | erling.ronnestad@gmail.com |
Leif Johnsen | Miljøpartiet Dei Grøne | Medlem | ljholme@online.no |
Åshild Aamli | Miljøpartiet Dei Grøne | Medlem | aas-aam@bkkfiber.no |
Astrid Anne Fjeldstad | Senterpartiet | Medlem | anfjelds@online.no |
Sølvi Norunn Knudsen | Senterpartiet | Medlem | sngk@live.no |
Rune Lekven Skår | Senterpartiet | Medlem | rune.skar@bkk.no |
Beate Seveline Eknes | Uavhengig | Medlem | beateeknes@hotmail.com |
Silje Ingelin Sæterstøl | Venstre | Medlem | silje-is@online.no |
Are Nygård | Arbeiderpartiet | Varamedlem | bcompa@online.no |
Dag Erik Hagesæter | Fremskrittspartiet | Varamedlem | dag.erik@hageseter.com |
Tor Oscar Maaseide | Fremskrittspartiet | Varamedlem | toroscar1951@hotmail.com |
Torstein Flatøy | Kristeleg folkeparti | Varamedlem | torsteinflatoy51@gmail.com |
Nils Marton Aadland (Ikke møtt) | Høgre | Varaordførar | nils.marton.aadland@meland.kommune.no |
Tom Inge Karlsen (Ikke møtt) | Arbeiderpartiet | Medlem | toika@online.no |
Øyvind Bratshaug (Ikke møtt) | Fremskrittspartiet | Medlem | oyvind.bratshaug@a2g.no |
Henriette Fennelly (Ikke møtt) | Fremskrittspartiet | Medlem | henriette.fennelly@gmail.com |
Stian Lavik (Ikke møtt) | Kristeleg folkeparti | Medlem | stian@lavik.com |
Ørjan Evald Kristiansen (Ikke møtt) | Uavhengig | Medlem | hurtigpost@hotmail.com |