Behandling
Svar på interpellasjon frå representanten Sigmund Larsen (FrP) i Meland kommunestyre 19.11.2014
Representanten Larsen har stilt fire spørsmål knytt til Nordhordlandspakken. Eg vil svara på dei punkt for punkt.
Så til dei konkrete spørsmåla:
«Kven har vald ut prosjekt i Meland som skulle inngå i Nordhordlandspakken?».
Nordhordlandspakken har hatt ei arbeidsgruppe med representantar m.a. frå Statens Vegvesen, Hordaland fylkeskommune og konsulent Helge Hopen. Desse har i vurderinga av prosjekt lagt stor vekt på innspel frå den einskilde kommune, og innspel i denne samanheng er kommunale planar, vedtatt i kommunestyret.Dei prosjekta som ligg inne i pakken i Meland er forankra i planar, i hovudsak i to planar – begge vedetatt av Meland kommunestyre.I 2007 vedtok Meland kommunestyre «Trafikksikringsplan for perioden 2007 – 2010». Denne blei revidert, og Meland kommunestyre vedtok i møte 12. september 2012 «Tiltaksplan trafikksikring 2012 – 2016».
Og – så vil eg streke under følgjande.Dei prosjekta i Meland som ligg i Nordhordlandspakken er fylkesvegprosjekt. Når fylkeskommunen og Statens vegvesen vurderer prosjekt i Meland har ein sjølvsagt med seg kva kommunen har vedtatt i sine planar.
For å synleggjere det vil eg kommentere prosjekt for prosjekt:
FV 245 Fosse-Moldekleiv: Dette prosjektet er prioritert i trafikksikringsplanen, som altså er vedtatt i Meland kommunestyre, og kommunen har også vedtatt reguleringsplan for prosjektet.
FV 564 Frekhaug krysset: Dette prosjektet er lagt inn i områdeplanen for Frekhaug – vedtatt av Meland kommunestyre.
FV 564 Fossekrysset – Trafikksikring: Dette prosjektet er prioritert trafikksikringsplanen i Meland, som altså er vedtatt av Meland kommunestyre.
FV 564 Sandskaret – Holme: I trafikksikringsplanen, vedtatt av Meland kommunestyre, -er det langt inn gang – og sykkelsti heilt frå Sandskaret til Vikebø.
Kollektivterminal Flatøy. I tråd med kommunale vedtak og uttaler gjennom fleire år.
Når det gjeld det siste prosjektet som kommunestyret sjølv la inn, Fløksand – Vikebø, er det også i stor grad i samsvar med trafikksikringsplanen, der ein fokuserer både på trong for å gjere tiltak i Fløksandbakken og å etablere gang- og sykkelsti heilt frå Sandskaret til Vikebø.
Dette viser at prosjekta som ligg i Nordhordlandspakken på ingen måte er tilfeldige prosjekt, men at ein byggjer på planar, vedtatt av denne forsamling – altså kommunestyret. Dette viser også at det er viktig å ha gode planverktøy, slik at viktige prosjekt blir sett på dagsorden og realisert.
Så til spørsmål 2.Eg har i svar på spørsmål 1 vist til at prosjekta i Meland som ligg i Nordhordlandspakken er forankra i kommunale planar vedtatt av Meland kommunestyre. Fleirtalet i kommunestyret slutta 15. oktober seg til prosjekta i Nordhordlandspakken, og la i tillegg inn eit nytt prosjekt i Meland, nemleg Fløksand – Vikebø.Det er ingen grunn til hevde at vedtaket i Meland kommunestyre av 15. oktober ikkje er gyldig.
Til spørsmål 3:Prioriteringane i Nordhordlandspakken bør vere kjent. Prioriteringslista var vedlagt saka kommunestyret handsama 15. oktober. (Det kjem fram på side 20 i presentasjonen av Nordhordlandspakken). Prosjektet Fosse – Moldekleiv er til dømes prioritert som prosjekt nr 2 i Nordhordlandspakken. Det blant anna fordi det her er vedtatt reguleringsplan for prosjektet, og arbeidet kan starta ganske hurtig etter at pakken er endeleg vedtatt i Stortinget.
Til spørsmål 4:Det kommunestyret hadde til handsaming 15. oktober var høyringssakom Nordhordlandspakken. Kommunestyret har gjort sitt vedtak i høyringssaka der også prosjekta var omtalt.Men – eg utelukkar ikkje at det kan bli ein ny runde på Nordhordlandspakken i kommunestyret grunna sprikande vedtak i fleire kommunar. Det vil vi eventuelt koma tilbake til dersom det skulle bli ein realitet.
Frekhaug 19.11.2014
Nils Marton AadlandOrdførar