Čoahkkin Kommunestyret 27.09.2017

Vedtak

"Innkalling og sakliste med to tilleggssaker vert godkjent."

Behandling

Ordførar opplyste om at det er sendt ut to tilleggssaker. I tillegg ligg det føre to grunngjevne spørsmål som det vil verta svara på ved slutten av møtet.

Vedtak

"Møtebok frå møte 22.06.17 vert godkjent."

Vedtak

Meldingane vert tekne til orientering.
Kommunestyret får presentert UngData 2017 i neste møte.

Behandling

Framlegg til tilleggsframlegg frå Mabel Johansen, H:
Kommunestyret får presentert UngData 2017 i neste møte.

Avrøysting:
Framlegg til vedtak og tilleggsframlegg frå Mabel Johansen vart samrøystes vedteke.

Vedtak

Behandling

Det vart orientert om følgjande:

• Inndelingslova er trådt i kraft.

• Namnet Alver kommune skal godkjennast i kongeleg resolusjon.

• Fellesnemnda skal ha månadlege møte.

• På seminaret 4. og 5. september var mandat, reglement, styringsdokument og omstillingsavtale arbeidd med.

• Konstituering - leiar Øyvind H. Oddekalv, nestleiar Astrid Aarhus Byrknes.

• Skal arbeide vidare med styringsdokument på neste møte i fellesnemnda på Alver hotel 2. oktober.

• Prosess i gang - tilsetjing av ny rådmann. Vedteke intern innplassering av dei tre rådmennene.

Behandling

Økonomisjef Per Inge Olsen orienterte.

Vedtak

Kommunestyret viser til saksutgreiing og innspel frå workshop i Utval for levekår 30.05.17. Aktuelle tema frå workshop vert å handtere innan tenesteområde sine noverande system. Skuleåret 2017 - 2018 skal skulane prioritere bruk av tid og kunnskap til å realisere dei nye reglane i § 9 a i Opplæringslova om skulemiljø, som er gjeldande frå 01.08.17.

Kommunestyret ber rådmann etablere eit 2-årig prosjekt for perioden 2018 - 2019. Kostnad er estimert til kr. 2 million, og vert fordelt som følgjer per år:

- Kr. 800.000,- til miljøarbeidarstilling (100%). Stillinga skal sikre prosjektleiing, leiing av beredskapsteam mot mobbing, planarbeid og leggje til rette for dialog, nettverksbygging og miljøarbeid i skule- og ungdomsmiljø generelt. Dette arbeidet inkluderer samhandling med frivillige lag og organisasjonar.

- Kr. 200.000,- til rekrutteringsarbeid, kompetanseheving, nettverksbygging og dialogmøter.

Prosjektarbeidet skal gje mulighet for å arbeide meir overordna, systematisk, langsiktig og breiare med omsyn til oppvekst- og skulemiljø. Tiltaket kan finansierast ved bruk av disposisjonsfond.

Vedtak

Saka vert avvist.

Behandling

Svar på interpellasjon frå Karina Garnes Reigstad (MDG), Høve til lading av el-bil på arbeidsplassen for kommunalt tilsette

Eg er einig i at det er viktig å leggje til rette for at innbyggjarane har gode moglegheiter for å kunne lade el-bilane sine. Dette er ein i ferd med å få på plass rundt ikring, m.a. på Frekhaug senter og ved bussterminalen, og vi får og moglegheit til å lade ved den nye parkeringa ved båtkaien (Varnappen). Når det gjeld å leggje til rette spesielt ved kommunale bygg, og spesielt for tilsette, så tenkjer eg at det er ei sak for seg.

Eg opplever at det er nokre problematiske sider ved framlegget frå representanten Reigstad. Det største problemet er gjerne at kommunestyret skal binde opp budsjettprosessen allereie no, jf. pkt. 2 i framlegget. Og til pkt. 1: å få til ladepunkt ved alle kommunale bygg er svært ambisiøst, og å få til tenlege ordningar for alle som ønskjer lading verkar å vere ei svært stor oppgåve.

Vi har mange ulike saker vi ønskjer å prioritere, og dette må vi kunne gjere i budsjettprosessen, utan at vi er bundne opp av eit kommunestyrevedtak før budsjettprosessen er kome i gang. Derfor ønskjer eg å fremje eit alternativt vedtak:

Kommunestyret ber formannskapet vurdere etablering av ladepunkt ved nokre kommunale bygg i budsjettprosessen.

Då vil formannskapet måtte vurdere det som no er spelt inn i denne interpellasjonen, utan at kommunestyret har bunde opp prosessen på dette tidspunktet.

Øyvind H. Oddekalv
ordførar