Vedtak
Utval for levekår viser til vedtak i Formannskap sak 115/13. I tillegg vil utvalet gje følgjande merknad: Meland kommune støttar hovudmålsetting med nytt lovkrav om arbeidsretta aktivitet. Ein bør unngå einsidig fokus på arbeidsretta aktivitet, slik at kommunen og kan vurdere å stille andre typar vilkår for å nå intensjon med lovendring. Kommunane bør få tilført statleg finansiering for etablering av nye kommunale tiltaksplassar til målgruppa. Det er ikkje tilstrekkjeleg å vente at eventuelle framtidige innsparingseffektar på økonomisk sosialhjelp og skatteinntekt kan forskuttere nye tiltaksplassar.
Behandling
Endringsframlegg i møte frå Haakon Aase (SAM):
1. Utval for levekår viser til formannskapssak 115/13. I tillegg vil utvalet gje følgjande merknad:
2. Meland kommune støttar ikkje målsetjinga om eit nytt lovkrav om arbeidsretta aktivitet.
3. Menneske som mottek t.d. sosialhjelp vil i mange tilfelle ha god nytte av arbeidsretta aktivitet eller andre positive aktivitetar.
4. Kommunen bør få tilført statleg finansiering for etablering av nye kommunale tiltaksplassar for målgruppa, slik at ein kan gje eit betre tilbod til fleire.
Avrøysting:
Endringsframlegget fekk 4 røyster for(2 Sp, 1 AP, 1 SAM) og 5 røyster mot (3 Krf, 2 H), og fall.
Framlegget frå administrasjonen fekk 5 røyster for (3 Krf, 2 H) og 4 røyster mot (2 Sp, 1 AP, 1 SAM), og vart såleis vedteke.