Møte i Utval for drift og utvikling den 26.01.2016

Vedtak

Behandling

Henriette Fennelly, FrP, stilte spørsmål om kvifor administrasjonen ikkje legg fram alternative framlegg til vedtak i alle saker.

Sektorsjef teknisk, Anny Bastesen, orienterte om noverande praksis. Administrasjonen avventar nærare utgreiing frå rådmannen og formannskapet.

Vedtak

Møtebok frå møte 17.12.2015 vert godkjent.

Vedtak

Vedtak

Vedtak

mot 3 røyster (H, MDG)

"UDU finn at klage journalført 19.11.2015, blir tatt til følge etter at synfaring viser at det vil gi store samfunnsnyttige fordeler, å tillate bygging på dette areal."

Behandling

Utvalet var på synfaring før vedtak vart fatta.

Administrasjonen orienterte om handsaming av klagesaker og kva som skal vurderast i ei slik sak.

Framlegg til vedtak frå Henriette Fennelly, Frp:

"UDU finn at klage journalført 19.11.2015, blir tatt til følge etter at synfaring viser at det vil gi store samfunnsnyttige fordeler, å tillate bygging på dette areal. " 

Ved røysting fekk framlegg til vedtak frå Henriette Fennelly, FrP, 6 røyster for, 3 i mot (H, MDG) og er såleis vedteke.

Framlegg til vedtak frå administrasjonen fekk 3 røyster for, 6 i mot (AP, FrP, SP, KrF) og fall.

Vedtak

«Utval for drift og utvikling tek klagen frå Fylkesmannen i Hordaland til følgje. Meland kommune avslår i medhald av pbl § 19-2 søknad om dispensasjon frå forbodet mot tiltak i LNF-områda i kommuneplanen sin arealdel og byggjeforbodet i strandsona, jf føresegnene til KPA punkt 1.6.0 og plan- og bygningslova § 1-8, for etablering av veg til fritidsbustaden på gbnr 41/20 over gbnr 41/2 og 41/7 som omsøkt.

For grunngjeving av vedtaket vert det vist til saksutgreiinga og vurderinga over.»

Behandling

Framlegg til vedtak frå Tormod Skurtveit, AP:

"Utval for drift og utvikling finn at klage frå Fylkesmannen i Hordaland dagsett 24.11.2015 ikkje inneheld ny grunngjeving eller nye opplysningar som tilseier at dispensasjonsvedtaket av 3.11.2015, sak 78/2015, vert omgjort. Klagen vert difor ikkje tatt til følgje. Det vert vist til grunngjevinga frå tiltakshavar og grunngjevinga i vedtaket av 3.11.2015 som grunnlag for vedtaket.

Saka vert sendt til Fylkesmannen i Hordaland for endeleg avgjerd av setjefylkesmann oppnemnd av Kommunal- og moderniseringsdepartementet.»

Ved røysting fekk framlegg til vedtak frå Tormod Skurtveit, AP, 4 røyster for, 5 i mot (H, MDG, KrF, SP ) og fall.

Framlegg til vedtak frå administrasjonen fekk 5 røyster for, 4 i mot (AP, FrP) og er såleis vedteke.

Behandling

Då utvalsleiar Mabel Johansen, H, er leiar i Frekhaugmarka Vel, ba ho utvalet ta stilling til om ho er ugild ved handsaming av denne saka.

Mabel Johansen, H, fråtrådde møtet.

Ved røysting fekk spørsmålet om ugild 8 røyster for, 0 i mot.

Nestleiar i utvalet, Tormod Skurtveit - AP, leia møtet ved handsaminga av saka.

Vedtak

Følgjande tema vart teke opp:

Tormod Skurtveit, AP - ansvar for vedlikehald/drift av veglys langs Fv 564, Hjertås- Fløksand og Mjåtveit-Dalstø.

Administrasjonen: BKK har ikkje overteke ansvar for vedlikehald/drift av overnemnde veglys. Inntil dette skjer er det Statens vegvesen som har ansvaret.

Fredrik Seliussen, H - ansvar for vedlikehald/drift av vegar i Mjåtveitmarka. Grunna usemje mellom utbyggjar og vellag er det ønskjeleg at administrasjonen kjem med ei utgreiing på eit seinare møte.

Administrasjonen: Utbyggjar har ansvar for vedlikehald/drift av vegar inntil kommunen overtek desse vegane. Kommunestyret har vedteke ny utbyggingsavtale etter Walde-konsernet sin konkurs. Administrasjonen kjem med utgreiing til neste møte.

Fredrik Seliussen, H - framdrift skuleutbygging.

Administrasjonen: Sagstad skule - tilboda er til vurdering. Grasdal skule - tilbodsinnhenting under arbeid.

Administrasjonen: For å tryggje at framlegg til vedtak som politikarane legg fram i UDU-møte er heimla i rette lover m.m., vil administrasjonenpå neste møte leggje fram mal som kan/bør nyttast.