Møte i Kommunestyret den 11.05.2016

Vedtak

"Innkalling og sakliste vert godkjent."

Behandling

Det ligg føre interpellasjon frå Bygdelista Folkeviljen i Meland v/Morten Klementsen som ordførar vil svare på i slutten av møtet.

Interpellasjonen og svaret frå ordførar Øyvind H. Oddekalv vart delt ut i møtet.

Vedtak

"Møtebok frå møte 27.04.16 vert godkjent."

Vedtak

"Meldinga vert teken til orientering."

Vedtak

"Kommunestyret tek orienteringane til vitande."

Behandling

Det vart orientert om følgjande:

Ordførar:

- Takka for at alle partia stilte på folkemøte på rådhuset 9. mai
- Nytt møte i forhandlingsutvalet 24. mai - der resultatet av folkerøystinga vert lagt framder innspel som er komne inn vert tekne med
- Skal sjå på innspel og leggje fram endeleg intensjonsavtale på kommunestyremøtet 22. juni
- Ordførar vil ta initiativ til å samle gruppeleiarane etter folkerøystinga.

Sigmund Larsen:

- Ber politikarane oppfordre innbyggarane til å stemme
- Takkar for eit godt folkemøte og støttar at tal på politikarar i kommunestyret i ein event. storkommune vert utvida frå 43 slik det står i intensjonsavtalen

Per Kristian Holmetun:
- Meiner det er uheldig dersom det berre er gruppeleiarane som skal samlast etter folkerøystinga.

Vedtak

"I denne planperioden 2016 – 2019 skal det gjennomførast selskapskontroll i følgjande selskap:

• Meland Utbyggingsselskap AS

Planen for selskapskontroll kan reviderast etter behov i løpet av perioden."

Vedtak

"Kommunestyret i Meland er positive til å starte opp overføring av politiske møter via web.

Kommunestyret godkjenner at det vert brukt inntil kr 120 000, av unytta lånemidlar for å få på plass naudsynt utstyr og programmvare for kommuneTV- løysing. "

Vedtak

"Kommunestyret godkjenner at Ida Cecilie Alvær får fritak for alle politiske verv ut gjeldande periode."

Behandling

Kommunestyret utset val av nytt varamedlem til Utval for levekår.

Vedtak

«Kommunestyret godkjenner at Meland kommune melder seg inn i Sykkelbynettverket.»

Vedtak

"Saka vert avvist."

Behandling

Svar på interpellasjon frå Bygdelista Folkeviljen i Meland v/Morten Klementsen

To store internasjonale frihandelsavtalar er for tida under forhandlingar, TTIP (Transatlantic Trade and Investment Partnership) og TISA (Trade in Service Agreement). Noreg er ikkje med i TTIP-forhandlingane , dei er mellom EU og USA, men er ein aktiv pådrivar i prosessen. TISA, derimot, blir forhandla mellom dei 50 rikaste landa i verda, her har Noreg sin plass. Denne prosessen skal føre til ein internasjonal frihandelsavtale om tenesteyting.

Både TTIP- og TISA-forhandlingane er prega i stor grad av at innhaldet er halde hemmeleg. Dette er eit klart demokratisk problem, deltakarane er velståande nasjonar og store internasjonale konsern med klare eigeninteresser.

Informasjon som er lekka frå forhandlingane tyder på at TISA-avtalen vil føre til auka og irreversibel privatisering av offentlege tenester, i tillegg til svekka arbeidstakarrettar og –vilkår, samt forbrukarrettar og miljø. Det er ein trussel mot fagrørsla, miljøet og ikkje minst fellesskapen sine velferdsrettar.

Samstundes er Noreg ein liten aktør internasjonalt, og vi er heilt avhengige av at det fins felles spelereglar og forutsigbarhet på på handelsområdet. Derfor har Noreg som nasjon interesse av at TISA-forhandlingane som gjeld felles reglar på tenesteområdet fører fram. Vi er i dag med i GATS-avtalen, den eksisterande avtalen for frihandel innan tenesteyting.

Det er viktig at det blir stilt krav til innhaldet i avtalen, og det er viktig å ansvarleggjere regjeringa i denne saka. På denne bakgrunnen ønskjer ordføraren å fremje eit alternativt framlegg til vedtak i tre punkt, dersom kommunestyret ønskjer dette, som på mange vis og ivaretar intensjonen i framlegget til representanten Klementsen.

Framlegg til alternativt vedtak:

• Meland kommune støttar opp om kampanjen om TISA-frie kommunar.

• Meland kommune vil vere ein kommune der tvungen kommersialisering av offentlege tenester gjennom irreversible avtalar ikkje blir akseptert.

• Meland kommune forventar at regjeringa utarbeider og sender på høyring, i god tid før TISA-avtalen blir inngått, ein konsekvensanalyse for korleis avtalen verkar inn på handlefridomen, budsjettet og tenesteytinga til kommunane.

Det vart røysta over realitetsbehandling av saka eller avvise saka.

Avrøysting:
Saka vert avvist med 11 røyster (H, FrP, V),
15 røyster for realitetsbehandling (AP, SP, KrF, MDG, BF).