Vedtak
Premiss: kultur regional kulturplan for Hordaland 2015 – 2025 er ein stor og ambisiøs plan. Planen famnar over heile kulturfeltet og set fokus mange utfordringar og mogelege utviklingsområde. Meland kommune ønskjer at ein i det vidare arbeidet set fokus på regionale løysingar med omsyn til kulturminne og bevaring, arena utvikling både i kommunane og regionalt og styrking av stadidentiteten til dei som bur i kommunane. Ved i gangsetting av ulike prosjekt er det viktig at så mange som mogeleg vert involvert og at ”inngangsbilletten” for deltaking ikkje er for høg. VI ønskjer lukke til vidare med det vidare arbeidet og iverksetting av planen.Gjennom barnehage og skule når ein alle barn og unge. Desse arenaene er viktige medspelarar for å nå dei kulturpolitiske måla i planen. Dette er nemnt tydeleg når det gjeld fysisk aktivitet/friluftsliv og bibliotektenesta. Men det bør også nemnast på andre felt som t.d. kunstformidling og kunstuttrykk, utover det som Den kulturelle skulesekken og Rikskonsertane bidreg med.
Nytt underpunkt inn i handlingsprogram Premiss: Kultur 5.7 Kunstproduksjon og kulturformidlingG. Etablere regionale/kommunale arenaer for skapande aktivitet med vekt på produksjon, visning, formidling og utveksling, nasjonalt og over Nordsjøområdet.
Behandling
Framlegg til tilleggstekst frå Marit Samnøy Jøssang, KrF:
1) Gjennom barnehage og skule når ein alle barn og unge. Desse arenaene er viktige medspelarar for å nå dei kulturpolitiske måla i planen. Dette er nemnt tydeleg når det gjeld fysisk aktivitet/friluftsliv og bibliotektenesta. Men det bør også nemnast på andre felt som t.d. kunstformidling og kunstuttrykk, utover det som Den kulturelle skulesekken og Rikskonsertane bidreg med.
2) Idé og livssynsorienterte organisasjonar sin plass i kulturlivet bør koma tydlegare fram i planen.
Framlegg til nytt underpunkt G inn i handlingsprogram Premiss: Kultur 5.7 Kunstproduksjon og kulturformidling frå Leif Johnsen, MDG.
G. Etablere regionale/kommunale arenaer for skapande aktivitet med vekt på produksjon, visning, formidling og utveksling, nasjonalt og over Nordsjøområdet.
Avrøysting:Formannskapet sitt framlegg til vedtak vart samrøystes vedteke.Framlegg til tilleggstekst pkt. 1) frå Marit Samnøy Jøssang fekk 17 røyster for, (6H, 1 AP, 4 SP, 3 KrF, 1 Uavh, 2 FrP), 10 røyster mot, (4 AP, 1 FrP, 2 V, 2 SAM, 1 MDG), og er såleis vedteke.Framlegg til tilleggstekst pkt. 2) frå Marit Samnøy Jøssang fekk 6 røyster for, (3 KrF, 2 SP, 1 MDG), 21 røyster mot, (6 H, 5 AP, 2 Sp, 3 FrP, 1 Uavh, 2 V,2 SAM), og fall.Framlegg til nytt underpunkt G frå Leif Johnsen fekk 23 røyster for (H, AP, SP, KrF, V, SAM, MDG), 4 røyster mot (3 FrP, 1 Uavh), og er såleis vedteke.