Møte i Formannskapet den 20.09.2017

Vedtak

Innkalling og sakliste med ei tilleggssak og endra rekkefølgje på saklista vert godkjent.

Behandling

Ordførar sa at det var sendt ut ei tilleggssak. Ordførar bad om at sak 100 vert behandla etter sak 91. Etter det vil saklista verta følgd.

Vedtak

Møtebok frå møte 30.08.17 vert godkjent.

Vedtak

Meldingane vert tekne til orientering.

Vedtak

Orienteringane vert tekne til vitande.

Behandling

Følgjande saker vart tekne opp.

Øyvind H. Oddekalv:
Har prøvd å få ein foredragshaldar til å snakkke om habilitet på kommunestyremøtet i november. Har enno ikkje lukkast, men arbeider med saka.

Anne Grete Eide:
Er det kartlagt kor mange tima elevane får tilbud om symjeopplæring ved dei ulike skulane i dag.

Kari Anne Iversen:
Kostnad når det gjeld symjeopplæring for alle skulane i Meland vert tema på budsjettkonferansen.
Tilgjenge til bassenget for andre innbyggjarar er enno ikkje på plass. Garderobeanlegget må oppgraderast, ferdigstilt til nyttår.

Anne Grete Eide:
Nkom har no tildelt midlane til kommunar med dårlig breibandsdekning. I Hordaland er det berre Masfjorden kommune som er tildelt pengar, dvs. at Meland kommune ikkje har fått tildeling for 2017. Vi viser til kommunestyrevedtaket i sak 40/2017, der det etter framlegg frå AP vart vedtatt :Kommunestyre ønskjer å bruke delar av overskotet til anleggsbidrag til breiband, fiber og mobil.Kommunestyret ber rådmannen ta kontakt med utbyggjarar av breiband, fiber og mobil, og komme tilbake med ei sak om korleis kommunen kan bidra til å byggje ut i område som i dag ikkje har breiband/fiber og mobil. Kommunestyret vil på eit seinare tidspunkt avgjere i kor stor grad kommunen kan bidra økonomisk til dette.

Sidan det no er avklart at kommunen ikkje får midlar frå Nkom i år, ber vi om ei oppdatering på oppfølginga av dette vedtaket. AP meiner dette er svært viktig for utviklinga i kommunen og ønsjer at arbeidet med dette frå kommunen si side blir intensivert.

Martin W. Kulild:
Må sjåast i samanhang med budsjettarbeidet når vi ikkje fekk Nkom-midlar.

Sølvi Knudsen:
Spørsmål knytt til konkursen vedk. aktøren i NGIR

Ordførar:
Selskapet har slite lenge med økonomiske problem. NGIR var og informerte Regionrådet. NGIR har plan om å overta. Praktiske problem som å få på plass bilar og sjåførar må løysast. Signal frå Regionrådet - må få på plass ei god og permanent ordning. Å drifte sjølv (ikkje på anbod) må og vurderast.

Anne Grete EIde:
Oppslag i avisa Strilen om kloakkleidning på Kårbø.

Administrasjonen svarte at dei arbeider med saka.

Henriette Fennelly:
Uheldig at sms-varsling om kokevarsel av drikkevatnet på Holme ikkje nådde fram til alle husstandar, og at det ikkje låg på kommunen si heimeside.

Adminstrasjonen svarte at dei ville sjå på kva som ikkje hadde fungert som det skulle.

Vedtak

Behandling

Det vart orientert om følgjande:

- IKT - alle fagapplikasjonar som skal førast vidare frå Meland og inn i Alver kommunen må vere valgt innan 01.1.19. Hittil er 60 % felles med ein kommune og 40 % felles for alle
tre kommunane. Alt må vere på plass innan 01.01.19.
- Vertskommunesamarbeid med Lindås når det gjeld løn frå 01.08.18. Sak om dette til kommunestyre.
- Omstillingsavtale skal drøftast med lokale tillitsvalde førstk. mandag, og drøftast neste torsdag 28.09. mellom alle HTV og rådmenn i fellskap.
- Arbeidsgruppa har fått utkast til kyrkje/kulturhus - kostnadsoverskriding. Enno ikkje endeleg løysing på tomt.
- Arbeider videre med lokal forskrift for køyring med vannscooter. Rådmannsgruppa skal gje ein samla uttale til regionrådet.
- Mandat til fellesnemnda - sak direkte til kommunestyre.
- Planprogram til E-39 - sak direkte til kommunestyre.

Vedtak

Behandling

Det vart orientert om følgjande:

Seminar 4. og 5. september - har arbeidd fram framlegg til reglement og mandat. Innstillinga skal vedtakast i kommunestyra.
Har sett på styringsdokument - nokre prosjekt er politiske og nokre administrative.
Heildagsmøte i fellesnemnda 2. oktober på Alver hotell.
Skal velje partsamansett utval.
Prosess for tilsetjing av ny rådmann - vedteke intern innplassering.

Behandling

Økonomisjef Per Inge Olsen orienterte.

Vedtak

Behandling

Avrøysting:
Framlegget frå Meland Arbeiderparti vart samrøystes vedteke.

Ordførar oppfordra alle kommunestyrerepresentantane til å ta del i innsamlingsaksjonen.

Vedtak

Formannskapet vedtar næringsplanen med tilhøyrande tiltaksliste slik den ligg føre. Formannskapet ber om å verta orientert i den vidare prosessen.

Behandling

Framlegg til vedtak i møtet:

Formannskapet vedtar næringsplanen med tilhøyrande tiltaksliste slik den ligg føre. Formannskapet ber om å verta orientert i den vidare prosessen.

Avrøysting:
Dette framlegget vart samrøystes vedteke.

Vedtak

I medhald av §§ 12-2 og 12-8 i Plan- og bygningslovavedtek formannskapet at det vert etablert eit privat-offentleg samarbeid om områderegulering for Dalstø/Mjåtveitstø.

Rådmannen får fullmakt til å inngå avtale med utviklar om val av konsulent og utføring av planarbeidet. Det er ein føresetnad at utviklaren av området tek kostnadene med planarbeidet og retter seg etter føringane som vert lagt til grunn for planarbeid og utbygging. Forholdet til andre grunneigarar innafor planområdet må avklarast i eigne avtalar. For delområder i planen som vert detaljert slik at ein kan gå rett på rammesøknad, dekker tiltakshaver kostnadene knytt til behandling av desse.

Formannskapet vert politisk styringsgruppe for arbeidet.

Plangrensa til områdeplanen vert trekt tilbake i samsvar med merknad frå eigar av gards- og bruksnummer 22/4. Planarbeidet for denne eigedomen må likevel samordnast med områdeplanen m.o.t. gjensidig påverknad.

Behandling

Sølvi Knudsen bad om at formannskapet vurderte om ho var inhabil i saka.

Sølvi Knudsen er i slektskap med styremedlem og aksjonær i selskapet.

Anne Grete Eide bad om at formannskapet vurderte om ho var inhabil i saka.

Anne Grete Eide har felles eigarskap med eigar av 1/6 av selskapet. Selskapet som Anne Grete Eide er deleigar i er ikkje involvert i planen.

Sølvi Knudsen og Anne Grete Eide gjekk frå ved vurdering av deira habilitet.

Rune Skår og Tormod Skurtveit tok sete.

Avrøysting:
Med tilvising til forvaltningsloven § 6 b) vart Sølvi Knudsen samrøystes erklært inhabil.
Anne Grete Eide vart vurdert med tilvising til forvaltningsloven § 6 e)2 og vart samrøystes erklært habil

Deretter tok Anne Grete Eide sete.

Framlegg til tilleggstekst i møte:

Forholdet til andre grunneigarar innafor planområdet må avklarast i eigne avtalar.

Plangrensa til områdeplanen vert trekt tilbake i samsvar med merknad frå eigar av gards- og bruksnummer 22/4. Planarbeidet for denne eigedomen må likevel samordnast med områdeplanen m.o.t. gjensidig påverknad.

Vedtak

I medhald av §§ 12-2 og 12-8 i Plan- og bygningslovavedtek formannskapet oppstart av arbeid med områdereguleringi Langelandskogen og deler av Frekhaug sentrum,som vist på kartutsnitt.

Rådmannen får fullmakt til å inngå avtale med utviklar om val av konsulent og utføring av planarbeidet. Det er ein føresetnad at utviklaren av området tek kostnadane med planarbeidet og retter seg etter føringane som vert lagt til grunn for planarbeid og utbygging.

Formannskapet vert politisk styringsgruppe for arbeidet.

Vedtak

Kommunestyret viser til saksutgreiing og innspel frå workshop i Utval for levekår 30.05.17. Aktuelle tema frå workshop vert å handtere innan tenesteområde sine noverande system. Skuleåret 2017 - 2018 skal skulane prioritere bruk av tid og kunnskap til å realisere dei nye reglane i § 9 a i Opplæringslova om skulemiljø, som er gjeldande frå 01.08.17.

Kommunestyret ber rådmann etablere eit 2-årig prosjekt for perioden 2018 - 2019. Kostnad er estimert til kr. 2 million, og vert fordelt som følgjer per år:

- Kr. 800.000,- til miljøarbeidarstilling (100%). Stillinga skal sikre prosjektleiing, leiing av beredskapsteam mot mobbing, planarbeid og leggje til rette for dialog, nettverksbygging og miljøarbeid i skule- og ungdomsmiljø generelt. Dette arbeidet inkluderer samhandling med frivillige lag og organisasjonar.

- Kr. 200.000,- til rekrutteringsarbeid, kompetanseheving, nettverksbygging og dialogmøter.

Prosjektarbeidet skal gje mulighet for å arbeide meir overordna, systematisk, langsiktig og breiare med omsyn til oppvekst- og skulemiljø. Tiltaket kan finansierast ved bruk av disposisjonsfond.

Behandling

Avrøysting:
Utval for levekår sitt framlegg til vedtak vart samrøystes vedteke.