Čoahkkin Formannskapet 26.08.2015

Vedtak

"Innkalling og sakliste med endra rekkefølgje på saklista vert godkjent."

Behandling

Ordførar bad om at sak 101 vert flytta fram og handsama kl. 10:00. Deretter vil saklista verta følgd.

Vedtak

"Møtebok frå møte 24.06.15 vert godkjent."

Vedtak

"Meldinga vert teken til orientering."

Vedtak

"Formannskapet tek orienteringane til etterretning."

Behandling

Rådmann svarte på spørsmål frå forrige møte

• Tømmestasjon for bubilar i kommunen
  - kommunen har ingen tømmestasjonar, men det er ein på Hylke og ein i Mastrevik

• Pinsehuset på Rossland - m.a. skulding mot kommunen
  - Ingen grunn til kritikk mot kommunen

• Kontroll av marina på Io
  - ingen marina i kommunen vert kontrollert for utslepp. Det skal lagast ein avløpsplan for hamner i kommunen, medrekna marina.

• Skriv om måkeplage i Frekhaug senter vart delt ut

Sølvi Knudsen, SP:

• Nyborgtunnellen - saknar pådriving frå regionen
  Ordførar orienterte om status i saka. Kjem tilbake med meir informasjon.

  Intensjonen er å få Nyborgtunnellen inn i NTP i 2018

• Må kome ut informasjon om kvar det fins offentleg toalett i Frekhaug senter

Marit Jøssang, KrF:

• Fartsdumpar i Mjåtveitmarka - ikkje samsvar mellom 40-sone og storleik på fartsdumpane

Sigmund Larsen:

• Regulering av Det Naue - Kystverket Vest lova å koma medsamfunnsanalyse. Dette bør purrast på.

• Er Meland interessert i deltaking i forsøk med statleg finansiering av omsorgstenester?
  Rådmann orienterte

Forutset bestillerkontor. Søknadsfrist 1. desember

Nils Marton Aadland:

• Hatt møte med Fylkesmannen - trong for auka skjønsmidlar

• Arbeid i gang med Fossekrysset - planlagt ferdig til våren

• Arbeid snart i gang med å utbetra krysset ved Meland Aktiv

Vedtak

Formannskapet tek orienteringane til etterretning.

Behandling

Rådmann orienterte:

• Invitert av KS til å delta i FOU-prosjekt, kommunal legeteneste - Kan den ledes?

• BKK har varsla tilsyn med elektriske anlegg i kommunen

Vedtak

"Formannskapet tek orienteringa til etterretning."

Behandling

Rådmann orienterte:

Spørjeundersøking om kommunestruktur i slutten av august - 450 vert oppringt.
Resultatet klart i slutten av oktober.

Vedtak

"Budsjettrapport pr 31. juli 2015 vert teken til vitande."

Vedtak

"Meland kommune går i mot framlegg til endring i takseringsreglane for eigedomskatt slik dei er foreslått i høyringsbrev og høyringsnotat av 18. juni 2015.

Dersom regjeringa likevel går vidare med lovsaka, rår Meland kommune sekundært til at det vert oppretta ein breitt samansett lovkomite for vidare utgreiing.

Meland kommune krev at kommunesektoren vert kompensert fullt ut for ei eventuell innskrenking i retten til å skrive ut eigedomsskatt, og at dette vert stadfesta og synleggjort i ei eventuell sak til Stortinget."

Behandling

Høyringsuttale frå KS vart delt ut i møtet.

Framlegg til tilleggspunkt frå Nils Marton Aadland, H:

"Dersom regjeringa likevel går vidare med lovsaka, rår Meland kommune sekundært til at det vert oppretta ein breitt samansett lovkomite for vidare utgreiing.

Meland kommune krev at kommunesektoren vert kompensert fullt ut for ei eventuell innskrenking i retten til å skrive ut eigedomsskatt, og at dette vert stadfesta og synleggjort i ei eventuell sak til Stortinget."

Avrøysting:
Rådmannen sitt framlegg til vedtak vart samrøystes vedteke.
Framlegget frå Nils Marton Aadland vart samrøystes vedteke.

Vedtak

"Meland kommune stiller seg positive til tettare samarbeid innan brann- og redningstenesta i bergensregionen mellom sjølvstendige brann- og redningstenester.

Meland kommune er positive til at det vert sett i gang eit prosjekt for nærare utgreiingar og avklaringar knytt til samarbeidsavtale mellom kommunane, inkludert oppgåver og økonomi som grunnlag for samarbeidsavtale.

Endeleg samarbeidsavtale skal godkjennast av kommunestyret."

Vedtak

"Meland formannskap ser positivt på søknaden, og eventuelle midlar til arrangementet vert å vurdere i samband med budsjettet for 2016.
Idrettsrådet skal høyrast i saka."

Behandling

Lars Barstad gjekk frå ved handsaming av hans habilitet.

Saka vart drøfta.

Avrøysting:
Formannskapet vedtok at Lars Barstad er inhabil mot 2 røyster (FrP, AP).

Deretter tok Ragnar Bratland sete.

Framlegg til vedtak frå Nils Marton Aadland, H, Ragnar Bratland, H, Sigmund Larsen, FrP, Marit Jøssang, KrF og Sølvi Knudsen, SP:

"Meland formannskap ser positivt på søknaden, og eventuelle midlar til arrangementet vert å vurdere i samband med budsjettet for 2016.
Idrettsrådet skal høyrast i saka."

Avrøysting:
Framlegget frå Nils Marton Aadland, Ragnar Bratland, Sigmund Larsen, Marit Jøssang, og Sølvi Knudsen fekk 5 røyster for, (2H, FrP, KrF og SP),
2 røyster mot, (AP, SAM), og er såleis vedteke.

Vedtak

«Formannskapet i Meland ber om at den regionale areal- og transportplanen for Bergensområdet blir omarbeidd som påpeika i saksutgreiinga her. Planframlegget går for langt i å planlegge arealbruken i kommunen, og det er gjort på eit spinkelt grunnlag. Dersom ein regional areal- og transportplan skal ha nokon verdi, må den tilrettelegge for vekst og utvikling, i eit berekraftig perspektiv. Det framlegget som no ligg føre stetter ikkje vilkåra for ei slik utvikling.»

Vedtak

"Formannskapet bed rådmannen leggja fram sak i ekstramøte onsdag 2. september der følgjande ligg til grunn.

1. Grasdal og Sagstad skular skal byggjast ut i samsvar med tidlegare vedtatt tidsplan og utarbeidd forprosjekt for dei to skulane.

2. Rådmannen blir beden om å presentere moglege tiltak som kan redusere investeringskostnadane for  dei to prosjekta.

3. Rådmannen blir beden om å leggja fram ei samla økonomisk konsekvensutgreiing for dei to skuleutbyggingane, og oversikt over andre investeringsprosjekt som kan utsetjast."

Behandling

Skriv frå FAU Grasdal skule og frå Klubben i Utdanningsforbundet v/Anita L. Askeland og Fagforbundet v/Gunn Torill Berge vart delte ut i møtet.

Framlegg til vedtak frå Nils Marton Aadland (H):

"Formannskapet bed rådmannen leggja fram sak i ekstramøte onsdag 2. september der følgjande ligg til grunn.

1. Grasdal og Sagstad skular skal byggjast ut i samsvar med tidlegare vedtatt tidsplan og utarbeidd forprosjekt for dei to skulane.

1. Rådmannen blir beden om å presentere moglege tiltak som kan redusere investeringskostnadane for  dei to prosjekta.

1. Rådmannen blir beden om å leggja fram ei samla økonomisk konsekvensutgreiing for dei to skuleutbyggingane, og oversikt over andre investeringsprosjekt som kan utsetjast."

Avrøysting:
Framlegget frå Nils Marton Aadland vart samrøystes vedteke.

Vedtak

"Saka vert utsett."

Behandling

Framlegg til vedtak frå Nils Marton Aadland, H:

"Saka vert utsett."

Utsetjingsframlegget vart samrøystes vedteke.

Vedtak

«Formannskapet tek saka til orientering og registrerer at vedlikehaldsbudsjettet er redusert med kr 100 000,- i tråd med budsjettvedtaket.»

Vedtak

«Formannskapet godkjenner at plankart og føresegner til kommuneplanen sin arealdel blir retta i tråd med saksutgreiinga og som vist på vedlegg til denne saka. Plandokumenta får godkjentdato som kommunestyrevedtaket 17.06.2015 og revisjonsdato 26.08.2015.»

Behandling

Sigmund Larsen gjekk frå som ugild ved handsaming av saka.