Čoahkkin Kommunestyret 17.12.2014

Vedtak

Innkalling og sakliste vert godkjent.

Vedtak

Møtebok frå møte 19.11.14 vert godkjent.

Vedtak

Meldingane vert tekne til orientering.

Vedtak

Meland kommune går i relle drøftingar med sikte på å etablere ein ny kommune, saman med aktuelle nabokommunar/andre kommunar i regionen som er interesserte i dette. Rådmennene i dei kommunane som vel å samarbeide om ny kommunestruktur får i oppdrag å utarbeide nærare prosjektplan og framlegg til mal for intensjonsavtale som skal leggjast til grunn for arbeidet. Malen for intensjonsavtalen og prosjektplanen skal godkjennast av dei respektive kommunestyra våren 2015. Endeleg vedtak om ny kommune vert gjort i kommunestyret våren 2016.

For å sikre at alle folkevalgte er orientert om utviklinga i arbeidet med ny kommunestruktur, så ber kommunestyret rådmannen om løypemeldinger i hvert formannskapsmøte og kommunestyre.

Behandling

Framlegg til tilleggsvedtak frå Meland FrP v/Sigmund Larsen:

For å sikre at alle folkevalgte er orientert om utviklinga i arbeidet med ny kommunestruktur, så ber kommunestyret rådmannen om løypemeldinger i hvert formannskapsmøte og kommunestyre.

Framlegg til vedtak frå Senterpartiet v/Sølvi Knudsen:

Meland kommune går i drøftingar for å vurdera aktuelle alternativ med tanke på å avdekke fordeler og ulemper ved ein eventuell ny kommunestruktur. Rådmennene i dei kommunane som vel å drøfta eventuelle nye kommunestrukturar, får i oppdrag å utarbeide nærare prosjektplan kor ein belyser fordeler og ulemper ved alternativa. Utgreiinga vert lagt fram for kommunestyret som tar stilling til om ein skal gå for eit av alternativa eller om Meland kommune framleis skal være eingen kommune.

Avrøysting:
Formannskapet sitt framlegg til vedtak fekk 20 røyster for, (H, AP, FrP, KrF, V), 7 røyster mot, og er såleis vedteke.
Framlegg til vedtak frå Senterpartiet fekk 7 røyster for, (SP, SAM, MDG), 20 røyster mot, og fall.
Tilleggsframlegget frå FrP vart samrøystes vedteke.

Vedtak

Kommunestyret støttar konklusjon frå administrativ arbeidsgruppe, og går inn for å byggje på Grasdal og Sagstad skule jamfør alternativ 1 snarast.

I alternativ 1 er det ingen endring i eksisterande skulestruktur.

Ved å byggje på Grasdal og Sagstad skule sikrar kommunen at desse skulane har nok kapasitet i næraste framtid.

Når kommuneplanen er vedteken må ein ta opp att arbeidet med skulestruktur sett i eit lengre tidsperspektiv. Ein bør mellom anna utgreie behov for:

1. Påbygg Meland ungdomsskule
2. Ungdomsskule for heile Meland
3. Barneskule for Flatøy - Fosse - Frekhaug
4. Symjebasseng, og kvar dette best kan plasserast

Utval for levekår må vere ein aktiv bidragsytar i det vidare arbeidet med skulestruktur.

Behandling

Framlegg til tilleggsvedtak frå AP v/Øyvind Oddekalv:

Utval for levekår må vere ein aktiv bidragsytar i det vidare arbeidet med skulestruktur.

Avrøysting:
Formannskapet sitt framlegg til vedtak vart samrøystes vedteke.
Framlegg til tilleggsvedtak frå AP vart samrøystes vedteke.

Vedtak

1. Investeringsbudsjettet for 2014 vert endra i trå med vedlegg 1 til saksutgreiinga, slik at brutto ramme for investeringsaktivitetar i 2014 vert kr 25,982 mill. Dette vert fordelt slik: Ordinære driftsmidlar kr 13,9 mill (netto inkl. inntekt frå sal av eigedom med kr 1,88 mill) Investeringar i vassverk- og avlaupsanlegg kr 3,91 mill Andre investeringsaktivitetar inkl. startlån, kr 7,874 mill Inntekt ved sal av anleggsmiddel vert avsett til kapitalfond, budsjettert til kr 1,88 mill. Finansiering av investeringane skjer slik: Nye innlån i 2014: kr 11,0 mill (i tillegg kjem lån for vidareutlån med kr 7 mill) Mva-refusjon: kr 0,77 mill Tilskot: kr 4,652 mill Bruk av kapitalfond kr 1,512 mill 2. Kommunen tek opp lån i 2014 på kr 11 mill til finansiering av budsjetterte investeringar for 2014, ref. punkt 1 over. 3. I tillegg kan kommunen i 2014 ta opp lån i kapitalmarknaden på opp til kr 41,2 mill for å refinansiere dyrare lån. 4. Rådmann får fullmakt til å godkjenne vilkår og foreta val av finansieringsinstitusjon. Vilkår skal vere i trå med vedteke finansreglement for kommunen. Det vert likevel akseptert at kommunen har noko mindre lån på langsiktige fastrentekontraktar og meir på lån med rentebinding på inntill eit år (inkl. p.t.-lån) enn det som ligg til grunn i finansreglementet. 5. Kommunen inngår rammeavtale med Bergen Capital Management på prøvevilkår fram til 31. mai 2015. Honorar ca kr 50.000,- vert å dekke innanfor vedtekne budsjettrammer. Kommunen skal oppdatere finansreglementet i løpet av avtaleperioden. 6. Kommunen skal innan 31.05.2015 kunngjere ein anbudskonkurranse kor kommunen inngår parallelle rammeavtaler med leverandører av gjeldsbrevlån. Avrop og evt. låneopptak vert å gjennomføre ved førespurnad blant rammeavtale-leverandørene.

Vedtak

”Kommunestyret godkjenner nye satsar for eigenbetaling gjeldande tenesteyting og matprodukt innan helse- og sosialetenester frå og med 01.01 2015 jamfør tabell 1 og 2 i saksutgreiing.»

Vedtak

«Kommunestyret godkjenner at feie- og tilsynsgebyret for 2015 vert sett til kr 390,- eks mva pr pipe og kr 130,- eks mva pr ekstra pipeløp.»

Vedtak

«Kommunestyret godkjenner at gebyr for slamtømming for 2015 vert sett ned til kr 500,- eks mva for bustader og kr 250,- eks mva for fritidshus.»

Vedtak

«Kommunestyret godkjenner at gebyr for renovasjon 2015 vert auka slik som representantskapet i NGIR har gjort vedtak om i møte 27.10.2014.»

Vedtak

«Kommunestyret godkjenner at Årsavgifta for vatn vert redusert med om lag 20 % i 2014, dvs reduksjon frå kr 4 114,- til kr 3 290,- pr normalabonnement. Årsavgifta for avlaup vert redusert med om lag 15,7 % i 2014, dvs reduksjon frå kr 2 349,- til kr 1 980,- pr normalabonnement. Tilknytingsgebyret vert vidareført med kr 10 000,- for kvar tilknyting. Forskrift om vass- og avlaupsgebyr i Meland kommune vert revidert m.o.t. korrekt lovheimel.»

Protokolltilførsel frå Lars Barstad, V:

En må sørge for at investeringene holdes på ett fornuftig nivå over tid slik at ikke avgiftene for vann og avløp får store økninger i fremtiden.

Behandling

Framlegg til tilleggspunkt frå Lars Barstad, V, subsidiert protokolltilførsel:

En må sørge for at investeringene holdes på ett fornuftig nivå over tid slik at ikke avgiftene for vann og avløp får store økninger i fremtiden.

Avrøysting:
Framlegg til vedtak frå formannskapet vart samrøystes vedteke.
Framlegg til tilleggspunkt frå Lars Barstad fekk 9 røyster for, (2V, 5 Ap, 2H) 18 røyster mot, (4H, 4 Sp, 4 FrP, 3 KrF, 2 SAm, 1 MDG), og fall.

Vedtak

”Kommunestyret godkjenner tiltaksplan for vassforsyning, avlaup og vassmiljø for Meland kommune for perioden 2015 – 2019. Planen vert å innarbeide i økonomiplan investeringar.”

Vedtak

1. Kommunestyret godkjenner budsjett for 2015.2. Kommunestyret godkjenner rammer for budsjettet slik:
- Inntekter frå skatt og rammetilskot kr 388,8 mill
- Netto inntekter frå eigedomsskatt kr 16,5 mill
- Inntekter frå Utbytte, renteinntekter og rentekompensasjonsmidlar kr 6,8 mill
- Utgifter til avskrivingar, renter og avdrag på lån inkludert interne kalkulatoriske postar kr 11,3 mill
- Netto driftsramme (utgifter) for alle tenesteområda kr 393,1 mill.
- Rest til disponering er kr 7,7 mill som vert å avsette til disposisjonsfond
3. Heimel for utskriving av eigedomsskatt i Meland kommune er Eigedomsskattelova §§2 og 3.I samsvar med Eigedomsskattelova § 3 vert eigedomsskatt skrive ut på alle faste eigedomar i kommunen i 2015. Eigedomsskatt på verk og bruk, andre næringseigedomar og oppdrettsanlegg vert utrekna etter skattesats 7,0 promille i 2015.Eigedomsskatt på hus og fritidseigedommar, samt andre eigedommar vert utrekna etter skattesats 3,0 promille i 2015. Eigedomsskatten for 2015 forfell i 3 like terminar med forfall 31.mars, 31.juli og 30.november.
4. Kommuneskatt på personleg inntekt og eige jfr. skattelova §19, vert utrekna i samsvar med dei satsar som vert vedteke i statsbudsjettet for 2014. Det kommunale skatteøyre er fastsett til 11.25 % i 2015.
5. Framlegg til brutto investeringar i 2015 er totalt kr 81,538 mill. Av dette kr 45,438 mill til ordinære driftsmidlar medan kr 36,1 mill er til investeringar til vassverk og avlaup som vert finansiert via sjølvkostrekneskapa for vassverk og avlaup.
Brutto investeringar i 2015 er finansiert slik:
Nye innlån til investeringar kr 71,65 mill
Kapitalfond til investeringar kr 2,0 mill
Mva-refusjon kr 7,888 mill
6. Kr 7 mill vert sett av til vidareutlån av startlån.
Innlån frå Husbanken for å finansiere slikt vidareutlån kr 7 mill.
Avdrag på startlån til Husbanken kr 2.323.000,- og mottak av avdrag på vidareutlånmed kr 2.323.000,-. 7. Eigenkapitalinnskot i KLP vert budsjettert med kr 700.000,- finansiert med bruk av kapitalfond kr 700.000,-.

Auka kostnader:

• Auka tilskott private barnehagar kr 5. 000.000

• Auka driftsmidlar til pasientsenger Meland sjukeheim kr 1. 400.000
  Sum kr 6. 400.000

Inndekning

• 3,5 promille eigedomsskatt hus og fritidseigedommar,
  samt andre eigedommar 2015 kr 2.000.000

• Reduserte renteutgifter kr 400.000

• Auka skatteøre etter budsjettdrøftingar kr 800.000

• Mindreutgifter koordinator heimetenesta kr 400.000

• Mindreutgifter merieribygget (vedlikehaldsplanen) kr 100.000

• Meirinntekter kulturskule/SFO kr 200.000

• Mindreutgifter brannvern kr 200.000

• Mindreavsetting driftsfond kr 2.300.000
  Sum kr 6.400.000
  

Verbalpunkt:

1. Auka i driftstilskot til private barnehagar er å sjå som ein tilleggspott.
   

2. Rådmannen blir beden om å leggje fram ei eigar/medlemsskapsmelding for kommunestyret. Meldinga må kartlegge kva vi eig/medlemsskap, kvifor kommunen eig/er medlem og kva kommunen vil med eigar/medlemsskapet.
   

3. Det blir lagt til grunn at det blir seld kommunale eigedomar i løpet av 2015. Inntekter frå slikt sal skal nyttast til å styrkje kapitalfondet.

4. Eigedomsskatt på hus og fritidseigedommar, samt andre eigedommar vert redusert frå 5 promille i 2014 til skattesats 3,5 promille i 2015.

FRAMLEGG TIL ENDRINGAR INVESTERINGSBUDSJETT 2015

Ordinære investeringar

AUKA KOSTNADER
Ladepunkt elbilar kr 250.000
Kommunale vegar kr 150.000

REDUSERTE KOSTNADER
Kommunale kaiar kr 400.000

Verbalpunkt :
Kommunestyret presiserer at dei avsette midlane til utleigebustader/omsorgsbustader også kan nyttast til å kjøpe seg inn prosjekt som ikkje er kommunale. Det må leggjast fram eiga sak om bruken av desse midlane for kommunestyret.

Behandling

Endringsframlegg til formannskapet sitt framlegg til vedtak fråHøgre, Senterpartiet, Kristelig Folkeparti, Venstre, Samarbeidslista og Miljøpartiet dei grøne:

FRAMLEGG TIL ENDRINGAR DRIFTSBUDSJETT 2015

Auka kostnader:

• Auka tilskott private barnehagar kr 5. 000.000

• Auka driftsmidlar til pasientsenger Meland sjukeheim kr 1. 400.000 Sum kr 6. 400.000

Inndekning

• 3,5 promille eigedomsskatt hus og fritidseigedommar,
  samt andre eigedommar 2015 kr 2.000.000

• Reduserte renteutgifter kr 400.000

• Auka skatteøre etter budsjettdrøftingar kr 800.000

• Mindreutgifter koordinator heimetenesta kr 400.000

• Mindreutgifter merieribygget (vedlikehaldsplanen) kr 100.000

• Meirinntekter kulturskule/SFO kr 200.000

• Mindreutgifter brannvern kr 200.000

• Mindreavsetting driftsfond kr 2.300.000
  Sum kr 6.400.000

Verbalpunkt:

1. Auka i driftstilskot til private barnehagar er å sjå som ein tilleggspott.
   

2. Rådmannen blir beden om å leggje fram ei eigar/medlemsskapsmelding for kommunestyret. Meldinga må kartlegge kva vi eig/medlemsskap, kvifor kommunen eig/er medlem og kva kommunen vil med eigar/medlemsskapet.
   

3. Det blir lagt til grunn at det blir seld kommunale eigedomar i løpet av 2015. Inntekter frå slikt sal skal nyttast til å styrkje kapitalfondet.

4. Eigedomsskatt på hus og fritidseigedommar, samt andre eigedommar vert redusert frå 5 promille i 2014 til skattesats 3,5 promille i 2015.

FRAMLEGG TIL ENDRINGAR INVESTERINGSBUDSJETT 2015

Ordinære investeringar

AUKA KOSTNADER
Ladepunkt elbilar kr 250.000
Kommunale vegar kr 150.000

REDUSERTE KOSTNADER
Kommunale kaiar kr 400.000

Verbalpunkt :
Kommunestyret presiserer at dei avsette midlane til utleigebustader/omsorgsbustader også kan nyttast til å kjøpe seg inn prosjekt som ikkje er kommunale. Det må leggjast fram eiga sak om bruken av desse midlane for kommunestyret.

Framlegg til endringar driftsbudsjett 2015 frå Meland AP:

Auka kostnader:

• Auka tilskott private barnehagar kr 5. 000.000

• Auka driftsmidlar til pasientsenger Meland sjukeheim kr 1. 400.000 (9mnd)

Sum auka kostnader kr 6. 400.000

Inndekning

• Reduserte renteutgifter kr 400.000

• Auka skatteøre etter budsjettdrøftingar kr 800.000

• Mindreutgifter koordinator heimetenesta kr 400.000

• Mindreutgifter merieribygget (vedlikehaldsplanen) kr 100.000

• Meirinntekter kulturskule/SFO kr 200.000

• Mindreutgifter brannvern kr 200.000

• Mindreavsetting driftsfond kr 4.300.000

Sum kr 6.400.000

Framlegg til endringar investeringsbudsjett 2015 frå Meland AP:

Auka kostnader:

• Ladestasjon for el-bilar kr 250.000

• Asfaltering av kommunale vegar kr 300.000

Sum kr 550.000

Inndekning:

• Reduserte overføringar til kommunale kaiar kr 400.000

• Kyrketomt kr 3.500.000

Sum kr 3.900.000

Framlegg til endringer i driftsbudsjett 2015 frå Meland FrP v/Sigmund Larsen

Meland Frp vil presisere at en støtter Administrasjonen sine rammer til budsjett for 2015. Vi vil spesielt vektlegge administrasjonen sitt forslag til åredusere eiendomsskatten fra 5,00 promilletil 3.00 promille samt avsetning til kapitalfond påkr 7 700 000.

Meland FrP vil prioritere litt annerledes det som administrasjonen legger driftsbudsjettet for 2015.

1. Økt tilskudd til private barnehager kr 5 000 000

2. Økte driftsmidler til pasientsenger Meland Sjukeheim(5mnd) kr 850 000

------------------------------------------------------------------------------------------------

Samlet forslag omdisponering av driftsbudsjettet kr 5 850 000

==========================================================

Verbalpunkt

1. Økt driftstilskudd til private barnehager er å sjå som en tilleggs pott for diskusjoner med private barnehager som har en særlige vanskelig økonomi. Det må gjøres enkeltvedtak for evt. å øke tilskudd for den enkelte barnehage.
   

2. Rådmannen blir bedt om åutgreie/legge fram politisk sak om varige og forutsigbare tiltak til å sikre de private barnehagers økonomi.

3. Rådmannen blir bedt om å utgreie/legge fram politisk sak om utleie av ledige pasientrom ved Meland sjukeheim. Evt. merinntekter fra ei slik ordninga skal brukes til å styrke bemanningen påsykehjemmet.
   

4. Rådmannen blir bedtom å legge fram ei eier/medlemskapsmelding for kommunestyret.
   Meldinga må kartlegge kva vi eier/medlemskap, hvorfor kommunen eier/er medlem og hva kommunen vil med eier/medlemskapet.
   

5. Rådmannen blir bedt om åutgreie/legge fram politisk sak der en gjennomgår kommunens eiendomsportefølje og hvor det blir lagt til grunn at det blir solgt kommunale eiendommeri løpet av 2015. Inntekter fra slikt sal skal brukes til å styrke kapitalfondet.

6. Rådmannen blir bedt om å utgreie/legge fram politisk sak på hvordan kommunen kan drives uten eiendomsskatt og med et netto overskudd på 3%. Hvor lang tid vil det eventuelt ta før vi kan nå et slikt mål? Denne evalueringa/fremdriftsplanen skal fremlegges på som en del av økonomikonferansen i mai/juni 2015

Framlegg til endringer i investeringsbudsjettet for 2015-frå Meland FrP v/Sigmund Larsen

Meland FrP vil fremmer forslag til åendre investeringsbudsjettet for 2015.

Verbalpunkt

1. Rådmannen blir bedt om å utarbeidet en handlingsplan for hvor store lån Meland kommune kan oppta. Eksempelvis; lån per innbygger skal ikke overstige kr …..eller andre formuleringer.

2. Rådmannen blir bedt om å vise rentekostnad senarioer som viser ”best, middels, verst”, med hvert låneopptak over en tiårsperiode.

3. Utbygging av nye bolig og næringsområder påfører innbyggerne i kommunen relativt høye kostnader som de fleste innbyggerne ikke får noe nytte av. For å redusere denne økonomiske belastningen så ber vi Rådmannen om å legge frem en sak hvor en kan drøfte hvorvidt nye boligområder/næringsområder bør ta en større del av kostnadene med utbygging av vann og avløp.

Avrøysting:

Framlegg til endring av formannskapet sitt framlegg til vedtak frå Fremskrittspartiet fekk 4 røyster for, (3 FrP, 1 Uavh), 23 røyster mot, og fall.

Framlegg til endring av formannskapet sitt framlegg til vedtak frå Meland Arbeiderparti fekk 5 røyster for (AP), 22 røyster mot, og fall.

Framlegg til endring av formannskapet sitt framlegg til vedtak frå Høgre, Senterpartiet, Kristelig Folkeparti, Venstre, Samarbeidslista og Miljøpartiet dei grøne fekk 18 røyster for, (H, SP, KrF, V, SAM, MDG), 9 røyster mot og er såleis vedteke.

Vedtak

1. Prosjektrekneskapen for utbygging av Meland Sjukeheim (prosjekt nr 370) og revisjonen sin uttale til orientering vert teken til orientering. 2. Investeringsbudsjettet vert i 2014 auka med kr 400.000,- til nytt prosjekt nr 373 Inventar og utstyr Sjukeheimen. Prosjektet vert finansiert med auke i mva.-refusjon på kr 80.000,- og kr 320.000,- i auka lånemidlar. Auke i bruk av lånemidlar vert sett i samanheng med redusert bruk av lånemidlar i hovudprosjektet for utbygginga av sjukeheimen

Vedtak

Meland kommunestyret er uroa av manglar i utgreiingsarbeid for ny Klinikkstrukturplan tannhelsetenesta 2015-2030. Dette gjeld område som konsekvensar for målgruppe, folkehelse, miljø og samfunnsøkonomi. Kommunestyret ber Fylkesutvalet utsetje vidare planprosess til ein har fått eit meir omfattande vurderingsgrunnlag, samt at ein har kome lengre i pågåande arbeid med oppgåvedeling jamfør kommunereforma.

Vedtak

Meland kommune ønskjer å delta i prosjektet for å bli ein del av Nordhordland Biosfæreområde. Kommunen forpliktar seg til å vere med å delfinansiere vår del, kr 61 727,-for hovudfasen av prosjektet innanfor den ramma som er budsjettert i søknaden frå 2015 – 2017.

Vedtak

«Kommunestyret godkjenner gebyrregulativet for 2015, Lokal forskrift om gebyr for teknisk forvaltningsteneste.»

Vedtak

«Meland kommunestyre meiner at tiltaksanalysen for Nordhordland gjev eit godt innblikk i vasstilstanden i vassførekomstar i kommunen, jf saksutgreiinga og konklusjonen. Kommunestyret ber om at frist for gjennomføring blir sett til 2027 for alle tiltaka som inngår i den regionale planen for vassregion Hordaland.»

Vedtak

«Meland kommune går imot Landbruks- og matdepartementet sitt forslag om å oppheva konsesjonslova og buplikta. Grunngjevinga går fram av saksutgreiinga og vurderinga ovanfor. Evt. endringar må vurderast grundigare m.o.t. konsekvensane for kommunane sin arealpolitikk, og m.o.t. kva for lovendringar som evt. må til for å ivareta verkemidla.»

Behandling

Framlegg til vedtak frå Atle Håtuft, FrP:
Meland kommune går inn for Landbruks- og matdepartementet sitt forslag om å oppheve konsejonsplikta og buplikta.

Avrøysting:
Framlegget frå Utval for drift og utvikling fekk 17 røyster for, (AP, SP, KrF, V, SAM, MDG), 10 røyster mot, og er såleis vedteke.
Framlegget frå Atle Håtuft, FrP fekk 10 røyster for, (3 FrP, 1 Uavh, 6 H), 17 røyster mot, og fall

Vedtak

Kommunestyret ber administrasjonen ta initiativ til dialog med grunneigarane og andre partar i området for å drøfte utfordringar og mogelege løysingar for å sikre Mjåtveittjørna mot ulukker, samstundes som Mjåtveittjørna blir teke vare på som naturvernområde.

Behandling

Sigmund Larsen erklærte seg inhabil i saka. Kommunestyret røysta over Sigmund Larsen sin habilitet. Ved denne røystinga gjekk Sigmund Larsen frå.

Avrøysting:
Sigmund Larsen er habil i handsaming av saka fekk 19 røysta for, (6 H, 4 Ap, 4 Sp, 2 SAM, 1 V, 1 MDG, 1 Uavh), 7 røysta mot, (2 FrP, 3 KrF, 1 AP, 1 V).

Sigmund Larsen tok deretter sete ved handsaming av saka.

Kåre Skibenes, KrF fremma administrasjonen sitt framlegg til vedtak.

Avrøysting:
Administrasjonen sitt framlegg til vedak vart samrøystes vedteke.
Framlegg til vedtak frå Utval for drift og utvikling fekk 0 røyster for og fall.

Vedtak

Kommunestyret gir Solbjørg Åmdal Sandvik permisjon frå alle politiske verv ut kommunestyreperioden.

Sølvi Knudsen vert vald som varamedlem til Kirkeleg Fellesråd.

Behandling

Ordførar opplyste at Solbjjørg Åmdal Sandvik er vald til varamedlem til Kirkeleg Fellesråd. Det må difor veljast ny varamedlem til dette rådet.

Framlegg til vedtak:

Sølvi Knudsen vert vald som varamedlem til Kirkeleg Fellesråd.

Avrøysting:
Dette framlegget vart samrøystes vedteke.

Vedtak

Kommunestyret prioriterer å få gjennomført selskapskontroll i MAKS Meland Arbeids- og Kompetansesenter AS der kommunen har eigarandel på 54 %.