Čoahkkin Kommunestyret 25.03.2015

Vedtak

Innkalling og sakliste vert godkjent.

Vedtak

Møtebok frå møte 18.02.15 vert godkjent.

Vedtak

Kommunestyret vedtek å ta opp saka Nordhordlandspakken til ny behandling.

Meldingane og orienteringa vert tekne til orientering.

Behandling

Representanten Rolf Hansen, AP har sendt skriv til ordførar der han ber om at kommunestyret tar opp Nordhordlandspakken til ny behandling. Dette skrivet er sendt til alle kommunestyrerepresentante og delt ut i møtet.

Framlegg til vedtak:
Kommunestyret vedtek å ta opp saka Nordhordlandspakken til ny behandling.

Avrøysting:
Dette framlegget fekk 18 røyster for, (6H, 5 AP, 3 SP, 3 KrF, 1 MDG), 9 røyster mot, (3 FrP, 2 V, 2 SAM, 1 SP, 1 Uavh), og er såleis vedteke.

Representanten Ragnar Bratland refererte skriv nr. 7. Rådmann orienterte om at dette vert kommentert i årsmeldinga.

Vedtak

Kommunestyret tek årsmelding om arbeidet i Fellesrådet d. 15.01.15 til vitande.

Behandling

Leiar for Fellesrådet Sigurd Knudsen orienterte.

Vedtak

Kommunestyret er nøgd med noverande resultat av arbeid med introduksjonsprogram. Ein ber rådmann arbeide for å oppretthalde måloppnåing med omlag 60 %. Integreringsverksemd av flyktningar er eit samfunnsansvar, og det er difor sentralt at kommunen samordner og koordinerer ulike tenesteområder og samfunnsliv i arbeidet. Aktuelle mål, strategiar og tiltak for verksemda/målgruppa vert å forankre i overordna kommuneplan og til ei kvar tid gjeldande økonomi- og investeringsplan.

Behandling

Representanten Haakon Aase stilte spørsmål om opplæringa er på nynorsk.
Ordførar vil undersøkje dette.

Vedtak

1. Kommunestyret er positiv til at det vert etablert tverrfaglege samarbeidsfora (kjernegruppe) med politikompetanse på ungdomsskulane i kommune. 2. Kommunestyret er positiv til at rådmann sikrer at aktuelle tenesteområde etablerer tenlege oppfølgingstiltak/team som bidrar til at politimynde kan iverksette
påtaleunnlatelse med vilkår i aktuelle saker der ungdom er involvert.
3. Målsettinga med tiltaka over er mellom anna å styrkje tverrfagleg samhandling kring oppveksvilkår for ungdom, samt at ungdom som har ulike utfordringar (t.d.
utprøving av kriminalitet og rusatferd) kan få naudsynt bistand utfrå individuelle føresetnader i nær samhandling med pårørande/foreldre. 4. Kommunestyret ønskjer at det vert etablert kriterium for evaluering av ordninga, og at det vert gjeve årleg orientering om utvikling.
5. Kommunestyret ber om at tiltaka vert iverksett frå august 2015.

Vedtak

Meland kommune vil støtte opp om Friluftlivets År 2015 og arbeide for måla om å gje friluftsliv auka merksemd og varige resultat i form av auka deltaking i friluftsliv i alle delar av befolkninga. Kommunen vil:
– s

Vedtak

Vedtektene for Meland kulturskule vert endra på punkt 3, 4 og 23. dei øvrige punkta vert ståande som i vedtektene frå 2011.

Vedtak

1, Meland kommune er positive til vidare drift av Sambandet Vest AS.
2. Meland kommune løyver kr 112 500,- som kommunen sin del av ny aksjekapital. Midlane vert å dekkje frå kapitatalfond. Det vert likevel ein føresetnad at dei andre eigarane
går inn med sin del.
3. Meland kommune er positive til å finansiere del av NUI IKS sin del av ny aksjekapital avgrensa oppad til kr 112 500,-.
Finansieringa for denne delen vert å dekkje frå driftsfond.
4. Sambandet Vest As må snarast leggje fram nye realistiske planar for traséval og framdriftsplanar, samt vurdering av grunnlaget for framtidig drift av selskapet. 5. Kommunestyret ber om at Sambandet Vest arbeider vidare med batteridreven ferge mellom Askøy og Meland som fase 1.

Behandling

Representanten Ragnar Bratland sa seg ugild ved behandlinga av saka.

Dette vart det røysta over og kommunestyret vedtok at Ragnar Bratland er ugild i saka.

Marthe Aadland tok sete ved handsaming av saka.

Framlegg til vedtak frå Kåre Skibenes, KrF:

Meland kommune vil ikkje tilføre ny kapital i Sambandet Vest AS.

Framlegg til punkt 5 i formannskapet sitt framlegg til vedtak frå Senterpartiet v/Sølvi Knudsen.

Kommunestyret ber om at Sambandet Vest arbeider vidare med batteridreven ferge mellom Askøy og Meland som fase 1.

Framlegg til vedtak frå Leif Johnsen, MDG:

Midlane tiltenkt Sambandet Vest vert avsett til eit fond for utvikling av grøne samferdselsløysingar for Nordhordland, der Meland kommune etterkvart kan invitera dei andre Nordhordlandskommunane, nabokommunar i Vest og Bergen med.

Avrøysting:
Framlegg til vedtak frå Kåre Skibenes, KrF fekk 9 røyster for, (3 KrF, 2 SAM, 1 MDG, 2 V, 1 Uavh), 18 mot, (6 H, 5 AP, 3 FrP, 4 SP), og fall.
Framlegg til vedtak frå Leif Johnsen, MDG fekk 5 røyster for, (1 MDG, 2 SAM, 2 V), 22 røyster mot, (6 H, 5 AP, 3 FrP, 4 SP, 3 KrF, 1 Uavh), og fall.
Formannskapet sitt framlegg til vedtak fekk 18 røyster for, (6 H, 5 AP, 3 FrP, 4 SP), 9 røyster mot, (3 KrF, 2 SAm, 2 v, 1 MDG, 1 Uavh), og er såleis vedteke.
Tilleggsframlegg frå Senterpartiet fekk 23 røyster for, (4 Sp, 6 H, 5 AP, 3 FrP, 3 KrF, 2 V), 4 røyster mot, (2 SAm, 1 MDG, 1 Uavh), og er såleis vedteke.

Vedtak

1. Meland kommune inviterer nabokommunane Lindås og Radøy til konkrete forhandlingar med sikte på å kunne fatte vedtak våren 2016 om å etablere ein ny kommune. Det vert oppretta eit politisk forhandlingsutval som består av ordførar, varaordførar og leiar for det største opposisjonspartiet. Formannskapet er styringsgruppe.
   Rådmann tiltrer forhandlingsutvalet administrativt. Det er eit mål at forhandlingane kan starte opp snarast.

2. I forhandlingane vert følgjande prinsipp lagt til grunn:
   a) Innbyggjarane og deira behov skal stå i sentrum.
   b) Nærleik til innbyggjarane er viktig, særleg med tanke på desentralisert tenestetilbod.
   c) Levande lokalsamfunn i Nordhordland må oppretthaldast og utviklast.
   d) Likeverd mellom kommunane. Kommunesamanslåing vil seia å byggja ein ny kommune, ikkje å endra eller utvida ein eksisterande.
   e) Innbyggjarar, næring og industri, lag og organisasjonar, og tilsette i kommunane bør involverast i prosessen på ein god måte. f) Gjeldande planverk i kommunane skal gjelda som kommunedelplanar fram til nytt felles planverk er vedteke.

3. Det politiske forhandlingsutvalet har ansvar for å gjennomføre forhandlingane. Rådmann fungerer som sekretær.

4. Forhandlingsutvalet sitt mandat er dessutanå utarbeide.
   -framdriftsplan
   -overgangsordningar
   -framlegg til politisk organisering
   -felles søknad til Kongen om ny kommune

5. Forhandlingsutvalet orienterer fortløpande administrasjonsutval, formannskap og kommunestyre.

6. Kommunestyret i Meland tek sikte på å handsame sak våren 2016om å søkje om å etablere ny kommune.
   Kommunestyret i Meland tek sikte på å gjennomføre rådgjevande folkeavrøysting på grunnlag av forhandlingsresultatet våren 2016, før kommunestyret handsamar saka.

7. Vegen vidare i høve Bergen vert å avklare seinast i kommunestyret 17. juni 2015.

Behandling

Framlegg til vedtak frå KrF v/Marit Jøssang:

1. Meland kommune inviterer nabokommunane Lindås og Radøy til konkrete forhandlingar med sikte på å kunne fatte vedtak våren 2016 om å etablere ein ny kommune. Det vert oppretta eit politisk forhandlingsutval som består av ordførar, varaordførar og leiar for det største opposisjonspartiet. Formannskapet er styringsgruppe.Rådmann tiltrer forhandlingsutvalet administrativt. Det er eit mål at forhandlingane kan starte opp snarast.

2. I forhandlingane vert følgjande prinsipp lagt til grunn:a) Innbyggjarane og deira behov skal stå i sentrum. b) Nærleik til innbyggjarane er viktig, særleg med tanke på desentralisert tenestetilbod.c) Levande lokalsamfunn i Nordhordland må oppretthaldast og utviklast. d) Likeverd mellom kommunane. Kommunesamanslåing vil seia å byggja ein ny kommune, ikkje å endra eller utvida ein eksisterande.
   e) Innbyggjarar, næring og industri, lag og organisasjonar, og tilsette i kommunane bør involverast i prosessen på ein god måte.
   f) Gjeldande planverk i kommunane skal gjelda som kommunedelplanar fram til nytt felles planverk er vedteke.

3. Det politiske forhandlingsutvalet har ansvar for å gjennomføre forhandlingane. Rådmann fungerer som sekretær.

4. Forhandlingsutvalet sitt mandat er dessutanå utarbeide.-framdriftsplan-overgangsordningar-framlegg til politisk organisering-felles søknad til Kongen om ny kommune

5. Forhandlingsutvalet orienterer fortløpande administrasjonsutval, formannskap og kommunestyre.

6. Kommunestyret i Meland tek sikte på å handsame sak våren 2016om å søkje om å etablere ny kommune.

7. Vegen vidare i høve Bergen vert å avklare seinast i kommunestyret 17. juni 2015.

Framlegg til vedtak frå Samarbeidslista, MDG og SP:

Meland kommune ønskjer å gå i drøftingar for å klargjera fordelar og ulemper ved å gå saman med Lindås og Radøy om å etablera ein ny kommune, og å klargjera fordelar og ulemper ved å halda fram som eigen kommune. Drøftingane må vera ferdige i løpet av våren 2017, slik at det kan haldast rådgjevande folkeavrøysting i sambandet med stortingsvalet i 2017. Endeleg vedtak i kommunestyret vert gjort innan utgangen av 2017.

Utvalet som skal gå i drøftingar frå Meland kommune skal bestå av ordførar, varaordførar og ein representant for det største partiet med alternativt syn på kommunereforma.

Subsidiert framlegg til vedtak frå Åshild Aamli:

Under punkt 5 skal det leggjast til følgjande:
og syter for at innbyggjarane får fortløpande informasjon og blir høyrde gjennom folkemøte.

Under punkt 6:

Kommunestyret i Meland tek sikte på å gjennomføre rådgjevande folkeavrøysting på grunnlag av forhandlingsresultatet våren 2016, før kommunestyret handsamar saka.

Avrøysting:

Framlegget frå SAM, MDG og SP fekk 7 røyster for, (4 SP, 2 SAM, 1 MDG), 20 røyster mot, (H, AP, FrP, KrF, V, Uavh), og fall.

Framlegget frå KrF fekk 23 røyster for, (3 KrF, 6 H, 5 AP, 3 SP, 3 FrP, 2 V, 1 Uavh), 4 røyster mot, (2 SAM, 1 Sp, 1 MDG), og er såleis vedteke.

Subsidiert framlegg frå Åshild Aamli pkt. 5 fekk 7 røyster for, (2 SAM, 4 SP, 1 MDG), 20 røyster mot, (6 H, 5 AP, 3 Krf, 3 KrF, 2 V, 1 Uavh), og fall.

Subsidiert framlegg frå Åshild Aamli pkt. 6 fekk 18 røyster for, (2 SAM, 5 AP, 4 SP, 3 FrP, 1 MDG, 1 Uavh), 11 røyster mot, (6 H, 3 KrF, 2 V), og er såleis vedteke.