Møte i Kommunestyret den 09.11.2016

Vedtak

"Innkalling og sakliste vert godkjent."

Vedtak

"Møtebok frå møte 21.09.16 vert godkjent."

Vedtak

"Meldingane vert tekne til orientering."

Behandling

Følgjande dokuement vart delte ut i møtet:

Prosjektinfo - utgave 3 frå Brannsamarbeid i Bergensregionen
Årsmelding NGIR 2015

Vedtak

"Orienteringa vert teken til vitande."

Behandling

Vellukka fellessamling på Nordhordland folkehøgskule 27. oktober for kommunestyra i dei tre kommunane.

Konstituerande møte i den førebelse fellesnemnda 17. november. I dette møtet skal ein vedta møteplan for våren og mandatet til nemnda.

Vedtak

«Kommunestyret tek Finansrapport per 31.08.2016 til vitande»

Vedtak

«Det vert fastsatt følgjande tilskotssatsar til private barnehagar i Meland kommune for 2017:

Heildags driftstilskot ordinære barnehagar:

Små born 0 – 2 år: kr 180 108

Store born 3 – 6 år: kr 85 702

Kapitaltilskot vert fastsett per barnehage avhengig av byggeår.

For familiebarnehagar brukar vi dei nasjonale satsane.
Heildags driftstilskot er:

Små born 0 – 2 år: kr 156 100

Store born 3 – 6 år: kr 118 900

Kapitaltilskot for familiebarnehage: kr 13 100

Følgjande satsar per barnehage i Meland kommune gjeld dermed for 2017:

Behandling

Nytt vedlegg til saka vart delt ut i møtet. i vedlegget var det korrigerte satsar for driftstilskot og kapitaltilskot.

Fredrik Seliussen, H og Terje Larsen, H hadde varsla at dei ville ha sin habilitet vurdert.

Fredrik Seliussen og Terje Larsen gjekk frå ved behandling av habilitsspørsmålet.

Marthe Aadland, H, tok sete.

Kommunestyret erklærte Fredrik Seliussen og Terje Larsen inhabil i saka.

Steinar Erstad kom ved handsaming av saka og tok sete.

Marti Jøssang, KrF fremja dei korrigerte satsane for driftstilskot og kapitaltilskot.

«Det vert fastsatt følgjande tilskotssatsar til private barnehagar i Meland kommune for 2017:

Heildags driftstilskot ordinære barnehagar:

Små born 0 – 2 år: kr 180 108

Store born 3 – 6 år: kr 85 702

Kapitaltilskot vert fastsett per barnehage avhengig av byggeår.

For familiebarnehagar brukar vi dei nasjonale satsane.
Heildags driftstilskot er:

Små born 0 – 2 år: kr 156 100

Store born 3 – 6 år: kr 118 900

Kapitaltilskot for familiebarnehage: kr 13 100

Følgjande satsar per barnehage i Meland kommune gjeld dermed for 2017:

Avrøysting:

Dette framlegget vart samrøystes vedteke.

Vedtak

«Kommunestyret godkjenner at reglement for Meland formannskap vert justert i samsvar med vedtak i kommunestyret 04.05.11.»

Vedtak

"Kommunestyret godkjenner at reglement for hovudutvala vert justert i samsvar med vedtak i kommunestyret 04.05.11."

Vedtak

«Kommunestyret godkjenner intensjonsavtalen om vidareføring av tenester i Buisiness Region Bergen.

Meland kommune betaler kr 7 pr innbyggjar i 2017 for dei to prosjekta Etablerarsenteret og Invest in Region Bergen. Det vert teke atterhald om at alle medlemskommunane og fylkeskommunen bidreg med same beløp pr innbyggjar.

Det vert utarbeidd ein eigen avtale som regulerer samabeidet ytterlegare frå 2017.»

Vedtak

«Formannskapet godkjenner reviderte føresegner til kommuneplanen sin arealdel, med revisjonsdato 19.10.2016. Endringane gjeld ordlyden i §§ 1.2, 1.5.6, 1.6.3, 1.6.16, 2.1.1, 4.1.2 og eitt bnr i tabell 8. Definisjonen av eining er teke inn i §§ 1.6.9, 1.6.12, 1.6.13 og 2.1.1a.»

Behandling

Endringsframlegg frå Nils Marton Aadland, H:

"Pkt. 3.2. går ut."

Avrøysting:
Formannskapet sitt framlegg til vedtak med endringsframlegg frå Nils Marton Aadland vart samrøystes vedteke.

Vedtak

«Meland kommunestyre vedtek planstrategi for Meland kommune 2016-2020, datert 09.11.2016 med ovannemnde tillegg.»

Behandling

Tilleggsframlegg frå Tom Inge Karlsen, AP:

Under pkt 5 - Overordna planar, Kommuneplan arealdelen

"Rullere på ulike tema, Bolig og næringsareal"

Avrøysting:
Tilleggsframlegget frå Tom Inge Karlsen fekk 16 røyster for, (7 AP, 3 SP, 3 KrF, 2 MDG, 1 BF), 11 røyster mot, (5 H, 4 FrP, 2 V), og er såleis vedteke.
Tilleggsframlegget frå Marit Jøssang vart samrøystes vedteke.
Rådmannen sitt framlegg til vedtak med tillegg vart samrøystes vedteke.

Vedtak

«Meland kommune vil på generell basis gi ros for at det er sett i gong eit arbeid med å utarbeida ei ny kommunelov. Eit arbeid av det omfang som NOU 2016: 4 representerer, kan føra til mange viktige diskusjonar knytt til det kommunale sjølvstyret og styring, oppfølging og utvikling av kommunen som organisasjon.

Arbeidet til lovutvalet er omfattande og inneheld mange endringar/presiseringar. Meland kommune vil spesielt peika på følgjande i høyringsfråsegna si:

a) Meland kommune ser det som positivt at kommunelova i sin formålsparagraf eksplisitt tek inn ei stadfesting av det kommunale sjølvstyret. Formålsparagrafen verkar dekkande for innhaldet i lova.

b) Meland kommune sluttar seg til at prinsippa om «forholdsmessighet», som inneber at nasjonale styresmakter ikkje bør gripa inn overfor kommunesektoren i større grad enn nødvendig, nærleiksprinsippet - at offentlege oppgåver bør desentraliserast, samt finansieringsprinsippet - oppgåver som skal løysast på vegner av staten bør vera fullfinansiert, blir inn teke i lova for å regulera forholdet mellom stat og kommune

c) Meland kommune sluttar seg til den prinsipielle vurderinga til lovutvalet av at det er det representative demokratiet som skal utgjera kjernen i ny kommunelov. Samtidig støttar ein ikkje forslaget om endringar i tal underskrifter for å fremja innbyggjarforslag, og at det ikkje vert innført ein rett for eit visst tal innbyggjarar til å krevje rådgjevande folkeavstemming om ei sak.

d) Meland kommune sluttar seg til forslaget til utvalet om at kommunen si generelle informasjonsplikt også skal omfatta verksemd som skjer i andre rettssubjekt enn kommunen, når slike rettssubjekt utfører oppgåver for kommunen.

e) Meland kommune sluttar seg til dei generelle prinsippa for etablering og organisering av arbeidet i folkevalte organ som utvalet føreslår utgreiinga, men vil presisera at dersom ein lovfestar at berre organ som er omtalte i lov skal kunne opprettast vil dette vera eit brot på prinsippet om at kommunestyret sjølv kan organisera eiga verksemd ut frå eigne føresetnader. Det bør vurderast nærare om kommunestyret bør ha tilgjenge til å oppretta andre folkevalte organ enn dei som er omtala i lov.

f) Meland kommune sluttar seg til dei generelle prinsippa for samhandlinga mellom folkevalte organ og administrasjonen som utvalet føreslår i utgreiinga

g) Meland kommune meiner at gjeldande reglar for kven som kan vera medlem i styret for eit kommunalt føretak kan vidareførast. Det ikkje er trong for å innskrenka reglane for utover det aksjelova krev. Framlegget frå lovutvalet vil i praksis gje kommunen mindre handlingsrom enn eit aksjeselskap.”

h) Meland kommune vil tilrå at utvalet sitt forslag og vurderingar om lovfesting av innsynet til folkevalt i administrasjonen sine dokument blir lagde til grunn i det vidare lovarbeidet.

i) Meland kommune deler utvalet si vurdering av at det kan representera eit demokratiproblem når ein stor del av oppgåveløysinga til kommunen skjer i regi av organ som ikkje er direkte underlagt kommunestyret.

j) Meland kommune sluttar seg til tilrådingane til lovutvalet og nye føresegner om styrking av ansvaret til kommunestyret for å etablera sentrale premissar for kommunen si økonomiforvalting.
k) Meland kommune sluttar seg til lovutvalet sine forslag til endringar i føresegner om årsmelding

l) Meland kommune er positiv til den foreslåtte endring i lova som fører til ei tydelegare kopling mellom kommuneplanen og økonomiplanen.

m) Meland kommune sluttar seg til lovutvalet sine vurderingar kva gjeld lovfesting av internkontroll og dei ulike omsyna som skal varetakast gjennom eit godt internkontrollarbeid.

n) Meland kommune sluttar seg til utvalet si prinsipielle oppfatning av at dess betre kommunen sin eigen kontroll er, dess mindre behov er det for statleg tilsyn og kontroll og rapportering. For å redusera unødvendig rapportering – som krev ressursar kommunen betre kan bruka på andre område – er det viktig at rapportering til statlege styresmakter blir redusert som følgje av auka eigenkontroll i kommunane.

o) Meland kommune vil tilrå at departementet i det vidare lovarbeid klargjer nærmare korleis kontrollutvalet sitt sekretariat kan ha ein uavhengig posisjon samtidig som sekretariatet framleis er ein del av kommunen sin organisasjon.

p) Meland kommune sluttar seg til utvalet sitt forslag om at det skal utarbeidast ei eigarskapsmelding til kommunestyret minst ein gong i valperioden

q) Meland kommune vil tilrå at det blir teke inn føresegner i kommunelova som sikrar likehandsaming mellom kommunen si eiga verksemd og anna ekstern verksemd på oppgåveområde der kommunen får ein tilsynsfunksjon
r) Meland kommune sluttar seg til tilrådinga til lovutvalet om at det ikkje er behov for å endra hovudinnhaldet i dagens føresegner som gjeld lovlegkontroll
s) Meland kommune er negativ til fleirtalet i lovutvalet si tilråding om at kravet til kjønnsbalanse ved forholdsval skal knyttast til organet som heilskap, og ikkje kvar einskild liste, som i dag. Den foreslåtte endringa vil gje ein inngripen i lokaldemokratiet. Meland kommune ynskjer å vidareføre gjeldande ordning, slik at omsynet til demokrati ved slike val må gå føre omsynet til kjønnsbalanse.
t) Nåværendre regler om lukking av politiske møter må fortsette som før."

Behandling

Endringsframlegg frå AP:

Pkt c) 2. setning:
"...Samtidig støttar ein ikkje forslaget om endringar i tal underskrifter for å fremja innbyggjarforslag..."

Tilleggsframlegg frå AP:

"Meland kommune meiner at rådmann er eit betre namn enn kommunedirektør på administrasjonssjef, og bør haldast på."

Framlegg til endring av praksis ved lukkede møter i kommunestyremøter frå Morten Klementsen, BF:

"Nåværendre regler om lukking av politiske møter må fortsette som før."

Framlegg til endring frå Per Kristian Holmetun, SP:

"Pkt. Q vert teke ut."

Avrøysting:
Rådmannen sitt framlegg til vedtak med unntak av pkt. C), G) og Q). vart samrøystes vedteke.
Endringsframlegget frå AP, pkt C) fekk 22 røyster for, (AP, FrP, SP, KrF, V, MDG, BF), 5 røyster mot (H), og er såleis vedteke.
Endringsframlegg frå Stian Lavik, KrF, pkt G, fekk 17 røyster for, (3 KrF, 7 AP, 4 FrP, 3 SP), 10 røyster mot, (5 H, 2 V, 2 MDG, 1 BF), og er såleis vedteke.
Endringsframlegget frå Per Kristian Holmetun fekk 8 røyster for, (3 SP, 5 AP), 19 røyster mot, (5 H, 4 FrP, 2 AP, 3 KrF, 2 V, 2 MDG, 1 BF), og fall.
Tilleggsframlegget frå Stian Lavik, KrF vart samrøystes vedteke.
Tilleggsframlegget frå Morten Klemenstsen fekk 19 røyster for, (1 BF, 7 AP, 4 FrP, 3 SP, 2 V, 2 MDG), 8 røyster mot, (5 H, 3 Krf), og er såleis vedteke.
Tilleggsframlegget frå AP fekk 11 røyster for, (7 AP, 3 SP, 1 MDG), 16 røyster mot, (5 H, 4 FrP, 3 KrF, 2 V, 1 MDG, 1 BF), og fall.

Vedtak

"Kommunestyret i Meland meiner at auka bompengetakstar i Bergen i tråd med forslag til forskrift journalført 13.10.2016 berre kan innførast under føresetnad av:

1. Det blir etablert eit fullgodt kollektivtilbod også ute i disktriktene dei dagane dette gjeld.
2. Denne ekstra innsatsen må iverksettes i form av auka kapasitet med kollektivtransport (buss/båt) i distriktssonene til/frå Bergen sentrum og innfartsparkering.
3. Tiltak må varslast slik at dei som blir ramma kan innrette seg på ein god måte, utan tap av tid.
4. I tillegg må Bergen kommune ta tak i utfordringane som ligg bak i lokale utslepp for å få ned lokal forureinsing.

Det vert elles vist til saksutgreiinga over her."

Behandling

Felles framlegg til vedtak frå AP, H, KrF, SP:

"Kommunestyret i Meland meiner at auka bompengetakstar i Bergen i tråd med forslag til forskrift journalført 13.10.2016 berre kan innførast under føresetnad av:

1. Det blir etablert eit fullgodt kollektivtilbod også ute i disktriktene dei dagane dette gjeld.
2. Denne ekstra innsatsen må iverksettes i form av auka kapasitet med kollektivtransport (buss/båt) i distriktssonene til/frå Bergen sentrum og innfartsparkering.
3. Tiltak må varslast slik at dei som blir ramma kan innrette seg på ein god måte, utan tap av tid.
4. I tillegg må Bergen kommune ta tak i utfordringane som ligg bak i lokale utslepp for å få ned lokal forureinsing.

Det vert elles vist til saksutgreiinga over her."

Avrøysting:
Rådmannen sitt framlegg til vedtak fekk 2 røyster for, (MDG), 25 røyster mot, (AP, H, FrP, KrF; SP, V, BF), og fall.
Framlegg til vedtak frå FrP v/Øyvind Bratshaug fekk 7 røyster for, (4 FrP, 2 V, 1 BF), 20 røyster mot, og fall.
Fellesframlegget frå AP, H, KrF, SP fekk 20 røyster for (7 AP, 5 H, 3 KrF, 3 SP, 2 MDG), 10 røyster mot, og er såleis vedteke.

Vedtak

«Kommunestyret rår frå at matrikkellova vert endra slik det går fram av høyringsframlegget sendt ut 19.08.2016 frå KMD. Notat datert 10.10.2016 er kommunen sitt høyringssvar i saka, saman med saksutgreiinga.»

Behandling

Framlegg til vedtak frå Sigmund Larsen, FrP og Nils Marton Aadland, H:

"Kommunestyret sluttar seg til framlegg til endringar i matrikkellova, organisering av oppmålingstenesta."

Avrøysting:
Formannskapet sitt framlegg til vedtak fekk 16 røyster for, (7AP, 3 SP, 3 KrF,2 MDG, 1 BF), 11 røyster mot, og er såleis vedteke.
Framlegg til vedtak frå Sigmund Larsen og Nils Marton Aadland fekk 11 røyster for (5 H, 4 FrP, 2 V), 16 røyster mot, og fall.

Vedtak

Behandling

Tilleggsframlegg frå MDG v/Leif Johnsen:

"Eit fullstendig klimarekneskap for dei ulike alternativa må gjennomførast."

Tilleggsframlegg frå AP:

"Statleg reguleringsplan må vurderast om ikkje Bergen startar opp planarbeidet med det første."

Avrøysting:
Tilleggsframlegg frå AP fekk 9 røyster for, (7 AP, 2 MDG), 18 røyster mot, og fall.
Framlegget frå SP, H, KrF, FrP og V fekk 18 røyster for, (3 SP, 5 H, 3 KrF, 4 FrP, 2 V, 1 BF), 9 røyster mot, og er såleis vedteke.
Tilleggsframlegg frå MDG fekk 8 røyster for, (2 MDG, 3 SP, 2 V, 1 BF), 19 røyster mot, (AP, H, FrP, KrF), og fall.

Vedtak

"Kommunestyret i Meland sluttar seg til intensjonsavtalen for samaslåing av Sogn og Fjordane, Hordaland og Rogaland. Kommunestyret vedtek høyringsuttale i samsvar med saksutgreiinga.

Kommunestyret i Meland meiner at administrasjonsspråket i den nye Vestlandsregionen bør vere nynorsk."

Behandling

Framlegg til vedtak frå Kjersti V. Nesse, AP:

"Kommunestyret i Meland meiner at administrasjonsspråket i den nye Vestlandsregionen bør vere nynorsk."

Avrøysting:
Rådmannen sitt framlegg til vedtak fekk 25 røyster for, (7 AP, 5 H, 4 FrP, 3 SP, 3 KrF, 2 V, 1 MDG), 2 røyster mot, og er såleis vedteke.
Alternativt framlegg til vedtak frå rådmannen fekk 2 røyster for (1 MDG, 1 BF), 25 røyster mot, og fall.
Framlegget frå Kjersti V. Nesse fekk 23 røyster for, (7 AP, 3 H, 2 FrP, 3 SP, 3 KrF, 2 V, 2 MDG, 1 BF), 4 røyster mot, (2 H, 2 FrP), og er såleis vedteke.