Møte i Formannskapet den 22.02.2017

Vedtak

"Innkalling og sakliste vert godkjent."

Vedtak

"Møtebok frå møte 18.01.17 vert godkjent."

Vedtak

Formannskapet støttar søknad til forprosjekt for boka Bråkvitlar med kr 15 000,-. Kostnaden vert å dekka frå disposisjonsfondet.

Meldingane vert tekne til orientering.

Behandling

Fellesframlegg i møtet:

Formannskapet støttar søknad til forprosjekt for boka Bråkvitlar med kr 15 000,-. Kostnaden vert å dekka frå disposisjonsfondet.

Avrøysting:
Fellesframlegget vart samrøystes vedteke.

Vedtak

Merknad vert å sende til Statens Vegvesen om oppstart av reguleringsarbeid for fv 245 Fosse-Moldekleiv.

Orienteringane vert tekne til vitande.

Behandling

Følgjande saker vart tekne opp:

• Ordførar har sendt melding til Statens Vegvesen om at det vil kome eit innspel frå formannskapet til oppstart av reguleringsarbeid for fv 245 Fosse-Moldekleiv.
  Formannskapet gir ordførar og varaordførar fullmakt til å sende inn merknad til vegbreidde og framdrift.

• Tilsetjingsutvalet - arbeid med tilsetjing av ny rådmann er godt i gang. 1. intervjurunde er avslutta. 2. intervjurunde vert førstk. fredag.
  Målet er å få sak om tilsetjing av ny rådmann opp i kommunestyret 8. mars.

• Arbeidsgruppa kyrkje/kulturhus har hatt to møte.
  Har laga ein køyreplan for vekentlege møte.

Marit Jøssang:

• Kven har ansvar for avfall og plast som ligg rundt skyss-stasjonen på Frekhaug?

Silje Sæterstøl

• Legge på facebook og på heimesida til kommunen om at alle må ta ansvar.
  Det vart oplyst at Frivilligsentralen har lagt ut info på kommunen si heimeside.

Vedtak

"Orienteringane vert tekne til vitande."

Behandling

Det vart orientert om følgjande:

Kari Anne Iversen

• Kommunen har hatt tilsyn frå Fylkesmannen om beredskap. Har mottatt førebels rapport.
  Kari Anne Iversen orienterte frå den foreløpige rapporten. Radøy og Lindås kommune skal og ha tilsyn.
  Dei tre kommunane bør gå saman å lage ein felles beredskapsplan.
  Kommunen har tre veker på seg for å kome med merknader til den foreløpige rapporten.

Anny Bastesen:

• Tiltaksplan kommunale bygg - kartlagt behov for vedlikehald på alle kommunale bygningar.
  Kva kan gjerast med eigne midlar og statlege midlar.

  Sak til UDU om priotering av kommunale midlar til vedlikehald.

Rådman:

• Leiar i barnevern Kjell Ølnes har sagt opp stilling.
  Arbeid i gang for å finne løysing på kort og lang sikt.

Kari Anne Iversen orienterte om sak. Møtet vart lukka med tilvising til kommuneloven § 31.2, jf. Forvaltningsloven § 13.2.

Økonomisjef Per Inge Olsen orienterte om økonomisk rapport per 31.12.16.
Bedre resultat enn budsjettert.

Vedtak

"Orienteringane vert tekne til vitande."

Behandling

Ordførar orienterte:

• To-dagars møte i Førebuande fellesnemnd førre veke.
  Prosjektleiarressurs PDO organiserte møta som work-shop.

  Fekk mange innspel, det skal lagast eit styringsdokument som skal gjelde frå no og fram til 2020.

  Kommunikasjonsressurs på plass - arbeid i gang med heimeside og facebook.

  Sak om namn på den nye kommunen til Førebuande fellesnemnd - bør vere klart til sommaren.
  Prosjektleiing vidare frå høsten - skal tilsette prosjektleiar. Vert å ta stilling til om dette vert rådmannen i den nye kommunen.
  Formannskapet må ta stilling til dette spørsmålet på neste møte.

Vedtak

Kommunestyret godkjenner at det vert gjort endringar i budsjettet for 2017 slik:

Investeringsbudsjettet for 2017 vert auka med kr 39.807 500,- spesifiserert på prosjekt som i tabellen vedlagt saksutgreiinga.

Finansiering:

a. Auke i bruk av bundne kapitalfond kr 220.000,-

b. Auke i bruk av ubrukte lånemidlar frå tidlegare år: kr 32.270.000,-

d. Auke i mva-refusjon kr 7.317.500,-

Behandling

I framlegg til vedtak var det opplyst at tala 39 355 000,- og 31 970 000,- er feile.
Dei rette tala er 39 807 500,- og 32 270 000,- er rette.

Tilleggspunkt frå Marit Jøssang, KrF:
Utredning av formål, eigarform og drifsform må inngå som ein del av planlegginga til prosjektet "Restaurering av meieribygget".

Avrøysting:
Rådmannen sitt framlegg med ovannemnde justering av tal vart samrøystes vedteke.
Tilleggsframlegg frå Marit Jøssang fekk 1 røyst for (KrF), 6 røyster mot, (2 AP, H, SP, V, Uavh), og fall.

Vedtak

Slik kommunestyret vurderer no-situasjonen på sjukeheimen, ser vi det som avgjerande at vi finn ei løysing på situasjonen så snart som mogleg.

Årleg kostnad, kr 3,9 mill (600 % stilling)
Kostnad, normal drift 1.7.2017: kr 1,95 mill.

Inndekning: kr 1,95 mill
bruk av disposisjonsfond (overskot på 2016 rekneskapen).

Romma skal vere i drift frå 1.4.2017.

Rådmannen må innarbeide ordinær drift av dei fire romma på Nordgardstunet i 2018-budsjettet.

Behandling

Fellesframlegg i møtet:
Slik kommunestyret vurderer no-situasjonen på sjukeheimen, ser vi det som avgjerande at vi finn ei løysing på situasjonen så snart som mogleg.

Årleg kostnad, kr 3,9 mill (600 % stilling)
Kostnad, normal drift 1.7.2017: kr 1,95 mill.

Inndekning: kr 1,95 mill
bruk av disposisjonsfond (overskot på 2016 rekneskapen).

Romma skal vere i drift frå 1.4.2017.

Rådmannen må innarbeide ordinær drift av dei fire romma på Nordgardstunet i 2018-budsjettet.

Dette framlegget vart samrøystes vedteke.

Vedtak

Kommunestyret vedtar nye festeavgifter frå 2017:

1. Feste av kistegrav per år: Kr 400

2. Feste av urnegrav per år: Kr 300

3. Feste av grav eldre enn 60 år per år: Kr 800

4. Reservasjon/festeavgift 20 år for ledig grav i dobbeltgrav: kr 8 000

5. Festeavgift vert fakturert årleg

Vedtak

«Kommunestyret godkjenner fullføring av prosjekt 663 Separering Grønlandsområdet i tråd med saksutgreiinga her og oppdatert kostnadsramme. Investeringsbudsjettet for 2017 vert justert i eiga sak.»

Vedtak

Kommunestyret godkjenner delegeringsreglement for UDU etter plan- og bygningslova, jordlova, konsesjonslova og odelslova, datert 08.02.2017. Vedtaket er heimla i kommunelova § 10, plan- og bygningslova § 3-3 og forskrift «Vedtak om overføring av myndighet til kommunen, fylkeskommunen, Landbruksdirektoratet» mm § 1.

Vedtak

Kommunestyret vedtek igangsetting av arbeidet med planprogram for rullering av kommuneplan sin arealdel på fem deltema:

Meland golf- reiselivsrelatert næringsutvikling.

Sambandet Vest AS sitt val av vegløysningar over Meland.

Areal for parkering til attraktive turområder og rasteplasser.

Vurdering av omsynsoner kulturmiljø med grunnlag i temaplan kulturminne.

Areal for havbruksrelatert næring på land og vann.

Vedtaket er gjort i medhald av Plb.§ 11-13.