Utval: | Ungdomsrådet |
---|---|
Dato: | 11.05.2017 14:30 |
Møtestad: | Formannskapssalen |
Status: | Møtet er ferdig protokollert |
Sakskart: | |
Møteprotokoll: |
"Innkalling og sakliste vert godkjent."
"Møtebok vert godkjent."
"Referat frå UKM var utsett til neste møte grunna fråvær"
"Ungdomsrådet tek orienteringane til vitande. Nestleiar Susanne Slettebakken stiller frå UR ULK si workshop med tema mobbing 30.05.17"
Kultur- og ungdomskonsulent Ane Bysheim opp summerte erfaringane frå UNG Melands (ungdomsklubben) første veke. Oppstats-arrangementet var vellykka - mellom 15 -25 personar til stades. Vekedagane har det ikkje vore besøk. Vi gjekk saman gjennom effekt /innsikt på korleis det verkar på FB, med spesielt fokus på effekten av at fleire delar et innlegg kort tid etter det er publisert. Representantane skulle og væra med på å snu opningsplakatane, slik at opningstidene er synlege i alle klasserom. Ytterligare evaluering vil væra i UNG Meland sitt møte måndag 15 mai, og endringar/justeringar vil være etter dette.
Skulerådgivar Reidun Elin Johannessen orienterte om administrasjonens vidare arbeid med anti-mobbe saka. PÅ ULK-møtet 30.05 er det mellom 09.00-13.00 ein Workshop med tema "Ytterligare tiltak for å hindre mobbing i skulen og at alle barn skal vera trygge på skulen". Inviterte er politikarar, 6 frå Meland kommune (admin/kultur/PPT), alle rektorane og FAU-representantar frå alle skulane samt dei inviterte foredragshaldarane - til saman 35 personar. Her vil det bli presentasjon av forsking, RKBU Vest - Regionalt kunnskapssenter for barn og unge og deling av erfaring frå prosjektleiar i "Trygg i Fjell" prosjektet, samt innspel på ulike tema i grupper gjennom ein "Dialog-kafé".
Det var stor interesse for tema i UR, og mange som ville væra med. Utveljing av representant var med loddtrekning, og nestleiar Susanne Slettebakken (9. klasse Rossland skule) vart valt. Ungdomsrådet vil gjerne at ho tar med til workshopen at det er viktig å involvera barn og unge i arbeidet og å høyre og lære av deira erfaringar. UR til ha ei orientering frå Slettebakken i neste møte.
"Ungdomsrådet stiller seg bak innstilling slik den står med unntak for ein merknad: at "Gratis norskkurs og språk kafé" hos Meland Sokn skal få eit større tilskot til arbeidet med språkopplæring ettersom at Ungdomsrådet meier det er ein viktig del av integreringa i kommunen."
Leiar for tenesteområdet kultur, Eirik Utne, går kort gjennom innstillinga i møtet. Diskusjon i møtet etter at Eirik Utne var gått. Vidare kommunikasjon på telefon med ulike spørsmål rundt enkelte summar/søknader.
Ungdomsrådet foreslo at de til neste år kunne ha eit eige møte for berre kulturmidlane, der dei gjekk gjennom alle søknadane. Dette krev 2-3 timar.
"Ungdomsrådet stiller seg positive til utvikling av kulturfasilitetar i nærområde med tilrettelegging for møteplassar mellom eldre og unge og at prosjektet tek med gode, tilrettelagte aktivitetsområde ute. Behova for kommersiellt område må utgreias ytterligare. Biblioteket må involverast i ei vidare utgreiing av behov. Ungdomsrådet ønskjer å fylgje saka vidare i prosessen."
Sekretær for arbeidsgruppa som har jobba med saka «Kyrke- og kulturhus i Meland Kommune», John Fredrik Wallace hadde ein kort presentasjon av arbeidsgruppa si innstilling til rådmannen i møtet. Han gjekk kort gjennom kven arbeidsgruppa har bestått av, korleis dei har jobba og kva spørsmål dei har jobba med og eit kort samandrag av konklusjonen frå arbeidsgruppa med kva eit slik bygg kan innhalda av funksjonar og oversikt over areal og estimerte kostnader. Han gjekk og gjennom planen for korleis det skal jobbast vidare med saka.
"Ungdomsrådet er for utvidinga i Nord, men ønskjer ei tydeligare avklaring for planane rundt utvidinga i sør."
Aleksander Helle persenterte kort saka i møtet. Han gjekk gjennom bakgrunnen, med fokus på byggetrinn 1 og redegjør for bakgrunnen for endringar i planområde. I nord er det for å betre tilkoblingar av veinett og utviklig av naturområde til fritidsføremål. I sør er behovet frå veivesenet i forhold til ei utviding av E39, behov knytta til lokalvei i byggefase 1 og sykkelsti.
Politikar | Parti | Medlemstype | E-Post |
---|