Čoahkkin Kommunestyret 13.12.2017

Vedtak

Innkalling og sakliste med endra rekkefølgje på saklista vert godkjent.

Behandling

Ordførar opplyste om at sak 130 og 131 vert handsama etter sak 110. Deretter vil saklista verta følgd.

Vedtak

Møtebok frå møte 08.11.17 vert godkjent.

Behandling

Det låg ikkje føre skriv og meldingar.

Vedtak

Orienteringan vert teken til vitande.

Behandling

Programansvarleg i Alver kommune Ørjan Raknes Forthun orienterte om status Alver kommune.

Vedtak

Kommunestyret godkjenner at det vert gjort endringar i budsjettet for 2017 slik:

Endringar i driftsbudsjettet:

1. Auke i netto skatteinntekter og skatteutjamning: kr 5.000.000,-

2. Auke i sum utgiftsramma til tenesteområda, delegert til rådmannen å fordele: kr 6.150.000

3. Auke i bruk av disposisjonsfond: kr 1.150.000,-

Endringar i investeringsbudsjettet:

1. Netto reduksjon på diverse prosjekt som i vedlagte notat kr 41.960.000,- (inkl. mva.)

2. Reduksjon i mva-refusjon kr 1.115.000,-

3. Auke i bruk av kapitalfond kr 225.000,-

4. Reduksjon i bruk av lånemidlar kr 41.070.000,-

Vedtak

Kommunestyret godkjenner at feie- og tilsynsgebyret for 2018 er kr 420,- eks mva pr pipe og kr 147,75 eks mva pr ekstra pipeløp. Vedtaket er fatta med heimel i Lov om vern mot brann, eksplosjon og ulykker med farlig stoff og om brannvesenets redningsoppgaver (brann- og eksplosjonsvernloven) § 28.

Vedtak

Kommunestyret godkjenner renovasjonsgebyret for 2018 slik Representantskapet i NGIR har gjort vedtak om i møte 13.11.2017.Vedtaket er fatta med heimel i Lov om vern mot forurensninger og om avfall (forurensningsloven) § 34.

Vedtak

Kommunestyret godkjenner at slamgebyret for 2018 vert fastsett i tråd med satsande som NGIR rår til og som Representantskapet har gjort vedtak om i møte 13.11.2017. Vedtaket er fatta med heimel i Lov om vern mot forurensninger og om avfall (forurensningsloven) § 34.

Vedtak

Kommunestyret godkjenner at årsavgifta for vatn blir auka frå kr 3 864,- til kr 4 170,-eks mva for normalabonnement, med tilsvarande prosentvis endring for andre abonnementstypar. Jf framlegg til gebyrregulativ for 2018.

Årsavgifta for avlaup blir uendra, kr 3 063,- eks mva for normalabonnement.

Tilknytingsavgifta blir uendra kr 20 000,- eks mva for kvar tilknyting.

Vedtak

Kommunestyret godkjenner gebyrregulativet for 2018, Lokal forskrift om gebyr for teknisk forvaltningsteneste.

Vedtak

1. Framlegget til budsjett for 2018 og økonomiplan for 2018-20121 vert lagt ut til offentleg ettersyn i samsvar med gjeldande reglar i kommunelova.

2. Kommunestyret godkjenner rammer for budsjettet for 2018 i samsvar med tabellane i rådmannen sitt framlegg kap. 9 slik:

   • Netto inntekter og finanspostar kr 454,6 mill.

   • Driftsramme tenesteområda kr 454,2 mill.

   • Avsetning til disposisjonsfond (overskot) kr 0,4 mill.

3. Kommunestyret godkjenner økonomiplanen med følgjande økonomiske rammer for perioden 2018 – 2021 (alle tal i 2018-prisnivå):

1. Heimel for utskriving av eigedomsskatt i Meland kommune er Eigedomsskattelova §§2 og 3.

   I samsvar med Eigedomsskattelova § 3 vert eigedomsskatt skrive ut på alle faste eigedomar i kommunen i 2018. Eigedomsskatt på verk og bruk, andre næringseigedomar og oppdrettsanlegg vert utrekna etter skattesats 7,0 promille i 2018.

   Eigedomsskatt på hus og fritidseigedommar, samt andre eigedommar vert utrekna etter skattesats 3,5 promille i 2018. Eigedomsskatten for 2018 forfell i 3 like terminar med forfall 31.mars, 31.juli og 30.november.

2. Kommuneskatt på personleg inntekt og eige jfr. skattelova §19, vert utrekna i samsvar med maksimalsatsane som vert vedteke i statsbudsjettet for 2018. Det kommunale skatteøyre er fastsett til 11,80 % i 2018.

3. Framlegg til brutto investeringar i 2018 er totalt kr 147,2 mill. Av dette kr 67,6 mill. til ordinære driftsmidlar, kr 9,65 mill. til andre kapitalutgifter og kr 69,9 mill. er til investeringar til vassverk og avlaup som vert finansiert via sjølvkostrekneskapa for vassverk og avlaup.

   Brutto investeringar i 2018 er finansiert slik: Nye innlån til investeringar kr 122,9 mill.

   Nye innlån til vidareutlån kr 7,0 mill. (startlån) Mva-refusjon kr 11,1 mill.

   Mottak av avdrag på utlån kr 1,6 mill. (startlån)

   Bruk av avsetningar kr 5,6 mill. (kapitalfond og disposisjonsfond)

4. Kommunestyret godkjenner nye satsar for eigenbetaling slik:

1. Satsar for tenesteyting og matproduksjon innan helse- og sosiale tenester frå og med 01.01.2018 jamfør tabell 1 og 2 i rådmannen sitt budsjettframlegg kap. 18.1.

   For aktuelle tenester der ein har forskriftsbestemt sats vert desse endra fortløpande jamfør gjeldande forskrift.

2. Satsar for eigenbetaling i kulturskolen og skulefritidsordninga frå 01.01.2017 jamfør rådmannen sitt budsjettframlegg kap. 18.2

3. Satsar for kopiering mm. jamfør rådmannen sitt budsjettframlegg kap. 18.3.

Endringar i rådmannen sitt framlegg til driftsbudsjett for 2018

2: Frikjøpet blir dekka av midlar frå fellesnemnda.
3: Avsetjing til disposisjonsfondet blir med dette kr 500 000
5: Rådmannen må fordele dette på skulane, etter behov.

Verbalpunkt

Barnehage
Kommunestyret vil komme tilbake til tilskotet til dei private barnehagane, seinast i samband med revidert budsjett.

Kommunalt anleggsbidrag
Kommunestyret viser til vedtak i sak 40/2017, der det vart vedtatt å gi kommunalt anleggsbidrag til utbygging av fiber, breiband og mobil. Vi ber om at bruk av kommunale midlar blir lagt inn i t.d. søknad om Nkom-midlar. Kommunestyret vil komme tilbake til storleiken på eit slikt bidrag.

Endring investeringsbudsjett 2018 - 2021Kyrkje 70 mill. kr.Kommunal barnehage utgår.

70 mill. kr. som var tiltenkt barnehage overførast til å styrke ungdomsskule, basseng, bibliotek, gym.sal, kultur.

Behandling

Framlegg til endring av formannskapet sitt framlegg - investeringsbudsjett frå Anne Grete Eide, AP:

1: Innanfor den auka ramma til ungdomsskulen må det realiserast kulturdel og symjebasseng.

Fellesframlegg til endring til formannskapet sitt framlegg - investeringsbudsjett frå H, FrP, V, MDG, BF:

Foreslår kyrkje 70 mill. kr.
Foreslår at kommunal barnehage utgår.

70 mill. kr. som var tiltenkt barnehage overførast til å styrke ungdomsskule, basseng, bibliotek, gym.sal, kultur.

Sølvi Knudsen, SP fremja formannskapet sitt framlegg til vedtak:

Avrøysting:
Formannskapet sitt framlegg til vedtak til og med verbalpunkt drift vart samrøystes vedteke.
Framlegg til endring - investeringsbudsjett frå Anne Grete Eide fekk 7 røyster for, (AP), 20 røyster mot, (H, FrP, SP, KrF, V, MDG, BF), og fall.
Fellesframlegg frå H, FrP, V, MDG, BF - investeringsbudsjett fekk 14 røyster for, (5 H, 4 frP, 2 MDG, 2 V, 1 BF), 13 røyster mot, (7 AP, 3 SP, 3 KrF), og er såleis vedteke.
Formannskapet sitt framlegg - endring investeringsbudsjett 2018 - 2021 fekk 12 røyster for, (6 AP, 3 SP, 3 KrF), 15 røyster mot, (5 H, 1 AP, 4 FrP, 2V, 2 MDG, 1 BF), og fall.
Formannskapet sitt framlegg til vedtak med endringar vart samrøystes vedteke.

Vedtak

Kommunestyret tek rapport om tilstanden i grunnopplæringa, knytt til læringsresultat og læringsmiljø til vitande. Ein viser vidare til viktigheita av å halda fram satsinga på valde mål og innsatsområde.

Vedtak

I medhald av Alkoholpolitisk handlingsplan 2016-2019 for Meland kommune og Alkohollova §§ 1-4a, 1-4b, 1-7c, 3-1 andre ledd og 3-7 vert det gjeve løyve til netthandel for alkoholhaldig drikk gruppe 1 på følgjande vilkår:

• Bevillingshavar: NG Meny Vest AS, Org.nr. 979 679 971

Verksemd: Meny Åsane Storsenter, Org.nr.
Styrar: Erling Nilsen f. 30.07.73
Stedfortreder: Camilla Eide Taule f. 09.10.87

• Sal og utlevering av alkoholhaldige drikk i gruppe 1 kan skje innafor kommunen sine opningstider:

Kl. 09:00 til kl. 20:00 på kvardagar
Kl. 09:00 til kl. 18:00 før søn- og helgedagar

Påske-, pinse-, og nyttårsafta er salstida frå kl. 09:00 til kl. 15:00 og dagen før Kristi Himmelfartsdag er salstida kl. 09:00 til kl. 20:00. Sal og utlevering av drikk i gruppe 1 skal ikkje skje på søn- og helgedagar, 1. mai og 17. mai

• Salsløyvet vert gitt fram til 30.09.2020
  

• Ved sal av alkoholhaldig drikk gruppe 1 via netthandel skal bevillingshavar ved utkjøring sørge for at kunden kvitterer for mottak.
  Denne kvitteringa må innehalde følgande opplysning:
  - Bestillars namn, alder og adresse

- Mottakars namn, alder og kontrollnummer på legitimasjon, alkohol kan kun utleverast til personar som har vist fram legitimasjon

- Tidspunkt for utlevering av alkohol

- Mottakarskvittering skal vere tilgjengeleg for Meland kommune i minst 12 mnd etter utlevering

- Løyvehavar har sjølv ansvar for til ei kvar tid å leggje fram opplysningar for kommune som kan ha konsekvensar for dei vilkår som er sett i løyve

Behandling

Framlegg til vedtak frå Meland KrF v/Stian Lavik:

Kommunestyret gjev ikkje salsløyve via netthandel for alkohol gruppe 1 til Meny Åsane Storsenter. Eit slikt løyve vil auka den fysiske tilgongen på alkoholhaldig drikk, då ein ikkje lenger treng å dra fysisk til butikken for å kjøpe. Det vert også stilt spørjeteikn ved kor lett det er å kontrollera om personar som allereie er rusa i heimen sin kan bestilla/kjøpa alkohol via nettet.

Avrøysting:
Rådmannen sitt framlegg til vedtak fekk 19 røyster for, (7 AP, 5 H, 3 FrP, 1 SP, 2 MDG, 1 BF), 8 røyster mot, og er såleis vedteke.
Framlegg til vedtak frå Meland KrF fekk 8 røyster for, (3 KrF, 2 V, 2 SP, 1 FrP), 19 røyster mot, og fall.

Vedtak

Meland kommune kommune støttar Region Nordhordland sitt kandidatur til å bli eit UNESCO Biosfæreområde. Kommunen forpliktar seg, i samarbeid med dei andre kommunane i regionen, å finansiere sin rettmessige del for første fasen av biosfæreområdet si verksemd - innanfor den ramma som er sett i budsjettet for perioden 2019 – 2021.

Vedtak

Kommunestyre godkjenner at det vert starta opp planarbeid på gbnr 22/4 som omsøkt.

Behandling

Fredrik Seliussen ville ha sin habilitet vurdert då han er nabo til eigedomen gnr. 22 bnr. 4 og er eigar av gnr. 22 bnr. 226 som inngår i planområdet.
Vidare er han dagleg leiar i selskapet Furefjellet AS som utviklar delar av B8 og B9 i kommuneplanen sin arealdel gjennom ein områdeplan i samarbeid med Meland kommune.

Sølvi Knudsen ville ha sin habilitet vurdert då ho er mor til Bjørn Knudsen som er styremedlem i Drømmehagen barnehage og styremedlem i Furefjellet AS.

Fredrik Seliussen og Sølvi Knudsen gjekk frå ved handsaming av habilitetsspørsmålet.

Terje Larsen og Bente O. Sagstad tok sete ved handsaming av habilitetsspørsmålet.

Avrøysting:
Med tilvising til Forvaltningsloven § 6 1. ledd bokstav e) vart Fredrik Seliussen samrøystes erklært inhabil.

Sølvi Knudsen vart samrøystes erkært habil.

Deretter tok Sølvi Knudsen sete. Terje Larsen tok sete ved handsaming av saka.

Tilleggsframlegg frå Nils Marton Aadland, H:

I planprosessen må de avklarast om tiltakshavar planlegg grendahus som er tilgjengeleg for bumiljøet i nærområdet, eller om søknaden gjeld eit større geografisk nedslagsfelt.

Avrøysting:
UDU sitt framlegg til vedtak vart samrøystes vedteke.
Tilleggsframlegget frå Nils Marton Aadland fekk 12 røyster for, ( 5 H, 2 SP, 2 V, 2 MDG, 1 BF), 15 røyster mot, ( 7 AP, 4 FrP, 3 KrF, 1 SP), og fall.

Vedtak

Meland kommunestyre godkjenner framlegg til reguleringsplan for Mjåtveitstø, PlanId 1256 2015 0005, som vist på plankart sist datert 25.08.2017 og med føresegner av revisjonsdato 09.11.2017.

Føresegnene påførast revisjonsdato for kommunestyrevedtaket før planvedtaket vert kunngjort.

Vedtaket er gjort med heimel i plan- og bygningslova § 12-12.

Behandling

Fredrik Seliussen ville ha sin habilitet vurdert då Drømmehagen barnehage eig tilgrensande Drømmehagen gård i Mjåtveitstø (gbnr 22/2). Reguleringsplanen for Mjåtveitstø gjeld eit område innanfor felt B_8 og i nær tilknytning til felt B_9 i kommuneplanen sin arealdel.

I forbindelse med at han er eigar av Drømmehagen barnehage og er dagleg leiar i selskapet Furefjellet AS som utviklar delar av B_8 og B_9 i kommuneplanen sin arealdel

gjennom ein områdeplan i samarbeid med Meland kommune.

Sølvi Knudsen ville ha sin habilitet vurdert då ho er mor til Bjørn Knudsen som er styremedlem i Drømmehagen barnehage og styremedlem i Furefjellet AS.

Terje Larsen var kalla inn som vara i saka, men då han er styreleiar i Drømmehagen barnehage tok han ikkje sete ved handsaming av habilitetsspørsmålet.

Merete Skarsvåg og Bente O. sagstad tok sete ved handsaming av habiltetsspørsmålet.

Avrøysting:
Med tilvisning til Forvaltningsloven § 6 1. ledd bokstav e) vart Fredrik Seliussen, Sølvi Knudsen og Terje Larsen samrøystes erklært inhabile.

Merete Skarsvåg og Bente O. Sagstad tok del i handsaming av saka.