Møte i Utval for drift og utvikling den 12.09.2017

Vedtak

- samrøystes:

Innkalling og sakliste vert godkjent.

Behandling

Administrasjonen melde frå om at NGIR I/S si orientering om heimekompostering er utsett til eit seinare møte.

Vedtak

- samrøystes:

Møtebok for Utval for drift og utvikling frå møtet 20.06.2017 vert godkjent.

Vedtak

- samrøystes:

Meldingane vert tekne til orientering.

Vedtak

- samrøystes:

Delegerte saker vert tekne til orientering.

Behandling

Administrasjonen orienterte om delegert vedtak 199/2017 og 229/2017.

Det vart også orientert om at skadefellingsløyve for hjort ikkje går av tildelte jaktkvotar, jf DS.vedtak 172/2017.

Vedtak

- samrøystes:

«Utval for drift og utvikling finn at klaga journalført 19.06.2017 ikkje inneheld ny grunngjeving eller nye opplysningar som tilseier at løyve datert 31.05.2017, sak 149/2017, blir gjort om. Klaga blir difor ikkje teken til følgje. Det blir vist til saksutgreiing og vurdering ovanfor som grunnlag for vedtaket. Saka blir sendt Fylkesmannen i Hordaland for endeleg avgjerd.»

Behandling

Administrasjonen orienterte om at kommunen no byggjerfortau frå ny offentleg parkeringsplass til kaien. Fortau frå parkeringsplassen forbi Badevika er under planlegging.

Vedtak

- samrøystes:

«Utval for drift og utvikling gjev med dette konsesjon til Jan Inge Brakstad for overtaking av gbnr. 33/2 i Sjurdalen i Meland kommune, med heimel i konsesjonslovas §§ 2, 9 og 11.

Den avtalte kjøpesummen er på kr. 750 000,-.

Grunngjevinga for vedtaket går fram av saksutgreiinga.»

Vedtak

- samrøystes:

«Utval for drift og utvikling gir i medhald av Plan- og bygningslova (pbl.) § 19-2 dispensasjon frå forbodet i kommuneplanen sin arealdel - mot tiltak i område avsett til landbruks-, natur- og friluftsformål samt reindrift (LNFR) - for riving og gjenoppføring av bustadhus på gbnr 27/261 i Meland kommune. Den nye bustaden skal oppførast med tilnærma same plassering og storleik som dagens hus, men kor endeleg plassering og storleik blir godkjent i samband med etterfølgjande søknad om sjølve byggjetiltaket.
For grunngjeving av vedtaket blir det vist til saksutgreiinga og vurderinga ovanfor.

Tiltaket kan ikkje gjennomførast før det er gitt løyve til dette med heimel i pbl. kap. 20.

Dispensasjonen fell bort dersom den ikkje er nytta innan tre år, jf. pbl § 21-9.»

Vedtak

- samrøystes:

«Utval for drift og utvikling gir i medhald av plan- og bygningslova § 19-2 andre ledd dispensasjon frå arealformålet landbruk, natur og friluft i kommuneplanen sin arealdel, for deling av ein parsell med påståande bustadhus på gbnr. 1/12 i Meland kommune. Det gis ikkje dispensasjon for deling av begge parsellane, som omsøkt i søknad, journalført motteke 13.7.2017.

Utval for drift og utvikling samtykker til frådeling av eine parsellen med heimel i jordlova § 12.

Tiltaket kan ikkje gjennomførast før det er gjeve løyve etter plan- og bygningslova kap. 20.»

Vedtak

- samrøystes:

«Utval for drift og utvikling gir i medhald av plan- og bygningslova § 19-2 andre ledd dispensasjon frå byggjeforbodet i strandsona som vist i kommuneplanen sitt arealplankart for oppføring av tilbygg til eksisterande fritidsbustad på gbnr. 19/12 i Meland kommune.

Dispensasjon blir gitt i samsvar med søknad om dispensasjon og søknad om løyve til tiltak, journalført motteke 8.6.2017.»

Vedtak

- samrøystes:

«Utval for drift og utvikling gjev i medhald av plan- og bygningslova § 19-2 avslag på dispensasjon frå regulert byggegrense i Reguleringsplanen for Litlebergen for plassering av tilbygg til båtverkstad på gbnr 26/31, som omsøkt.

For grunngjeving av tiltaket vert det vist til saksutgreiinga og vurderinga ovanfor».

Behandling

Utvalet var på synfaring før vedtak vart fatta.

Grunna ein del "dobbelt"-skriving i utsendt sakspapir, vart revidert sakspapir utdelt i møtet.

Ved røysting fekk framlegg til vedtak frå rådmannen 0 røyster for, 9 i mot og fall.

Alternativt framlegg til vedtak frå rådmannen fekk 9 røyster for, 0 i mot og er såleis samrøystes vedteke.

Vedtak

Følgjande tema vart teke opp:

Mabel Johansen, H, refererte til eit møte mellom ho og sektorsjef teknisk Anny Bastesen. Ho tok opp ein del tema som ho ønskjer at UDU skal diskuterte og ta stilling til, m.a.:
- UDU.møte som inneheld synfaring, kan møte starte tidlegare?
- Ved synfaring, felles transport?
- Kunngjering av synfaring, synfaring i klagesaker?
- Utsetje sak om UDU under handsaminga vil føreta synfaring i? Administrasjonen deltek ikkje på synfaring dersom denne ikkje er varsla/planlagt ved møteinnkalling.
- Gjenopptak av behandla saker.
- Seminar om likebehandling/bruk avskjønn.
- "Open time", samarbeid politikarar/administrasjon.

Utvalsleiar sender utgreiing om overnemnde punkt til utvalsmedlemmar og varamedlemmar.

Administrasjonen orienterte om at på UDU.møte 24.10.2017 vert det eit "mini"-seminar om bruk av skjønn med innleigd førelesar. Møtet startar kl 13.00. Til dette møtet vert også 1. varamedlem invitert.

Rune Skår, SP, ønskjer orientering om framdrift Nordhordlandspakken, spesielt vegen Fosse-Litlebergen. Utvalsleiar ber ordførar om ei orientering i neste kommunestyremøte