Čoahkkin Utval for drift og utvikling 06.03.2018

Vedtak

Innkalling og sakliste vert godkjent.

Vedtak

Møteprotokoll vert godkjent.

Vedtak

Det vert ingen referatsaker til orientering.

Behandling

Det vert ingen referatsaker til orientering.

Vedtak

Delegerte saker vert tekne til orientering.

Vedtak

UDU- samrøystes vedtak:

«Utval for drift og utvikling tek klage frå Dag Albert Sudmann, journalført motteke 5.10.2017, delvis til følgje. Det omsøkte tiltaket skal plasserast i si heilheit på gbnr. 1/57, som vist til på kartet ovanfor.

For grunngjeving av vedtaket vert det vist til saksutgreiing og vurdering over.»

Behandling

Utvalet var på synfaring før vedtak vart fatta.

Mabel Johansen ba utvalet ta stilling til om hun er ugild i saka då hennes ektemanns interesser vert råka i denne saka. Mabel Johansen fråtrådde møtet.

Røysting viste at utvalet var einstemming i at Mabel Johansen var ugild i saka.

Som vara for Mabel Johansen tiltrådde Ragnar Bratland- H, møtet ved handsaming av denne saka.

Vedtak

UDU-samrøystes vedtak:

«Utval for drift og utvikling tek ikkje klagen frå Charlotte Sæle Bønes og Beate Reinertsen Sæle til følgje. Utval for drift og utvikling kan ikkje sjå at klagen inneheld ny grunngjeving eller nye opplysningar som tilseier at løyve etter Pbl. §§ 20-1 og 19-2 for bruksendring frå fritidsbustad til heilårsbustad og dispensasjon på vilkår for plassering av terrasse 1 meter frå nabogrense, på gbnr. 10/22 på Hjertås, av 11.1.2018, saksnr. 04/2018 vert omgjort. Vedtaket vert oppretthalde.

Saka vert sendt til Fylkesmannen for endeleg avgjerd.»

Behandling

Utvalet var på synfaring før vedtak vart fatta.

Vedtak

Alternativt framlegg til vedtak frå Karina Reigstad, MDG vart samrøystes vedteke:

UDU- samrøystes vedtak:

"Utval for drift og utvikling tek klaga til følgje og viser til begrunnelse for klage og dispensasjonssøknad. Utvalet finn at tiltaket ikkje er vesentlig i strid med Føresegn 1.6.14 til KPA eller med føresegn § 4.2 til reguleringsplanen for område BF1. Tiltaket er ikkje i strid med BYA på maksimalt 25% for område BF1. Fordelane ved å gi dispensasjon er klart større enn ulempene."

Behandling

Utvalet var på synfaring før vedtak vart fatta.

Alternativt framlegg til vedtak frå Karina Reigstad, MDG:

"Utval for drift og utvikling tek klaga til følgje og viser til begrunnelse for klage og dispensasjonssøknad. Utvalet finn at tiltaket ikkje er vesentlig i strid med Føresegn 1.6.14 til KPA eller med føresegn § 4.2 til reguleringsplanen for område BF1. Tiltaket er ikkje i strid med BYA på maksimalt 25% for område BF1. Fordelane ved å gi dispensasjon er klart større enn ulempene."

Ved røysting alternativt framlegg til vedtak frå Karina Reigstad, MDG, vart samrøystes vedteke.

Vedtak

UDU-samrøystes vedtak:

«Utval for drift og utvikling godkjenner framlegg til prioritering av tiltak for 2018, handlingsplan for vedlikehald av kommunale bygg.»

Vedtak

UDU - samrøystes vedtak:

«Utval for drift og utvikling godkjenner med heimel i plan- og bygningslova (pbl) §§ 19-2 og 11-6, søknad om dispensasjon frå forbod mot tiltak i LNF-område (landbruk-, natur- og friluftsområde) i kommuneplanen sin arealdel for frådeling av bustadhus med tomt 1,3 daa på gbnr 32/2, jf. søknad motteke 15.12.2017.

Utval for drift og utvikling gjev samtykke til deling og omdisponering etter jordlova §§ 9 og 12 for oppretting av ny grunneigedom på gbnr 32/2, jf søknad journalført motteke 15.12.2017.

-Vegrett må tinglysast til den nye parsellen, seinast saman med oppmålingsforretninga.

Oppretting av grunneigedom kan ikkje gjennomførast før det er gjeve løyve etter pbl Kap. 20.

Dispensasjon fell vekk etter tre år dersom den ikkje vert nytta, jf. pbl § 21-9.

For grunngjevinga av vedtaket vert det vist til saksutgreiinga og vurderinga ovanfor.»

Vedtak

UDU -samrøystes vedtak:

«Utval for drift og utvikling godkjenner med heimel i plan- og bygningslova (pbl) § 19-2 og 11-6, søknad om dispensasjon frå forbodet mot tiltak nærare enn 50 meter frå vassdrag i kommuneplanen sin arealdel, for gjennomføring av tiltak på gbnr 54/49 i samsvar med søknad motteke 19.01.2018. Det blir stilt som vilkår for dispensasjonen at tiltaket blir tilpassa utfallet av kulturhistorisk synfaring.

Søknadspliktige tiltak kan ikkje gjennomførast før det er gitt løyve etter pbl kap. 20. Dispensasjonen fell vekk etter tre år dersom dei ikkje er nytta, jf pbl § 21-9. For grunngjeving av vedtaket blir det vist til saksutgreiing og vurdering ovanfor.»

Vedtak

UDU -samrøystes vedtak:

«Utval for drift og utvikling finn at klagen ikkje inneheld ny grunngjeving eller nye opplysningar som tilseier at vedtaket av 23.01.2018, sak 10/2018, blir endra. Klagen blir difor ikkje tatt til følgje. Det blir vist til saksutgreiinga og vurderinga over som grunnlag for vedtaket. Saka blir sendt Fylkesmannen i Hordaland for endeleg avgjerd.»

Behandling

Tormod Skurtveit, Ap, ba utvalet ta stilling til om han er ugild i saka då han er sønn til søkjar. Tormod skurtveit fråtrådde møtet.

Røystinga viste at utvalet var einstemming i at Tormod Skurtveit var ugild i saka. Ingen vara for Tormod skurtveit tiltrådde i saka.

Vedtak

UDU -samrøystes vedtak:

«Utval for drift og utvikling finn at klage journalført 7.2.2018 ikkje inneheld ny grunngjeving eller nye opplysningar som tilseier at løyve til dispensasjon datert 23.1.2018, saksnr. 09/2018, vert gjort om. Klaga vert difor ikkje teken til følgje. Det vert vist til saksutgreiing og vurdering ovanfor som grunnlag for vedtaket.

Saka vert sendt til Fylkesmannen i Hordaland for endeleg avgjerd.»

Vedtak

UDU -samrøystes vedtak:

«Utval for drift og utvikling finn at klage journalført 8.2.2017 ikkje inneheld ny grunngjeving eller nye opplysningar som tilseier at avslag datert 19.1.2018, saksnr. 13/2018, vert gjort om. Klaga vert difor ikkje teken til følgje. Det vert vist til saksutgreiing og vurdering ovanfor som grunnlag for vedtaket. Saka vert sendt til Fylkesmannen i Hordaland for endeleg avgjerd.»