Møte i Utval for levekår den 22.05.2018

Vedtak

Innkalling og sakliste med endra rekkefølgje på saklista vert godkjent.

Behandling

Sak 24 vert handsama før sak 21. Etter det vert saklista følgd.

Vedtak

Møteprotokoll frå møte 30.01.18 vert godkjent.

Vedtak

Meldingane og orienteringane vert tekne til vitande.

Behandling

Skriv nr. 2: Skulefagleg rådgjevar Reidun E. Johannessen orienterte.

Skriv nr. 3: Påmelding frå ULK: Stian Lavik: Sølvi Knudsen og Kjersti Vikebø Nesse vert påmeldt til konferansen - Nordhordlandsprosjektet.

Skriv nr. 8, 9 og 12: Barnehagefagleg rådgjevar Mette Træland orienterte.

Behandling

Leiar NAV Arngunna Haga og sosialkurator Maren Eide orienterte.

Behandling

Leiar NAV Arngunna Haga orienterte.

Behandling

Helsesjef Tord Moltumyr orienterte.

Behandling

Leiar heimetenesta Britt Romarheim og koordinator for menneske med nedsett funksjonsevne Gunhild Vilsvik Heldal og koordinator i heimetenesta Rannveig Vatshelle Bowim orienterte.

Presentasjon SAMPRO vart delt ut i møtet.

Behandling

Leiar heimetenesta Britt Romarheim orienterte.

Vedtak

Kommunestyret godkjenner Rammeplan for Meland kulturskule slik han ligg føre.

Behandling

Rektor Meland kulturskule Camilla Søderstrøm Tveit orienterte.

Behandling

Leiar kultur Eirik Utne orienterte.

Det vart røysta over fordeling av ålmenne kulturmidlar og tilskot til drift av idrettsanlegg kvar for seg.

Sølvi Knudsen melde seg inhabil ved røysting over "Tilskot til andre lag" og gjekk frå ved avrøystinga.

Avrøysting:
Tilskot til andre lag vart samrøystes vedteke (6 røyster).
Tilskot til barne- og ungdomsarbeid vart samrøystes vedteke (7 røyster).
Tilskot til forsamlingshus vart samrøystes vedteke (7 røyster).
Tilskot til friluftslivstiltak vart samrøystes vedteke (7 røyster).
Tilskot til kulturminnevern vart samrøystes vedteke (7 røyster).
Tilskot til leikeplassar vart samrøystes vedteke (7 røyster).
Tilskot til song og musikk vart samrøystes vedteke (7 røyster).
Tilskot til idrett vart samrøystes vedteke (7 røyster).
Tilskot til drift av idrettsanlegg vart samrøystes vedteke (7 røyster).

Vedtak

Utval for levekår har tildelt kulturstipend 2018.

Offentleggjering av vinnar vert i kommunestyret 20. juni 2018

Behandling

Leiar kultur Eirik Utne orienterte.

Framlegg til vedtak i møtet:

Utval for levekår har tildelt kulturstipend 2018.

Offentleggjering av vinnar vert i kommunestyret 20. juni 2018.

Dette framlegget vart samrøystes vedteke.

Vedtak

Utval for levekår har tildelt idrettsstipend 2018.

Offentleggjering av vinnar vert i kommunestyret 20. juni 2018.

Behandling

Leiar kultur Eirik Utne orienterte.

Framlegg til vedtak i møtet:

Utval for levekår har tildelt idrettsstipend 2018.

Offentleggjering av vinnar vert i kommunestyret 20. juni 2018.

Dette framlegget vart samrøystes vedteke.

Vedtak

Utval for levekår ber om sak/saksutgreiing vedk. bygdebok nr. 4 i samband med budsjett og økonomiplan. Saka vert lagt fram for ULK i oktobermøte.

Behandling

Leiar kultur Eirik Utne og Arnt Brakstad orienterte.

Skriv frå Meland sogelag - Allmenn bygdebok for Meland kommune og skriv frå Fjell kommune "Mellom havet og byen Fjell bygdebok" vart delte ut i møtet.

Alternativ felles framlegg i møtet:

Utval for levekår ber om sak/saksutgreiing vedk. bygdebok nr. 4 i samband med budsjett og økonomiplan. Saka vert lagt fram for ULK i oktobermøte.

Avrøysting:
Alternativ felles framlegg i møte vart samrøystes vedteke.

Vedtak

Utval for levekår understrekar viktigheita av arbeid med tidleg innsats og identifisering og tek statusrapporten til vitande.

Behandling

Barnehagefagleg rådgjevar Mette Træland orienterte.

Alternativt framlegg til vedtak frå Stian Lavik, KrF:

Utval for levekår understrekar viktigheita av arbeid med tidleg innsats og identifisering og tek statusrapporten til vitande.

Alternativ framlegg til vedtak frå Stian Lavik vart samrøystes vedteke.

Behandling

Barnehagefagleg rådgjevar Mette Træland orienterte.

Presentasjon - Status barnehageopptak i Meland kommune 2018 vart delt ut i møtet.

Vedtak

Utval for levekår er glad for at prosjektet "Trygt og godt skule- og oppvekstmiljø" er godt i gang og at ein har fått tilsett ein dyktig prosjektleiar. Vidare vil utvalet understreka verdien av haldningsskapande arbeid (både hjå born, foreldre og andre vaksne) og arbeid med å skapa gode og trygge kulturar, slik at ein kan unngå mobbing og andre sosiale utfordringar. Utvalet tek elles informasjonen til vitande.

Behandling

Skulefagleg rådgjevar Reidun E. Johannessen orienterte.

Framlegget frå Stian Lavik, KrF vart samrøystes vedteke.

Vedtak

Kommunestyret godkjenner følgjande: På vegstrekninga - FV564 Flatøyvegen – Rosslandsvegen - Bustølvegen - til Sagstad skule, vil elevar på 2.-3. trinn ha rett til skyss grunna særleg farleg eller vanskeleg veg (heile året). Elevar frå 4.-7. trinn vil ikkje ha rett til skyss grunna særleg farleg eller vanskeleg veg. Endringane vil gjelde frå skuleåret 2018-2019.

Behandling

Skulefagleg rådgjevar Reidun E. Johannessen orienterte.

Redaksjonell endring:
Kommunestyret godkjenner følgjande: På vegstrekninga

Avrøysting:
Framlegg til vedtak fekk 3 røyster mot, (2 H, 1 KrF), 3 røyster for, (2 AP, 1 SP), og med leiar si dobbeltstemme vart rådmannen sitt framlegg vedteke.

Behandling

Kommuneplanleggar Kristin Nåmdal orienterte.

Vedtak

Orienteringane vert tekne til vitande.

Behandling

Det vart orientert om følgjande:

• NAV v/leiar Arngunna Haga og flyktningekonsulent Cathrine Gangstø, og næringsrådgjevar John Fredrik Wallace orienterte om utviklingsprosjekt med "Ny Introduksjonsordning i Meland".
  Utval for levekår takkar for orienteringa og ber om eige sak til møte 23.10.18.

• Kjersti Vikebø Nesse ber om status på tema sti/gangveg på Moldekleiv. Leiar kultur Eirik Utne vil kontakte rektor på Grasdal skule samt SU Grasdal for synfaring.

• Utval for levekår ønskjer hausten 2018 å besøkje Sagstad skule, Litago barnehage samt Læringsverkstedet avd. Flatøy.