Utval: | Utval for drift og utvikling |
---|---|
Dato: | 04.09.2018 15:00 - 17:50 |
Møtestad: | Formannskapssalen |
Status: | Møtet er ferdig protokollert |
Sakskart: | |
Møteprotokoll: |
Møteprotokoll frå møte 05.06.18 vert godkjent.
Det låg ikkje føre skriv og meldingar.
Utval for drift og utvikling tek klagen til følgje fordi:
1. Omsøkt garasje ligg lavt i terrenget.
2. Ikkje kome inn naboklager.
3. Søkjaren driver og tar vare på kulturarven (gamle landbruksmaskiner), noko som er viktig for komande generasjoner.
Utvalet var på synfaring før vedtak vart fatta.
Framlegg til vedtak frå Leiv Jan Fosse, SP:
Utval for drift og utvikling tek klagen til følgje fordi:
1. Omsøkt garasje ligg lavt i terrenget.
2. Ikkje kome inn naboklager.
3. Søkjaren driver og tar vare på kulturarven (gamle landbruksmaskiner), noko som er viktig for komande generasjoner.
Avrøysting:
Rådmannen sitt framlegg til vedtak fekk 3 røyster for, (2 H, MDG), 6 røyster mot, og fall.
Framlegget frå Leiv Jan Fosse fekk 6 røyster for, (3 AP, SP, KrF, FrP), 3 røyster mot, og er såleis vedteke.
Utval for drift og utvikling finn at klagen ikkje inneheld ny grunngjeving eller nye opplysningar som tilseier at vedtaket av 04.06.2018, DS 93/2018 blir endra. Klagen blir difor ikkje tatt til følgje. Det blir vist til saksutgreiinga og vurderinga over som grunnlag for vedtaket. Saka blir sendt Fylkesmannen i Hordaland for endeleg avgjerd.
Utvalet var på synfaring før vedtak vart fatta.
Utval for drift og utvikling gjev med heimel i konsesjonslova §§ 2, 9, 9a og 11 konsesjon til Ørjan Tveit for overtaking av gnr. 57 bnr. 8 på Sætre i Meland kommune.
Den avtala kjøpesummen er på kr 3 575 000,-.
Grunngjeving for vedtaket går fram av saksutgreiing og vurdering.
Utval for drift og utvikling gjev med heimel i konsesjonslova §§ 2, 9, 9 a og 11 konsesjon til Thea Brattås Rossland og Glenn Rossland for overtaking av Gnr. 47 bnr. 10 på Rossland i Meland kommune.
Den avtala kjøpesummen er på kr 7 150 000,-.
Grunngjeving for vedtaket går fram av saksutgreiing og vurderinga.
Utval for drift og utvikling gir i medhald av plan- og bygningslova § 19-2 dispensasjon frå § 2, punkt 2.3 i reguleringsplanen for Mongsedalen/Mjukebakkane (arealplanid 125620010502), for riving og gjenoppføring av steingard på gbnr 9/29. Det gjeld følgjande vilkår for dispensasjonen:
(1) Gjenoppføring av steingarden må gjennomførast i samsvar med tradisjonell teknikk og handverk. (2) Nøyaktig plassering av steingarden etter gjenoppføringskal visast gjennom situasjonsplan vedlagt byggesøknad og godkjennast av kommunen gjennom byggeløyve.
For grunngjeving av vedtaket blir det vist til saksutgreiing og vurdering over.
Utval for drift og utvikling finn at klagen ikkje inneheld ny grunngjeving eller nye opplysningar som tilseier at vedtaket av 05.06.2018, sak 50/2018 blir endra. Klagen blir difor ikkje tatt til følgje. Det blir vist til saksutgreiinga og vurderinga over som grunnlag for vedtaket. Saka blir sendt Fylkesmannen i Hordaland for oppnemning av settefylkesmann og endeleg avgjerd.
Utval for drift og utvikling gir med heimel i plan- og bygningslova (pbl) § 19-2 andre ledd dispensasjon frå byggjeforbodet i strandsona og landbruks-, natur- og friluftsformålet i kommuneplanen sin arealdel, for deling av parsell med påståande bustadhus frå gbnr. 9/1.
Vidare gir Utval for drift og utvikling med heimel i jordlova § 12 samtykke til deling av inntil 1,7 daa med påståande bustadhus frå gbnr. 9/1.
Tiltaket kan ikkje gjennomførast før det er gjeve løyve etter plan- og bygningslova kapittel 20.
Utval for drift og utvikling gir i medhald av plan- og bygningslova (pbl) § 19-2 andre ledd dispensasjon frå områdeplankravet i føresegn 1.2.2 og 4.5 til kommuneplanen sin arealdel for frådeling av parsell med påståande bustadhus på gbnr. 1/19, som omsøkt og vist på vedlagte situasjonskart, jf. pbl § 11-6 første ledd.
Tiltaket kan ikkje gjennomførast før det er gjeve løyve etter plan- og bygningslova kap. 20.
Utval for drift og utvikling gir i medhald av plan- og bygningslova § 19-2 dispensasjon frå byggjegrense mot sjø vist i kommuneplanen sitt arealplankart, for oppføring av hagestove som omsøktpå gbnr 27/76 i Meland kommune. Dispensasjonen blir gitt i samsvar med søknad om dispensasjon med vedlegg, journalført motteke 09.07.2018.
For grunngjeving av vedtaket blir det vist til saksutgreiing og vurdering over.
I medhald av plan- og bygningslova § 12-11, legg Utval for drift og utvikling følgjande forslag til reguleringsplan ut til offentleg ettersyn:
Kv. 1133 Myrvollane til Hestdal, gnr.30, bnr. 14 m.fl. Planid 1256 2018 0003, vist på plankart sist datert 23.08.18 , med tilhøyrande føresegner datert 23.08.18. Dato for revisjon vert endra før utlegging til offentleg ettersyn.
Utval for drift og utvikling vurderer at planforslaget kan leggjast ut til offentleg ettersyn under desse føresetnadane:
At planomtalen får oppdatert framside
At vassmerke på plandokumenta vert endra til «Forslag»
At det i planomtalen vert vist til nasjonale databaser og registreringar av utvalde naturtypar/raudlisteartar i eller i nærleiken av planområdet.
At det i føresegnene under § 2.2 Rigg- og marksikringsplan vert sagt noko om handtering av eventuelle avfall og ureina massar til godkjent mottak
At det i føresegnene vert tatt inn eit punkt om universell utforming for planlagt veganlegg og parkeringsplass
At det i føresegnene står dato for utarbeiding
At det i føresegnene vert vist til tilhøyrande plankart
Rådmannen tar ein siste korrektur av dokumenta før utsending.
I medhald av plan- og bygningslova § 12-11, legg Utval for drift og utvikling følgjande forslag til reguleringsplan ut til offentleg ettersyn:
Kollektiv knutepunkt og innfartsparkering på Flatøy, gnr.1, bnr. 2 mfl. Planid. 1256 2016 0002, vist på plankart sist datert 01.06.18, med tilhøyrande føresegner datert 01.06.18.
Utval for drift og utvikling ber om at det fram mot 2. gongs behandling av planforslaget vert sett nærare på følgjande forhold ved planen:
VA-rammeplan i høve det kommunale leidningsnettet
Utval for drift og utvikling ber om å få ei orientering frå Statens Vegvesen i møtet 27.11.18.
Framlegg til tilleggstekst i møtet:
Utval for drift og utvikling ber om å få ei orientering frå Statens Vegvesen i møtet 27.11.18.
Rådmannen sitt framlegg til vedtak med tilleggstekst i møtet vart samrøystes vedteke.
Orienteringane vert tekne til vitande.
Følgjande saker vart tekne opp:
Åshild Aamli, MDG:
Ønskjer status på hogst av tre og lekkasje fangdam ved Mjåtveit næringspark.
Administrasjonen svarte:
Området med hogst er på veg til å verte rydda.
Arbeid er i gang med å reparere sprekk i demninga, må gjerast når det er lav vasstand. Skade på treverk, men demninga har ikkje lekke vatn.
Sektorsjef teknisk Anny Bastesen og juridisk rågjevar byggesak Marianne Aadland Sandvik orienterte om status klagesak på Gbnr 38/23 - Refskar, bygging i strandsona - ulovleg tiltak.
Tiltakshavar har fått frist til 1. oktober til å følgje opp saka.
Utvalet takka for orienteringa og for administrasjonen si oppfølging av vedtak og pålegg som er gitt.
Avrøysting:
Framlegg til vedtak i møtet vart samrøystes vedteke.
Politikar | Parti | Medlemstype | E-Post |
---|---|---|---|
Mabel Johansen | Høgre | Utvalsleiar | mabel.johansen@husbanken.no |
Åse Nina Sudmann | Arbeiderpartiet | Medlem | aase.sudmann@gmail.com |
Fredrik Seliussen | Høgre | Medlem | fredrikseliussen@hotmail.com |
Åshild Aamli | Miljøpartiet Dei Grøne | Medlem | aas-aam@bkkfiber.no |
Øystein Vikebø | Arbeiderpartiet | Varamedlem | oystein.vikebo@bravida.no |
Berit Ohnstad | Arbeiderpartiet | Varamedlem | bohnsta@online.no |
Tor Oscar Maaseide | Fremskrittspartiet | Varamedlem | toroscar1951@hotmail.com |
Jon Vidar Sakseide | Kristeleg folkeparti | Varamedlem | jonvidarsakseide@gmail.com |
Leiv Jan Fosse | Senterpartiet | Varamedlem | fmeigedom@gmail.com |
Tormod Skurtveit (Ikke møtt) | Arbeiderpartiet | Nestleiar | tormod.skurtveit@meland.kommune.no |
Asbjørn Larsen (Ikke møtt) | Arbeiderpartiet | Medlem | asb-lars@online.no |
Henriette Fennelly (Ikke møtt) | Fremskrittspartiet | Medlem | henriette.fennelly@gmail.com |
Erling Rønnestad (Ikke møtt) | Kristeleg folkeparti | Medlem | erling.ronnestad@gmail.com |
Rune Lekven Skår (Ikke møtt) | Senterpartiet | Medlem | rune.skar@bkk.no |