Møte i Ungdomsrådet den 07.06.2018

Vedtak

Vedtak

Vedtak

"Ungdomsrådet tek orienteringa til vitande"

Behandling

Ungdomsådet hadde pizzadialog med rådmann Martin W. Kulild og ordførar Øyvind H. Oddekalv.

Nestleiar Jonas Askeland leiar møtet.

Det er ei aktuell sak i media om at ungdomsråd bør lovfestast – kva meier de om dette?

Ordførar: Ungdomsrådet har ein viktig rolle som talerør for ungdommen i kommunen – dette er ei viktig oppgåve.

Kva skjedde vidare med kyrkje/kulturhus?

Ordførar: Den kommunale delen vil ikkje bli ein del av prosjektet vidare. Vedtaket om å bygge kyrkja står.

Vil gravplassen bli flytta ved bygging av ny kyrkje?

Svar: Nei, den er tenkt vidare der den er i dag.

Kommunesamanslåing – korleis vil de sikre dykk at ungdommen vert hørt i den nye kommunen?

Svar: God representasjon frå alle dei tre kommunane må sikrast i Alver ungdomsråd.

Det er planlagt mange nye bygg – kva skjer med vegane? Har de ein plan for dette?

Svar: Ordførar informerer om planar for veier/Nordhordlandspakken. Rådmann: gåande skal væra prioritert i utbygginga i strekket mellom Langelandskogen/Frekhaug kai.

Nestleiar Jonas Askeland takkar for kommunens prioritering av Meieriet og ungdomsklubben der og at Meland investerer i framtida.

Susanne Slettebakken informerer om Ungdomsrådas felles nemnd med tre representantar frå kvart ungdomsråd. Dei ønskjer å invitera ulike leiarar til kafedialog i løpet av neste år.

Ordførar: inviterer Ungdomsrådas fellesnemd til å presentera seg i fellesnemda, og synes det er veldig positivt at dei er i gang.

I forhold til voldsepisodar i ungdomsmiljøet/nærmiljøet – kva gjer kommunen?

Ordførar: Enkeltepisodar må handterast av politiet. Meland kommune satsar på ungdomsklubb har tilsett leiar i prosjektet «Trygt og godt oppvekstmiljø» , og har god kontakt med politi og andre etatar som jobbar med ungdom.

Rådmann: Kommunen kan ikkje løysa problema med mobbing - det er alle innbyggarane sitt ansvar å stoppa mobbing, men kommunen prioriterer og legge til rette for arbeidet.

Buss /transport: Vert busstilbodet betre?

Svar: Det vert meir pengar til hurtigbåten. Buss vert billigare (same sone som Bergen), men ordførar oppmodar ungdomsrådet til å spele inn forslag og påverke gjennom ungdommens fylkesråd.

Spørsmål frå ordføraren: Korleis går samarbeidet mellom ungdomsråda i Alver?

Susanne Slettebakken svarar: møter 2-3 gonger pr. halvår, arrangerte storsamling med alle tre råda i februar.

Rus i ungdomsmiljøa: Kva tiltak har kommunen for å reduserer dette?

Ordførar: satsing på ungdomsklubb, prosjekt «Trygt og godt oppvekstmiljø», godt samarbeid med politi og andre instansar og auka fokus på tema i skulane.

Rådmann: byggje gode miljø som er trygge.

Nestleiar Jonas Askeland takkar for møtet og soppsummerer med at samarbeidet mellom ungdomsrådet og administrasjon/politikarar er god og at UR føler dei vert høyrt.

Vedtak

«Susanne Slettebakken og Elias Jordan El Fakraoui er representantar til jury for logokonkurranse for prosjekt «trygt og godt oppvekstmiljø»

Behandling

Prosjektleiar Anette Hesjedal oppdaterer om prosjektet «Trygt og god oppvekstmiljø»

• Det er starta ein Snap Chat «Trygt og godt» kor ungdom kan komme i direkte kontakt med Anette og ei Facebookside med informasjon og holdningsarbeid som er meir retta mot føresette.

• 30 august vert det foredrag på HN FHS med tema «Oppvekstmiljø» og Ingrid Lund som er framståande forskar på mobbing skal ha foredrag for skule/barnehage.

• Det vert jobba med å ha ei veke undervisning i skulen under tema «Livsmestring» - i samarbeid med kommunepsykolog, helsesøster og fysioterapeut. Her kan aktuelle tema væra psykisk helse», «sex og samliv», «skilsmisse», «sjølvbilde og sjølvtillit», «relasjonar og vennar»

• Det kan og verte aktuelt med temakveldar ut over hausten.

Det er lyst ut logokonkurranse til prosjektet, og prosjektleiar Anette Hesjedal ønskjer to representantar frå ungdomsrådet til juryen.

Vedtak

"Ungdomsrådet ser positivt på at utbygginga av vegen mellom Fløksand og Rossland kjem i gang for å få ein tryggare og betre veg på strekninga. Det er viktig at det tas hensyn til friluftsområdet på Fløksand i prosjektet»

Behandling

Vegvesenets plan for trasèval Fløksand - Vikebø vert presentert i møtet.

Vedtak

"Ungdomsrådet tek orienteringane til vitande"

Behandling

Bossrydding: Orientering ved Jonas Askeland. Fire representantar frå Ungdomsrådet hjalp til med registreringa av frivillige/områder på kommunehuset, og med bossrydding på Fløksand i lag med statsministeren. Bidro til synlegheit og godt omdøme for Ungdomsrådet.

Ungdomsrådas fellesnemd: Orientering ved Susanne Slettebakken.Det har vore to møter i fellesmenda sidan sist UR-møte. Uttalen frå fellesnemda med hensyn til nytt kommunevåpen var at nemnda gjekk for bruer. Ønskjer å ha kafedialog med leiarar med 4-5 tema, som til dømes «Alver» «Idrett» «Ungdomsklubb», og å arrangera eit felles arrangement til neste sommar. Det er og snakk om ein studietur til Oppegård kommune.

Workshop Frekhaug fram i tid: Orientering ved Bjørn Sagstad. Ein bra workshop med mange frammøtte (representantar frå UNG Meland, UR, Grasdal elevråd og andre interesserte). Dei teikna inn kor dei oppheldt seg og kor dei går, fann kjenneteikn med Frekhaug, og skrev ned kva som manglar.

Vedtak

"Malin Rasmussen, Marius Thorvaldsen, Synne Io og Elias Jordan El Fakraoui er komitè for ungdomsrådets sommaravsluttning"

Behandling

UR ønskjer ein sommaravsluttning. Komité for dette vert Malin, Marius, Synne og Elias. Avslutninga vert torsdag 14 juni kl. 18-20 i Haltejansvika om det er fint ver, om ikkje vert det på klubben.