Møte i Formannskapet den 22.05.2019

Vedtak

Innkalling og sakliste med tilleggssak vert godkjent.

Behandling

Det er sendt ut ei tilleggssak.

Marit Jøssang sa at dokument som var refererte ikkje var tilgjengeleg på heimesida til kommunen, berre i møteportalen.
Administrasjonen vil undersøkje dette.

Vedtak

Møteprotokoll frå møte 24.04.2019 vert godkjent.

Vedtak

Behandling

Ordførar refererte skriv nr. 1 og 3.

Vedtak

Behandling

Det vart orientert om følgjande:

Ordførar:

• Generalforsamling i Meland utbyggingsselskap
  Styremedlemmene på val.
  Starte prosess mot mogeleg samanslåing med Lindås tomteselskap.

  På generalforsamlinga - forlenge perioden for styremedlemmene fram til 01.01.2020.

• Meland kommune bør gje ein uttale i sak - Vindkraft på land, med høyringsfrist 1. oktober
  Setje det på saklista til junimøtet.

  Ordførar skal ta del i eit innspelsmøte.

Anne Grete Eide:

• Prosessen om kjøp av tilleggsareal i Leirdalen
  Rådmannen sa at det ikkje er kome inn formell søknad.
  Har fått 1 mill. kr.

• Kva kriterier forespør ein når ein tildeler anbod på breiband

  Rådmann orienterte.

Sølvi Knudsen:

• Rekkefølgje på utbygging av breiband

  Administrasjonen svarte at det er kome inn ein klage som må behandlast.
  Er ikkje skrive kontakt enno.
  Får tett opp mot 100 % dekning no.

Sigmund Larsen:

• Gravearbeid på vegen ved Dalevatnet, vegen er stengt
  Administrasjonen opplyste at dette er fylkesveg, og at kommunen ikkje styrer dette.
  Det vart og peika på at Statens Vegvesen bør informere kommunen når veg vert stengt.
  Ordførar sa at han har sendt skriv til Statens Vegvesen om vegen ut mot Landsvik utan å ha fått svar.
  Vil ta direkte kontakt med Statens Vegvesen.

Silje Sæterstøl:

• Kva har skjedd etter at ungdomsrådet var i formannskapet og orienterte?
  Ordførar svarar at det skal vere eit møte 29. mai der leiar for ULK, rådmann og ordførar + 4 frå administrasjonen tek del.
  Det vil og vere dialogmøte med ungdomsrådet.
  

Vedtak

Behandling

Det vart orientert om føgjande:

Rådmann:

• IKT Nordhordland - Utlysing av stilling som økonomisjef

• Offisiell opning av driftsstasjonen i Mjåtveitparken 29.05.19 kl. 11.30

• Administrativt møte med Fylkeskommunen og Statens Vegvesen om eventuell rekkefølgekrav og utbyggingsavtalar på vegen opp mot Sagstad skule

• Som einaste kommune i Hordaland har Meland kommune etter søknad fått 15 000 Euro frå EU til offentleg WiFi-sone

Vedtak

Ordførar saman med varaordførar vil på vegne av formannskapet sende uttale til programansvarleg at dei vil ta det opp som sak.
Prinsipielle saker skal leggjast fram for Fellesnemnda.

Behandling

Nils Marton Aadland, H:

Uroa over at ein via via andre får informasjon om at prinsipiell organisering på ein del tenester i Alver
konkret bryt tvert med det som har vore ideologisk i Meland (m.a. menneske med nedsett funksjonsevne)

Meiner vi har delegert for mykje makt frå oss.

Ønskjer på neste møte i Fellesnemnda å ha ei drøfting.

Må gå gjennom kva tenester og tilbod vi skal gje innbyggarane i Alver.

Framlegg til vedtak i møte:
Ordførar saman med varaordførar vil på vegne av formannskapet sende uttale til programansvarleg at dei vil ta det opp som sak.
Prinsipielle saker skal leggjast fram for Fellesnemnda.

Dette framlegget vart samrøystes vedteke.

Vedtak

Formannskapet tek saka til orientering.

Behandling

Framlegg til vedtak i møte:

Formannskapet tek saka til orientering.

Avrøysting:
Dette framlegget vart samrøystes vedteke.

Vedtak

Formannskapet i Meland reagerer kraftig på framgangsmåten i samband med å flytta bomstasjonen til Klauvaneset. Det er ikkje rett å flytta belastninga frå Åsane til kun dei som bur i Nordhordland.

Dersom byrådet sitt framlegg blir vedtatt i Bergen bystyre og Hordaland fylkesting må det etablerast ordningar der ein vurderer bompengeinnkrevjinga i Bergensområdet under eitt. Det er eit ufråvikeleg krav at E39 Nordhordlandstunnelen blir prioritert og får hurtigast mogleg oppstart.

Det vil bli jobba vidare med saka i samråd med dei andre Alver-kommunane og regionrådet i Nordhordland.

Behandling

Framlegg til vedtak frå Nils Marton Aadland, H:

UTTALE FRÅ MELAND FORMANNSKAP TIL BYRÅDET I BERGEN
SITT FRAMLEGG OM Å FLYTTE BOMSTASJONAR I ÅSANE TIL NORDHORDLANDSBRUA

1 Meland formannskap vil på det sterkaste oppmode Hordaland fylkesting til å avvise byrådet i Bergen sitt framlegg om å flytte bompengeinnkrevjinga i Åsane til Nordhordlandsbrua (E39 Klauvaneset).
Framlegget inneber i praksis å sende heile «bompengerekninga» til trafikantar frå Nordhordland.

2 Dersom fylkestinget ikkje avviser byrådet i Bergen sitt framlegg om å endre bompengeinnkrevjinga i Åsane må arbeidet med å etablere bomstasjonar i Nordhordland stoppast snarast.

3 Byrådet sitt framlegg viser trongen for å samordne bompengeinnkrevjinga i heile Bergensområdet under eitt. Meland formannskap vil be om at arbeidet med slik samordning startar snarast råd.

4 Det er eit absolutt krav at E39 Vågsbotn-Klauvaneset blir prioritert framfor ei eventuell bygging av bybane til Åsane.

5 Meland formannskap presiserer at Hordaland fylkesting må vurdere fullgode, men mindre kostnadskrevjande alternativ til bybane i Åsane. Det blir anna synt til etableringa av Metrobuss Trondheim.

Framlegg til vedtak frå AP, SP, KrF:

UTTALE FRÅ MELAND FORMANNSKAP TIL BYRÅDET I BERGEN SITT FRAMLEGG OM Å FLYTTE BOMSTASJONAR I ÅSANE TIL NORDHORDLANDSBRUA

Formannskapet i Meland reagerer kraftig på framgangsmåten i samband med å flytta bomstasjonen til Klauvaneset. Det er ikkje rett å flytta belastninga frå Åsane til kun dei som bur i Nordhordland.

Dersom byrådet sitt framlegg blir vedtatt i Bergen bystyre og Hordaland fylkesting må det etablerast ordningar der ein vurderer bompengeinnkrevjinga i Bergensområdet under eitt. Det er eit ufråvikeleg krav at E39 Nordhordlandstunnelen blir prioritert og får hurtigast mogleg oppstart.

Det vil bli jobba vidare med saka i samråd med dei andre Alver-kommunane og regionrådet i Nordhordland.

Avrøysting:
Framlegg til vedtak frå Nils Marton Aadland fekk 1 røyst for, (H), 6 røyster mot, (AP, SP, KrF, FrP, V), og fall.
Framlegg til vedtak frå AP, SP, og KrF fekk 5 røyster for, (2AP, SP, KrF, V), 2 røyster mot (FrP, H), og er såleis vedteke.