Čoahkkin Utval for drift og utvikling 03.09.2019

Vedtak

Innkalling og sakliste med endra rekkefølgje på saklista vert godkjent.

Behandling

Sak 76/2019 vart handsama etter skak 66/2109. Etter det vart saklista følgd.

Vedtak

Møteprotokoll frå møte 11.06.2019 vert godkjent.

Behandling

Det låg ikkje føre skriv og meldingar.

Vedtak

Vedtak

Utval for drift og utvikling gir i medhald av plan- og bygningslova (pbl) § 19-2 andre ledd dispensasjon frå byggjeforbodet i strandsona, jf. pbl § 1-8. Dispensasjonen gjeld for tiltak på gbnr. 23/501 i Meland kommune i samsvar med søknad med vedlegg, journalført motteke 30.4.2019, og omfattar alle tiltak som er skildra i søknaden.

For grunngjeving av vedtaket vert det vist til saksutgreiing og vurdering over.

Byggetiltak kan ikkje setjast i verk før det er gjeve byggeløyve etter pbl kapittel 20.

Dispensasjonen fell bort dersom tiltaka ikkje er oppført innan tre år, jf. pbl § 21-9.

Behandling

Mabel Johansen, H hadde varsla at ho ville ha sin habilitet vurdert, då ho er ansvarleg søkjar på vegne av Frekhaugmarka Vel.

Mabel Johansen gjekk frå ved handsaming av habilitetsspørsmålet.
Terje larsen, H tok sete.

Avrøysting:
Med tilvisning til forvaltningsloven § 6 e nr. 2 vart Mabel Johansen samrøystes erklært inhabil.

Terje Larsen tok del i handsaming av saka.

Vedtak

Utval for drift og utvikling finn at klage, journalført 12.06.2019, ikkje inneheld ny grunngjeving eller nye opplysningar som tilseier at vedtaket av 19.12.2018, DS 341/2018, blir endra. Klaga blir difor ikkje teke til følgje.

Det blir vist til saksutgreiinga over som grunnlag for vedtaket. Saka blir sendt til Fylkesmannen i Vestland for endeleg avgjerd.

Behandling

Utvalet var på synfaring før vedtak vart fatta.

Vedtak

Utval for drift og utvikling finn at klage, journalført 27.05.2019, ikkje inneheld ny grunngjeving eller nye opplysningar som tilseier at vedtaket av 03.05.2019, DS 19/447, blir endra. Klagen blir difor ikkje teken til følgje.

Det blir vist til saksutgreiinga over som grunnlag for vedtaket. Saka blir sendt til Fylkesmannen i Vestland for endeleg avgjerd.

Behandling

Utvalet var på synfaring før vedtak vart fatta.

Vedtak

Utval for drift og utvikling kan ikkje sjå at Fylkesmannen i Vestland si klage inneheld ny grunngjeving eller nye opplysningar som tilseier at dispensasjonsvedtak av 7.5.2019, sak 36/2019, vert gjort om. Klaga vert difor ikkje teken til følgje.

Vidare gir Utval for drift og utvikling dispensasjonsvedtak av 7.5.2019, sak 36/2019, utsatt iverksetting etter forvaltningslova § 42.

Det vert vist til saksutgreiing og vurdering ovanfor.

Saka vert sendt til Fylkesmannen i Vestland, for endeleg avgjerd av setjefylkesmann oppnemnd av Kommunal- og moderniseringsdepartementet.

Vedtak

Utval for drift og utvikling kan ikkje sjå at Fylkesmannen i Vestland si klage inneheld ny grunngjeving eller nye opplysningar som tilseier at dispensasjonsvedtak av 7.5.2019, sak 37/2019, vert gjort om. Klaga vert difor ikkje teken til følgje.

Vidare gir Utval for drift og utvikling løyve til omdisponering av 66 m2 innmarksbeite, jf. jordlova § 9 tredje ledd.

Utval for drift og utvikling gir dispensasjonsvedtak av 7.5.2019, sak 37/2019, utsatt iverksetting etter forvaltningslova § 42.

Det vert vist til saksutgreiing og vurdering ovanfor.

Saka vert sendt til Fylkesmannen i Vestland, for endeleg avgjerd av setjefylkesmann oppnemnd av Kommunal- og moderniseringsdepartementet.

Vedtak

Utval for drift og utvikling kan ikkje sjå at Fylkesmannen i Vestland si klage inneheld ny grunngjeving eller nye opplysningar som tilseier at dispensasjonsvedtak av 11.6.2019, sak 55/2019, vert gjort om. Klaga vert difor ikkje teken til følgje.

Vidare gir Utval for drift og utvikling dispensasjonsvedtak av 11.6.2019, sak 55/2019, utsatt iverksetting etter forvaltningslova § 42.

Det vert vist til saksutgreiing og vurdering ovanfor.

Saka vert sendt til Fylkesmannen i Vestland, for endeleg avgjerd av setjefylkesmann oppnemnd av Kommunal- og moderniseringsdepartementet.

Vedtak

Utval for drift og utvikling kan ikkje sjå at Fylkesmannen i Vestland si klage inneheld ny grunngjeving eller nye opplysningar som tilseier at dispensasjonsvedtak av 11.6.2019, sak 56/2019, vert gjort om. Klaga vert difor ikkje teken til følgje.

Vidare gir Utval for drift og utvikling dispensasjonsvedtak av 11.6.2019, sak 56/2019, utsatt iverksetting etter forvaltningslova § 42.

Det vert vist til saksutgreiing og vurdering ovanfor.

Saka vert sendt til Fylkesmannen i Vestland, for endeleg avgjerd av setjefylkesmann oppnemnd av Kommunal- og moderniseringsdepartementet.

Vedtak

Utval for drift og utvikling gir i medhald av plan- og bygningslova § 19-2 andre ledd, jf. § 19-3, mellombels dispensasjon frå arealformålet landbruk-, natur- og friluft i kommuneplanen sin arealdel, samt mellombels dispensasjon frå byggjegrense mot sjø som vist i kommuneplanen sin arealdel, for mellombels plassering av toalettvogn i inntil 2 år, som omsøkt på gbnr. 55/13 i Meland kommune. Det gjeld følgjande vilkår for dispensasjonen:

• Før utplassering av toalettvogn må avtale med grunneigar liggje føre.

• Etter utløp av dispensasjon skal området ryddast og tilbakeførast til opphavleg situasjon.

• Det er ikkje gitt løyve til utslepp av avlaupsvatn. Tiltakshavar må sjølv sørgje for at avlaupet vert handtert i samsvar med forureiningslova.

Dispensasjon blir gitt i samsvar med søknad om dispensasjon og søknad om løyve til tiltak, journalført motteke 01.04.2019, komplementert med opplysningar den 03.06.2019.

Vedtak

Utval for drift og utvikling gir i medhald av plan- og bygningslova § 19-2 andre ledd, jf. § 19-3, mellombels dispensasjon frå landbruks-, natur- og friluftsformålet i kommuneplanen sin arealdel for plassering av toalettvogn i maksimum 2 år, som omsøkt på gbnr. 9/165 i Meland kommune.Det gjeld følgjande vilkår for dispensasjonen:

• Før utplassering av toalettvogn må avtale med grunneigar liggje føre.

• Etter utløp av dispensasjon skal området ryddast og tilbakeførast til opphavleg situasjon.

• Det er ikkje gitt løyve til utslepp av avlaupsvatn. Tiltakshavar må sjølv sørgje for at avlaupet vert handtert i samsvar med forureiningslova.

Dispensasjon blir gitt i samsvar med søknad om dispensasjon og søknad om løyve til tiltak, jornalført motteke 01.04.2019, komplementert med opplysningar den 03.06.2019.

Vedtak

Utval for drift og utvikling gir i medhald av plan- og bygningslova § 19-2 andre ledd, jf. § 11-6 første ledd, dispensasjon frå landbruks-, natur- og friluftsformålet i kommuneplanen sin arealdel og frå byggjeforbodet i strandsona, for riving av eksisterande fritidsbustad og oppføring av ny fritidsbustad på gbnr. 51/106 i Meland kommune. Det gjeld følgjande vilkår for dispensasjonen:

• Den nye hytta skal ha ein maksimal storleik på 120 m2 BRA.

• Den nye hytta skal plasserast om lag som vist på innsendt situasjonskart, journalført motteke 30.04.2019. Avstand til nabogrenser skal vere i samsvar med plan- og bygningslova.

Dispensasjonen blir gitt i samsvar med søknad om dispensasjon journalført motteke 30.04.2019.

Vedtak

Utval for drift og utvikling gir i medhald av plan- og bygningslova § 13-1 tredje ledd fritak frå bygge- og deleforbod, vedteke 19.2.2019, i sak 16/2019, for utbygging på gbnr. 22/190, B5, i samsvar med Reguleringsplan for Mjåtveitmarka.

Fritaket gjeld også for omsøkt frådeling og arealoverføring i tilknyting til gbnr. 22/190, B5.

Det vert vist til saksutgreiing og vurdering over som grunngjeving av vedtaket.

Behandling

Fredrik Seliussen, H hadde varsla at han ville ha sin habilitet vurdert, då han er dagleg leiar i Furefjellet AS, som i eit privat-offentleg-samarbeid, utviklar områdeplan for Dalstø-Mjåtveitstø saman med Meland kommune.

Fredrik Seliussen gjekk frå ved handsaming av habilitetsspørsmålet.
Terje Larsen, H. tok sete.

Avrøysting:
Med tilvisning til forvaltningsloven § 6 e. nr. 2 vart Fredrik Seliussen samrøystes erklært inhabil.

Terje Larsen tok del i handsaming av saka.

Vedtak

Utval for drift og utvikling gjev med heimel i konsesjonslova §§ 2, 9, 9 a og 11 konsesjon til Kjersti Sjursen og Arne Olav Lien for overtaking av Gnr. 9 bnr. 1, 3, 4 og 5 på Hjertås i Meland kommune.

Den avtala kjøpesummen er på kr 5650 000,-.

Grunngjeving for vedtaket går fram av saksutgreiing og vurderinga.

Vedtak

Meland kommunestyre godkjenner framlegg til detaljregulering for kollektivknutepunkt og innfartsparkering på Flatøy, planid. 1256 2016 0002, som vist på plankart med siste revisjonsdato 30.04.2019 og med reguleringsføresegner av revisjonsdato 28.06.2019. Vedtaket er gjort i medhald av plan- og bygningslova § 12-12.

Vedtak

Meland kommunestyre godkjenner framlegg til reguleringsplan for Meland kyrkjegard, planid. 1256 2018 0002, som vist på plankart med siste revisjonsdato 18.03.2019 og med reguleringsføresegner av revisjonsdato 12.04.2019. Vedtaket er gjort i medhald av plan- og bygningslova § 12-10.

Arbeid med oppheving av attverande del av reguleringsplanen for Meland kyrkje og gravlunder med omegn i Meland kommune, vedteke 05.02.1992, blir starta i medhald av plan- og bygningslova kapittel 12, jf § 12-14.

Vedtak

I medhald av plan- og bygningslova § 12-10, legg Utval for drift og utvikling endra forslag til områdereguleringsplan for Rylandshøgda, planid. 1256 2016 0004, ut på nytt offentleg ettersyn. Planmaterialet blir endra i tråd med saksframlegget før utsending.

Behandling

Rådgjevarane på planforvaltning Lennart Falkenberg-Arell og Ole Martin Bolset orienterte.

Vedtak

Behandling

Følgjande saker vart tekne opp:

Tormod Skurtveit stilte spørsmål om status utbygging av fiber/breiband i tildelte område i Meland.

Juridisk rågjevar Marianne Aadland Sandvik vil undersøkje status og orientere på neste møte.