Čoahkkin Formannskapet 23.02.2016

Behandling

Samrøystes

Behandling

Samrøystes

Behandling

Kommunestruktur - forhandlingar om ny kommune i Nordhordland
Dette var eige tema i ekstraordinært kommunestyremøte og ikkje drøfta under møte i formannskapet.

Modalstunet
Ordførar, rådmann og ass. rådmann orienterte om status drift og vidare oppfølging.

Stilling i administrasjonen
Rådmannen orienterte kort om planlagt prosess vedkomande endring og utlysing av stilling i administrasjonen.

Mottak av flyktningar - tilsetting av flyktningekoordinator
Felles flyktningekoordinator med Masfjorden er tilsett og i virke frå medio februar. Førebels er det ikkje kome nye opplysningar om når og kven vi får tildelt av flyktningar i år.

Gårdsbruk på Øvre Helland - oppfølging av buplikt
I formannskapsmøte den 17.11.15 vart det reist spørsmål til rådmannen om status for oppfølging av buplikta på gårdsbruk som vart overteke i 2013. Rådmannen orienterte om korleis saka er følgt opp. Det er no sendt brev om pålegg om å søkja konsesjon som følgje av brot på buplikta etter konsesjonslova §5 andre ledd.

Fare for nedlegging av lokalt tannlegekontor
Ordførar orienterte om oppfølging av saka gjennom møte med Fylkestannlegen og gjennom politisk samarbeid i Regionrådet i Nordhordland.

Godtgjering / frikjøp av lokalt forhandlingsutval for kommunereforma
Saka vart drøfta. Ordførar utarbeider framlegg for vedtak i kommunestyret.

Behandling

Rådmannen orienterte og svarte på spørsmål til saka

Samrøystes

Vedtak

Kommunestyret vedtekfølgjande overordna mål for eigedomsforvaltninga i Modalen kommune:

Målsetjing ved nybygging :

• Velje standard og utforming som svarar til oppgåva og som er fleksible i høve til endra behov.

• Velje energieffektive løysingar som er med på å oppfylle kommunen sin klima- og energiplan.

• Velje materiale som har god kvalitet, utforming og teknisk løysing som førebyggjer framtidig vedlikehald.

Målsetjing ved vedlikehald:

• Sikre at verdiane vert teke vare på ved førebyggjande vedlikehald.

• Omgåande setje inn tiltak for å hindre at skader og slitasje får utvikle seg.

• Sikre funksjonalitet i samsvar med endra bruk og behov.

Behandling

Tone Selmer Skuggevik orienterte om saka.

Samrøystes

Vedtak

Modalen kommune sluttar seg til strategiar og mål som framgår av "Interkommunal nærings- og samfunnsplan Region Nordhordland, 2016-2025".

Modalen vil stø opp om skisserte tiltak og mål ved å gjennomføre tiltak i eigen kommune og ved interkommunal samhandling gjennom Nordhordland Utviklingsselskap IKS og Nordhordland Regionråd.

Behandling

Samrøystes

Vedtak

Modalen kommune starter opp arbeidet med å utarbeide ein temaplan for fysisk aktivitet, folkehelse ogfriluftjf. §10-12 i plan og bygningslova. Som politisk representant blir Tom Kristian Thorsen valt til å vere med i planarbeidet. Formannskapet vil vera styringsgruppe for planarbeidet.

Behandling

Inge Kårevik orienterte om saka

Samrøystes