Møte i Formannskapet den 17.03.2015

Behandling

Samrøystes

Behandling

Samrøystes

Behandling

Samrøystes

Vedtak

Orienteringar vert tekne til vitande

Behandling

KOMMUNESTRUKTUR

Møte i Regionrådet for Nordhordland - felles prosjekt om kommunestruktur
Varaordførar og rådmann deltok på regionrådsmøte den 13.03.15 og gav ei orientering om status og drøftingar av denne saka i dette møte.

Regionrådet har no rådd til at alle kummunar vel 3 politikarar frå kvar kommune, som skal delta i forhandlingar mellom kommunane i fellesprosjektet. Rådmennene i alle kommunane skal og delta.

Regionrådet vil kalla inn til eit felles forhandlings-/drøftingsmøte den 16. april 2015.

Møte mellom formannskapet i Vaksdal og formannskapet i Modalen kommune

Frå Vaksdal kommune møtte:
Ordførar Eirik Haga, Varaordførar Sigmund Simmenes, Bjørg Åse Nottveit Hop, Heidi Rongved, Helge Gullbrå, Silje Stien, Anneli Vatle Lilletvedt, Karin Groth og Rådman Trine Grønbech

Ordførar Knut Moe ønskte formannskapsmedlemene i Vaksdal velkomne til Modalen og innleia møtet om kva felles interesser og samarbeid som i dag er mellom kommunane.

Ordførar Eirik Haga og rådmann Trine Grønbech orienterte om folkemøta og drøftingane som er gjennomført vinteren 2015 under Vaksdal kommune sin sonderingsfase. Det vart også gjeve ei orientering om kva vidare prosess Vaksdal planlegg fram til endeleg vedtak av alternativ våren 2016.

Etter orienteringa var det drøfting der det framkom ulike synspunkt på behov for endring og om kva som bør avklarast og vektleggajst i den vidare prosess. Fleire av Vaksdal sine formannskapsmedlemar uttalte ønskje om at Modalen og Vaksdal burde utgreiast som eit alternativ for samanslåing. Vaksdal har i første fase også skissert eit alternativ der kommunen kan verte delt opp og der ulike delar kan verte slegne saman med fleire andre kommunar.

I møtet vart det ikkje trekt nokon konklusjon i høve vidare felles oppfølging av saka.

Felles møte vart avslutta med lunsj på Mobryggja.

Oppsummering i Modalen formannskap

Formannskapet konkluderte med at saka vert å drøfta nærmare i komande kommunestyremøte.

Formannskapet samla seg også om å føreslå at kommunestyret vedtek at det skal haldast ei rådgjevande folkerøysting om eventuell kommunesamanslåing for Modalen.

Behandling

Følgjande avtale vert lagt til grunn for ein avtale mellom partane:

AVTALE VEDKOMANDE OVERDRAGING AV «BLIEN»

Mellom Modalen kommune og Øystein Senneseth fnr. ………….

er det inngått slik avtale for overdraging av motorbåten «Blien».

I 1995 fekk Modalen kommune «Blien» i gåve frå Martin Steinshaug. Steinshaug var busett i Mostraumsvika og hadde nytta «Blien» som skyssbåt i området her. Føresetnad for gåva var at Modalen kommune skulle vedlikehalda og ta vare på båten.

Modalen kommune har sett båten i stand og halde den vedlike som føresett, men dei siste åra har båten våre lite i bruk. Veteranbåtklubben på Stamnes har føreteke naudsynleg vedlikehald av båten dei siste åra. Dette er det no problem å vidareføra.

Øystein Senneseth er i slekt med Martin Steinshaug og har overteke slektsgarden i Mostraumsvika. Øystein Senneseth har maritim bakgrunn og er oppteken av å ta vare på kulturhistorie, reiskapar og bygningar på garden i Mostraumsvika. Han har derfor stor interesse for å overta «Blien» og tilbakeføra den til miljøet i Mostraumen. Øystein Senneseth er derfor villig til å overta eigarskap og ansvar for videre vedlikehald av «Blien».

Partane legg følgjande vilkår til grunn for overdraginga:

1. Modalen kommune overdreg «Blien» slik den no er, vederlagsfritt til Øystein Senneseth .

2. Ved underteikning av denne avtalen tek Øystein Senneseth på seg ansvar og kostnader med framtidig vedlikehald og forsvarleg lagring for å ta vare på båten.

3. Senneseth forpliktar seg til å ikkje selje eller overdra båten til andre eigarar i ein avgrensa periode på minimum 10 -ti- år frå inngåing av denne avtalen.
   Om båten av ulike grunnar må skifte eigar i løpet av denne tiårsperioden skal ei eventuell overdraging godkjennast av Modalen kommune.

4. Øystein Senneseth vil i avtaleperiode stasjonere «Blien» ved Mostraumen og leggje til rette for bruk av båten i lokale samanhengar.

Denne avtalen er underteikna i 2 -to- ekspemplar, eit til kvar av patane.

Mo den ….. 2015

Modalen kommune Øystein Senneseth

ordførar

Samrøystes

Vedtak

Modalen kommune løyver inntil kr 875.000 (50 % eksterne kostander i søknadsgrunnlaget) i tilskot frå næringsfondet til delfinansiering av omsøkte investeringar for rehabilitering av Coop Modalen sin butikkfilial på Øvre Helland.

Vilkår for utbetaling av tilskot:

Tilskotet kan utbetalast på grunnlag av medgåtte kostnader i høve til kostnadsoppsettet som ligg til grunn for tilsegnet. Dersom faktiske kostnader vert vesentleg lågare enn budsjettert, vil innvilga tilskot verte redusert prosentvis i høve faktiske kostnader.

Før utbetaling skal mottakaren ha levert rekneskap som er spesifisert i samsvar med kostnadsoverslaget. Rekneskapet skal vere attestert av revisor eller anna kvalifisert person for dei som ikkje har revisorplikt.

Utbetaling må skje innan eit år frå vedtaksdato. Dersom det vert trong for forlenging, kan ein søkje forlenging innan fristen for gjennomføring.

EØS-regelverket – opplysningsplikt.

Tildeling av tilskotet vert gjort i samsvar med reglane for bagatellmessig stønad. Ved eventuelle nye søknader om offentleg stønad (uansett stønadskjelde) har stønadsmottakar plikt til å opplyse om dette tilskotet. Opplysningsplikta gjeld i 3 år frå tilsegnstidspunktet.

Før utbetaling av tilskot må mottakaren skriftleg stadfeste eventuell anna bagatellstøtte som foretaket har motteke i det aktuelle skatteåret og i dei to føregåande skatteåra slik at ein sikrar at tilskotet er innanfor gjeldande maksimalgrense for bagatellstøtte, 200.000 euro over ein periode på 3 år. Det er tildelingsåret og ikkje utbetalingsåret som er avgjerande.

Andre vilkår:

Innvilga lån og tilskot kan krevjast attende dersom verksemda opphøyrer, vert seld eller flyttar frå kommunen innan 5 år frå tilsegnsdato.

Likeeins kan lån og tilskot krevjast attendebetalt heilt eller delvis dersom bygg og inventar/ utstyr m.v. som er finansiert med støtte frå Næringsfondet, vert seld eller nytta til anna føremål enn føresett innan 5 år frå tilsegnsdato. Stønadsmottakaren pliktar på førehand å gje melding til Styret for Næringsfondet om sal eller bruksendring i dette tidsrommet.

Behandling

Etter drøfting av saka i møtet samla formannskapet seg om å tilrå at Modalen kommune skulle yte inntil kr 875.000 i tilskot, som utgjer 50% av eksterne kostnader slik Coop Modalen har søkt om i brev datert 16.01.2015.

Samrøystes