Møte i Formannskapet den 10.04.2018

Behandling

Samrøystes vedteke

Behandling

Samrøystes vedteke

Behandling

Rådmannen orienterte om at randkommunane utafor nye Alver kommune har søkt Fylkesmannen om skjønsmidler til å starte opp eit kartleggingsarbeid og mulighetsstudie der ein ynskjer å sjå på kva område det kan vere tenleg å vurdere eit meir formalisert samarbeid mellom desse kommunane. Initiativet er politisk initiert av ordførarane i kommunane. Kommunane opplever at presset på økonomi og krav til innsparing av kostnadar aukar. Det er også utfordringar med rekruttering av relevant fagkompetanse og krav til å utvikle tenestetilbodet og få til meir effektiv drift. Det gjer at dei kommunane som no ikkje er i eit arbeid med kommunesamanslåing ser det som tenleg å sjå på kva dei kan gjere i lag for å møte desse utfordringane på ein best mogleg måte. Prosjektet skal vere forankra i leiinga i kommunen. Det må opprettast ei styringsgruppe der alle rådmenn deltek, og det er viktig at politisk nivå i kommunane vert oppdatert undervegs. Eventuelle framlegg til formalisering av samarbeid mellom kommunar skal handsamast politisk. Formannskapet stiller seg positiv til utredningsarbeidet som no vert søkt igangsett, og framhever at dette kan vere eit viktig strategisk arbeid for å ruste seg til utfordringar i framtida.

Rådmannen orienterte om partnerskapsmøte med NAV. Der blei det presentert for kommunen at Masfjorden og Gulen heldt på med eit prosjekt der det vert utgreidd alternativ organisering av NAV tenestene, med mål om samanslåing av desse to kontora etter vertskommunemodellen. Modalen har fram til no ikkje vore involvert i dette arbeidet. Vi vil likevel få tilgang til utgreiingsarbeidet som er gjort i dei to andre kommunane, slik at Modalen kan vurdere om det skal utgreiast tilknytning til dette vertskommunesamarbeidet. Saka skal i så fall handsamast politisk.

Teknisk sjef Tone Selmer Skuggevik gjekk kort gjennom tidlegare arbeid med saka om bustadregulering, og ho presenterte framlegg til agenda når saka skal opp igjen til handsaming i kommunestyret 26. april. Formannskapet slutta seg til administrasjonen sitt framlegg til agenda, og ba samstundes administrasjonen vere førebudd på spørsmål om grenser og storleik på dei aktuelle områda når ein skal på synfaring 26. april.

Formannskapet er styringsgruppe for skisseprosjektet som Arkitektfirmaet HRTB har utarbeidd for kommunen. I møtet vart vidare arbeid og prosess i saka drøfta. Administrasjonen ynskjer at styringsgruppa legg føringar og har regien for vidare framdrift, og at dette vert drøfta i kommunestyret 26. april. Formannskapet vil at det skal arrangerast folkemøte, med presentasjon av skisseprosjektet, i samfunnshuset på Mo onsdag 23. mai klokka 1900. Ordførar vert møteleiar og vil presentere prosjektet.

Kjetil Eikefet stilte spørsmål om Seacamp sitt tilskot frå Næringsfondet. han var bekymra for at det vart brukt mykje pengar til å tilretteleggje for campingplass på området dei leiger via kommunen, i og med at leigeavtalen med grunneigar går ut om to år. Rådmannen informerte om at Seacamp er klar over at leigeavtalen for området ikkje varer lengre enn dette, og reknar med at dei tek omsyn til det i sitt arbeid. Seacamp har og vore i dialog med grunneigar.

Ordførar låg fram forslag om å lukke møtet i samband med orientering om status i tvistesak. Forslaget om lukking av møtet under denne orienteringa er heimla i Kommuneloven § 31 pkt 4, som seier at eit folkevalgt organ kan vedta å lukke eit møte når omsynet til personvern krev det. Føresegna krev at det må gjerast ei konkret vurdering der omsynet til personvern vert vegd opp mot ålmenta si interesse av å vere til stades under møtet. Formannskapet var samrøystes i at i denne saka veg personvernet tyngst, og at møtet skal lukkast under ordføraren si orientering.