Čoahkkin Kommunestyret 10.12.2020

Behandling

Samrøystes vedteke

Behandling

Samrøytes vedteke

Behandling

Samrøystes vedteke

Behandling

Ordføraren orienterte:

• Datasentersatsing er i gang. Har byrja å jobbe med eit strategidokument som vil bli lagt fram for kommunestyret i februar for handsaming. Dokumentet skal m.a. synleggjere prosessar kommunen må gjennom dersom Modalen ynskjer å gå vidare med planane.

• Det har vore mange saker i kommunestyret som omhandlar ulike samarbeid - saker som kjem frå utsida, kor det er lite handlingsrom for lokale politikarar. Det vart etterspurd kva nytteverdien er for kommunen. Kommunestyret ynskjer ei oversikt og gjennomgang av slike samarbeid i 2021.

• Folkevalgt-dag: den siste dagen i rekka vert lagt til fredag 19. februar, dagen etter første kommunestyre i 2021.

• Nærskule for elevar på Mo. Ein får ekstra poeng for å søkje sine nærskular (eks. spesialskular). Nærskule for elevar i Modalen er Knarvik og Austrheim. Det tyder at elevane stiller bakerst dersom elevar ynskjer å søkje på Voss. Ordføraren tok kontakt med fylket og forklarte at me misser Voss som nærskule. Fylket vil sjå på saka, og det er varsla framlegg i fylkestinget i neste veke. I skrivande stund var ikkje framlegget kjent. Ordførar sender kommunestyremedlemmane ei oppdatering pr. e-post så snart svar/løysing ligg føre.

Samrøystes vedteke

Behandling

Ordføraren ga ei kort orientering om berekraftig forvaltning av vassmiljø, og at dette arbeidet kan gjerast i samarbeid med andre i Osterfjorden vassområde.

Samrøystes vedteke

Behandling

Rådmannen gav ei kort orientering kor mellom anna skilnaden mellom IKT-Nordhordland og DigiVestland vart gjennomgått, og kva funksjonar som ligg til kvar av dei vart trukke fram. I tillegg skisserte han ufordringar innan digitalisering i tida som kjem, og at eit samarbeid i regionen gjev fortrinn.

Samrøystes vedteke

Behandling

Ordføraren gav ei kort orientering.

Anne-Britt Almelid etterspurde om underforbruk på t.d. kultur kan nyttast då det har vore redusert aktivitet på feltet. Rådmannen viste til at næringsfondet er fondsmidlar, medan kulturbudsjettet går av det ordinære driftsbudsjettet. I tertialrapporteringa vart det meldt om overforbruk innanfor t.d. pleie og omsorg - noko som har ført til budsjettjustering.

Sigrunn Birkeland spurde om kor mykje som er tenkt nytta av næringsfondet. Rådmannen viste til at budsjettvedtak for 2020 ligg til grunn.

Linda Neset meinte om at ordninga burde vidareførast.

Håvard Engeseth meinte og at ein burde støtte, men ha ei kritisk tilnærming.

Ass. rådmann viste til at det i tillegg er lyst ut næringsfondsmidlar som er motteke frå fylkeskommunen.

Samrøytes vedteke

Behandling

Ordføraren og rådmannen gav ei kort orientering.

Samrøystes vedteke

Behandling

Rådmannen gav ei kort orientering.

Sigrunn Birkeland opplyste om at kommunestyret har moglegheit til å gjere endringar i framlegget.

Samrøystes vedteke

Behandling

Rådmannen gav ei kort orientering

Samrøystes vedteke

Behandling

Ordføraren og rådmannen orienterte.

Samrøystes vedteke

Behandling

Rådmannen orienterte om ny finansieringsmodell for NUI-samarbeidet. Eksisterande har vore basert på innbyggjartal - og dette har vore til gunst for små kommunar. Kostnaden for Modalen kommune har vore på ca. kr. 35 000,-. Ny modell tilseier 30 % fast og 70 % etter innbyggjartal fordeling, men at det vert satt eit tak på kor stor auke dei minste kommunane skulle få. Ny årleg kostnad for Modalen vert kr 130 000

Samrøystes vedteke

Behandling

Roger Fure var ugild i handsaminga, då han er dagleg leiar COOP Marked Modalen

Anne-Britt Almelid spurde om kvifor det ikkje skal kunne selgast alkohol på røystedagar for kommune- og stortingsval. Ass. rådmann viste til at dette er forankra i rusmiddelpolitisk handlingsplan, men at det ikkje er heimla i lov.

Ann-Jorunn Farestveit viste til at ein burde halde seg til rusmiddelpolitisk handlingsplan slik han vart vedteken i 2020.

Samrøystes vedteke

Behandling

Roger Fure var ugild i saka, då han er dagleg leiar i COOP Marked Øvre Helland

Samrøystes vedteke

Behandling

Økonomisjef Magne Verpelstad orienterte kort om nytt økonomireglement.

Linda Neset spurde om forventningar til handlingsrom i åra framover. Verpelstad viste til at dette omhandlar kor mykje ein er villig til å ta ned av kostnadar på drifta. Prognosane tilseier at det i åra framover er venta reduksjon i inntekter, hovudsakleg gjeld dette eigedomsskatt på kraftanlegg.

Samrøystes vedteke

Behandling

Sigrunn Almelid spurde om møte i kontrollutval og kommunestyret bør komme dag etter dag. Rådmannen svara at administrasjonen ikkje hadde oversikt over planlagde møte i kontrollutvalet når møteplanen vart laga.

11 stemte for framlegget. Sigrunn Almelid stemte ikkje.

Vedtak

1 Modalen kommune sitt budsjett og økonomiplan 2021-2024 vert vedteke med desse endringane i budsjett- og økonomiplandokumentet:

• Nytt ventillasjonsanlegg Modalstunet flyttast frå 2022 til 2021

• Uteområde Mo skule vert lagt til med kr 500 000 i 2021

• Tilrettelegging av bustadareal i området Mo med kr 200 000 i 2023

Finansiering 2021 vert gjort med auka låneopptak kr 800 000 samt mva-kompensasjon.

Kommunestyret ber om at det ikkje vert saldert i matbudsjett til pleie og omsorg.

Kommunestyret ber om at det framleis skal være midlar til kulturminnevern i kulturbudsjettet

2 Eigedomsskatt 2021:

For eigedomsskatteåret 2021 vert det skrive ut eigedomsskatt med heimel i eigedomsskattelova § 3 fyrste ledd bokstav c: «berre på Kraftverk, vindkraftverk, kraftnettet og anlegg omfatta av særskattereglane for petroleum».

Den alminnelege eigedomsskattesatsen i Modalen kommune er 7 promille, jfr eigedomsskattelova § 11 fyrste ledd

Eigedomsskatten for 2021 forfell til betaling i 2 terminar: 31. mars og 30. september, jfr eigedomsskattelova § 25

Klagenemnda for eigedomsskatt har kompetanse til å handsama klager etter § 19 i eigedomsskattelova, jfr § 20 i eigedomsskattelova.

Modalen kommune gjennomførte ny alminneleg taksering I 2019. Dette omfattar i praksis kun kraftnettet, då eigedomsskattegrunnlaget for kraftverk er likningsverdiar frå Skatteetaten.

3 Låneopptak frå Husbanken til vidareformidling vert fastsett til kr 1 500 000 for 2021. Lånet er heimla i kommunelova § 14-17 (Lån til vidare utlån). Rådmannen har fullmakt til å gjennomføre låneopptaket og gjere val av vilkår.

4 Låneopptak til finansiering av investeringar I 2021 vert fastsett til kr 28 540 000. Lånet er heimla I kommunelova § 14—15, fyrste ledd (finansiering av investeringar I varige driftsmidlar som skal eigast av kommunen sjølv). Låneopptaket gjeld nytt nærings- og tenestesenter og andre investeringar. Rådmannen har fullmakt til å gjennomføre låneopptaket og gjere val av vilkår.

5 Betalingssatsar for 2021 vert vedteke I tråd med vedlegget: Modalen kommune – betaling for kommunale tenester 2021.

Behandling

Økonomisjef Magne Verpelstad presenterte forslag til budsjett og økonomiplan 2021 - 2024, inkl. prognosar for inntekter knytt til eigedomsskatt (kraftinntekter).

Ordføraren understreka behovet for å sjå etter auke i inntekter i tillegg til kutt.

Linda Neset spurde om korleis rammene til dei ulike tenestene ikkje er for trange / romslege? Rådmannen peika på behov for å gjennomgå alle tenestene i løpet av våren 2021 for å finne moglege handlingsrom.

Økonomisjefen gjekk gjennom forslag til investeringbudsjett for planperioden. Rådmannen anbefaler at ein reduserer årleg ramme for investeringsnivå frå 5 til 3 mill. Slik kan ein tilpasse økonomien noko i forhold til fondsbruk. Unntaksår vert 2021 grunna investering i nytt nærings- og tenestesenter.

Anne-Britt Almelid etterspurde satsing på turstiar. Rådmannen viste til at det i samband med etablering av dagsturhytte, og vedtak om plassering, så vil det også kunne innebere mogleg opparbeiding av ny sti.

Ann-Jorunn Farestveit: kva inneber det med kutt i mat til institusjon, jfr. saldering i budsjett. Rådmannen viser til at leiarane skal saldere utan at dette skal vere kontroversielt eller ha store konsekvensar. Kommunestyret kan evt. gje signal om at det ikkje skal gjevast reduksjon / dårlegare kvalitet på mattilbodet til eldre på institusjon. Håvard Engeseth støttar Ann-Jorunn Farestveit sitt ynskje om ikkje å kutte i mattilbod til eldre på institusjon.

Inga J Nåmdal: ynskjer vedtak frå kommunastyret om at midlar til kulturminnevern ikkje skal reduserast.

Ordførarar viste til investeringbudsjettet:

• flytte investering av nytt ventilasjonsanlegg frå 2022 til 2021.

• Oppgradering av uteområdet på skuleplassen er ynskt inn på investeringsbudsjettet.

• Ynskje om å leggje inn å tilretteleggje areal for bustadar på Mo.

Håvard Engeseth: Ynskjer inn att oppgradering av skuleplassen allereie i 2021. Ordføraren spurde om administrasjonen hadde innspel. Rådmannen viste til at oppgradering av leikeplass på Øvre Helland er prissatt med konkrete tiltak. På skulen er det ikkje avklara konstnadsbehov. Teknisk sjef Tone S Skuggevik anbefalte å først utarbeide eit skisseprosjekt som kan presenterast for formannskap/kommunestyret. Siren Bruvik: Samd med Håvard Engeseth om å setje i gang snarast. Viktig å drøfte med dei eldste elevane kva dei meiner er behova. Linda Neset: viktig å ta med innspela frå elevane. Ann-Jorunn Farestveit: Viktig å inkludere vellaget på Øvre Helland i utforminga av leikeplass på Øvre Helland slik at tiltak samsvarer med ynskjer og behov hjå dei som skal nytte plassen. Håvard Engeseth ynskjer at det skal avsetjast kr. 500 000,- til planleggings- og oppstartsarbeidet som skal gjerast på skuleplassen. Anne-Britt Almelid: Samd med innspelet frå Håvard Engeseth.

Ordførar: Ynskjer å få inn ei line om tilrettelegging av bustadar på Mo. Viktig å tilretteleggje for personar med ulike bustadpreferansar. Håvard Engeseth: ynskjer at Helland skal sluttførast før ein tek til på Mo. Ein bør ikkje setje sum for tiltak Mo. Inga J. Nåmdal: understreka behov for å leggje til rette for bustadbygging på Mo - bør begynne i 2021. Liv-Anne Aanesen: øvrige leikeplassar som treng oppgradering, er det råd gjere ei budsjettløyving som kan ivareta dette behovet innanfor planperioden. Etterspurde kva som ligg i summar avsatt til VA i åra framover. Rådmannen viste til at det vil vere behov for fortløpande oppgraderingar i åra som kjem.

Ann-Jorunn Farestveit: er leikeutstyr som gjeld barnehagen mogleg å skyve til 2022? Viser til at barnehagen har fått ein del i 2020. Rådmannen viste til at prosjektet ikkje er påbyrja.

Siren Bruvik: Det bør informerast meir om drøfting av kvar ein skal plassere dagsturhytta. Få meir engasjement og kople på barn og unge. Rådmannen viste til at ein kan forlengje frist for innspel til første veka i januar 2021. Håvard Engeseth: viste til at kommunstyrerepr. ikkje treng å komme med sine evt. forslag før handsaminga skjer i kommunestyrebehandlinga. Liv-Anne Aanesen viste til at forslag bør komme i forkant slik at det er grunnlag for å drøfte alle forslaga. Rådmannen ber om at alle forslag kjem inn slilk at desse kan takast med i saksutgreiinga. Ann-Jorunn Farestveit føreslo at alle forslag må komme inn til same dato.

Liv-Anne Aanesen: etterspurde kva som skjer med innspel frå innbyggjar om etablering av treningspark på Mo, og at dette ikkje er ein leikeplass, jfr. drøftinga om oppgradering av leikeplassar/skuleplass. Ordførar oppfatta at tiltaket måtte sjåast i samanheng med sambruk og arbeid knytt til oppgradering på skulen. Anne-Britt Almelid: bør sjå treningsapparat i samband med skulen, men utanfor skuleområdet fordi det då er tilgjangeleg for alle også i skuletida. Siren Bruvik: samd med Anne-Britt Almelid om å plassere t.d. ved sida av idrettsplassen.

Drøfting om Sigrun Birkeland sin habilitet i budsjett 2021 m.o.t. tilskotsum til Mo Sokn. Bakgrunn for spørsmålet er at ho er gift med leiar i Mo Sokn. Ordførar beslutta at ho ikkje var ugild.

Etter gruppemøte tok ordførar tok formannskapet si innstilling til vedtak, med desse tilleggspunkta, opp til votering:

Kommunestyret går for formannskapet si innstilling med desse endringane/tillegga:

• Nytt ventillasjonsanlegg Modalstunet flyttast frå 2022 til 2021

• Uteområde Mo skule vert lagt til med kr 500 000 i 2021

• Tilrettelegging av bustadareal i området Mo med kr 200 000 i 2023

Finansiering 2021 vert gjort med auka låneopptak kr 800 000 samt mva-kompensasjon.

Kommunestyret ber om at det ikkje vert saldert i matbudsjett til pleie og omsorg.

Kommunestyret ber om at det framleis skal være midlar til kulturminnevern i kulturbudsjettet.

Samrøystes vedteke