Møte i Kommunestyret den 18.02.2021

Behandling

Linda Neset; Møteinnkalling var noko sein.

Rådmannen: grunna oppdateringar i kommunen sitt datasystem oppstad det ein feil. Dette skal vere ordna no.

Grunna forfall frå ordførar vart møtet leia av varaordførar Ann-Jorunn Farestveit

Behandling

Samrøystes vedteke

Behandling

Orientering om status frå NAV Fensfjorden v/ Nina Strømsnes og Oddvin Neset. Kommunestyret ynskjer fleire slike orienteringar framover, og særskild om prosjektet om ungdomssatsing.

Skulefagleg ansvarleg Jahn Olav Nordheim orienterte om nærskulematrisa til Vestland fylkeskommune. Kommunestyret bed om at denne saka vert følgd opp fram mot neste høyringsrunde, med mål om at elevane frå Modalen og skal få nærskulepoeng ved Voss vidaregåande skule.

Teknisk sjef orienterte kort om status for nytt kommunehus

• Det vert arbeidd med parkeringløysing i tråd med behov.

Rådmannen orienterte om:

Kommuneoverlege Frøydis Gullbrå har sagt opp stillinga si. Det vert arbeidd med å finne gode løysingar framover.

• Dialog med vikarlege

• Dialog med Masfjorden kommune kor me drøftar moglege hjelp frå deira kommuneoverlege.

Pasienttransportløysinga:

• Dette er pr.d.d. ikkje løyst. Årsak er at tibydar ikkje leverte inn tilbod innan fristen. Helse Bergen vil ta fatt i saka når prosessen med dei som leverte innan fristen er ferdigstilt.

• Den løysinga som i dag gjeld, vert vidareført inntil vidare.

Status for arbeidet med rekneskapet 2020:

• Koronarekneskapen Modalen går i minus

• Går mot overskot totalt sett

Vedtaket i skatteklagenemnde vedr. eigedomsskattegrunnlaget for 2015-2016

• Det vert beslutta å gå til søksmål frå kommunane si side for å avgjere utfall og praksis som skal gjelde.

Samrøystes vedteke

Vedtak

Tilrår plassering av dagsturhytta ved Steinavatnet på Nygard

Behandling

Teknisk sjef, Tone S. Skuggevik, orienterte om saka. Viste til at formannskapet har lagt fram tilråding om å velge Steinavatnet.

Rådmannen viste til at det har kome innspel frå veglaget kor dei ynskjer at kommunen ser på evt. parkeringsutfordringar i området v/ Steinavatnet. Linda Neset peika på at dette ville kunne la seg løyse.

Anne-Britt Almelid understreka at det måtte vere universell tilkomst til dagsturhytta.

Liv-Anne Aanesen støtta plassering ved Steinavtanet.

Håvard Engeseth stetta Steinavatnet grunna flest fordelar samla sett. Viktig å drøfte med grunnleigar dersom det skal etablerast veg.

Rådmannen ba om at ein måtte vurdere å kartleggje/undersøkje før evt. vedtak om universell utforming vert fatta m.a.grunna ukjent kostnadsauke.

Håvard Engeseth la fram forslag om vedtak om å plassere dagsturhytta på Steinavatnet.

Varaordførar la fram Håvard Engeseth sitt framlegg til vedtak til votering

Samrøystes vedteke.

Behandling

Rådmannen orienterte om saka.

Samrøystes vedteke

Behandling

Rådmann og assisterande rådmann orienterte om saka og svara på spørsmål.

Invest in Bergen ved Vidar Totland og Tore Mong var med via Teams og svara på spørsmål.

Samrøystes vedteke

Vedtak

Utsetje saka.

Behandling

Assisterande rådmann orienterte om saka og svara på spørsmål.

Kristin Nåmdal fremja forslag om utsetjing av saka. På grunn av at ungdomsrådet ikkje er vald og konstituert, så har ikkje rådet fått uttale seg i saka. Kommunestyret bed om at ungdomsrådet får saka til uttale før saka kjem tilbake til kommunestyret.

Varaordførar tok utsetjingsforslaget opp til votering. Samrøytes vedteke

Behandling

Ingrid Vatne frå Norconsult presenterte planprogram kommunedelplan for vassforsyning, avlaup og vassmiljø. I tillegg orienterte ho om status for VA i Modalen kommune. Gjekk gjennom høyringsinnspel til planprosessen.

Samrøystes vedteke

Vedtak

Alternativt forslag til vedtak:

008/2021 Avtale Modalen Kraftlag vedkomande konsesjonskraft for 2021 – 2024

Modalen kommune overfører eiga konsesjonskraft til Modalen Kraftlag utan vederlag for den del av forbruket som går til kommunalt forbruk og til private innbyggjarar / kundar og landbruk.

Modalen kommune vidarefører underteikna avtale med Modalen kraftlag om sal av konsesjonskraft for den del som skal vidareseljast til lokalt næringsliv, men med slike endringar som kjem fram nedanfor.

Modalen kommunestyre vedtek slike endringar av underteikna avtale mellom Modalen kommune og Modalen kraftlag om salg av konsesjonskraft:

Pkt 1: Kva avtalen gjeld

Endra frå: Modalen kommune sel i dag si konsesjonskraft til Modalen Kraftlag.

Til: Modalen Kraftlag har gjennom mange år disponert og seld vidare kommunen si konsesjonskraft i Modalen.

Denne avtalen gjeld to områder:

Vidare disponering av den delen av konsesjonskrafta som går til kommunalt forbruk, til private kundar og landbruk.

Sal av den delen av kommunen si konsesjonskraft som Modalen Kraftlag sel vidare til næringslivet i kommunen.

Pkt 4: Kjøpar sine forpliktelsar

Tillegg under kontraktspunkt 4:

Sal til kommunalt forbruk, private innbyggjarar / kundar og landbruk.

Modalen Kraftlag sel vidare konsesjonskrafta til desse kundene til sjølvkost

Sjølvkost vert definert som konsesjonskraftpris + kraftlaget sine kostnadar med sal av krafta. (Måling, avrekning, fakturering, datasystem, personell.)

Sal til næringslivet

Sal til næringslivet i kommunen.

Modalen Kraftlag sel krafta til næringslivet i Modalen kommune til marknadspris.

Marknadsprisen vert regulert av Modalen Kraftlag

Krafta vert kjøpt fra Modalen kommune til konsesjonskraftpris

Overskot og ev. underskot ved salet skal delast likt mellom Modalen Kommune og Modalen Kraftlag

Overskot/underskot vert definert som marknadsprisen – Sjølvkost

Sjølvkost vert definert som konsesjonskraftpris + kraftlaget sine kostnadar med sal av krafta. (Måling, avrekning, fakturering, datasystem, personell.)

Pkt 5: Vederlag

Konsesjonskraftprisen for avtaleperioden vert regulert av myndigheitene årleg. Den er sett til 11.40 øre/kWh i 2021.
Sal til kommunalt forbruk, private innbyggjarar / kunder og landbruk.

Modalen Kraftlag betalar konsesjonkraftpris til Modalen Kommune

Sal til næringslivet

Krafta vert kjøpt frå Modalen kommune til konsesjonskraftpris

Modalen Kraftlag sel krafta til næringslivet i Modalen til marknadspris.

Marknadsprisen vert regulert av Modalen Kraftlag

Overskot og ev. underskot ved salet skal delast likt mellom Modalen kommune og Modalen Kraftlag

Overskot/underskot vert definert som Marknadsprisen – Konsesjonskraftpris +Kraftlaget sin sjølvkost.

Pkt 6: Betaling og misleghald

Endra frå: Betalingsforfall for kvartalsvis oppgjer er den 30. i påfølgjande månad.

Til: Kraftlaget fakturerar kundane for 2 månadars periodar. Betalingsforfall for oppgjer mellom partane i denne avtalen, er 14 dagar etter betalingsfrist for næringslivet.

Behandling

Rådmannen orienterte kort om saka.

Det vart drøfta om det er råd å selge konsesjonskrafta på den opne marknaden i staden for å selge denne til innbyggjarar og verksemder gjennom Modalen Kraftlag. Dette er ein moglegheit for Modalen kommune å vurdere som ei viktig inntektskjelde til kommuneøkonomien.

Varaordførar la fram alternativt framlegg til vedtak til votering. Samrøystes vedteke.