Utval: | Ungdomsrådet |
---|---|
Dato: | 16.03.2023 16:30 - 18:30 |
Møtestad: | Formannskapsrommet, Flodmaal |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste vart godkjent
Møtesekretær og leiar gjekk gjennom korleis dei finn innkalling og kan lese saksdokument på kommunen sine sider, då enkelte syntes dette var vanskeleg.
Møteprotokoll vart godkjend slik den ligg føre
Sakene er tatt til orientering
Status for ungdomslokale:
Møtesekretær gjekk gjennom arbeid som er blitt gjort med ungdomslokale til no, som til dømes innkjøp av møblar og utstyr. Det blei og gått gjennom retningslinjer for bruk av lokalet. Lokalet er klart for bruk måndag 20. mars sjølv om ikkje alt av utstyr eg kome endå.
Namnekonkurranse:
Møtesekretær presenterte idè om ein namnekonkurranse for å gje ungdomslokale eit nytt namn. Per no heiter det "konferanserommet", noko som ikkje passar til den nye bruken. Ungdomsrådet er positiv til forslaget og me ynskjer å nå ut til brukargruppa (8. trinn - vg3) med informasjon slik at dei kan kome med namneforslag. Ungdomsrådet vil vere jury i denne konkurransen. Forslaga som er kome inn kan bli behandla i neste ordinære ungdomsrådsmøte som er torsdag 1. juni.
Status skatepark:
I førre ungdomsrådsmøte (30.11.2022) hadde ungdomsrådet innspel til budsjettet. Dei ynskja å prioritere ein skatepark som var lokalisert på Mo. Denne saka blei tatt opp i kommunestyret og det blei bevilga pengar til dette på budsjettet for 2024. Der heiter det ein aktivitetspark, noko som gjer at det ikkje er avgrensa til skating. I 2023 vil det bli jobba med førebuing og planlegging, men sjølve arbeidet vil ikkje skje før i 2024.
Bowlinganlegg:
Møtesekretær informerte om arbeidet med bowlinganlegget i Bryggjeslottet. Kommunestyret har bestemt at bowlinganlegget skal gjennomgå ei stor oppgradering og det er satt av 1 300 000 kr på budsjettet for 2023 til dette arbeidet.
Ekstra ungdomsrådsmøte:
Assisterande rådmann i kommunen har kome med ei førespurnad om å få ha eit temamøte med ungdomsrådet. Her vil det bli orientert om plan for oppvekst og førebyggjande arbeid. I tillegg vil det vere ei arbeidsøkt der ungdomsrådet kan kome med sine refleksjonar og innspel om sentrale tema og fokus vidare. Ungdomsrådet var positiv til eit slikt møte, men forslått dato kolliderte med ein planlagd skuletur. Møtesekretær og assisterande rådmann kjem med nytt forslag til tidspunkt.
Drøftingssak er tatt til orientering.
Ungdomsrådet tok ein runde på kva som blei gjort i fjor. Konklusjonen var at det var kjekt med grilling, men at det burde vore noko meir opplegg eller aktivitetar ein kunne ta del i.
Forslag til årets Modalsdagar for ungdommane (fredagskveld): Tidsrom 17.00-21/22.00
Grilling (ungdomsrådet handlar inn mat, snacks og brus og organiserer grillinga)
Kanopadling - leige frå Mobryggja (obs. må vere vaksne tilstades)
Badminton eller volleyball (Kan ein låne nettet som står på Hugnastad?)
Quiz - ungdomsrådet kan lage og styre ein quiz. Kjøpe inn premie.
Evt. andre leikar som passar for mange td. mafia.
Ynskjer å ha partytelt og høgtalar (kan bruke den frå ungdomsrommet).
Ungdomsrådet vel Pernille og Olai som delegatar til fylkesting for ungdom.
Obs: Litt utfordring i forhold til avreise på skuletur same helg. Dette må undersøkast nærare.
Leiar gjekk gjennom kva fylkesting for ungdom er. Han kan sjølv ikkje delta, men ynskjer gjerne at andre medlemmer melder seg. Det var fleire som ynskja å reise, og det blei difor avstemming.
Politikar | Medlemstype | E-Post |
---|---|---|
Oliver Trohaug Våge | Utvalsleiar | |
Pernille Trohaug Våge | Nestleiar | |
Ingeborg Romarheim | Medlem | |
Olai Nygard Nese | Medlem | |
Joakim Brügger | Varamedlem | |
Jakob Selmer Langedal | Varamedlem | |
Siren Bruvik Øvre-Helland | siren.ovrehelland@modalen.kommune.no | |
Agnes Midtun (Ikke møtt) | Medlem | |
Magnus Hrafn Jakobsen (Ikke møtt) | Medlem |