Innkalling og sakliste vert godkjent
Rådmann orienterte om prosess for revidering av lønnspolitisk retningslinje; denne er i drøftingsfase med hovudtillitsvalde no, og er planlagt handsama i førstkomande møte i administrasjonstvalet og i kommunestyremøtet i mars.
Møteprotokoll vert godkjend slik den ligg føre
Samrøystes vedteke
Referatsaker vert tekne til orientering.
Medlem i kontrollutvalet, Sigrunn Almelid Birkeland, orienterte kort om spørjeundersøking til kommunestyremedlem knytt til pågåande forvaltningrevisjon.
Samrøystes vedteke
Sakene vert tekne til orientering
Ordførar orienterte om:
Status i sak om nærskuleprinsipp
Vestland fylkeskommune har vedteke forslag til fylkestinget om dispensasjon for inneverande skuleår om nærskulepoeng for elevar i Modalen kommune, samt til fast endring om inntaksordning/nærskulepoeng for elevar frå Modalen kommune.
Status for fylkesvegar i Modalen kommune
Flaumsikring; sikringstiltak ved Hugnadstad vil starte opp i løpet av 2023. Sikringstiltak ved Neset er meir omfattande og det er planlagt å starte opp i 2024.
Fylkesveg 569; Trafikkteljing vert sett opp i løpet av våren på fylkesvegen for å gje eit godt vurderingsgrunnlag for behov for tiltak.
Rådmann orienterte kort om oppfølging i etterkant av ulukka i Bryggjeslottet.
Samrøystes vedteke
Kommunestyret i Modalen kommune støttar regjeringa gjer endringar i energilova og plan- og bygningslova knytt til vindkraft på land.
I høyringsnotatet vert det føreslått at NVE skal få ein utvida mynde i planhandsaminga, til å leggja planforslag ut på høyring og offentleg ettersyn etter pbl sin § 3-7. Planprosessen og konsesjonsprosessen vil dermed kunna gå parallelt fram til vedtak i regi av NVE, men det vert ikkje foreslått andre formelle krav til samordning, enn at planvedtaket må treffast før det kan gjevast konsesjon.
Modalen kommune meiner at det å leggja planframlegg ut på høyring er eit viktig institutt som bør vera underlagt lokaldemokratisk mynde (av lokale folkevalde), og ikkje eit embetsverk langt unna kommunane. Av den grunn rår ein frå at denne mynden knytt til plan- og bygningslova vert gjeve til NVE.
Ordførar orienterte om bakgrunn for høyringsnotatet og forslaget til endringar i energilova og plan- og bygningslova.
Det ble stilt spørsmål til korleis endringa vil kunne få konsekvens for kommunen. Ordførar og rådmann orienterte om at endringa som er foreslått vil gje kommunane ei større grad av mynde til å handsame denne type saker; kommunane går frå å vere ei høyringspart til ein rolle der kommunestyret kan sakshandsame dette.
Samrøystes vedteke
Kommunestyret i Modalen vedtek å busette inntil 20 flyktningar i 2023.
Rådmann orienterte om bakgrunn for forslag til vedtak.
Samrøystes vedteke
Kommunestyret i Modalen vedtek å ta i bruk kommune-TV løysing for direktesending av kommunestyremøte og publisering av sendingane i etterkant av møta.
Opptak av møta skal arkiverast i 6 månader etter møtedato.
Løysinga skal takast i bruk frå og med mai 2023.
Rådmann orienterte nærare om løysinga og rammer for strøyming av politiske møter. Kommunestyret kan sjølv vurdere retningslinjer som t.d. legg føringar for kor lenge opptaka skal ligge tilgjengeleg på nett.
Kommunestyret drøfta ulike innspel;
- forslag til at ein tek i bruk grunnmodulen, og ikkje den utvida tekniske løysinga som også ligg som moglegheit
- forslag til at ein utsetter handsaming av saka til neste valperiode, grunna kort tid igjen av noverande kommunestyreperiode.
Kommunestyret voterte over nytt forslag til vedtak frå Ann Jorunn Farestveit om utsetting av saka til etter kommunevalet 2023.
Forslag til vedtak fall med 5 stemmer for; Ann-Jorunn Farestveit, Sigrunn Almelid Birkeland, Håvard Engeseth, Robert Helland og Knut Farestveit.
Kommunestyret vorterte over nytt forslag til vedtak frå Kjetil Eikefet om strøyming av politiske møter.
Forslaget vann med 7 stemmer for; Kjetil Eikefet, Ove Eidsnes, Marit Kristin Nygard Nese, Anne Britt Almelid, Jannike Surland Våge, Liv Anne Aanensen og Siren Bruvik Øvre Helland.
Modalen kommune vedtek å gje tilskot og lån til kjøp av bygningsmassen "uni-bygget" på Øvre -Helland. Det vert gjeve 600 000 kr i tilskot og 250 000 kr i lån.
Det vert i tillegg gjort føljande budsjettjustering: -auka tilskot frå næringsfondet kr 1,5 millionar finansiert ved bruk av disp.fond/næringsfond
Ordførar orienterte innleiingsvis om ugildskap knytt til handsaming av saka.
Kommunestyremedlem Anne Britt Almelid og Håvard Engeseth er ugild og trådte ut av saka.
Varamedlemer Ingeborg Børve og Karianne Neset Nygard deltok i handsaming av denne saka.
Ordførar orienterte om bakgrunn for saka og søknaden. Rådmann orienterte kort om status for tilgjengelege midlar i næringsfondet og bakgrunn for tilrådinga om å vurdere budsjettjustering for næringsfondet i 2023.
Kommunestyret drøfta saka, og det kom mellom anna innspel om:
- eit eigarskap av næringsbygg gjennom Modalen Næringsbygg AS (MNB) vil vere positivt for Modalen kommune
- vedtak om budsjettjustering bør vurderast som eiga sak
- kommunestyret er i prosess for å revidere strategisk næringsplan
- det er ikkje synleggjort forventa inntekter til MNB i søknaden.
Styreleiar Harald Kjensli i MNB blei invitert opp på talarstolen for å orientere kort om planane for bygget ved eit eventuelt kjøp.
Listene hadde gruppemøte frå 13.10 - 13.30.
Listene oppsummerte kort om innspela dei drøfta; i hovudsak om kommunestyret skal innvilge søknadssummen i tilskot, lån eller ei deling.
Kommunestyrt voterte om kommunestyret skal drøfte fram eit felles forslag eller om ein skal legge inn to forslag slik ein drøfta i gruppemøta. Fleirtalet stemte for at det vert utforma to forslag til vedtak som går til votering.
Representantar frå listene utforma forslag til vedtak frå listene.
Det vart lagt inn 2 forslag til vedtak frå Ann Jorunn Farestveit og Liv Anne Aanensen.
Kommunestyret vorterte om forslag frå Ann Jorunn Farestveit om innvilging av tilskot og lån.
Forslaget vann med 10 stemmer for. Ove Eidsnes og Marit Kristin Nygars Nese røysta mot.
Framlegget til Liv Anne Aanensen fall med to stemmer for: Ove Eidsnes og Marit Kristin Nygard Nese
Kommunestyret i Modalen vedtek høyringsuttale for Regional plan for fornybar energi 2023-2035 slik den ligg føre
Vedteke med 11 røyster. Sigrunn Almelid Birkeland røysta mot.
Rådmannen tilrår at dei 250 000 som vart løyvde (Ks. sak 027/22 - 16.06.22.) til å engasjera konsulent for å hjelpa Modalen kommune i arbeidet med å gjennomføra reguleringsendring på gnr. 76 bnr. 99, vert omdisponert til å etablera ei «minikonkurranse» som kan kome kommunen i møte på behov og ynskje for nye bueiningar på Kyrkjelydstomta.
Rådmann orienterte nærare om saka og bakgrunn for forslag til vetak om omdipondering av løyvde midlar til prosess om reguleringsendring på kyrkjelydtomta på Mo.
Det er avklart at det ikkje er naudsynt med ein omregulering av tomta då dette er eit mindre tiltak, og at denne kan handsamast som ein disposisjonssak. Det er derfor forslag til at ein nyttar løyvde midlar til "minikonkurranse" for å møte behova og ynskje for nye bueiningar på Kyrkjelydstomta.
Det kom innspel i kommunestyret om at kommunestyret bør involverast i vurderinga av målgruppa for bueiningar på Kyrkjelydtomta. Det vart påpeika at det var feil sum i framlegg til vedtak, med ein 0 for mykje. Dette vart retta opp i vedtaket.
Samrøystes vedteke
Kommunestyret i Modalen gjer med dette vedtak om at assisterande rådmann Tonje Husum Aarland vert tildelt mynde til å gjennomføre borgarlege vigslar i Modalen kommune.
Ordførar orienterte om kven som er vigslarar i Modalen kommun og tidlegare vedtak kring dette.
Samrøystes vedteke
Kommunestyret vedtek at Modalen kommune søkjer medlemskap i Bergen og Omland Friluftsråd - BOF
Ordførar orienterte om Bergen og Omland Friluftsråd (BOF) og bakgrunn for forslag til vedtak om medlemskap.
Medlemskap i BOF vil kunne gje mange moglegheiter for samarbeid både kommunen og frivillig lag- og organisasjonar. Medlemskommuane betalar ein årleg fast sum per innbyggar i kontigent, og prognosen for 2023 er kr 24 per innbyggjar. Medlemskommunar har ein kontaktperson opp mot BOF og koordinering av eventuelle tiltak vil skje i koordinering med kommunen. Medlemskontigentet dekker noko basistenester, t.d. henting av boss ved strandrydding. Ved større tiltak må ein rekne kostnader utover medlemskontigent.
Samrøystes vedteke
Politihkar | Bellodat | Lahttošládja | E-poasta |
---|---|---|---|
Kjetil Eikefet | Samlingslista | Ordførar | kjetileikefet@hotmail.com |
Ann-Jorunn Farestveit | Solrenningslista | Varaordførar | ann-jorunn-f@hotmail.com |
Anne Britt Almelid | Samlingslista | Medlem | annebritt.almelid@gmail.com |
Liv Anne Aanesen | Samlingslista | Medlem | aktiv.i.modalen@gmail.com |
Marit Kristin Nese | Samlingslista | Medlem | maritnese@hotmail.no |
Ove Eidsnes | Samlingslista | Medlem | ove.eidsnes@eviny.no |
Håvard Engeseth | Solrenningslista | Medlem | h_engeseth@hotmail.com |
Sigrunn Almelid Birkeland | Solrenningslista | Medlem | sigrunn.almelidb@gmail.com |
Robert Helland | Solrenningslista | Medlem | robhelland@gmail.com |
Jannike Surland Våge | Samlingslista | Varamedlem | jannikesurland@gmail.com |
Ingeborg Børve | Samlingslista | Varamedlem | |
Siren Bruvik Øvre Helland | Samlingslista | Varamedlem | siren.bruvik@modalen.kommune.no |
Karianne Neset Nygard | Solrenningslista | Varamedlem | karianne.nygard@hotmail.com |
Knut Farestveit | Solrenningslista | Varamedlem | |
Roger Wilhelm Fure (Ii boahtán) | Samlingslista | Medlem | modalen.marked@coop.no |
Kristin Nåmdal (Ii boahtán) | Samlingslista | Medlem | kristin.namdal@alver.kommune.no |
Linda Neset (Ii boahtán) | Solrenningslista | Medlem | linda.neset@modalen.kommune.no |
Ole Kristian Øvre Helland (Ii boahtán) | Solrenningslista | Medlem | okovreh@gmail.com |