Utval: | Kommunestyret |
---|---|
Dato: | 15.12.2022 09:00 - 15:00 |
Møtestad: | Kommunestyresalen Flodmaal |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste vert godkjent
Samrøystes vedteke
Møteprotokoll vert godkjend slik den ligg føre
Samrøystes vedteke
Referatsaker vert tekne til orientering.
Samrøystes vedteke
Sakene vert tekne til orientering
Vedtak i sak OR 048/2022.1
Kommunestyret i Modalen stiller seg bak krava i brevet som FAU har sendt på vegne av foreldre ved Mo skule.
Kommunestyret oppmodar Vestland fylke til å gjere ei ny vurdering slik at elevar frå Modalen kommune skal kunne få nærskulepoeng på Voss VGS, Voss gymnas og skulane i Bergen.
Bakgrunnen for at kommunestyre ber om dette er:
• Nærskuleprinsippet skal sikra elevar skuleplass i nærleiken av der dei bur. For små utkantkommunar som Modalen er ikkje dette mogeleg pga. geografi. Slik nærskuleområda er delt inn gjev det elevane i Modalen i realiteten berre eitt val; Knarvik. Dette er ein vesentleg reduksjon i skuletilbodet til våre ungdommar og ein uheldig konsekvens av eit prinsipp som skal komma elevane til gode.
• Fråfall i vidaregåande skule er eit problem, og det å bu på hybel vekke frå familie og nettverk vil gjere overgangen krevjande for våre ungdommar. Dei aller fleste av våre elevar flyttar på hybel når dei byrjar på vidaregåande skule. Det har vore avgjerande for skulevalet kvar eleven har nettverket sitt. Det er krevjande for både elev og føresette når ein 15-åring skal flytte for seg sjølv. Mange av elevane har gode nettverk i områda Bergen og Voss, og dette er då naturlege stader å busetje seg.
• Vi ser det som ein risiko at heile familiar flyttar frå kommunen når ein ungdom skal byrje vidaregåande utdanning. Dette fordi ein ikkje ynskjer at sonen/dottera bur på hybel ein stad der 15-åringen deira ikkje har eit etablert nettverk.
• Systemet for nærskuleprinsnipp i Modalen slår uheldig ut på individnivå, noko som kan skape samfunnsmessige ringverknadar med omsyn til fråfall i skulen.
• I gjennomsnitt vil det vere om lag 5 avgangselevar frå Mo skule per år. Dette vil ikkje utgjere særleg forskjell for desse områda, men vil utgjere ein vesentleg forskjell for våre elevar.
Ordførar orienterte kort om brevet om nærskuleprinsippet frå FAU. Dersom brevet ikkje vert teke til følgje, ønskjer kommunestyret å følgje dette opp i eiga sak. Kommunestyret drøfta ordlyden og tilleggspunkt i vedtaket, som vart samrøystes vedteke.
Ass. rådmann orienterte om status busetting av flyktningar, samt ny anmoding frå Imdi om busetting for 2023. Det vert lagt fram sak for kommunestyret om dette på første møte i kommunestyret i 2023.
Rådmann orienterte om interkommunal avtale om legevaktssamarbeid og prosess for utarbeiding av ny avtale med ny kostadsfordeling. Den nye avtalen vil medføre ei kostnadsendring for Modalen kommune. Det vil kome sak om den nye avtalen på første møte i kommunestyret i 2023.
Innspel frå kommunestyret om kollektivtransport og framtidig fokus på dette. Det er ei oppfordring om å ta dette vidare med tilbydarar i kollektivtransporten og involvere ungdomsrådet i prosessen.
Samrøystes vedteke
1 Modalen kommune sitt budsjett og økonomiplan 2023-2026 vert vedteke slik det ligg føre i tråd med budsjett og økonomiplandokumentet.
2 Eigedomsskatt 2023: For eigedomsskatteåret 2023 vert det skrive ut eigedomsskatt med heimel i eigedomsskattelova § 3 fyrste ledd bokstav c: «berre på kraftverk, vindkraftverk og anlegg omfatta av særskattereglane for petroleum».
Den alminnelege eigedomsskattesatsen i Modalen kommune er 7 promille, jfr eigedomsskattelova § 11 fyrste ledd.
Eigedomsskatten for 2023 forfell til betaling i 2 terminar: 31. mars og 30. september, jfr eigedomsskattelova § 25.
Klagenemnda for eigedomsskatt har kompetanse til å handsame klager etter § 19 i eigedomsskattelova, jfr § 20 i eigedomsskattelova.
Modalen kommune gjennomførte ny alminneleg taksering i 2019. Dette omfattar kraftnettet, då eigedomsskattegrunnlaget for kraftverk er likningsverdiar frå Skatteetaten.
3 Låneopptak frå Husbanken til vidareformidling vert fastsett til kr 2 500 000 for 2023. Lånet er heimla i kommunelova § 14-17 (Lån til vidare utlån). Rådmannen har fullmakt til å gjennomføre låneopptaket og gjere val av vilkår.
4 Betalingssatsar for 2023 vert vedteke i tråd med vedlegget: Modalen kommune – betaling for kommunale tenester 2023.
5 I løpet av 2023 skal Modalen kommune tilby fleksible fakturerings- og betalingsterminar for kommunale eigedomsgebyr. Kundane skal kunne velge mellom:
• Halvårleg betaling (slik som idag) = 2 betalingsterminar pr år
• Årleg betaling = 1 betalingstermin pr år
• Månadleg betaling = 12 betalingsterminar pr år
• Kvartalsvis btaling = 4 betalingsterminar pr år
Tillegg/endringar:
Småinvesteringar:
Kr 70 000 vert sett av til innkjøp til ungdomslokale.
Investeringsbudsjett:
Kr 200 000 i 2024 til aktivitetspark. Saka skal utgreiast i 2023
Kr 100 000 i 2024 til BUA-prosjekt. Saka utgreiast i 2023
Betalingssatsar:
Leige av brannstasjonen inn med same satsar som konferanserom.
Leige av lift vert lagt inn med dagens satsar.
Barnehage:
Betalingssats full plass kr 2400 f.o.m 1/1-2023
Deltidsplass kr 1440 f.o.m 1/1-2023 (60% av full plass)
Satsar for ekstraplass (kr 401) og for sein henting (kr 229) pr.dag, vert uendra.
Økonomisjef Magne Verpelstad orienterte om budsjett og økonomiplan 2023 - 2026, med særleg fokus på:
Økonomiske rammer for dei førstkomande åra
Finansielle måltal; driftsesultat på min. 3 % av samla driftsinntekt, lånegjeld på maks 60 % av samla driftsinntekt, og min. 10 % i disposisjonsfond av samla driftsinntekt.
Skatt og rammetilskot, utvikling av eigedomsskatt, finanspostar
Utvikling av lånegjeld
Gjennomførte salderingar
Førebels budsjett med områda for 2023
Løyvingsoversikt drift
Økonomiplan 2024 - 2026.
Teknisk sjef Tone Selmer Skuggevik orienterte nærare om investeringsoversyn for 2023 - 2026.
Kommunestyret ga innspel til at det kan vere behov for retningsliner for bruk av ladepunkt for el-bil, og oppfordrar administrasjonen til å sjå nærare på dette i samband med investeringar i nye ladepunkt.
Det var vidare drøfta innspel frå ungdomsrådet om tilrettelegging av areal for ungdommar med inventar som innbyr til sosial aktivitet. Det var drøfta eksisterande areal som kan tilpassast, og dette vil følgjast opp av administrasjonen i 2023. Det vil vere naturleg å legge inn kostnader til utstyr og inventar til eit lokale for ungdommar under småinvesteringar som er del av driftsbudsjettet.
Økonomsjef Magne Verelstad orienterte vidare om betalingssatsar for 2023 og oversyn over utvikling av desse dei siste åra.
Kommunestyret stilte spørsmål og fekk svar undervegs i saka om detaljar knytt til budsjett og økonomiplan.
Kommunestyret drøfta forslag til tillegg knytt til småinvesteringar, investeringar og betalingssatsar.
Forslag til tillegg:
Småinvestering
- 70 000,- til utvikling av areal for ungdom i 2023
Investering
- 200 000,- til utvikling av aktivitetspark for ungdom i 2024
- 100 000,- til utvikling og etablering av BUA (eller tilsvarande) i 2024
Betalingssatsar
- Utleige av møterom på brannstasjonen
- Utleige av lift (teknisk utstyr)
- Barnehage; redusering av fastpris
Andre innspel
- Trafikktiltak; oppfordring om henvending frå vel-laget til teknisk om vurdering av risiko og aktuelle tiltak
Samrøystes vedteke
Modalen kommune oppmodar representantskapet og styret i NGIR å gjere vedtak i saka om organisering av NGIR IKS på bakgrunn av følgjande konklusjonar:
Det opprettast eit AS, med ansvar for næringsavfall, organisert under NGIR IKS
Utfordringar knytt til fordeling av felles kostnader mellom sjølvkostområde og næringsområde vert å løyse gjennom interne rutinar og internrekneskapen.
Rådmann orienterte nærare om bakgrunn for forslaget til vedtak og vurderingar gjort i interkommunale fora om dette.
Samrøystes vedteke
Kommunestyret i Modalen er kritisk til Inntektssystemutvalet sitt forslag og stiller seg bak samtlege punkt i Naturressurskommunane sin høyringsuttale.
Modalen kommune vil leggje ekstra vekt på desse punkta:
Utvalet grip inn i den kommunale retten til beskatning og fridomen til dette ved å utjamne mellom alle kommunar nokre, men ikkje alle kommunane sine eigedomsskatteinntekter. Forslaget rammar på den måten at eigedomsskatteinntekter kjem kommunar som ikkje har innført eigedomsskatt til gode. Dette meinar Modalen kommune er urimeleg.
Auka produksjon av fornybar kraft vil skje i distriktskommunar rundt i heile landet, i form av vass- og vindkraft, om kommunane sjølve er positive til det. Eventuell auke i produksjonen vil føre til enda fleire og til dels alvorlege arealinngrep i verdifull natur. Utvalet sitt forslag vil svekke lovbestemte ordningar, som i mange generasjonar har sikra distriktskommunar erstatning, for tap av eigne naturverdiar, og det vil seinke eller stoppe opp tiltak for å auke produksjon av fornybar energi.
Vasskraftkommunar i heile Noreg har gitt frå seg verdifulle naturressursar og har måtte tåle store irreversible naturinngrep i verdifull og urørt natur. Slik har vasskraftkommunane tilført storsamfunnet store verdiar i form av nok kraft og sikker forsyning. Kommunane dette gjeld har sagt ja til evigvarande inngrep mot eit lovbestemt vederlag, blant anna rett til konsesjonskraft. Modalen kommune vil understreke at konsesjonskraft er ein kompensasjon for avståing av naturressursar og ikkje ei skatteinntekt.
Utvalet behandlar vertskommuneinntekter og eigarinntekter ulikt. Modalen kommune meinar dette er urimeleg. Eigarinntekter skal ikkje utjamnast fordi at desse inntektene kjem frå eigars val og disposisjonar, og inntektene varierer frå år til år. Modalen kommune meinar det same gjeld for kommunar som har valgt å seie ja til arealinngrep og nedbygging av natur, då det er vertskommunens val og konsesjonsinntektene varierer frå år til år.
Utvalet set til sides viktige prinsipp om lokale kraftinntekter og frivillig eigedomsskatt. Modalen kommune meinar dette skapar usikkerheit, det vert vanskelegare å trekke inntekter inn i økonomiplan og til slutt vil motstanden koma mot nye, grøne utbyggingar som er viktig med tanke på å nå klima- og miljømål.
Modalen kommune støttar synet om at naturressursinntektene ikkje kan sjåast på som ordinære skatteinntekter, eller være jamnstelte med desse i samanheng med ei inntektsutjamning.
Eigedomsskatten og inntektene frå denne har vore ein av føresetnadane for at kommunane har sagt ja til naturinngrep. Ei omfordeling av eigedomsskatteinntekter frå kraftanlegg, vindkraft og petroleumsanlegg er ei omfordeling av den viktigaste skatteinntekta for distriktskommunar. Når då eigedomsskatt for bustader, fritidseigedom og næringseigedom vert halden utanfor utvalet sitt forslag, støttar Modalen kommune synet om at dette er urimeleg.
Modalen kommune støttar synet og er sterkt imot forslaget om å omfordele 10% av kommunane sine eigedomsskatteinntekter frå kraftanlegg, vindkraft, kraftnettet og anlegg omfatta av særskattereglar for petroleum. Me kan ikkje sjå kva som er grunnlag for utjamning av eigedomsskatteinntekter frå kraftnettet til alle kommunar i Noreg, då alle kommunar har eit kraftnett innanfor sine kommunegrenser.
Ordførar orienterte om bakgrunn for forslag til høyringsuttalen som ligg i forslag til vedtak.
Samrøystes vedteke
Kommunestyret vedtek framlegg til møteplan for våren 2023 slik den ligg føre
Samrøystes vedteke
Kommunestyret vel Karianne Neset Nygard som nytt varamedlem til kontrollutvalet
Samrøystes vedteke
Coop Modalen SA, org. nr. 954 053 679, får løyve til å selje alkohol (gruppe 1: inntil 4,7 % alkoholinnhald, jf. vedtak om salsløyve for perioden 10.12.20 – 30.09.24) med teknologiløysinga som vert brukt i dette konseptet slik søknaden med vedlegg grunngjev, også i tida når butikken er ubemanna, i ein prøveperiode på om lag 2 år: frå 01.01.2023 – 30.09.2024.
Ordførar orienterte kort om bakgrunn for saka og hovudpunkta i søknaden.
Roger Fure er dagleg leiar i Coop Modalen og ugild i handsaming av saka.
Kristin Nåmdal er sambuar med styreleiar i Coop Modalen og ugild i handsaming av saka.
Vararepresentantane Siren Bruvik Øvre Helland og Marwan Al Waka kom inn for Roger Fure og Kristin Nåmdal.
Samrøystes vedteke
Følgjande vert valt som representantar til Modalen ungdomsråd for 2 år:
Medlem: | Oliver Trohaug Våge | 1 vgs |
Medlem: | Gaute Lundekvam | 10 kl. |
Medlem: | Magnus Hrafn Jakobsen | 10. kl. |
Medlem: | Pernille Trohaug Våge | 9. kl. |
Medlem: | Olai Nygard Nese | 9. kl. |
Varamedlem: | Agnes Midtun | 10. kl. |
Varamedlem: | Ingeborg Romarheim | 9. kl. |
Samrøystes vedteke
Politikar | Parti | Medlemstype | E-Post |
---|---|---|---|
Kjetil Eikefet | Samlingslista | Ordførar | kjetileikefet@hotmail.com |
Ann-Jorunn Farestveit | Solrenningslista | Varaordførar | ann-jorunn-f@hotmail.com |
Roger Wilhelm Fure | Samlingslista | Medlem | modalen.marked@coop.no |
Anne Britt Almelid | Samlingslista | Medlem | annebritt.almelid@gmail.com |
Kristin Nåmdal | Samlingslista | Medlem | kristin.namdal@alver.kommune.no |
Liv Anne Aanesen | Samlingslista | Medlem | aktiv.i.modalen@gmail.com |
Ove Eidsnes | Samlingslista | Medlem | ove.eidsnes@eviny.no |
Marit Kristin Nese | Samlingslista | Medlem | maritnese@hotmail.no |
Håvard Engeseth | Solrenningslista | Medlem | h_engeseth@hotmail.com |
Sigrunn Almelid Birkeland | Solrenningslista | Medlem | sigrunn.almelidb@gmail.com |
Siren Bruvik Øvre Helland | Samlingslista | Varamedlem | siren.bruvik@modalen.kommune.no |
Marwan Al Waka | Samlingslista | Varamedlem | m.alwaka@yahoo.com |
Nathalia Osmo Yndestad | Solrenningslista | Varamedlem | nato_1996@hotmail.com |
Petter Benjamin Arnesen | Solrenningslista | Varamedlem | petter@unimicro.no |
Knut Farestveit | Solrenningslista | Varamedlem | |
Robert Helland (Ikke møtt) | Solrenningslista | Medlem | robhelland@gmail.com |
Linda Neset (Ikke møtt) | Solrenningslista | Medlem | linda.neset@modalen.kommune.no |
Ole Kristian Øvre Helland (Ikke møtt) | Solrenningslista | Medlem | okovreh@gmail.com |