Utval: | Kommunestyret |
---|---|
Dato: | 11.06.2020 09:00 - 15:30 |
Møtestad: | Kommunehuset/Samfunnshuset |
Status: | Møtet er ferdig protokollert |
Sakskart: | |
Møteprotokoll: |
Samrøystes vedteke
Samrøystes vedteke
Samrøystes vedteke
Sakene vert tekne til orientering
Kommunestyret i Modalen gjev ordførar fullmakt til å svare på høyringsnotat frå Vestland fylkeskommune om persontransportløysingar ved vegstengingar
Samrøystes vedteke
Økonomisjef Magne Verpelstad orienterte og svara på spørsmål.
Revisjonsleiar Janne Erstad orienterte om at regneskapen er godkjent med nokre få mindre punkt til oppfølging.
Samrøystes vedteke
Kommunestyret vedtek å rive eksisterande kommunehus og byggje eitnytt nærings- og tenestesenter på same tomt i Mo sentrum. Kommunestyret vel alternativ 2– som har ein tilleggsdel med utleige til næringslivet.Modalen kommune inngår kontrakt med totalentreprenør Lars Jønsson AS som hadde det rimlegaste tilbodet i anbodskonkurransen.Byggefasen vil ha oppstart hausten 2020 og fedigstillast hausten 2021.Kommunestyret løyver ei totalramme til prosjektet på kr. 60 800000,- inkl. mva.Kommunestyret vedtek låneopptak på kr. 42 000 000,-.
Håvard Engeset og Linda Neset var beslutta ugilde og trakk seg attende frå kommunestyret. Nathalie Yndestad og Knut Farestveit tok plass.
Ordføraren har undersøkt med KS-advokat om han kan vere ugild. Rådet frå Ks var at det var han ikkje. Ordførar ba om at kommunestyret gav evt. uttrykk for om han skulle besluttast ugild. Ordførar trødde til sides medan Inga J Nåmdal tok plass. Varaordførar leia avstemminga om ordførar var ugild. Avstemming: ingen stemmer for at ordføraren var ugild, og han tok på nytt sete i kommunestyret medan Nåmdal trødde til sides.
Jannike Neset (dagleg leiar) og Ivar Bergo frå Uni Micro AS haldt ei orientering om verksemda si for kommunestyret.
Ann-Jorunn Farestveit spurde om det var planar for bygget på Øvre Helland etter evt. innflytting i nytt bygg på Mo. Uni Micro AS hadde ikkje lagt planar for dette. Dei opplyste at dei var leigetakarar i noverande bygg. Kristin Nåmdal gav yttrykk for at kommunen sette pris på Uni Micro AS som verksemd og representant for Modalen. Rådmann understreka den gode prosessen i samarbeidet med Uni Micro AS fram til sakshandsaminga i kommunestyret i dag. Ole Kristian Øvre Helland spurde om Modalen Næringsbygg AS hadde planar for bygget på Øvre Helland etter evt utflytting. Ordførar meldte at det ville bli ei eiga sak i samand med handsaming av eigarskapsmeldinga til hausten. Ann-Jorunn Farestveit spurde om Uni Micro AS hadde tankar om storleik på det nye lokalet på Mo. Bergo svara at dei var nøgde med den løysinga som ligg føre.
Teknisk sjef Tone S. Skuggevik og prosjektleiar Steinar Barmen (Forum arkitekter) presenterte bakgrunn og planar for nytt nærings- og tenestesenter. Ole K. Ø. Helland spurde m det var tatt høgde for tilstrekkeleg parkeringsareal i samband med utvida byggskisse. Barmen viste til utomhusplan kor første rad på noverande parkeringsplass forsvinn (ca. 5 oppstillingsplassar). Det er ikkje avklara løysing per d.d. Dette vert arbeida inn i fortsetjinga av prosjektet. Barmen viste til at det er gjort ei undersøking av grunnforholda med omsyn til bygging. Rapporten tilseier at dette ikkje skal vere problematisk. Ole K. Ø. Helland: skal det byggjast nytt bygg utan takutstikk - korleis sikre at vatn renn dit det skal. Barmen viste til at dette er sikra av utførande arktiekt som har teikna bygget. Roger Fure spurde om prisen som er gjeven av L. Jønsson er korrekt / kvalitetssikra med bakgrunn av spreiinga i tilboda. Barmen viste til tidlegare erfaring med Jønsson, samt møter med verksemda, og at ingenting tyder på at ikkje prisen står seg gjennom prosjektet.
Økonomisjef Magne Verpelstad orienterte om finansieringsplan og øvrige økonomiske forhold ved prosjektet. Ole K. Ø. Helland spør om konsekvensar dersom Uni Micro AS trekk seg ut etter 5 år. Verpelstad viste til at det ville innebere bortfall av leigeinntekt vist til i saksdokumenta. Anne-Britt Almelid etterspør om goder innbyggjarane har vil forsvinne dersom nytt bygg vert vedteke bygd - om økonomien strammar seg til i for stor grad. Verpelstad viste til at det kan bli stramare drift - vist til i budsjett, men at det er politikarane i Modalen som avgjer prioriteringar framover. Liv Anne Aanesen etterspør føringar for miljøaspektet m.a. restverdiar i bygg som skal rivast, gjenbruk m.m. Skuggevik orienterte om at det har vore gjort vurderingar av materialar i bygg som skal rivast, og at det er totalentrepenør sitt ansvar. Dette kan takast med inn i styringsgruppa. Ole K. Ø. Helland spør om konsekvensar ved evt. bortfall av kraftinntekter. Verpelstad viser til at bortfall vil påverke økonomien. Sigrunn A. Birkeland spør om intensjonsavtale med Uni Micro AS som har varigheit på 5 år, og at det vil finansiere tilsvarande sum. Rådmannen viste til at det er vanskeleg å binde verksemder for meir enn 5 år, og at Uni Micro AS i møter med kommunen har gjeve uttrykk for at dette er ei langsiktig satsing frå deira side, men at det er risiko i budsjettet. Roger Fure etterspør om det er råd å byggje med solpanel på taket. Skuggevik tek innspelet med vidare for drøfting i styringsgruppa.
Debatt:
Anne-Britt Almelid haldt innlegg til støtte for bygging av nytt bygg. Ho peika på kva modalssamfunnet har fått til med kraftpengane, og oppmoda alle om å stemme for. Ann-Jorunn Farestveit haldt innlegg kor ho viste til at nybygg ville redusere handlingsrommet til kommunen. I tillegg at bygget Uni Micro AS i dag nyttar vil stå tomt under Modalen næringsbygg AS sin eigarskap. Ordføraren haldt innlegg kor prosjektet vart satt i samanheng med satsing på nye arbeidsplassar - eit samla næringsliv. Roger Fure viste til at det bygget ein har i dag ikkje tilfredsstiller krav i dag, eller for framtida. Ba om at teknisk sjef orienterte. Skuggevik viste til TEK 17 (tekn. forskrift) og m.a. universell utforming, ventilasjon, arbeidsmiljøomsyn, fuktskader. I tillegg at dette skal vere eit bygg for heile bygda for ulike samanhengar. Rådmannen la til at universel tilkomst også innbefattar innbyggjarane sine høve til å nytte / få tilgang til bygget. Ordførar viste til at kommunestyret har arbeidsgjevaransvaret for tilsette i administrasjonen, og at dette ansvaret skal ein vere medvite. Anne-Britt Almelid etterspurde kostnadsoverslag for rehabilitering av dagens bygg. Skuggevik viste til tilstandsrapport frå COWI nokre år tilbake at anbefalinga var at det var lite lønsomt å rehabilitere framfor nybygg. Kristin Nåmdal etterspurde kva Ann-Jorunn Farestveit ynskte som løysing dersom ho ikkje ynskte nybygg. Ann-Jorunn Farestveit ville komme attende til dette i alternativt forslag til vedtak. Nåmdal holdt støtteinnlegg for nybygg. Ove Eidsnes holdt støtteinnlegg for nybygg, og ba om at det vart halde gruppemøte omgåande slik at evt. alternative framlegg til vedtak kunne drøftast.
Det var halde gruppemøte i Solrenningslista.
Solrenningslista la fram 2 alternative forslag til vedtak.
Ole K. Ø. Helland haldt innlegg kor han var bekymra for at det no skulle byggjast nytt lokale for Uni Micro AS når det allereie har blitt kosta eit lokale (noverande).
Nathalia Yndestad var bekymra for dei eldre som i fortsetjinga kanskje ikkje fekk ha nærbutikk på Øvre Helland.
Roger Fure understreka at COOP Modalen ikkje hadde planar for å leggje ned avdelinga på Øvre Helland. Dessutan problematiserte han at Uni Micro AS berre hadde leigeavtale for 2 år fram i tid, og kva som kan bli situasjonen etter det.
Ordføraren tok dei ulike framlegga til vedtak opp til votering:
- alt. 1 frå Ann-Jorunn Farestveit: Modalen kommune vedtek å ikkje gå vidare med Modalen nærings-og tenestesenter. Styringsgruppa arbeider vidare med alternativ til eit enklare bygg for å nærma seg ramma på 40 mill.
-5 stemmer for: Ann-Jorunn Farestveit, Ole Kristian Øvre Helland, Nathalia Yndestad, Knut Farestveit og Robert Helland.
Framlegget til Ann-Jorunn Farestveit fekk ikkje fleirtal, og dei to andre alternativa til vedtak vart sett opp mot kvarandre
- alt. 2. frå Sigrun A. Birkeland:
Kommunestyret vel alternativ 1 som har ein mindre utleigedel til næringslivet. Modalen kommune inngår kontarkt med totalentrepenør Lars Jørnsson AS og ferdigstillast hausten 2021. Kommunestyret løyver ei totalramme til prosjektet på Investeringsutgifter på kr. 55 034 756.
- 6 stemmer for: Ann-Jorunn Farestveit, Ole Kristian Øvre Helland, Nathalia Yndestad, Knut Farestveit, Sigrun Almelid Birkeland og Robert Helland
- alternativet frå administrasjonen/formannskapet i saksframlegget - 7 stemmer for: Kjetil Eikefet, Anne Britt Almelid, Liv Anne Aanensen, Kristin Nåmdal, Roger Fure, Marit Kristin Nese og Ove Eidsnes
Framlegget frå administrasjonen vart vedteke med 7 mot 6 stemmer.
Økonomisjef Magne Verpelstad orienterte og svara på spørsmål.
Vedtaket i sak 23, Mo nærings- og tenestesenter, tilseier at det må vedtakast tilleggslåneopptak. Verpelstad la fram framlegg til vedtak frå administrasjonen.
Revisjonsleiar Janne Erstad orienterte om at regneskapen er godkjent med nokre få mindre punkt til oppfølging.
Vedteke mot to røyster: Ole Kristian Øvre Helland og Sigrunn Almelid Birkeland
Samrøystes vedteke
Samrøystes vedteke
Assisterande rådmann Ove Sæbø orienterte kort om saka, og svara på spørsmål.
Samrøystes vedteke.
Kommunestyret vedtek framlegg til møteplan for hausten 2020 med dei endringsforslaga som kom fram i møtet.
Samrøystes vedteke
Assisterande rådmann orienterte kort om saka.
Samrøystes vedteke
Politikar | Parti | Medlemstype | E-Post |
---|---|---|---|
Kjetil Eikefet | Samlingslista | Ordførar | kjetileikefet@hotmail.com |
Ann-Jorunn Farestveit | Solrenningslista | Varaordførar | ann-jorunn-f@hotmail.com |
Roger Wilhelm Fure | Samlingslista | Medlem | modalen.marked@coop.no |
Anne Britt Almelid | Samlingslista | Medlem | annebritt.almelid@gmail.com |
Kristin Nåmdal | Samlingslista | Medlem | kristin.namdal@alver.kommune.no |
Liv Anne Aanesen | Samlingslista | Medlem | aktiv.i.modalen@gmail.com |
Marit Kristin Nese | Samlingslista | Medlem | maritnese@hotmail.no |
Ove Eidsnes | Samlingslista | Medlem | ove.eidsnes@eviny.no |
Linda Neset | Solrenningslista | Medlem | linda.neset@modalen.kommune.no |
Håvard Engeseth | Solrenningslista | Medlem | h_engeseth@hotmail.com |
Ole Kristian Øvre Helland | Solrenningslista | Medlem | okovreh@gmail.com |
Sigrunn Almelid Birkeland | Solrenningslista | Medlem | sigrunn.almelidb@gmail.com |
Robert Helland | Solrenningslista | Medlem | robhelland@gmail.com |
Inga Jorunn Nåmdal | Samlingslista | Varamedlem | inga.jorunn@icloud.com |
Nathalia Osmo Yndestad | Solrenningslista | Varamedlem | nato_1996@hotmail.com |
Knut Farestveit | Solrenningslista | Varamedlem |