Møte i Næringsfondsstyret den 29.08.2023

Vedtak

Innkalling og sakliste vert godkjent

Behandling

Samrøystes vedteke

Vedtak

Møteprotokoll vert godkjend slik den ligg føre

Behandling

Samrøystes vedteke

Vedtak

Sakene vert tekne til orientering

Behandling

Ass. rådmann orienterte om status for arbeidet med revidering av strategisk næringsplan. Det er mellom anna utarbeida skjema for rapportering av tilskot/lån frå næringsfondet som vert sendt ut til alle mottakarar. Det er vidare vurdert i gor stor grad ein ønsker å endra på noverande plan, og arbeidsgruppa ser vidare på koblinga mellom strategisk næringsplan, retningslinja for særskilde tiltak for landbruket og vedtektene for næringsfondet.

Det er vurdert å skyve på framdriftsplanen og legge opp til politisk handsaming av planen til neste valperiode, slik at revidert strategisk næringsplan får forankring og eigarskap i kommunestyret for den komande perioden.

Vedtak

Modalen kommune løyver kr. 74 500,- i tilskot frå næringsfondet til IGold Peykov til etablering av nettbutikk.

Følgjande vilkår gjeld for vedtaket:

1. Tilskot skal nyttast i tråd med søknad m/vedlegg.

2. Tilskotet vert utbetalt på grunnlag av medgåtte dokumenterte kostnader. Før utbetaling skal mottakar ha levert inn dokumentasjon eller rekneskap som er spesifisert i samsvar med stønad og vedtak.

3. Utbetaling må skje innan 1 år frå vedtaksdato. Dersom det er behov for forlenging kan dette søkjast om innan fristen.

4. Tilskot løyvd frå næringsfondet vert nedskrive over 5 år. Ved sal av varige driftsmiddel/verksemd/tilskotsgrunnlag før dette tidsrommet er ute, kan kommunen krevje tilbakebetaling i høve den tida som er gått. Tilskotsmottakar pliktar på førehand å gje melding til kommunen om sal eller bruksendring i dette tidsrommet.

5. Tilskotsmottakarar skal rapportere til Modalen kommune om bruk og nyttegevinstar av tilskotet. Rapportering skal skje innan 1 år etter motteke tilskot.

6. Det er ein føresetnad at tiltakshavar har forretningsadresse i Modalen kommune.

Behandling

Næringsfondsstyret drøfta søknaden og tilskotsramma. Det er vurdert at tiltaket faller innunder kategori 3 som gjev samla stønad inntil 50 % av kostnadene knytt til etableringa.