Utvalg: | Formannskapet |
---|---|
Dato: | 29.03.2023 13:00 - 17:00 |
Møtested: | Heradsstyresalen - Rådhuset Lonevåg |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste vert godkjent.
Ordføraren varsla sak om 250-meterskogen til sak 022/23.
Hjalti H. Gislason, H, varsla to spørsmål til sak 022/23 om eigarskapstilhøve på Tysse Kai og om rapportering på inversteringsprosjekt.
Ragnar Tyssebotn, FRP, varsla to spørsmål til sak 022/23 om landbruk og parkeringsplassen på Valestrand.
------------------------
Det var ingen merknader til innkalling og saksliste
Møteprotokoll frå 15.02.2023 vert godkjend.
Det var ingen merknader til møtebok
Referatsakene vert tekne til vitande.
Det var ingen merknader til referatsakene
Osterøy kommune set i gang prosjektet med utskifting av varmeanlegg på Osterøytunet til bergvarmeanlegg med borehol og varmepumpe snarast, og med ei ferdigstilling innan fristen som er gitt frå Husbanken.
Det må gjerast ei vurdering på om anlegget også skal dimensjonerast for også å levera varme til Opro AS, eller om dei skal ha sitt eige anlegg.
Endeleg finansiering kjem rådmannen attende til når det er henta inn prisar.
Etter prosjektet er fullført ynskjer formannskapet eige sak på neste steg rundt energieffektivisering på Osterøytunet. Solfangarar/solcelle og andre løysingar skal vurderast.
Ragnar Tyssebotn, FRP, satte fram slikt tilleggsframlegg:
"Rådmannen sitt framlegg vert vedteke med følgande tillegg: For å kunne hente ut ytterlegare potensiale for enegribesparing for Osterøytunet og evetuelt sal av energi skal adminisyrasjonen førebu sak for formannskap og heradsstyret der solveller og solfangarutstyr vert vurdert og utgreia. Oppgradering av flisanlegg bør og vurderast og inngå i utgreiinga, alternativt med flistørkingsanlegg i tillegg.
Grunngjeving:
Det er svært positivt at denne saka kjem opp. Me ser at dette vil kunne gje eit innsparingspotensiale på sikt og at dette er eit bra tiltak for å kutte kommunen sine samla energikostnader. I mange slike tilfeller er det likevel fornuftig å kombinere bergvarme med andre energikjelder som til dømes solfangarutstyr for å kunne nytte solenergi på sommarhalvåret, og vedlikehalde bertemperaturen på dagar med overproduksjon. Ved kun bruk av bergvarme til fjellet etter hvart kunne fryse til, og ein får då ei dårlegare virkningsgrad på anlegget enn det som ein kunne hatt emd kombinasjonsanlegg. Solveller har vist seg å være ei fornuftig investering på fleire kommunale bygg, og difor bør dette og vurderast. Me legg og til at det bør vurderast oppgradering av fyranlegget. Dette anlegget har tent kommunen bra i mange år, og er modent for utskiftning. Denne teknologien er vorte utvikla bra mykje sidan anlegget vart sett i drift, og det er godt mogleg at dette kan gje ei økonomisk og teneleg løysing for framtida. Alle forslaga må vurderast opp mot framtidig tilknytning til Omsorg Pluss prosjektet."
Hjalti H. Gislason, H, satte fram slikt endringsframlegg:
"Punkt 2 vert endra til: Anlegget skal dimensjonerast for også å levera varme til Opro AS."
Ordføraren satte fram slikt tilleggsframlegg:
"Etter prosjektet er fullført ynskjer formannskapet eige sak på neste steg rundt energieffektivisering på Osterøytunet. Solfangarar/solcelle og andre løysingar skal vurderast."
AVRØYSTING:
Hjalti H. Gislason, H, sitt endringsframlegget fall - 4 røyster (2H, 2FRP) mot 5 røyster (3SP, 1AP, 1KRF)
Ragnar Tyssebotn, FRP, sitt tilleggsframlegg fall - 3 røyster (1H, 2FRP) mot 6 røyster (1H, 3SP, 1AP, 1KRF)
Ordføraren sitt tilleggsframlegg vert vedteke - samrøystes
Rådmannen sitt framlegg vert vedteke - samrøystes
Retningslinjene vert vedteke slik dei ligg føre
Formannskapet ønskjer å invitere Osterøy integrerings- og læringssenter (OIL) til neste formannskapsmøte for orientering om handteringen av flyktningar.
:
Samrøystes vedteke
I medhald av alkohollova §§ 1-4a og b, 1-6, 1-7, 1-7a, 1-7b, 1-7c, 4-2 og 4-4 vert det gitt skjenkeløyve for alkoholhaldig drikk, gruppe 1 og 2 for Kleiveland Gard 1.etg “Fjøset”.
Løyvehavar: Kleiveland Gard, org.nr915 633 935.
Dagleg leiar: Erling Kleiveland, f. 23.07.45
Styrar: Erling Kleiveland.
Stedfortredar Ingfrid Andersen, f. 02.03.50 vert godkjende.
Type verksemd: Selskapslokale/gardsturisme/servering
Skjenketid alkohol gruppe 1 og 2:kl. 08.00 – kl. 01.00.
Løyveperiode: 12.04.2023 – 30.09.2024.
AVRØYSTING:
Samrøystes vedteke
Osterøy formannskap ber Osterøy kommune om å avklara grunneigartilhøve i området på Tysse som er avgrensa av elva i vest, Tyssevika (fjorden) i nord, fylkesvegen i sør, og bygning nummer 175950206 i aust.
Ordføraren stilte slikt spørsmål til formannskapet: Er formannskapet for at kommunen gjer ein tilsvarande avtale med Valestrand Grendalag slik ein gjorde på "Neset" på Bruvik med Bruvik Grendalag.
Formannskapet ga samrøystes aksept til å inngå ein slik avtale. Det vart ikkje gjort noko vedtak i saka.
------------------------------------------------------------
Hjalti H. Gislason, H, satte fram slikt spørsmål:
"Osterøy formannskap ber om løpande rapportering på pågåande investeringsprosjekt med samla budsjett over 5 millionar. Rapporteringa skal vere som meldingssak og ta seg føre framdrift og utgifter i høve vedteke budsjett. Ved oppstart av prosjekt og ved særskilde tilhøve eller avvik vil formannskapet ønskje ei munnleg orientering i byjinga av møte."
Rådmannen ga slikt svar:
Det vert ordna med løpande rapportering på alle inversteringsprosjekta i kommunen, uavhengig av prosektstorleik. Denne rapporten vert gitt som ein meldingssak til formannskapet kvart møte framover.
------------------------------------------------------------
Hjalti H. Gislason, H, satte fram slikt framlegg:
"Osterøy formannskap ber Osterøy kommune om å avklara grunneigartilhøve i området på Tysse som er avgrensa av elva i vest, Tyssevika (fjorden) i nord, fylkesvegen i sør, og bygning nummer 175950206 i aust."
AVRØYSTING:
Hjalti H. Gislason sitt framlegg vart samrøystes vedteke
------------------------------------------------------------
Ragnar Tyssebotn, FRP, hadde slik merknad:
"Når no landbrukskontoret manglar mannskap har det synt seg vanskeleg å få tak i kvalifisert personell. Me veit og at det er utfordrande på eit så lite kontor å få dekka fagkompetanse på alle spesialområda som dette kontoret skal handsame med eit svært begrensa mannskap. I formannskapsmøte i januar vart det teke til orde for å forsøke å få til eit interkommunalt samarbeid i landbruk, skog og viltsaker. Rådmannen opplyste seinare til Heradstyret at det var vurdert slik at me måtte lyse ut sjølve. I førre planmøte opplyste rådmannen at det var vanskeleg å få tak i kvalifisert personell og fristen måtte utvidast. Ein opplyser og at i Junimøtet i fjor, gjorde planutvalet vedtak om at det skulle hentast inn kompetanse på vilt og skogforvalting fordi det var trong for å styrke kompetansen på felta. Rådmannen bør difor straks gå i dialog med nabokommunane om å få til eit interkommunalt samarbeid eller vertskommunesamarbeid på heile landbruks, vilt og skogforvaltinga.
Kan rådmannen undersøkje om det er mogleg å få til eit vertskommunesamarbeid eller interkommunalt samarbeid vedrørande landbruk, skog og viltsaker i første omgang med nabokommune/kommunar. Det bør og undersøkast om heile eller deler av dette kan kjøpast frå anna kommune."
--------------------------------------------------------------
Ragnar Tyssebotn, FRP, hadde slikt spørsmål:
Kan rådmannen unnskylde for feilinformasjon som har vorte gitt i saka om busslomma på Valestrand.
Rådmanen ga slikt svar:
Eg meiner at eg har informert rett i saka. Eg kan ikkje uttale meg noko meir i denne saka før det er avklart om den går rett til retten. Dette etter råd frå vår advokat. Eg håper at formannsapet vil ha forståing for og respektere dette.
Politiker | Parti | Medlemstype | E-Post |
---|---|---|---|
Lars Fjeldstad | Senterpartiet | Ordførar | lars.fjeldstad@osteroy.kommune.no |
Hjalti Heimir Gislason | Høgre | Varaordførar | hjalti.heimir@gmail.com |
Rita Aud Tveiten | Arbeidarpartiet | Medlem | rita@ritatveiten.no |
Ragnar Tyssebotn | Framstegspartiet | Medlem | rag-tys@online.no |
Siren Tyssebotn | Framstegspartiet | Medlem | styssebotn@hotmail.com |
Berit Moslett Borge | Høgre | Medlem | berit-moslett-borge@hotmail.com |
Jarle Skeidsvoll | Kristeleg Folkeparti | Medlem | jarle@skeidsvoll.no |
Turid Bjørndal Njåstad | Senterpartiet | Medlem | turidbn@gmail.com |
Johannes Haugland | Senterpartiet | Varamedlem | johannes.haugland@hotmail.com |
Alexander Thunestvedt (Ikke møtt) | Arbeidarpartiet | Medlem | alexanderth@live.no |