Møte i Heradsstyret den 07.12.2016

Behandling

Det var ikkje merknader til innkalling og saksliste.

Vedtak

Møtebok frå 02.11.16 vert godkjend med slik retting som vedteke i møtet.

Behandling

Rita Tveiten, AP, viste til heradsstyret si handsaming av Detaljregulering Gloppemyra Næring - Hauge, planID 12532014003 og hadde slik merknad: "I protokollen står det at framlegg til vedtak vart fremja på vegner av V, MDG, KRF, H og SP. Framlegget vart fremja av Kjersti I. Vevatne, V, og vart samrøystes vedteke, og protokollen må rettast i samsvar med dette."

---------------------------------------------

Med denne rettinga vart protokoll frå møtet 02.11.16 godkjend.

Vedtak

"Referatsakene vert tekne til vitande med slikt tillegg i ht. melding nr. 5: Det vert sett opp minst 8 møte for heradsstyret i 2017."

Behandling

Melding nr. 2

Jon F. blichfeldt, MDG, gjorde slikt framlegg: "Osterøy kommune meiner at klimalova bør inkludere element som kan hjelpe kommunene å løfte klima opp på dagsorden i planarbeidet: 

1)     Klimalova bør lovfeste at kommunar skal vise klimakonsekvensar av sin kommuneplan ved å styrke Plan- og bygningslova til å verte eit klimaverktøy .

2)     Klimalova bør lovfeste at kvar kommune bør innføre eit klimabudsjett for å tallfeste korleis kommunebudsjettet bidreg til å nå dei fastsette klimamål ein finn i lokale og nasjonale planar.

3)     Klimalova bør stadfeste at offentlege innkjøp skal fremje klima- og miljøvennlege løysningar.

4)    For at kommunane skal klare å setje klimaplanlegging på dagsorden, vil me råda til at staten øyremerker penger til gjennomføring av klimaplanlegging på kommunalt nivå.

AVRØYSTING

Framlegget fall med 15 røyster (8AP, 6FRP, 1H) mot 12 røyster (2MDG, 2SP,1V,4KRF,3H)

------------------------------------------------

Melding nr. 5

Johannes Bysheim, AP, gjorde slikt framlegg: "Det vert sett opp minst 8 møte for heradsstyret i 2017."

AVRØYSTING

Framlegget vart samrøysts vedteke.

-----------------------------------------------

Det vart ikkje gjort andre vedtak i tilknyting til meldingane.

Vedtak

«Osterøy kommune opprettheld tidlegare vedtak om namnet Vevleheiane. Kommunen har ikkje merknader til at Krossneset vert vald som namn (tidlegare Sauvikneset), jfr. kartvedlegg.

Kommunen viser til tidlegare vedtak om å nytta –a –ending i naturnamn som endar på vik, jfr. H-sak 037/16.

Av omsyn til svarfristen vert vedtaket vert gjort i medhald av § 2.5 i Reglement for delegering av mynde på politisk nivå (utvida mynde i hastesaker).»

Behandling

Det var ikkje merknader til formannskapet sitt vedtak.

Vedtak

"Saka vert teken til orientering. Det vert vist til vedtak i samband med handsaming av budsjettet for 2017. "

Behandling

AVRØYSTING

Rådmannen sitt framlegg vart samrøystes vedteke.

Vedtak

” Årsbudsjettet for 2017 med investeringsplan vert vedteke på grunnlag av rådmannen si saksutgreiing til formannskapet, med slike driftsrammer:

1. Alle kommunale avgifter, gebyr, betalingssatsar og vederlag vert auka med 3 % frå 01.01.17 med mindre anna er nemnd særskild i budsjettpremissane, dette vedtaket eller andre reglar som fylgjer av lov eller føresegn.

2. Med verknad frå 01.01.2017 vert gebyr- og avgiftssatsane innan sjølvkostområda endra/fastsett som følgjer:

   - årsavgift for avlaup, Reduksjon 20 %
   - årsavgift for vatn, Reduksjon 20 %
   - årsavgift for feiing, Auke 5 %
   - årsavgift for slam, Uendra

3. Tilkoplingsgebyra for vatn- og avlaup vert ikkje endra.

4. Gebyrsatsane for tekniske forvaltningstenester vert endra slik:

5.

17.3 Kontroll av avløpsanlegg (ureiningslova kap 7 og ureiningsforskrifta § 12-2)

6. Renovasjonsgebyr.

a. Osterøy kommune vedtek at BIR Privat AS får delegert fullmakt til fakturering og innkrevjing av renovasjonsgebyret på vegne av Osterøy kommune, jfr § 12 i Forskrift om handtering av hushaldningsavfall. Renovasjonsgebyret tilhøyrer Osterøy kommune.

b. Osterøy kommune vedtek renovasjonsgebyr i tråd med vedlagte oversikt over tenester og pristabellar.Prisen på renovasjonstenesta for 2017 vert uendra. Beløpet for ein minimumskunde vert kr 1546,20 for 12 tømmingar, 6 tømmingar pr halvår + eit tillegg på kr 26,60 pr restavfallstømming utover dette + kommunalt påslag kr 12 + bossnettpåslag kr 153,30 pr bueining.

Alle prisar er eksklusiv meirverdiavgift

7. Satsane for foreldrebetaling i barnehage vert halde i samsvar med statlege føringar i statsbudsjettet (maksimalpris).

8. Satsane for betaling i musikk- og kulturskulen vert halde uendra.

9. Satsane for Skulefritidsordning (SFO) vert endra slik:

Foreldrebetaling: 2016 2017

• Mindre enn 9 timar veke kr. 1.395 kr 1395

• 9-15 timar veke kr. 1.935 kr 1695

• Meir enn 15 timar veke kr. 2.680 kr 1995

10. Husleige i kommunale bygg for løpande avtalar vert auka tilsvarande endringa i konsumprisindeks sidan siste regulering, så langt anna ikkje følgjer av tidlegare vedtak i heradsstyret eller lov/føresegn.

11. Låneopptak (nye lån) til finansiering av investeringsprosjekt budsjettert i 2017 vert kr 49,85 millionar.

12. Låneopptak til formidlingslån (Husbanken) vert sett til kr 4 millionar

13. Heradsstyret vedtek gjeldande låneportefølje for Osterøy kommune som følgjer som vedlegg til saka. Alle låna i portefølja kan verte refinansiert i 2016 og 2017. Rådmannen står fritt til å betale budsjetterte avdrag på dei låna han finn det føremålstenleg, uavhengig av opprinneleg vedtak.

14. Skatteøyret for skatt til kommunen på inntekt og eige for år 2017 vert sett lik maksimalsatsen Stortinget vedtek i statsbudsjettet for 2017.

15. Eigedomsskatt vert vidareført på alle eigedomar i Osterøy kommune for 2017.

a. Eigedomsskattesatsen vert sett til 7 promille (lova sin maksimalsats).

Eigedomsskattesatsen for bustad- og fritidseigedomar vert sett til 3,15 promille, jfr. eigedomsskattelova paragraf 12 bokstav a.

b. Botnfrådrag for bustaddelen på eigedomar vert sett til kr 0.

c. Eigedomsskatten for 2017 forfell til betaling i 3 terminar: 31.03, 31.07 og 30.11, jfr. eigedomsskattelova paragraf 25.

d. Ny alminneleg taksering skal gjennomførast for budsjettåret 2017, jfr. e-skattelova paragraf 8 A-3.

e. Det vert teke i bruk formuesverdiar frå Skatteetaten som grunnlag for eigedomsskattegrunnlaget for bustadeigedomar der slike verdiar ligg føre

f. Klagenemnda for eigedomsskatt får kompetanse til å handsama klager etter paragraf 19 i eigedoms-skattelova, jfr. paragraf 20 i eigedomsskattelova.

16. Saker som kan medføra endring av dei vedtekne budsjettrammene skal leggjast fram for formannskap/heradsstyre til avgjerd før tiltak vert sett i verk.

17. Rådmannen har framleis fullmakt til å gjera unntak i særskilde høve.

18. Budsjettoverskridingar skal dekkast innan eige budsjettområde.

19. Budsjettramma til Kyrkjeleg Fellesråd vert sett til kr 5,1 millionar inkl kommunal tenesteyting.

20. Endringar vedtekne i heradsstyret (i h.t. rådmannen sitt framlegg):

Investeringsbudsjettet for 2017, jfr. oversyn frå rådmannen, vart vedteke med slike endringar/tillegg: "Oppgradering rådhuskantina kr 100 000 og ferdigstilling av tilleggsregulering Bruvik bustadfelt kr 150 000.

Generelt:

Ordføraren får fullmakt til å godkjenna budsjettframlegg med tekstdel før offentleg utlegging, samt språkmessige og formmessige endringar og innarbeiding av vedtak i teksten.

Behandling

Til møtet vart følgjande dokument delte ut:

Frå økonomisjefen - epost av 06.12.16 vedlagt notat om tillegg i framlegg til gebyrsatsar, pkt. 17.3 Kontroll av avlaupsanlegg (ureiningslova kap. 7 og ureiningsforskrifta § 12-2)

Frå Høgre epost av 05.12.16 vedlagt framlegg til budsjett 2017

Uttale frå Rådet for menneske med nedsett funksjonsevne

------------------------------------------------------

Hjalti Gislason, H, gjorde slikt framlegg: "Osterøy Høgre fremjar rådmannen sitt opphavlege forslag til budsjett men utan å auke beløpet kommunen krev inn i eigedomsskatt.
Disposisjonsfond -1.934.000
Fjerning av assisterande rådsmannsstilling -1.166.000
Fjerning av prisreduksjon SFO -600.000
Vidareføring av opningstid av legevakta på Osterøy +200.000
Til saman: -3.500.000
Gitt økonomisjefen sine døme i HS 089/16 tyder dette at eigedomsskattesatsen på Osterøy i 2017 vert om lag 2,5 promille."

Lars Fjeldstad, SP, gjorde på vegner av SP, MDG, V og KRF slikt framlegg: "Ny alminneleg taksering av alle eigedomar på Osterøy vert fullført i 2016, og kommunen sitt grunnlag for eigedomsskatt vil auke i 2017. Med utgangspunkt i dette, legg KrF, Sp, MDG og V til grunn ein auke i inntekt frå eigedomsskatt med 10 mill. kr samanlikna med 2016, dvs. 6,5 mill. meir enn det som ligg i rådmannen sitt framlegg til budsjett. Dette samsvarar med ein skattesats på 3,95 promille etter ny taksering.
Sektor for helse, omsorg og sosial: Auka rammeløyving på 3,1 mill. kr. Rammeløyvinga skal styrke grunnbemanninga i sektoren og mellom anna sikre tilbodet i Kroken og tilbodet om legetenester på ettermiddag ved Lonevåg legesenter.
Sektor for oppvekst, utdanning og kultur: Auka rammeløyving på 550.000 kr. Rammeløyvinga skal sikre vidareføring av 2 lærarstillingar ved Osterøy ungdomsskule.
Sektor for miljø og teknikk: Auka rammeløyving på 1,0 mill. kr. Rammeløyvinga øyremerkast
vedlikehald av kommunale bygg.
Rådmannen med rammeløyving: Auka rammeløyving på 1,35 mill. kr. Rammeløyvinga skal nyttast til nye lærlingplassar (600.000 kr, HOS prioritert), styrking av Planavdelinga til innkjøp av eksterne tenester (ref. Planstrategi) (500.000 kr), innkjøp av teknisk utstyr til overføring (streaming) av alle politiske møter (50.000 kr) og diverse utgreiingsarbeid (eigarskapstrategi, "eldrehagen" på Hauge, ferjesambandet).
Sentrale postar: Auka overføring til eigarskapsstrategi på 500.000 kr. Denne summen er tenkt nytta som økonomisk buffer for barnevernet - om dette skulle vera naudsynt. Investeringsbudsjettet: Auka investeringsramme med følgande:
1. Vidareføre oppgradering av kantina på rådhuset - 100.000 kr
2. Ladepunkt for elbilar - 400.000 kr."

Johannes Bysheim, AP, gjorde slikt framlegg på vegner av AP og FRP: "Endringar i h.t. rådmannen sitt framlegg.

Alf T. Mortensen, FRP, gjorde på vegner av FRP og AP slikt framlegg: "Merknad til budsjettet: I budsjettet er det lagt inn kr 410000 til styrking av fysioterapitilbodet. Dette er meint som midlar til kjøp av ein ekstra heimel hjå Osterøy fysioterapi."

-----------------------------------------------------

Det vart halde pause i drøftingane frå kl. 19.05 - kl. 19.15 med gruppemøte for H.

-----------------------------------------------------

Alf T. Mortensen, FRP, gjorde slikt framlegg: "Rådmannen sitt framlegg til investeringsbudsjett vert vedteke med følgande endringar:1: til ferdigstilling av vedteken kommunal veg frå Kleiveland til Stokken vert ferdigstilt. Kommunen tingar med oppsitjarar om avtale om drift og vedlikehald innanfor dei rammer som er tillete. Til dette arbeidet set heradstyret av kr 500 000.
2: Til ferdigstilling av tilleggsregulering av Bruvik Bustadfelt vert det sett av kroner 150 000."

-----------------------------------------------------

Det vart halde pause i drøftingane frå kl. 20.00 - kl. 20.10 med gruppemøte for AP

----------------------------------------------------

Alf T. Mortensen, FRP, gjorde slikt framlegg i h.t. investeringsbudsjettet: "Låneramme vert auka tilsvarande eventuelle vedtekne tilleggspunkt."

Ordføraren gjorde slikt framlegg: "Auke i investeringsramma vert finansiert ved auka låneopptak."

AVRØYSTING

Høgre sitt framlegg - 4 røyster (4H)

KRF, SP, V og MDG sitt framlegg - 9 røyster (4KRF,2SP,1V,2MDG)

AP/FRP sitt framlegg - 14 røyster (8AP, 6FRP)

------------------------------------------------------

Investeringsbudsjettet:

KRF/V/SP og MDG sitt framlegg om

ladepunkt for elbilar - fall med 18 røyster (8AP,4H,6FRP)

mot 9 røyster (2MDG,1V,4KRF,2SP)

oppgradering rådhuskantina - vedteke med 20 røyster (4KRF,2MDG,2SP,1V,8AP,3H)

mot 7 røyster (6FRP,1H)

Framlegg frå FRP

Veg til Stokken - fall med 21 røyster (8AP,4H,4KRF,2MDG,2SP,1V)

mot 6 røyster (6FRP)

Tilleggsregulering Bruvik bustadfelt - vedteke med 22 røyster mot 5 røyster

------------------------------------------------------------

Vedtak

"Ordføraren får i oppgåve å gå i dialog med reiselivslaget på Osterøy, Industrilaget og eventuelt andre bidragsytarar for å kartlegge kor stort bidrag dei kan yte i arbeidet. Deretter kjem saka attende for ny handsaming."

Behandling

Ordføraren gjorde slikt framlegg: "1. Kommunestyret vedtek å organisera reiselivet i regionen ved å inngå ein samarbeidsavtale mellom Region Bergen Reiseliv og kommunane i Nordhordland (Austrheim, Fedje, Lindås, Masfjorden, Meland, Modalen, Osterøy og Radøy) representert ved Nordhordland Utviklingsselskap IKS.
2. Kommunestyret vedtek å gje årleg tilskot til Region Bergen Reiseliv i tråd med forslag til forretningsplan og saksgrunnlaget, med ein grunnsum på kr 20 000,- pr. år og i tillegg kr 14 pr. innbyggjar i 2017 og justert i samsvar med prisindeksen dei komande åra.
3. Samarbeidsavtale vert utarbeidd av Region Bergen Reiseliv og Nordhordland Utviklingsselskap IKS med grunnlag i forretningsplanen og vedtaka i kommunestyra. Samarbeidsavtalen vil bli lagt fram for kommunane før endeleg signering.
4. Denne avtalen gjeld frå 01.01.2017. Avtalen kan ikkje seiast opp i tidsrommet 01.01.2017 til 31.12.2019 utan at vesentlege føresetnader i denne avtalen vert brotne. Etter dette er det eit års oppseiingstid. Oppseiinga må skje seinast 31.12 året før.
5. Kommunestyret ser det som viktig med tydeleg nærvær lokalt. Region Bergen Reiseliv må vidareføre og styrke samarbeidet med lokale reiselivsaktørar og Nordhordland Utviklingsselskap IKS. Region Bergen Reiseliv rapportar årleg til Nordhordland Utviklingsselskap IKS og kommunane.
6. Kommunane i Region Nordhordland og kommunane Fjell, Sund og Øygarden får ein representant i styret i Region Bergen Reiseliv."

Framlegget vart trekt før avrøysting.

Alf T. Mortensen, FRP, gjorde slikt framlegg: "Ordføraren får i oppgåve å gå i dialog med reiselivslaget på Osterøy, Industrilaget og eventuelt andre bidragsytarar for å kartlegge kor stort bidrag dei kan yte i arbeidet. Deretter kjem saka attende for ny handsaming."

AVRØYSTING

Alternativ avrøysting

Formannskapet sitt framlegg - 0 røyster

Alf T. Mortensen sitt framlegg - samrøystes

Vedtak

"Gjeldande finansreglement for Osterøy kommune vert vidareført slik det ligg føre."

Behandling

Til møtet vart følgjande dokument delte ut

Frå økonomisjefen - epost av 05.12.16 med vedlegg, herunder fråsegn frå revisjonen til framlegget til finansreglement.

---------------------------------------------

AVRØYSTING

Rådmannen sitt framlegg vart samrøystes vedteke.

Vedtak

"Endringar i drifts- og investeringsbudsjettet vert vedteke slik :

Budsjettert avdragsutgift vert redusert med kr 750 000, disponert til auka avsetjing til disposisjonsfond.

Lønsreserve vert fordelt til sektorane med samla kr 890 000, jfr oversyn i saksframlegget.

Det vert løyvd kr 500 000 i auka ramme til sektor for Miljø og teknikk, finansiert med tilsvarande auka inntekt frå mva-kompensasjon på Sentrale postar.

Investeringsløyving til Osterøytunet vert auka med kr 950 000 finansiering: Inntekt frå mva-kompensasjon kr 300 000. Reduksjon i løyving til tiltak med kostnadsreduksjon i drift kr 650 000.

Investeringsløyving til innløysing av festetomt til kyrkjegard Hosanger vert gjeve med kr 270 000 finansiert med tilsvarande løyving til prosjekt Innløysing av festetomtar/kjøp av grunn."

Behandling

Utdelte dokument til møtet

Frå økonomisjefen - epost av 06.12.16 vedlagt notat med framlegg til tillegg/justering av budsjett 2016

--------------------------------------------

AVRØYSTING

Rådmannen sitt framlegg med slike endringar som foreslått i møtet vart samrøystes vedteke.

Vedtak

«Valtinget 11.09.17 vert halde på desse stadene og med slike opningstider:

Røystekrinsane Tysse, Mjøsdalen, Bysheim, Hjellvik, Hamre, Seljerind og Votlo vert ikkje oppretthaldne.

Kommunen innfører elektronisk avkryssing i manntalet på valdagen.

Heradsstyret ber valstyret om å vurdera tiltak som kan verke positivt på valdeltakinga i krinsar som vert lagde ned. Ein bør sjå nærare på om kommunen kan ha ei rolle i koordinering av friviljug innsats som gjeld transport for dei med særlege behov, og om ein kan styrka opplegget med førehandsrøysting."

Behandling

Det vart halde pause i drøftingane frå kl. 21.20 - 21.25. I pausen vart det halde gruppemøte for AP og for FRP. Frå kl. 21.25 - kl. 21.30 var det gruppemøte for FRP, KRF, V, MDG og SP.

-------------

Kari L. Mjøs, KRF, gjorde på vegner av KRF, FRP, MDG og SP slikt framlegg: "Valstyret sitt framlegg til vedtak vert vedteke med følgjande endringar: Røystekrinsene Hamre, Hjellvik og Tysse vert oppretthaldne med manuell registrering som før. Opningstid vert til kl. 12.00 - kl. 18.00."

Kjersti I. Vevatne, V, gjorde slikt framlegg om tillegg til vedtak: "Heradsstyret ber valstyret om å vurdera tiltak som kan verke positivt på valdeltakinga i krinsar som vert lagde ned. Ein bør sjå nærare på om kommunen kan ha ei rolle i koordinering av friviljug innsats som gjeld transport for dei med særlege behov, og om ein kan styrka opplegget med førehandsrøysting."

AVRØYSTING

Alternativ avrøysting

Fellesframlegg frå FRP, KRF, MDG og SP - 12 røyster (5FRP,3KRF,2MDG,2SP)

Valstyret sitt framlegg med slikt tillegg

som foreslått i møtet - 14 røyster (8AP,4H,1V,1FRP)

(26 medlemmer/varamedlemmer tilstades)

Vedtak

1. Heradsstyret vedtek oppstart av planarbeid for Kommunedelplan for oppvekst Osterøy kommune, PlanID 12532015008, jf. Plan- og bygningslova § 11-12.

2. Heradsstyret fastset politisk arbeidsgruppe med 5 medlemmer frå heradstyret til planarbeidet: Desse vert valde: Tone Mjelde, AP, Johannes Bysheim, AP, Gunnhild Tyssebotn, FRP, Kari L. Mjøs, KRF og Lars Fjeldstad, SP.

Behandling

Johannes Bysheim, AP, gjorde slikt framlegg: "Det vert vald slike medlemmer i arbeidsgruppa: Tone Mjelde, AP, Johannes Bysheim, AP og Gunnhild Tyssebotn, FRP."

---------------------------------------------

Det vart halde pause i drøftingane frå kl. 21.45 - kl. 21. 55 med gruppemøte for SP,MDG, KRF og V.

--------------------------------------------

Ordføraren gjorde slikt framlegg: "Valet vert halde som avtaleval. Det vert vald slike medlemmer: Kari Mjøs, KRF og Lars Fjeldstad SP."

AVRØYSTING

Avtaleval - samrøystes

Val av medlemmer - samrøystes

Vedtak

"Saka vert utsett til etter at fagdag er gjennomført."

Behandling

Johannes Bysheim, AP, gjorde slikt framlegg: "Saka vert utsett til etter at fagdag er gjennomført."

AVRØYSTING

Utsetjingsframlegget vart samrøystes vedteke.

Vedtak

«Kjellaren Restaurant AS, org.nr. 815 484 452 , Valestrandsfossen, vert i medhald av alkoholforskrifta § 10-3, jfr. same forskrift § 10-2, tildelt fire prikkar for overtreding av alkoholforskrifta §§ 4-1 og 4-2, jfr. alkohollova § 4-7.

Grunngjeving for prikktildeling: I samband med skjenkekontrollen 22.10.16 er det dokumentert sal av alkoholhaldig drikk til person “åpenbart påvirket” av rusmidlar. Dette er i strid med alkoholforskrifta § § 4-1 og 4-2, jfr. alkohollova § 4-7, og etter alkoholforskrifta § 10-3 medfører dette regelbrotet tildeling av fire prikkar.»

Behandling

AVRØYSTING

Formannskapet sitt framlegg vart samrøystes vedteke.

Vedtak

«Jostein Førre blir vidare konstituert i stillinga som rådmann i perioden 01.01.2017 til 01.03.17 med same mynde og arbeidsrettslege vilkår som har vore gjeldande i konstitueringsperioden i 2016.»

Behandling

Rådmannen var ikkje tilstades i møtet ved heradsstyret si handsaming

---------------------------------------------

Det vart halde pause i drøftingane frå kl. 22.05 - kl. 22.15 med gruppemøte for AP og FRP.

---------------------------------------------

Jørgen Varden, AP, gjorde slikt framlegg om endring: .... 01.01.17 - 01.03.2017."

AVRØYSTING

Ordføraren sitt framlegg med slik endring som foreslått i møtet - samrøystes

Vedtak

"5. Arbeidsutvalet v/ordførar får mynde til forhandle om vilkår med kandidat som blir innstilt til stillinga som rådmann i Osterøy kommune før saka blir lagt fram til behandling i heradstyret."

Behandling

Rådmannen var ikkje til stades ved heradsstyret si handsaming.

----------------------------------------------

Saksdokumenta vart delt ut til møtet.

-------------------------------------

AVRØYSTING

Ordføraren sitt framlegg vart samrøystes vedteke.