Utvalg: | Formannskapet |
---|---|
Dato: | 25.11.2020 16:00 - 21:00 |
Møtested: | Osterøy rådhus - heradsstyresalen |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste vert godkjent med slik endring: sak 114/20 vert fkytta først i møtet, etter referatsaker og meldingar, og sak 113/20 vert flytta til siste sak i møtet.
Ragnar Tyssebotn, FRP, varsla at han ville ta opp sak om at ordfører setter fram et forhandlingsutvalg til heradsstyret i slutten av møtet.
Ordføraren, varsla om at han ønskjer å drøfte korleis ein kan løyse den store saksmengda og i tillegg forslag til møtereglar til kommande heradsstyremøte, i slutten av møtet.
------------------------------------------
Ordføraren, gjorde slikt framlegg: flytte sak 114/20 først i møtet, etter referatsaker og meldingar, grunna at vi då har med oss kommuneoverlegen pr telefon om det skulle vere nokon spørsmål, og sak 113/20 til slutt i møtet, grunna denne saka er unnateke offentlegheit.
AVRØYSTING:
Ordføraren sitt framlegg - Samrøystes vedteke
------------------------------------------
Det var elles ikkje merknader til innkalling og saksliste
Møteprotokoll frå 04.11.20 og 05.11.20 vert godkjend.
Det var ikkje merknader til utsend protokoll frå møta04.11.20 og 05.11.20.
Referatsaka vert teken til vitande.
Forskrift om smitteverntiltak i Osterøy kommune kan forlengast for ein ny periode frå 23.11.2020. Ein føreset då at eventuelle endringar i forskriftsteksten og fastsetjing av forskriftsperiode vert gjort i samråd med Bergen kommune og omegnskommunane på same måte som ved førre vedtak, slik at det så langt mogleg vert felles reglar for innbyggjarar og næringsdrivande.
Rådmannen får fullmakt til å lempe på forskrifta i samråd med det som vert einighet om blant kommunane i Bergensregionen.
Henrik Øksnes, FRP, gjorde slikt tilleggsframlegg: "Treningssenter får halde ope."
Ordføraren, gjorde slikt tilleggsframlegg: "Rådmannen får fullmakt til å lempe på forskrifta i samråd med det som vert einighet om blant kommunane i Bergensregionen."
AVRØYSTING:
Rådmann sitt framlegg - Samrøystes vedteke
Ordføraren, sitt tilleggsframlegg - Samrøystes vedteke
Henrik Øksnes, FRP, sitt tilleggsframlegg - fall, 2 røyster (FRP) mot 7 røyster (2AP,2SP,1H,1SV,1KRF).
Budsjett for 2021, økonomiplan 2021-2024 samt investeringsplan 2021 til 2024 vert lagt fram til drøfting på grunnlag av rådmannen si saksutgreiing til formannskapet inkl budsjettdukument og hovudoversikter, med slike endringar
1:
Framlegget om å flytta elevar frå Fotlandsvåg og Haus skular vert ikkje gjennomført
Meirkostnaden i høve framlagt budsjettforslag vert for 2021 dekka inn ved bruk av ekstraløyvingar i samband med koronatiltak frå staten på 6,6 millionar
For resten av økonomiplanperioden vert dette å dekka inn i sektoren OUK.
2:
Framlegget om å fasa ut lærlingeordninga i Osterøy kommune vert ikkje gjennomført.
Meirkostnaden i høve framlagt budsjettforslag vert å dekka inn i dei sektorane som har lærlingar.
3:
Det vert løyvd ein million kroner til satsing på næringsutvikling kvart år i økonomiplanen. I kva form dette skal gjennomførast vert vedteke etter at rapport frå pågåande prosjekt er handsama i Heradstyret over nyttår.
Meirkostnaden i høve framlagt budsjettforslag vert for 2021 dekka inn ved bruk av ekstraløyvingar i samband med koronatiltak frå staten på 6,6 millionar
For resten av økonomiplanperioden vert dette å dekka ved å trekkje ned ramma for kvar sektor, fordelt forholdsmessig etter totalramma til sektorane.
4.
Investeringsbudsjett post 1252:
Posten vert endra frå «Utviding Hauge barnehage» til «Utviding av kapasitet i barnehage»
Kvar midlane skal nyttast vert bestemt etter at det Heradsstyret er førelagt ein analyse av framtidig kapasitetsbehov i barnehagane.
Roar Moen, leiar Bergen kirkelige fellesråd, og Edvin Bratli, kyrkjeverje for Osterøy kyrkelege fellesråd, møtte og la fram sak for formannskapet.
Økonomisjef møtte i saka. Han presenterte siste oppdaterte budsjett for 2021 og økonomi plan for 2021-2024
----------------------------
Johannes M. Bysheim, AP, gjorde slikt felles framlegg på vegne av AP, H, SV og SP: "1:
Framlegget om å flytta elevar frå Fotlandsvåg og Haus skular vert ikkje gjennomført
Meirkostnaden i høve framlagt budsjettforslag vert for 2021 dekka inn ved bruk av ekstraløyvingar i samband med koronatiltak frå staten på 6,6 millionar
For resten av økonomiplanperioden vert dette å dekka inn i sektoren OUK.
2:
Framlegget om å fasa ut lærlingeordninga i Osterøy kommune vert ikkje gjennomført.
Meirkostnaden i høve framlagt budsjettforslag vert å dekka inn i dei sektorane som har lærlingar.
3:
Det vert løyvd ein million kroner til satsing på næringsutvikling kvart år i økonomiplanen. I kva form dette skal gjennomførast vert vedteke etter at rapport frå pågåande prosjekt er handsama i Heradstyret over nyttår.
Meirkostnaden i høve framlagt budsjettforslag vert for 2021 dekka inn ved bruk av ekstraløyvingar i samband med koronatiltak frå staten på 6,6 millionar
For resten av økonomiplanperioden vert dette å dekka ved å trekkje ned ramma for kvar sektor, fordelt forholdsmessig etter totalramma til sektorane."
Ragnar Tyssbotn, FRP, gjorde slikt framlegg: "
Rammer fordelt på sektorane vert som følgjer:
Rådmann/Stab 38,7 millioner
Oppvekst, undervisning og kultur 200 millioner
Helse, omsorg og sosial 205, 524 millioner
Samfunnsutvikling 47 millioner
Vidare vert følgande endringar lagt inn:
- Skulestruktur vert oppretthalde som i dag. Fotlandsvåg og Haus skular vert ikkje gjort om til oppveksttun.
- Det vert ikkje gjort endringar i lærlingeordninga.
- Alle vakansar som kjem, vert som hovudsak trekt inn. Oppgåver utførast av eksisterande ressursar. Om naudsynt ved forflytning. Dersom rådmannen vurderer at stillinga må fyllast gjennom nytilsetjing, skal dette grunngjevast.
- Administrasjonen rapporterer om den økonomiske utviklinga til formannskap og heradstyre i kvart møte fram til nytt vedtak vert fatta.
Vidare rår formannskapet til at Heradstyret vedtek å opprette eit prosjekt som skal arbeide raskt og målretta med å finne potensiale for å få drifta i balanse innanfor dei rammer som er sett i budsjettet. Målsetjinga er at kommunen skal kunne gå med overskot i drifta i rekneskapsåret 2022.
Prosjektet får namnet Osterøy 2022.
- Det vert vald til saman 5 heradstyrerepresentantar til å sitje i prosjektgruppa. Rådmannen er fast medlem utan røysterett, og kan ha med dei frå staben som til ei kvar tid er naudsynt for å sikre god framdrift i arbeidet. Rådmannen er ansvarleg for å bringe fram informasjon som er naudsynt for at gruppa kan ta stode til dei ulike forslaga dei kjem med.
- Hovudmålet for arbeidet skal være å ha eit best mogeleg tenestetilbod for innbyggjarane, og samstundes syte for naudsynte tiltak som sikrar at drifta går i balanse. Lovpålagte tenester skal prioriterast innanfor dei rammer som lova krev.
- Tiltak for å halde budsjettramme vert utarbeida av prosjektgruppa for Osterøy 2022 og gruppa legg fram tiltaksliste som eiga sak for vedtak i formannskap/heradstyret frå og med første formannskap/heradstyremøte 2021 og i kvart møte fram til utgangen av 2022.
- Rapport frå Telemarksforskning, KOSTRA tal, hovudrekneskap frå 2016 og framover, organisasjonskart, kommunedelplanar med meir er arbeidsdokument som skal leggast til grunn for å spore potensiale og styre tiltaka mot eit betre tenestetilbod. Lista er ikkje uttømmande.
- Medverknad frå tilsetteorganisasjonar skal sikrast etterkvart som forslag vert konkretiserte jfr Arbeidsmiljølova §§ 8-1, 8,2 med fleire.
Gruppa skal altså freiste å finne potensiale for vidare drift. Rapport frå Telemarksforsking, KOSTRA, med meir syner at det ligg eit potensiale i drifta vår. Som påpeika før, er det mange småsummar og små overforbruk som til saman gjev ein trang situasjon. Lista under er ikkje uttømmande, men det kan være fornuftig å sjå på mellom anna følgande område for sektorane:
Rådmann/stab:
- Felles IKT kostnader har gått opp med 44% sidan rekneskap 2019. Kjøper med ei rette tenestene? Har me rette lisenser? Kan brukarspesifikke lisensar leggast inn i sektorane for å syne driftsutgifter der dei høyrer heime?
- Rapport frå Telemarksforskning syner at me bruker svært mykje på administrasjon i kommunen. Noko er nok ført på sektorar, men me må uansett vurdere nivået på leiinga i kommunen. (gjeld ALLE sektorar, men naturleg å legge kommentaren her)
- Kan me auke antal lærlingar for å sikre god rekruttering?
- Er me på rett lønsnivå og rett struktur i leiar og mellomleiarnivå til å sikre godt leiarskap, eller er det for mange nivå slik at ansvar vert «pulverisert» før det kjem ut?
- Kan tekniske løysingar redusere behovet for ansetteressursar?
- Husleigeavtalar. Er avtalane naudsynte? Kan me finne rimelegare løysingar i hovudsak eigne bygg?
- Slå saman einingar? Til dømes sjukeheim, Heimetenesta og bufellesskap? Andre?
- Pensjonsavtalar. Vurdere anbod på dette frå 2022. gjeld alle einingar.
Samfunnsutvikling:
- Brannsamarbeidet framstår som kostbart i høve til KOSTRA/Telemarksforskning. Her er ein auke på nokså mykje dei siste åra. Reforhandle avtalen? Undersøkje pris på samarbeid med anna branneining og vurdere dette?
- Er bygningsmasse rett i høve til tenesteytinga me skal drive med? Kan me selge unna ein del kommunal eigedom?
- Dersom ja: Redusere ressursbruken til vedlikehald? Til reinhald? Til leiing?
- Er det rett organisering til å sikre ein effektiv arbeidskvardag?
- Kan me vurdere å konkurranseutsetje noko av drifta?
- Kan me kjøpe heile eller deler av tenester til Plan, landbrukstenester, brannførbyggjande arbeid med meir?
- Kan tekniske løysingar redusere behovet for ansatteressursar?
Helse, Omsorg og Sosial:
- Yter me tenester som me ikkje får refusjon for? Vurdere å redusere tilbod til eit nivå som er i samsvar med refusjonar.
- Kan me auke ATA tid noko? Det vil kunne gje ein stor gevinst om køyreruter vert lagt opp slik at ATA tid er mogeleg å forbetre.
- Er organiseringa i dag optimal? Tilbyr med ei beste arbeidstilhøva og sikrar me ein effektiv arbeidskvardag?
- Er bruken av vikarar naudsynt å ha slik den er i dag?
- Er bemanninga rett? Rapportar viser oss at me gjerne er noko høg i bemanning. Kva tiltak kan me setje inn for å betre arbeidssituasjonen og samstundes gjere arbeidsdagen meir effektiv?
- Har me rett organisering og bemanning i Bu og avlastingstenesta? Er tenesta utforma slik at me har optimal tenesteproduksjon i høve til ressursbruk? Kan me vurdere innføring av LEAN eller tilsvarande system (organiseringsmodell og styringsmodell) modellen slik enkelte kommunar har gjort, og industrien har lang erfaring med.
- Kan tekniske løysingar redusere behovet for ansatteressursar?
- Har me rett bustadstruktur for BUA?
- Vurdere konkurranseutsetjing av deler av drifta i sektoren.
- KAN ME FRAMSKUNDE OMSORG PLUSS? Kan dette prosjektet gjennomførast som ei «samspelsentreprise»?
- Tekniske hjelpemiddel? E-helse?
Oppvekst, Undervisning og kultur:
- Har me rett bemanning til å sikre lovpålagte tenester og drive etter dei rammer som lova set?
- Det er gjort kjent at me ligg høgt på undervisningsårsverk i kommunen. Kan me organisere drifta betre slik at me får frigjort ressursar? Kan deler av desse ressursane nyttast betre jfr Kommundelplan for oppvekst?
- Har me rett struktur på barnehagane? Er ressursane der dei trengs?
- Kan tekniske løysingar redusere behovet for ansatteressursar?
- Kan deler av barnehagane driftast av private?
- Kan private aktørar tenkje seg å byggje nye barnehagar der det trengs?"
Johannes M. Busheim, AP, gjorde slikt framlegg: "
Posten vert endra frå «Utviding Hauge barnehage» til «Utviding av kapasitet i barnehage»
Kvar midlane skal nyttast vert bestemt etter at det Heradsstyret er førelagt ein analyse av framtidig kapasitetsbehov i barnehagane."
AVRØYSTING:
Alternativ avrøysting:
Rådmann sitt framlegg med slike endringar som foreslått frå AP, H, SV og SP - 7 røyster (2AP, 2SP, 1H,1KRF,1SV)
Rådmann sitt framlegg med slike endringar som foreslått frå FRP - 2 røyster (FRP)
Normal avrøysting:
Johannes M. Bysheim, AP, sitt framlegg - vedteke med 8 røyster (2AP,2FRP,2SP,1KRF,1SV) mot 1 røyst (H).
-------------------------------------------------------------------------------
Budsjett leggast med dette ut på høyring
Osterøy kommune tek anmodninga frå IMDI om å busette 10 flyktningar i 2021 til følgje.
Henrik Øksnes, FRP, gjorde slikt framlegg: "Osterøy kommune tek ikkje anmodninga frå IMDI om å busette 10 flyktningar i 2021 til følgje."
AVRØYSTING:
Rådmann sitt framlegg mot Øksnes, FRP, sitt framlegg - vedteke 7 røyster (2AP,2SP,1H,1SV,1KRF) mot 2 røyster (FRP)
Formannskapet gjev rådmannen mynde til å selje ca. 2,8 daa av eigedomen 129/110 til Hamre helselag og til å forhandle om vilkåra for sal, minimum til takst.
AVRØYSTING:
Rådmann sitt framlegg - Samrøystes vedteke
Kommunedelplan for idrett, friluftsliv og fysisk aktivitet 2008 - 2019 vert vedteke forlenga ut 2021.
AVRØYSTING:
Rådmann sitt framlegg - Samrøystes vedteke
Planstrategi for Osterøy kommune 2021-2024, dagsett 16.11.20, vert vedteken som styrande verktøy av ressursar for perioden 2021-2024 med dei merknader heradsstyret kom med på møte 17.06.20, og med dei innspel som kom inn i høyringsrunden.
AVRØYSTING:
Rådmann sitt framlegg - Samrøystes vedteke
Handlingsprogram for kommunedelplan for idrett, friluftsliv og fysisk aktivitet vert vedteke slik det ligg føre.
Johannes M. Bysheim, AP, gjorde slikt framlegg: "Dagsturhytte vert flytta til 3.plass."
Johannes M. Bysheim, AP, trakk sitt framlegg.
------------------------------------------------------
AVRØYSTING:
Rådmann sitt framlegg - Samrøystes vedteke
Planen vert sendt i retur for omarbeiding.
Ragnar Tyssebotn, FRP, gjorde slikt framlegg: "
Grunngjeving:
Planen vert sendt i retur på grunn av at omfattande endringar i Lonevåg sentrum ikkje er kommunisert ut på ein slik måte at grunneigarar, næringsliv med meir er kjende med verknadene av planen. Osterøykroa vil til dømes verte i enden av ei gågate dersom avkøyrsla vert stengt.
Føreslege vegløysing bandlegg og deler i tillegg område som er så smale idag, at det er vanskeleg å byggje på tomtene.
Området må difor planleggast på nytt med ei avkøyrsle som ligg omtrent der dagens avkøyrsle er. Dette for å redusere vegareal mest mogeleg.
Det er og usikkert om rekkefølgekrav vil være mogeleg å finansiere i det heile gjennom å fordele kostnader på områda i sentrum. Desse er så små at det er fare for at desse vert for lite attraktive til at investorar vil gå inn og invesetere.
Det er avsett for lite areal langs sjø spesielt i Barkavika. Her har det tidlegare vore meininga å fylle ut eit stykke mellom Løktaneset og Knappen og langs riksvegen. Dette for å gje eit område som er råd å nytte for rekreasjon og friluftsliv.
Leikeareal må flyttast vekk frå område det er lagt idag, aller helst mot Hatlandsvågen."
Ragnar Tyssebotn, FRP, trakk sitt framlegg.
Johannes M. Bysheim, AP, gjorde slikt framlegg: "Planen vert sendt i retur for omarbeiding."
AVRØYSTING:
Johannes M. Bysheim, AP, sitt framlegg - Samrøystes vedteke
Osterøy kommune vedtek å forlenge det mellombelse forbodet mot tiltak innanfor planavgrensinga i inntil 1 år jf. plan- og bygningslova (PBL) § § 13-1 og 13-2.
Mindre tiltak jf PBL § § 20-4 og 20-5 på bebygd bustadtomt/næringstomt, 20 meter frå kommunal vegmidte og 50 meter frå fylkesveg, kan gjevast etter nærare vurdering. Eventuelle søknader om løyve til tiltak skal til uttale til planavdelinga og vegmynde. Risiko for konflikt med framtidig arealbruk skal vektleggast i slike saker."
AVRØYSTING:
Rådmann sitt framlegg - Samrøystes vedteke
Heradsstyret vedtek oppstart av detaljregulering Haus sentrum sør PlanID 4630202002 Gbnr 62/1, 6, 19, 67, 104, 156 og 168. Planarbeidet skal legge til rette for ein fleirmannsbustad med tilhøyrande infrastruktur.
AVRØYSTING:
Rådmann sitt framlegg - Samrøystes vedteke
Osterøy kommune skal gjennomføre tiltak med skredsikring etter raset på Votlo etter alternativ løysing som skissert i saka. Kostnaden vert finansiert i tråd med vedteke investeringsbudsjett
AVRØYSTING:
Rådmann sitt framlegg - Samrøystes vedteke
Osterøy kommune sluttar seg til den nye samarbeidsavtalen. Avtalen trer i kraft 1. januar 2021. Vidare blir det stadfestet at kommunen sine representant(ar) med tilhøyrande vararepresentant(ar) til årsmøtet skal være kommunen sine representant(ar) og vararepresentant(ar) i representantskapet til Bergen og Omland Friluftsråd Kommunalt Oppgåvefellesskap (BOF)
Jarle Skeidsvoll, KRF, ønskjer sin gildskap vurdert. Grunngjeving: han sitter i styret i BOF
--------------------------------------------------------------------------
Jarle Skeidsvoll, KRF, forlot møtet. Ingen vara møtte i saka.
8 medlemmar tilstades
---------------------------------------------------------------------------
AVRØYSTING GILDSKAP
Jarle Skeidsvoll, KRF, er samrøystes kjent gild
Grunngjeving:
Formannskapet fann at det ikkje låg føre ugildskap etter forvaltningslova § 6b og og heller ikkje at det låg føre andre "særegne forhold" etter forvaltningslova § 6, 2. ledd som er "egnet til å svekke tilliten til hans upartiskhet" eller kan gje "særlig fordel, tap eller ulempe" for han eller hans nærståande, i saka.
------------------------------------------------
Jarle Skeidsvoll, KRF, kom tilbake i møtet.
9 medlemmar, fullt formannskap, tilstades.
--------------------------------------------------
AVRØYSTING:
Rådmann sitt framlegg - Samrøystes vedteke
Osterøy kommune godkjenner revidert selskapsavtale med fylgjande endringar:
1. Alver kommune overtar eigaransvaret til kommunane Lindås, Meland og Radøy.
2. Vaksdal kommune trer inn som ny medeigar i selskapet.
3. Det vert gjort endring av røystetal, eigar/ansvarsdel og kostnadsdeling.
4. Selskapet skiftar namn frå Nordhordland Utviklingsselskap IKS til Region Nordhordland IKS.
AVRØYSTING:
Rådmann sitt framlegg - Samrøystes vedteke
Osterøy kommune godkjenner revidert selskapsavtale for Region Nordhordland Helsehus IKS med fylgjande endringar:
Alver kommune overtar eigaransvaret til kommunane Lindås, Meland og Radøy
Eigardelen i selskapet vert fordelt 30 % likt på kommunane og 70 % ut i frå folketalet.
AVRØYSTING:
Rådmann sitt framlegg - Samrøystes vedteke
Oppdaterte reglement for formannskapet og plan- og kommunalteknisk utval vert godkjende slik dei ligg føre i vedlegg til saka
Avsnitt øverst s 2:
Innkalling skal innehalde start- og sluttidspunkt for møtet. Tidsramma for møtet vert stadfesta av heradsstyret under godkjenning av innkalling og sakliste.
Om sakslista ikkje er fullført når sluttidspunktet er passert, vert møtet avslutta når påbyrja sak er ferdighandsama. Resterande saker vert oversendt til neste ordinære møte.
Heradsstyret kan med ordinært fleirtal vedta å gå utanfor tidsrammene sett ved innkalling om dei finn det naudsynt.
Ordføraren, gjorde slikt tilleggsframlegg: "Nytt avsnitt øverst s 2:
Innkalling skal innehalde start- og sluttidspunkt for møtet. Tidsramma for møtet vert stadfesta av heradsstyret under godkjenning av innkalling og sakliste.
Om sakslista ikkje er fullført når sluttidspunktet er passert, vert møtet avslutta når påbyrja sak er ferdighandsama. Resterande saker vert oversendt til neste ordinære møte.
Heradsstyret kan med ordinært fleirtal vedta å gå utanfor tidsrammene sett ved innkalling om dei finn det naudsynt."
Hjalti H. Gislason, H, gjorde slikt tilleggsframlegg: "
Endring #1 i §2 i Reglement for plan- og kommunalteknisk utval:
Setninga:
I plansaker vert mynde etter plan- og bygningslova 2008 delegert slik til utvalet, jfr. kommunelova § 10, nr. 2:
vert endra til:
I plansaker vert mynde etter plan- og bygningslova 2008 delegert slik til utvalet, jfr. kommunelova §5-7:
Endring #2 i §2 i Reglement for plan- og kommunalteknisk utval:
Fylgjande setningar går ut:
Arealplanar
Utvalet gir uttale til formannskap/heradsstyre i saker om arealplanlegging (detaljplan, reguleringsplan, områdeplan, kommuneplan) .
Utvalet er høyringsorgan for sektor- og tema- og andre planar innanfor sitt arbeids- og ansvars- område, og som skal handsamast i formannskap/heradsstyre.
og er erstatta av:
Utvalet skal gje uttale til heradsstyret i saker som gjeld konsesjonssøknader, jfr. vassfallrettigheitslova §13.
Utvalet er høyringsorgan for sektor- og tema- og andre planar innanfor sitt arbeids- og ansvarsområde, og som skal handsamast i heradsstyret.
Utvalet skal gje uttale til heradsstyret i saker som gjeld:
- Overordna plan og utvikling knytt til kommuneplanen sin arealdel (KPA)
- Kommunedelplanar, reguleringsplanar, områdeplanar, detaljplanar m.v.
- Reguleringssaker og arealrelaterte saker
- Alle saker etter Plan- og byggningslova 2008, unnateke slutthandsaming av klagesaker
- Klagesaker innan byggesak går til Plan- og kommunalteknisk utval med innstilling til vedtak etter følgjande modell:
- Etter at klagen er motteken vert han handsama administrativt,
- Klagen vert deretter send til utvalet med innstilling til vedtak,
- Utvalet vedtek om klagen skal takast til følgje eller ikkje,
- Om utvalet ikkje tek klagen til følgje, vert han send Fylkesmannen for endeleg avgjerd.
Endring #1 i §2 i Reglement for formannskapet:
Fjern fylgjande frå lista:
Overordna planlegging, kommunedelplanar og områdeplanar
Grunngjeving: Dette innstillingsmynde er delegert til Plan- og kommunalteknisk utval av heradsstyret og er definert som del av utvalet sitt arbeids- og ansvarsområde.
Endring #2 i §2 i Reglement for formannskapet:
Stryk frå lista:
Politisk organisering og utvalsstruktur
Grunngjeving: Dette bryt med kommunelova §5-7. Heradsstyret har suverent mynde til å avgjera politisk organisering og utvalsstruktur.
Endring i §7 i Reglement for heradsstyret:
Endra første ledd, siste setning frå:
Avrøysting om lukking av møtet skal skje i ope møte.
til:
Avrøysting om lukking av møtet skal skje i ope møte, og heimelen for avgjerda skal opplysast i ope møte før avrøystinga.
Tillegg #1 til §10 i Reglement for heradsstyret:
Sak som står på saklista til møtet kan berre trekkjast av møteleiaren dersom eit alminnelig fleirtal av dei frammøtte representantane er for dette, jfr. kommunelova §11-3, fjerde ledd.
Tillegg #2 til §10 i Reglement for heradsstyret:
Tillegg #3 til §10 i Reglement for heradsstyret:
1/3 av medlemmene kan krevja skrivleg at ei sak vert ført opp på saklista, jfr. kommunelova §11-3, første ledd, siste setning. Slike krav må sendast ordføraren seinast 10 dagar før eit heradsstyremøte for at saka skal verta ført opp på saklista i det møtet.
Endring i §10 i Reglement for heradsstyret:
Stryk setningane:
Sak som ikkje står på sakslista til møtet, kan realitetsbehandlast dersom ikkje møteleiaren eller 1/3 av dei frammøtte representantane er mot dette, jfr. §11-3, femte ledd. Fleirtalet kan likevel vedta at saka vert underkasta ein førebels debatt. Om realitetshandsaming av ei sak på denne måten vert avvist, kan fleirtalet likevel vedta å senda den til rådmannen for førebuing av saka til formannskapet.
Grunngjeving:
Fyrste ledd, nest siste setning i §10 i reglementet gjev representantar høve til å kome med førespurnader i møte.
Føreslått tillegg #3 gjev representantar moglegheit til å få inn saker på saklista.
§19 gjev representantane høve til å senda inn skrivlege spørsmål inntil to dagar før møtet.
§20 gjev representantane høve til å få opp interpellasjonar til debatt gitt at dei kjem minst ti dagar før møtet.
Historisk har desse setningane ført til lengre debattar der einast eit mindretal av medlemmane er orientert om tema som er til diskusjon, og ordførar ofte ikkje har hatt moglegheit til å førebu informasjon eller svar. Det er lite teneleg bruk av heradsstyret sin tid.
Ny paragraf §14-1 i Reglement for heradsstyret:
§14-1 Gruppemøte
Kvart parti kan einast be om eitt gruppemøte i kvar sak. Eit gruppemøte kan ikkje vara lengre enn 10 minuttar.
--------------------------------------------------
AVRØYSTING:
Rådmann sitt framlegg - Samrøystes vedteke
Ordføraren, sitt tilleggsframlegg - Vedteke, 6 røyster (2AP,2SP,1H,1SV) mot 3 røyster (2FRP,1KRF)
Hjalti H. Gislason, H, sine tilleggs og endringsframlegg - fall, 3 røyster (1SP,1H,1SV) mot 6 røyster (1SP,2AP,2FRP,1KRF)
Oppdatert økonomireglement vert godkjend slik det ligg føre i vedlegg til saka.
AVRØYSTING:
Rådmann sitt framlegg - Samrøystes vedteke
Heradsstyret i Osterøy kommune vedtek selskapsavtalen for Nordhordland Revisjon IKS datert 15.11.2020 som er oppdatert med endringane gjeldande frå 1.1.2020.
AVRØYSTING:
Rådmann sitt framlegg - Samrøystes vedteke
Fritak for eigedomsskatt etter vedtak 009/007 (regelen om 500 frå køyreveg) blir omgjort og tatt vekk
AVRØYSTING:
Rådmann sitt framlegg - Vedteke, 7 røyster (2SP,2AP,1H,1KRF,1SV) mot 2 røyster (FRP)
Politiker | Parti | Medlemstype | E-Post |
---|---|---|---|
Lars Fjeldstad | Senterpartiet | Ordførar | lars.fjeldstad@osteroy.kommune.no |
Hjalti Heimir Gislason | Høgre | Varaordførar | hjalti.heimir@gmail.com |
Rita Aud Tveiten | Arbeidarpartiet | Medlem | rita@ritatveiten.no |
Ragnar Tyssebotn | Framstegspartiet | Medlem | rag-tys@online.no |
Jarle Skeidsvoll | Kristeleg Folkeparti | Medlem | jarle@skeidsvoll.no |
Turid Bjørndal Njåstad | Senterpartiet | Medlem | turidbn@gmail.com |
Tone Mjelde | Sosialistisk Venstreparti | Medlem | tone_mjelde_90@yahoo.no |
Henrik Øksnes | Framstegspartiet | Varamedlem | henrik.oksnes@fpu.no |
Berit Moslett Borge | Høgre | Varamedlem | berit-moslett-borge@hotmail.com |
Johannes Haugland | Senterpartiet | Varamedlem | johannes.haugland@hotmail.com |
Johannes Myklebust Bysheim (Ikke møtt) | Arbeidarpartiet | Medlem | johannes.bysheim@outlook.com |
Ellinor Therese Birkeland (Ikke møtt) | Framstegspartiet | Medlem | ellinor.therese.birkeland@gmail.com |