Øyvind Litland, AP, varsla eit spørsmål til slutten av møtet i sak om nybygg.
Ellinor Birkeland, FRP, varsla eit spørsmål om gjennomføring av møte i utvalet.
Utvalsleiar viste til synfaring på Hartveit og foreslo ei oppsummering etter denne i slutten av møtet.
-------------------------------------
Det var ikkje andre merknader til innkalling og saksliste.
Møteprotokoll frå 13.05.2020 vert godkjend.
Det var ikkje merknader til utsend protokoll frå møtet 13.05.2020.
AVRØYSTING
Rådmannen sitt framlegg vart samrøystes vedteke.
Vedk. DS 189/20
I møtet vart det stilt spørsmål ved kravet om minimum 4 meter til nabogrense, jfr. pkt . 2 i vedtaket.
Leiar teknisk forvaltning opplyste at det ikkje ligg føre skriftleg samtykke frå nabo med løyve til kortare avstand, og difor gjeld kravet om minimum 4 meter avstand.
Utvalet viste til sitt vedtak der det vart føresett kortare avstand til nabogrensa, og bad administrasjonen følgja dette opp med søkjar.
--------------------------------------
Det var ikkje andre merknader til delegerte vedtak.
AVRØYSTING
Rådmannen sitt framlegg vart samrøystes vedteke.
Veg og parkering:
"Kommunen gjev dispensasjon frå plan- og bygningslova §§ 11-6 og 11-7 nr. 5, bokstav a til bygging av veg med parkering på gnr. 78, bnr. 7 som tilkomstveg til gnr. 78, bnr. 17 Geitrheim, jf. plan- og bygningslova § 19-2."
Grunngjeving:
Omsyna bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett.
Etter ei samla vurdering er fordelen med å gje dispensasjon klårt større enn ulempene.
Sjå i tillegg rådmannen si vurdering.
Kai og utlegging av flytebrygge:
"Kommunen gjev ikkje dispensasjon frå plan- og bygningslova §§ 11-6 og 11-7 nr. 5 bokstav a jf. §§ 11-7 nr. 6 og 11-9 nr. 5 til oppføring av kai og utlegging av flytebrygge på gnr. 78, bnr. 17 og 21, jf. plan- og bygningslova § 19-2."
Grunngjeving:
Omsyna bak regelen det er søkt om dispensasjon i frå og omsyna i føremålsreglane i lova vert vesentleg tilsidesett.
Etter ei samla vurdering er ulempene med å gje dispensasjon klårt større enn fordelen.
Sjå i tillegg rådmannen si vurdering.
Det vart halde synfaring for utvalet før handsaminga i møtet.
--------------------------------------
Ellinor Birkeland, FRP, gjorde slikt framlegg: "Kommunen gjev dispensasjon frå plan-og bygningslova §§ 11-6 og 11-7 nr. 5 bokstav a jf. §§ 11-7 nr. 6 og 11-9 nr. 5 til legalisering av den eldste delen av kaien på gnr. 78, bnr. 17 og 21, jf. plan-og bygningslova § 19-2.
Grunngjeving er mellom anna at kaien vil fremme omsynet til friluftsliv og vil gjere tilkomst til sjø lettare for tiltakshavar og andre som ønskjer å nytte seg av området. Kaien er i eit område som i dag er utilgjengeleg for allmenn bruk, då det er kupert og bratte berg som går rett ned i sjøen. Tiltaket vil føre til at tiltakshavar kan nytte seg av kaien til rekreasjon ved sjøen i samband med bruk av fritidsbustaden. Vidare vil tiltaket vere tilpassa den eksisterande naturen, og vil ligge skjerma i ein naturleg svingning i landskapet. Kaien er etablert for om lag 30 år sidan og topografien gjer det vanskeleg å sikra allmenn tilgang til sjø om kaien vert tatt bort."
AVRØYSTING
Ellinor Birkeland sitt framlegg - fall med 4 røyster (1H,1AP,1SP,1MDG) mot 1 røyst (1FRP)
Rådmannen sitt framlegg, del 1 - vedteke med 4 røyster (1H,1Ap,1SP,1FRP9
mot 1 røyst (1MDG)
Rådmannen sitt framlegg, del 2 - vedteke med 4 røyster (1H,1AP,1SP,1MDG) mot 1 røyst (1FRP)
"Administrativt vedtak av 07.02.2020 saknr. 048/20 vert endra og klagen vert teke til fylgje. Saka vert send Fylkesmannen i Vestland for vidare handsaming, jf. plan- og bygningslova §1-9, jf. forvaltningslova § 33.
Grunngjevinga er at dette er ein tidlegare kårbustad og frådeling vil ikkje forhindra vidare gardsdrift, arealet er på kun 950 kvm, og ligg naturleg skilt frå tunet elles. Det har dessutan vorte gjeve løyve til frådeling i to naboeigedomar, slik at likebehandling og er eit argument for å gi løyve i denne saka. Etter ei heilskapsvurdering kjem ein til at frådelingssøknaden bør imøtekomast. Etter vårt syn er det likevel snakk om mindre ulemper, som alt i alt vert vegne opp av dei samfunnsmessige fordelane ei frådeling vil gje. Det er og allereie gjeve løyve frå fylkesmannen etter jordlova."
Det vart halde synfaring for utvalet før handsaminga i møtet.
-------------------------------------------
Aksel Mjøs, H, gjorde slikt framlegg: "Administrativt vedtak av 07.02.2020 saknr. 048/20 vert endra og klagen vert teke til fylgje. Saka vert send Fylkesmannen i Vestland for vidare handsaming, jf. plan- og bygningslova §1-9, jf. forvaltningslova § 33.
Grunngjevinga er at dette er ein tidlegare kårbustad og frådeling vil ikkje forhindra vidare gardsdrift, arealet er på kun 950 kvm, og ligg naturleg skilt frå tunet elles. Det har dessutan vorte gjeve løyve til frådeling i to naboeigedomar, slik at likebehandling og er eit argument for å gi løyve i denne saka. Etter ei heilskapsvurdering kjem ein til at frådelingssøknaden bør imøtekomast. Etter vårt syn er det likevel snakk om mindre ulemper, som alt i alt vert vegne opp av dei samfunnsmessige fordelane ei frådeling vil gje. Det er og allereie gjeve løyve frå fylkesmannen etter jordlova."
AVRØYSTING
Alternativ avrøysting
Rådmannen sitt framlegg - 1 røyst (1MDG)
Aksel Mjøs sitt framlegg - 4 røyster (1H,1AP,1SP,1FRP)
"Plan- og kommunalteknisk utval sitt vedtak av 22.04.2020 saksnr. 028/20 vert endra. Klagen vert teke til fylgje. Kommunen gjev dispensasjon frå plan- og bygningslova §§ 11-6, 11-7 nr. 5, bokstav a og 11-9 nr. 5 til oppføring av tilbygg til eksisterande bygg og auka utnyttingsgrad på gnr. 4 bnr. 15, jf. plan og bygningslova § 19-2.
Grunngjevinga er at fordelane er klart større enn ulempene, då det allereie har vore nærings-verksemd på eigedomen sidan 1937, det er ingen innvendingar frå naboar. Det er dessutan eit mindre tiltak utan vatn eller avløp, det krev ikkje endra avkøyring, og det er allereie blanding av næring- og bustadareal på begge sider av vegen. Bruken vil ikkje medføra negative konsekvensar for tilgrensande LNF-område, og det området der det skal byggjast på er allereie nytta til utandørs lagring av utstyr, og tiltaket vil difor ikkje medføra ytterlegare nedbygging av LNF-areal."
Det vart halde synfaring for utvalet før handsaminga i møtet.
-----------------------------
Ellinor Birkeland, FRP, gjorde på vegner av FRP, AP og SP slikt framlegg: "Plan- og kommunalteknisk utval sitt vedtak av 22.04.2020 saksnr. 028/20 vert endra. Klagen vert teke til fylgje. Kommunen gjev dispensasjon frå plan- og bygningslova §§ 11-6, 11-7 nr. 5, bokstav a og 11-9 nr. 5 til oppføring av tilbygg til eksisterande bygg og auka utnyttingsgrad på gnr. 4 bnr. 15, jf. plan og bygningslova § 19-2.
Grunngjevinga er fordelane er klart større enn ulempene, då det allereie har vore næringsverksemd på eigedomen sidan 1937, det er ingen innvendingar frå naboar. Det er dessutan eit mindre tiltak utan vatn eller avløp, det krev ikkje endra avkøyring, og det er allereie blanding av næring- og bustadareal på begge sider av vegen. Bruken vil ikkje medføra negative konsekvensar for tilgrensande LNF-område, og det området der det skal byggjast på er allereie nytta til utandørs lagring av utstyr, og tiltaket vil difor ikkje medføra ytterlegare nedbygging av LNF-areal."
AVRØYSTING
Rådmannen sitt framlegg - 2 røyster (1H,1MDG)
Fellesframlegg FRP, AP og SP - 3 røyster (1FRP,1AP,1SP)
"Klagen vert ikkje teken til fylgje. Administrativt vedtak av 14.01.2020 saknr. 376/19 vert oppretthalde. Saka vert send Fylkesmannen i Vestland for vidaresending til Kommunal- og moderniseringsdepartementet for oppnemning av settesfylkesmann,jf. plan- og bygningslova § 1-9, jf. forvaltningslova § 33."
AVRØYSTING
Rådmannen sitt framlegg vart samrøystes vedteke.
"Saka vert teken til vitande."
Plansjef Pelle Engesæter var til stades og orienterte kort om framlegget til planstrategi for 2020 - 2024.
-----------------------------------------
Aksel Mjøs, H, gjorde slikt framlegg: "Saka vert teken til vitande."
AVRØYSTING
Framlegget vart samrøystes vedteke
"Fellingsløyve for hjort i Osterøy kommune med heimel i Forskrift om forvaltning av hjortevilt § 18. Det blir tildelt etter teljande areal, jf. § 9 og minsteareal, jf. § 6. For 2020 vert det fordelt etter følgjande kategoriar og %:
Kalv 30 %
Koller, vaksne hodyr35 %
Spissbukk 20 %
Vaksen bukk 15 %
For å oppfylle viktige mål som bestandsstorleik og skadar på innmark blir det tildelt ekstradyr etter 50% regelen, jf. § 7.
Tildeling av ekstradyr blir fordelt med:
For vald med bestandsplan30% kalv, 30% spissbukk, 10% vaksen bukk og 30% kolle
For vald utan bestandsplan40% kalv, 30% spissbukk og 30% kolle
Denne fordelinga gjev ein liten fordel for vald med bestandsplan som er i tråd med forvaltningsplanen om ei forvaltning som er i størst mogleg grad basert på godkjende bestandsplanar.
Godkjente bestandsplanområde får tildelt samla fellingsløyve for heile planperioden i tråd med godkjend bestandsplan, jf. § 16 i samband med godkjenning av bestandsplan."
----------------------------------------
Merknad til vurdering ved neste revisjon av forvaltningsplan for hjort: Aktive bruk har større skader/ulemper og bør derfor prioriterast ved tildeling av fellingsløyve for hjort.
Ellinor Birkeland, FRP, gjorde framlegg om slik merknad til vurdering ved neste revisjon av forvaltningsplan for hjort: "Aktive bruk har større skader/ulemper og bør derfor prioriterast ved tildeling av fellingsløyve for hjort."
Utvalet slutta seg samrøystes til merknaden.
AVRØYSTING
Rådmannen sitt framlegg vart samrøystes vedteke.
Politiker | Parti | Medlemstype | E-Post |
---|---|---|---|
Aksel Mjøs | Høgre | Utvalsleiar | aksel@mjos.no |
Øyvind Litland | Arbeidarpartiet | Nestleiar | oyvind.litland47@gmail.com |
Marit Adelsten Jensen | Miljøpartiet Dei Grøne | Medlem | marit.adelsten.jensen@muho.no |
Kjellaug Hartveit | Senterpartiet | Medlem | kjellaug.hartveit@gmail.com |
Ellinor Therese Birkeland | Framstegspartiet | Varamedlem | ellinor.therese.birkeland@gmail.com |
Alf Terje Mortensen (Ikke møtt) | Framstegspartiet | Medlem | alftmo@gmail.com |