Innkalling og sakliste vert godkjent.
Utvalsleiaren varsla ekstra gjennomgang og status på hjorteforvaltning og jakttildeling som vert teken i samband med og i forkant av sak 073/23.
Kjellaug Hartveit, SP, varsla slikt spørsmål til slutten av møte: Eg har teken dette opp før og kan ikkje sjå at det har vorte gjort noko. Kan ikkje bompengebuene på Sakslivegen verte fjerna no når vegen er kommunal.
Øyvind Litland, AP, varsla 3 spørsmål til slutten av møte: status Haus reguleringsplan, status på Tribunebakken på Valestrand og massedeponi for bedrifter/entreprenørar på Osterøy.
Alf Terje Mortensen, FRP, varsla 3 spørsmål til slutten av møte: oversikt over jakttildeling for årets jaktsesong. Resultat av synfaring mai møte - naust Bernes, status
Det var vidare avtalt at Tore Johan Erstad, leiar for teknisk forvaltning, gav statusorientering om arbeidet med KPA i slutten av møtet.
--------------------------------
Det var elles ingen merknader til innkalling og saksliste.
Møteprotokoll frå 14.06.23 vert godkjend.
Det var ingen merknader til møtebok
Melding om delegerte vedtak vert teken til vitande, med slik merknader til sakene 186/23 og 178/23: Utvalet vil uttrykke sin bekymring når det gjeldt bustader for flyktningar. Utvalet ber om at kommunen ser til at flyktningane får tilstrekkeleg kvalitet på bustadtilhøve sjølv om dei er mellombels, og at ein ikkje busett flyktningar for lenge i høve som ikkje er skikka for det. Utvalet ber også administrasjonen om å utvide sirkelen for kor ein ser og leitar etter bustader, slik at ein har nok tilgong til gode bustader.
Utvalet vart samrøystes i å gi slik merknad til dei delegerte sakene 186/23 og 178/23: Utvalet vil uttrykke sin bekymring når det gjeldt bustader for flyktningar. Utvalet ber om at kommunen ser til at flyktningane får tilstrekkeleg kvalitet på bustadtilhøve sjølv om dei er mellombels, og at ein ikkje busett flyktningar for lenge i høve som ikkje er skikka for det. Utvalet ber også administrasjonen om å utvide sirkelen for kor ein ser og leitar etter bustader, slik at ein har nok tilgong til gode bustader.
Plan- og kommunalteknisk utval innstiller på at i samsvar med plan- og bygningslova § 12-11 vert forslag til reguleringsplan for utviding av Mjelstad deponi PlanID 46302021001 lagt ut til offentleg høyring.
Rådgjevar frå Plan-avdelinga møtte for å orientere i saka.
------------------------
Utvalet sette fram slikt fellesframlegg:
"Plan- og kommunalteknisk utval innstiller på at i samsvar med plan- og bygningslova § 12-11 vert forslag til reguleringsplan for utviding av Mjelstad deponi PlanID 46302021001 lagt ut til offentleg høyring."
AVRØYSTING:
Utvalet sitt framlegg vert samrøystes vedteke.
Osterøy kommune sitt vedtak av 19.06.2023, sak 206/23, vert oppretthalde. Klagen vert ikkje teken til følgje.
Grunngjevinga for avgjerda går fram av saksutgreiing og vurdering nedanfor. Saka vert sendt Statsforvaltaren i Vestland for klagehandsaming, jf. Viltlova § 4 tredje ledd, jf. Forskrift om forvaltning av hjortevilt § 36.
Leiar for teknisk forvaltning orienterte i starten av saka om hjorteforvaltning og status for jakttildeling i forkant av saka.
---------------------------
AVRØYSTING:
Samrøystes vedteke
Forvaltningsplanen vert lagt ut for innspel og tilbakemeldingar. Frist for tilbakemelding er 15. oktober.
Administrasjonen vert beden om å korrigera faktafeil i planen, inkludert dialog med Lars Mjøs om hans innspel. Administrasjonen har så fullmakt til å senda ut korrigert plan for innspel og tilbakemeldingar.
Saka vert utsett i påvente av at sakshandsamar kjem til møtet for å orientere i saka. Saka vert handsama etter 073/23.
------------------
Leiar for kultur og mangdald møtte for å orientere i saka.
-------------------
Utvalet sette fram slikt felles-tilleggsframlegg:
Administrasjonen vert beden om å korrigera faktafeil i planen, inkludert dialog med Lars Mjøs om hans innspel. Administrasjonen har så fullmakt til å senda ut korrigert plan for innspel og tilbakemeldingar.
AVRØYSTING:
Kommunedirektøren sitt framlegg vert samrøystes vedteke
Utvalet sitt tilleggsframlegget vert samrøystes vedteke
Kommunen sine vedtak av 31.11.2022 saksnr. 133/22 og 08.12.2022 saknr. 366/22 vert oppretthalde. Klagen vert ikkje teke til fylgje. Saka vert send til Statsforvaltaren i Vestland for vidare handsaming, jf. plan- og bygningslova § 1-9, jf. forvaltningslova § 33.
AVRØYSTING:
Samrøystes vedteke
Kommunen sitt vedtak av 29/06/2022 saknr.187/22 vert gjort om. Klagen vert teken til fylgje. Det vert gjeve dispensasjon i medhald av plan- og bygningslova §19-2 som omsøkt. Bygget sitt arkitektoniske utrykk skal bevarast gjennom ei ombygging og bruksendring. Vurderinga er at fordelane med dispensasjon er større enn ulempene, og set ikkje LNF-føremålet til side. Bygningen representerer i dag ikkje noko verdi som driftsbygning for bruket. Dersom garden skal takast i drift att med sjølvstendig dyrehald vil ikkje denne bygningen stette dagens krav mtp dyrevelferd med meir, og det vil då verte trong for å oppføre ein ny driftsbygning. Med å gje løyvet kan me sikre at bygget ikkje forfell. Tiltaket krev ikkje nytt areal og bandlegg ikkje urørt natur. Det vert elles vist til grunngjevinga i dispensasjonssøknaden.
Utvalet sette fram slikt fellesframlegg:
"Kommunen sitt vedtak av 29/06/2022 saknr.187/22 vert gjort om. Klagen vert teken til fylgje. Det vert gjeve dispensasjon i medhald av plan- og bygningslova §19-2 som omsøkt. Bygget sitt arkitektoniske utrykk skal bevarast gjennom ei ombygging og bruksendring.
Vurderinga er at fordelane med dispensasjon er større enn ulempene, og set ikkje LNF-føremålet til side. Bygningen representerer i dag ikkje noko verdi som driftsbygning for bruket. Dersom garden skal takast i drift att med sjølvstendig dyrehald vil ikkje denne bygningen stette dagens krav mtp dyrevelferd med meir, og det vil då verte trong for å oppføre ein ny driftsbygning. Med å gje løyvet kan me sikre at bygget ikkje forfell. Tiltaket krev ikkje nytt areal og bandlegg ikkje urørt natur. Det vert elles vist til grunngjevinga i dispensasjonssøknaden."
AVRØYSTING:Utvalet sitt framlegg vert samrøystes vedteke
Kommunen sitt vedtak av 24.05.2023 saknr. 047/23 vert oppretthalde. Klage av 19.06.2023 vert ikkje teke til fylgje. Saka vert send til Statsforvaltaren i Vestland for vidaresending til Kommunal- og distriktsdepartementet for oppnemning av setjestatsforvaltar for handsaming av klagen, jf. plan- og bygningslova § 1-9, jf. forvaltningslova § 33.
AVRØYSTING:
Samrøystes vedteke
Kommunen gjev dispensasjon frå plan- og bygningslova §§ 11-6 og 11-7 nr. 5 boksta av til frådeling av parsell med våningshus på gnr. 13 bnr. 1, jf. plan- og bygningslova § 19-2 med slik avgrensing som er sett i jordlovsvedtak av 21.12.2022 saknr. 393/22.
Grunngjeving:
Omsyna bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett.
Etter ei samla vurdering er fordelen med å gje dispensasjon klårt større enn ulempene.
Det er i tillegg føremålstenleg å gje dispensasjon til tiltaket.
Sjå i tillegg kommunedirektøren si vurdering.
Utvalet hadde slik merknad: Utvalet er uroleg for langsiktig risiko for konfliktar i framtida knytta til at fråskild eigedom har tilkomstveg gjennom gardstunet. Ein vil oppfordra til at grunneigar sikrar turvande vegløysing for den fråskilde eigedomen før sal.
AVRØYSTING:
Samrøystes vedteke
Det vert ikkje gjort noko vedtak i saka
Kjellaug Hartveit, SP, hadde slikt spørsmål: Eg har teken dette opp før og kan ikkje sjå at det har vorte gjort noko. Kan ikkje bompengebuene på Sakslivegen verte fjerna no når vegen er kommunal?
Kommunalsjefen ga slikt svar: Dette skal kommunen sjå på umiddelbart.
-------------------------
Øyvind Litland, AP, hadde slikt spørsmål: Kva er status på reguleringsplanen for Haus?
Leiar for teknisk forvaltning ga slikt svar på reguleringsplan for Haus. Tiltakshavar har teken kontakt med kommunen for å kome seg vidare. Utover det har eg ikkje meir å seie. Vi kan komme tilbake til denne i neste møte.
-------------------------
Øyvind Litland, AP, hadde slikt spørsmål: Kva er status for bustadprosjektet Tribunebakken på Valestrand?
Kommunalsjefen ga slikt svar om Tribunebakken på Valestrand: Dette har eg ikkje noko kjennskap til. Dette må vi kome tilbake til.
-------------------------
Øyvind Litland, AP, hadde slikt spørsmål: Det er stort trykk på deponimassar utanfrå kommunen og til Osterøy. Kva gjer ein med desse massane?
Kommunalsjefen ga slikt svar om deponimassar: Dette skal gå for seg etter reglane og etter mellom anna søknad. Eg kjenner ikkje til at det er kome søknader og har heller ikkje kjennskap til at det er høgt trykk på massar til Osterøy. Kommunen prøver å følgje opp dei som har dispensasjonar på dette.
---------------------------
Øyvind Litland, AP, hadde slikt spørsmål: Det ligg to leidningar synleg på land eller i fjæra ved Sanatoriet i Mjeldavatnet i Haus. Kva gjer ein med dette?
Kommunalsjefen ga slikt svar: Dette skal vi sjå på og komme tilbake til.
----------------------------
Alf Terje Mortensen, FRP, hadde slikt spørsmål: Kva er status på synfaring på naust på Bernes, som omtale i møte i mai?
Leiar for teknisk forvaltning ga slikt svar: Det er ikkje noko ulovleg her som kommunen følgjer opp i denne saka. Etter synfaring er det ikkje noko som tilseier at dette vert brukt som noko anna enn kva det er søkt om.
------------------------------
Utvalsleiaren hadde slikt spørsmål om: Kva løyve har ein tidlegare hatt for å ta ut stein i Mjelddalen?
Kommunalsjefen ga slikt svar: Administrasjonen kan ikkje finne i arkivet nokon søknad om løyve til å driva steinknuseverk. Det neste vi må gjere er å gå til fjern-arkiv for å sjå om noko kan ligge der, men dette må vi kome tilbake til. Noverande grunneigarar kan heller ikkje kaste nok lys over saka til at ein pr i dag har klart å nøste opp kva som har skjedd her tidlegare.
--------------------------------
Leiar for teknisk forvaltning gav ei kort orientering om status for arbeidet med kommuneplanen sin arealdel, inkludert nye ressursar og fornya prosjektorganisering. Det er planlagt utvida planutval, PT+, etter neste møte i Plan- og kommunalteknisk utval.
Politihkar | Bellodat | Lahttošládja | E-poasta |
---|---|---|---|
Aksel Mjøs | Høgre | Utvalsleiar | aksel@mjos.no |
Øyvind Litland | Arbeidarpartiet | Nestleiar | oyvind.litland47@gmail.com |
Alf Terje Mortensen | Framstegspartiet | Medlem | alftmo@gmail.com |
Kjellaug Hartveit | Senterpartiet | Medlem | kjellaug.hartveit@gmail.com |
Kari Laurhammer Mjøs | Kristeleg Folkeparti | Varamedlem | kari@mjos.no |
Marit Adelsten Jensen (Ii boahtán) | Miljøpartiet Dei Grøne | Medlem | marit.adelsten.jensen@muho.no |